Mari sijaga kebadian ruang ibadahta, terlebih-lebih mari si mateken HPnta
2
2
i elai :
Pdt. N. Nael Ginting, S.Th
Minggu kenca TRINITATIS
(Minggu uem)
11 Juni 2023
GBKP RUNGGUN TEBING TINGGI
KEBAKTIN BAHASA KARO
PUKUL : 10.00 WIB
Kata Pengalo-ngalo
Kata Penaruh
1. | Pulung m’riah kal kami kerina Jumpa ibas rumah si Badia Reh min Kam, o Bapa si Mulia G’lah kerina Badia jadina. Reff: Salsali pusuh kami Layasi ukur kami Pengarapen reh teguhna Kiniteken reh paguhna |
KEE No. 313 : 1-2
Perpulungen Tedis
2. | Wari ras berngi nggo ibentasi Keleng ateNdu tetap nemani I bas mberat Kam lalap nampati I bas susah Kam si ngelayasi. Reff: Salsali pusuh kami Layasi ukur kami Pengarapen reh teguhna Kiniteken reh paguhna |
KEE No. 313 : 1-2
VOTUM & SALAM
I bas persadanndu ras Kristus, kam pe ras kerina kalak si deban iranggut jadi sada rumah, i ja Dibata ringan alu KesahNa.
(Epesus 2 : 22)
KEE No. 014 : 1-3 (Haleluya Sembahku E)
Man Bapa si mulia nge,
Sinepa doni enda.
GemgemenNa kuasa kap,
Ras pemetehNa si tetap,
Ras kita muji jenda.
KEE No. 014 : 1-3 (Haleluya Sembahku E)
Man Anak Dibatanta pe,
Si nusur surga nari.
Si nggancih manusia kap,
Kahulta si nerangi g’lap,
Si sembah genduari.
KEE No. 014 : 1-3 (Haleluya Sembahku E)
Man Kesah Si Badia pe,
Si nambar ate, ukur.
Man baNa si ngajari kin,
Lah jumpa Tuhan me pagin,
Man baNa sembah rusur.
Perpulungen kundul
Pujin man dibata, anak ras kesah si badia
Lit. | Dibatanta erdolat dingen erkuasa, enggo itepaNa langit ras doni, rikut ras kerina isina alu mehuli. |
Perp. | Ipuji kami Kam Tuhan. Kam Dibata si erdolat dingen erkuasa. |
Pujin man dibata, anak ras kesah si badia
Lit. | Jesus Kristus si enggo reh ku enda. Reh IA maba perdamen ras keselamaten arah kematen i kayu persilang. ItalukenNa kematen jenari nangkih ku Surga guna nikapken ingan man manusia. |
Perp. | Ipuji kami perbahanenNdu si mbelin. KematenNdu nelamatken kami si perdosa. |
Pujin man dibata, anak ras kesah si badia
Lit. | Dibata tetap njagai dingen mere kepentaren man banta arah Kesah Si Badia seh maka la kita melumang dingen talu ibahan doni enda. |
Perp. | Ipuji Kam O Tuhan, gegeh ras kepentarenNdu kap, si erbahan kami ngasup naluken perbeben doni enda. |
1. | Pujilah Tuhan si Badia Puji perbahanenNa si mbisa. Embus suling, terompet Cawir ban sorana Puji Tuhan si Mada k’rina tinepa |
KEE 372 : 1-3
2. | Suraklah o doni kerina Rende muliakenlah gelarNa Bujur perbahanenNa La pedas merawa Puji Tuhanta ibas lias ateNa |
KEE 372 : 1-3
3. | O tendingku puji Dibata Alu dem keriahen pujilah Kerina si erkesah Ia si madasa Puji Tuhan si Mada k’rina tinepa |
KEE 372 : 1-3
Kinata kegeluhen manusia
Lit. | Dibata enggo ncidahken kemulianNa, mereken perkuah ateNa arah Jesus Kristus ras njagai kegeluhenta arah Kesah Si Badia. Sigejab nge ndia pendahin Dibata e ibas kegeluhenta? |
PAKSA TENENG
1. | Kuakuken kerina salahku, Iadepen Dibatangku. Tuhu ku gejap mbue dosangku. Meluat nari kal pergeluhku Reff. Mekuah min ateNdu aku, sasapkenlah dosangku. O Tuhan tegulah min aku, ‘lah tetap jingkangku. |
KEE No. 436 : 1-2
2. | Lalap ku inget salah dosangku, Ku gejap salah lepakku. Dosa nge lalap perbahanenku, Kulakoken si la ngena ‘teNdu. Reff. Mekuah min ateNdu aku, sasapkenlah dosangku. O Tuhan tegulah min aku, ‘lah tetap jingkangku. |
KEE No. 436 : 1-2
