Mari sijaga kebadian ruang ibadahta, terlebih-lebih mari si mateken HPnta
2
2
i elai :
Pdt. Marina Br. Ginting, S.Th
Minggu PASSION – II
Invocavit : “Erlebuh IA Ku Aku”
22 Pebruari 2026
GBKP RUNGGUN TEBING TINGGI
KEBAKTIN BAHASA KARO
PUKUL : 10.00 WIB
KATA PENGALO-NGALO
KATA PENARUH
KEE No. 003 : 1,4,5
Kita kerina erjimpuh ertoto ku Ia
Pulunglah min! Rende ersurak me kin
K’rina me kam manusia
4. Puji Dibata bekas kekelengenNa nusur
Lah min tetap ras megegeh tendita nge rusur
Ingetlah e, ukur Dibata kepe
Ku kita enda la ‘rkusur
Perpulungen Tedis
KEE No. 003 : 1,4,5
Ibas kuasa Dibata la lit nge sibarna
Si erkesah, pulung sorana gelah
Puji gelar Tuhan! Amin
VOTUM & SALAM
Sabap ulin me ngenanami kiniseran erdandanken perbahanen si mehuli, adi kin enda sura-sura Dibata, asangken erdandanken perbahanen si jahat.
(1 Pet. 3 : 17)
1. | Kune bas geluhta mara reh nderpa Arus jaga ola ukurta pera Pasu-pasu Tuhan ola kal lupa KekelengenNa la kap nggo erleka Reff. Pasu-pasuna siingetlah Ia kapen ulu ni tuah Pasu-pasu Tuhan ingetlah Tuhan siperkuah tetap sembahlah |
KEE 287 : 1-2
2. | Kune baban mberat ‘rbanca kam kote Ntah pengajuk doni ‘rbanca kam mbole Di kecibal geluh bagi la jore Tapi kiniteken ola kal monce Reff. Pasu-pasuna siingetlah Ia kapen ulu ni tuah Pasu-pasu Tuhan ingetlah Tuhan siperkuah tetap sembahlah |
KEE 287 : 1-2
Perpulungen kundul
Pujin Man Dibata (bnd. Msm. 91)
Lit. | : | Dibata kap si mada kuasa, sekawal manusia. IA kap TUHAN si meganjangna |
Perp. | : | Terpujilah Kam Tuhan si mereken ketenengen ras mpetetap ukur |
Pujin Man Dibata (bnd. Msm. 91)
Lit. | : | Dibata kap ingan manusia erlebuh |
Perp. | : | Terpuji Kam Tuhan ingan kami erlebuh tupung kami i bas kepiceten ukur. |
Pujin Man Dibata (bnd. Msm. 91)
Lit. | : | Dibata ngaloi manusia si erlebuh man baNa. |
Perp. | : | Terpuji Kam Tuhan si mulahi kami i bas kiniseran nari. |
2. | Kataken bujur ban mbelin kuasaNa Tetap rasa lalap keleng ateNa Tetap kal ukurta ‘rsada ras IA Kataken bujur baNa |
3. | Kataken bujur penegu-neguNa Tetap rasa lalap keleng ateNa Malem kal ateta nggeluh ras IA Kataken bujur baNa |
KEE No. 458 : 2 – 4
4. | Kataken bujur ban kam sampatiNa Tetap rasa lalap keleng ateNa Bas perbebenndu kam isampatiNa Kataken bujur baNa |
KEE No. 458 : 2 – 4
PENGAKUN KERNA KiniKOTEN MANUSIA
Lit. | : | Megati perbeben geluh erbahanca manusia kote i bas kegeluhenna. Turah pe erbage-bage kebiaren ras kearun ate piah lanai ieteh tumburen. I bas beratna baban geluhna idarami manusia me ingan nuriken kepiceten ukurna. |
Perp. | : | O Tuhan, mekuah min ateNdu kami, sampatilah kami. |
PENGAKUN KERNA KEKOTEN MANUSIA
Lit. | : | I bas ngelakoken si mehuli e pe megati lit kalak si rukur ilat, erpekat janah erbahan siding kempak kalak si nehken kebenaren. |
