新例無設，舊例無滅。

新的律令猶未設立，舊的律令猶未消滅，按呢當然是繼續用舊規矩處理目前的代誌。

選舉無師傅，用錢買就有。

講著「賄選」、「買票」，就予人想著流傳民間的這句話，這雖罔無算古早就有的諺語。

醫生驚治嗽，做塗水驚掠漏。

咳嗽上歹醫，因為原因真濟，真僫掠著源頭，所以，嗽就毋通拖，緊予醫生斟酌檢查，才袂拖久過頭傷重。

人𠢕，毋值天咧做對頭。

雖然目今的農業技術蓋進步，毋過，天時一下變，收成仝款會受著嶄然仔大的影響。

趁也著趁，食也著食

「趁」就是講「趁錢」，「食」通包含啉食佮休閒的意義，這句話的意思是講咱需要拍拚趁錢，嘛需要啉食佮歇睏迌。

千變萬化，毋值著造化。

大自然的力量真大，毋是咱人有法度佮控制--的，氣候一下變化，毋若珊瑚湠卵時間改變，咱人的生活嘛會受著濟濟影響。

好䆀袂定著，舊的罔寶惜。

這句是流傳佇台南縣的諺語，意思是新的物件猶未試用，猶毋知好䆀，舊的物件猶是愛共寶惜；這是教人愛寶惜舊的人佮事物。

妗仔向伴手，姑仔向等路。

親情朋友往來，攏會紲手紮伴手禮去人兜，轉去的時，主人家就貺等路來說謝，有來有去，就是人情。

做猴著會鍂樹。

華語：『人要有一技之長』，做猴上無愛學會曉鍂樹，人嘛愛學一項專長，通好度活。

人無照天理，天無照甲子。

人若無照天理做代誌，天就無欲照天干地支來運行。

無落種，就無收成。

若無落種，哪有可能會有收成？

細空毋補，大空叫苦。

有細項問題的時毋處理，等到代誌大條就袂赴市。

久慣成自然。

使用久--矣就變做慣勢，逐家感覺真自然。

台灣糖籠、有去無回頭。

以早的糖廠做糖外銷，貯糖的竹籠攏無咧回收，出--去就無轉--來。

有心拍石石成穿。

華語所講的『有志竟成』。雖罔是幼茈的少年人，若同心協力拍拚，嘛是會當完成艱難的任務。

魚趁鮮，人趁茈。

鼓勵咱人著趁少年的時拍拚做一寡有意義的代誌。

牛牢內觸牛母。　

這句是講公牛只會在牛欄內鬥母牛耍威風，對外無本事。