Lit. | : | Itandai Dibata nge manusia i bas kinilangasupenna ngerembakken diri man Dibata Si Badia, maka niNa: “Kutamaken me Undang-undangKu ku bas pusuhna, janah Kusuratke me ku bas ukurna.” Tole niNa, “Kulupaken me dosa-dosana ras perbahanenna si jahat.” (Heber 10:16b,17). Bagem nina Dibata man banta kerina. Amin. |
Perpulungen tedis
1. | Anem dosangku mekelat megara IsalihkenNdu me jadi mbentar Kam kap erbanca geluh meherga Kugejap tuhu kelengNdu simpar Reff. Tendingku ersurak janah nembah Kupakeken me pedah Kam kap Dibata Bapa Si Perkuah Bas kep-kepenNdu min aku gelah |
KEE No. 391 : 1 – 3
2. | Ukur pinter ras bujur nge pindoNdu Pusuh si getem ngena ateNdu Demi pusuhku alu liasNdu Gelah ku pembarken min kataNdu Reff. Tendingku ersurak janah nembah Kupakeken me pedah Kam kap Dibata Bapa Si Perkuah Bas kep-kepenNdu min aku gelah |
KEE No. 391 : 1 – 3
3. | Sedekah aku nggeluh ibas terang Ukur meriah pusuh pe salang Baban si mberat jadi menahang B’reNdu pengapul dame ras senang Reff. Tendingku ersurak janah nembah Kupakeken me pedah Kam kap Dibata Bapa Si Perkuah Bas kep-kepenNdu min aku gelah |
KEE No. 391 : 1 – 3
Ngoge Kata Dibata Keluaren 19 : 1–8
(tunggal)
(Perpulungen Kundul)
1-2 | Berkat ka bangsa Israel i Rapidim nari. Jenari i bas wari si pemena i bas bulan si peteluken kenca ia nggo nadingken Mesir, seh ia kerina i gurun pasir Sinai. I je ipajekkenna ka kemahna i teruh Deleng Sinai. |
3. | Jenari lawes Musa ku datas deleng e njumpai Dibata. Ilebuh TUHAN ia i datas deleng e nari janah IsuruhNa Musa ngatakenca man bangsa Israel, kesusuren Jakup bagenda, |
Keluaren 19 : 1 – 8
4. | "Nggo idahndu kai si Kubahan man kalak Mesir. Idahndu ka pe uga kam nggo Kutatang-tatang seh i jenda jumpa ras Aku, desken rajawali maba anak-anakna i datas kabengna. |
Keluaren 19 : 1 – 8
5. | Genduari adi iikutkenndu Aku janah ipatuhindu perpadanenKu emaka kam jadi bangsangKu. Kerina doni enda Aku empuna, tapi kam me jadi bangsa pilihenKu, |
6. | sada bangsa si nggeluh man gunangKu saja janah kam me jadi imam-imamKu." |
Keluaren 19 : 1 – 8
7. | Kenca e nusur Musa i datas deleng nari, idilona pulung kerina peminpin-peminpin bangsa Israel, janah ikatakenna man peminpin-peminpin e kai si nggo iperentahken TUHAN man bana. |
Keluaren 19 : 1 – 8
8. | Jenari jelma si nterem ngaloi ras-ras nina, "Nggit kami ndalanken kerina si ikataken TUHAN." Si enda isehken Musa man TUHAN. |
Keluaren 19 : 1 – 8
Lit. | : | Ketuahen kalak si megiken Kata Dibata, dingen simakekenca ibas geluhna si tep-tep wari, Haleluya. |
Perp. | : | (iendeken) Ha le lu ya, Ha le lu ya, Ha le lu … ya. |
Tema :
“Ndalanken Persuruhen Jesus”
Matius 28 : 16-20
(Tunggal)
Pdt. N. Nael Ginting, S.Th
16. | Ajar-ajar si sepulu sada kalak lawes ku uruk i Galilea, ku ingan si nggo ikataken Jesus man bana. |
17. | Asum idah ajar-ajar e Jesus, isembahna Ia, aminna gia piga-piga kalak i bas ia sangsi. |
Matius 28 : 16 – 20
18. | Ideheri Jesus ajar-ajar, jenari nina, "Nggo ibereken Dibata man bangKu kerina kuasa i surga ras i doni. |
19. | Laweslah ku kerina bangsa manusia, bahanlah ia jadi ajar-ajarKu: Peridiken ia i bas gelar Bapa, gelar Anak, ras gelar Kesah Si Badia, |
Matius 28 : 16 – 20
20. | janah ajari ia ngikutken kerina si nggo Kupedahken man bandu. Janah ingetlah! Aku tetap kap ras kam seh ku kedungen jaman." |
Matius 28 : 16 – 20
Tema :
“Ndalanken Persuruhen Jesus”
Matius 28 : 16-20
Pdt. N. Nael Ginting, S.Th
(Perpulungen Tedis)
Aku tek man Dibata Bapa si la ersibar kuasaNa, si nepa langit ras doni.