Perp. | : | O Tuhan, sampatilah kami. |
PAKSA TENENG
KEE No. 417 : 1-2
1. | Kam Yesus Tuhanku palas kegeluhenku Reh aku ngadap man baNdu Tegulah min aku ibas ndalani geluhku ‘Lah ula celus nahengku Reff. Dengkehken sorangku erlebuh o Tuhan Ngendesken pingko-pingkoku Alemi min salah dosangku o Tuhan ‘Lah atan bas kiniulin |
KEE No. 417 : 1-2
2. | Kam Yesus Tuhanku, sampati min geluhku Alemi Tuhan dosangku La kap lit terligen ibas adep-adepenNdu Kerina salah lepakku Reff. Dengkehken sorangku erlebuh o Tuhan Ngendesken pingko-pingkoku Alemi min salah dosangku o Tuhan ‘Lah atan bas kiniulin |
Padan dibata kerna pergegeh i bas dibata nari
Lit. | “Kalak si engkelengi Aku, Kukelini kap, dingen kalak si ngakui Aku kap Tuhan Ku kawali kap ia. Adi erlebuh ia man bangKu Kualoi me ia. Tupung ia i bas kiniseran Aku kap ras ia; Aku kap si mulahi ia dingen si pemuliakenca.” (Msm. 91 : 14-15) |
Perpulungen Tedis
KEE No. 096 : 1-3
1. | Riah ukurku baNdu Ngidah lias Jesusku Sindarami manusia Simulahi kita k’rina ItebusiNa kita Iban kekelengenNa |
KEE No. 096 : 1-3
2. | Riah ukurku baNdu Iban Jesus Tuhanku Aku nggo me itebusNa Alu mereken geluhNa K’rina me dosangku e Ialemi Jesus e |
KEE No. 096 : 1-3
3. | Riah ukurku baNdu Iban kekelengenNdu Tetaplah min ketekenku G’luh ni Jesus jadi g’luhku Sampat aku lalap min Ngikut Jesus Tuhan kin |
Ngoge Kata Dibata Epesus 6 : 14-20
(Tunggal)
(Perpulungen Kundul)
14. | Emaka tedislah kam! Pakekenlah ketuhu-tuhun jadi bentingndu; pakekenlah kinibujuren jadi baju besi guna erperang. |
15. | Janah pakekenlah keriahen ukurndu meritaken Berita Si Mehuli kerna kemalemen ate jadi sepatundu. |
16. | Bahanlah kinitekenndu jadi ampang-ampangndu katawari pe. Alu e banci inimpetindu kerina anak panah si gara si ipanahken si Jahat. |
Epesus 6 : 14 – 20
17. | Alokenlah keterkelinen jadi topi waja man bandu, janah kata Dibata jadi pedang si ibereken Kesah Dibata man bandu. |
Epesus 6 : 14 – 20
18. | Bahanlah si e kerina alu ertoto, mindo penampat man Dibata. Ertotolah i bas bukuna alu kuasa Kesah. Erdandanken si e erjaga-jaga dingen tutuslah kam i bas ertoto. Ertotolah rusur guna kerina anak-anak Dibata. |
Epesus 6 : 14 – 20
19. | Janah ertoto pe man gunangku, gelah ibereken Dibata man bangku kata-kata si payo adi aku ngerana, dingen gelah pang aku ngerana dingen mpetangkas rahasia Berita Si Mehuli e. |
Epesus 6 : 14 – 20
20. | Sabap guna Berita Si Mehuli emaka aku jadi utusen Dibata, janah ipenjaraken pe. Ertotolah kerna aku, gelah pang aku ngerana kerna Berita Si Mehuli e, bagi arusna aku ngerana. |
Epesus 6 : 14 – 20
Lit. | : | Ketuahen kalak si megiken Kata Dibata, dingen simakekenca ibas geluhna si tep-tep wari, Hosiana. |
Perp. | : | (iendeken) Ho si a na, Ho si a na, Ho si a … na. |
Tema :
“Tuhan, Aloi Min Aku”
Masmur 86 : 1 - 7
(Responsoria)
Pdt. Marina Br. Ginting, S.Th
Masmur 86 : 1 - 7
Lit. | 1Pertoton mindo Penampat Pertoton Daud. O TUHAN, begiken min pertotonku, aloi min aku, sabap musil janah medanggel kal aku. |
Perp. | 2Kawali min geluhku erkiteken keleng ateku man BaNdu, kelini min aku, sabap aku suruh-SuruhenNdu tek kap man BaNdu. |
Masmur 86 : 1 - 7
Lit. | 3Gedang-gedang wari aku ertoto man BaNdu, Kam kap Dibatangku, mekuah min AteNdu. |
Perp. | 4O TUHAN, periah min ukur suruh-SuruhenNdu, man BaNdu kupenangkih pertotonku. |
Masmur 86 : 1 - 7
Lit. | 5Sabap mehuli kap Kam man kami dingen nggit ngalemi, kalak si erlebuh man BaNdu tetap IkelengiNdu. |
Perp. | 6Perdiateken min pertotonku, o TUHAN, dengkehken min sorangku mindo penampat. |
Masmur 86 : 1 - 7
Lit. | 7Tupung aku i bas kesuhsahen, erlebuh aku man BaNdu, sabap IaloiNdu kap aku. |
Tema :
“Tuhan, Aloi Min Aku”
Masmur 86 : 1 - 7
Pdt. Marina Br. Ginting, S.Th
(Perpulungen Tedis)
Lakon Peridin Anak Kitik
(Perpulungen Kundul)
1. | Rehlah Kam O, ulu tuah, Ajar aku me gelah Lah nurihi pujin kami lalap la ‘rngadi-ngadi Lias ras keleng ateNdu jujurkenNdu man bangku Nteguh paguh la terundu, Kuasa ras muliaNdu |
KEE No. 338 : 1
Lakon Peridin Anak Kitik
Lit. | : | Ermengkahlah atendu asa si lit i bas kam. Sabab nina Dibata, “Asa ndigan pe la kam Kutadingken, asa ndigan pe la kam Kupulahi”. (Heber 13 : 5b) |
KEE No. 471 : 1
1. | Ermengkah ukurku, ras ngataken bujur Tuhan Kelengi min aku, Kam empu geluhku Enda ngenca Tuhan persembahenku Kerina geluhku kesah ras kulangku La kap lit bas aku erta kebayaken Si cukup meherga ‘lah ku persembahken Sada ngenca Tuhan lit pemindonku Aloken min Tuhan persembahenku Pakeken geluhku jadi perkakasNdu Segedang geluhku |
Lit. | Dibata ngaloi anak-anakNa si erlebuh man baNa janah isampatiNa pe. |
Perp. | Erpadan aku Tuhan man baNdu ngenca aku erlebuh, Kam me penundalenku. |
Perpadanen Man Dibata
(Perpulungen Tedis)
1. | Susah entah senang gia ibas geluh enda Amin kita bas perbeben ernalem man baNa Nggeluh bas Tuhan malem ateta Si begiken pedahNa Pindo gegeh ras pasu-pasuNa Ib’rekenNa man banta |
KEE No. 320 : 1-2
2. | Aminna latih mesera gegeh ib’rekenNa Tetap ernalem man baNa kidekah geluhta Mejingkatlah ndahiken dahinNa ’lah meriah ukurta Sangap kalak si rembak ras IA Terpujilah gelarNa |
KEE No. 320 : 1-2
“Dibata ngkawali kita (kam) gelah ola celus, si maba kita (kam) ngadap ku adep-adepenNa si mulia, alu dem keriahen ras la erpandangen. Dibata si ngkelini kita (kam) arah Jesus Kristus Tuhanta, si akuilah kemulianNa, kedolatenNa, kuasaNa, ras pemerentahenNa nai-nai nari, genduari, ras seh rasa lalap”. Amin Perp. : A....min, A.......min, A......min |
Paksa teneng
Selamat Wari Minggu