Aku tek man Yesus Kristus anakNa si Tonggal, Tuhanta, si jadi arah Kesah Si Badia, tubuh idur singuda-nguda nari si so keliamen, tergelar si Maria, si ngenanami kiniseran sangana pemerentahen Pontius Pilatus, nipakuken ku kayu persilang, mate,
PENGAKUN KINITEKEN
jenari ikuburken, nusur ku doni kematen, petelu wariken nggo keke i bas si mate nari, nangkih ku Surga, perkundulNa arah kemuhen Dibata Bapa si la ersibar kuasaNa, jenari reh me ia pagi ngeranaken si nggeluh ras si nggo mate.
Aku tek man Kesah si Badia, janah lit sada Gereja Si Badia, persadan kalak si Badia, pengalemi dosa, kinikeken kula, kegeluhen si rasa lalap. Amin.
Lit. | : | “Kueteh maka Kam si nguji pusuh peraten dingen meriah iakapNdu ras bangsa si ertutus ate. I bas pusuh peraten si bersih ras bujur, meriah ukurku merekenca enda kerina man banNdu, janah kuidah kuga bangsaNdu si enggo pulung i jenda alu meriah ukur maba persembahen-persembahen man baNdu” (Kronika 29 : 17) |
(Perpulungen Kundul)
1. | Reff : Siberitaken Berita si Meriah Kukalak latih sindele tah pe lolah Bas silapayo kerina banci robah Adi Dibata simreken serpang luah Enterem denga kalak si kelsehen Perbahan jumpa rusur kebiaren Piah la nai bo ‘tehna pe tumburen Ndaram-ndarami ingan man tundalen |
KEE No. 257 : 1-
2. | Reff : Siberitaken Berita si Meriah Kukalak latih sindele tah pe lolah Bas silapayo kerina banci robah Adi Dibata simreken serpang luah Enterem jelma mbue erbagena Lit deba rubat rusur sapih ia Sura-surana lalap ib’linkenna Kata Dibata ndauh nge kap rassa |
KEE No. 257 : 1-
3. | Reff : Siberitaken Berita si Meriah Kukalak latih sindele tah pe lolah Bas silapayo kerina banci robah Adi Dibata simreken serpang luah Lit denga ka nge deba kalak jore Ibas geluhna labo jumpa dame Perukurenna rusur monce-once Ban kekelengen labo ‘nggo ipake |
KEE No. 257 : 1-
4. | Reff : Siberitaken Berita si Meriah Kukalak latih sindele tah pe lolah Bas silapayo kerina banci robah Adi Dibata simreken serpang luah ‘Di jelma gutul la terbeligai Si nebu e pe kap merari Kalak erjentik la erngadi-ngadi ‘Tah perubaten lit nge tep-tep wari |
KEE No. 257 : 1-
5. | Reff : Siberitaken Berita si Meriah Kukalak latih sindele tah pe lolah Bas silapayo kerina banci robah Adi Dibata simreken serpang luah Anem pe mbelang si man peranin Si mehulina minter muat bagin Emaka ola sidalih-dalihen Banci nge dungi adi si ras-rasken |
KEE No. 257 : 1-
6. | Reff : Siberitaken Berita si Meriah Kukalak latih sindele tah pe lolah Bas silapayo kerina banci robah Adi Dibata simreken serpang luah Tuhan Dibata keleng ‘tena k’rina Maka dilona jadi rarasenNa B’rita si m’riah kita pembarkenca Tentu terpuji gelar ni Dibata |
KEE No. 257 : 1-
Lit. | Dibata me simereken kegeluhen,... ...ipelimbarui gegehndu arah Kesah Si Badia. |
Perp. | Erpadan aku Tuhan, ateku ngergaken kegeluhen si iberekenNdu. Erpadan aku Tuhan, tetap ngusih perbahanenNdu, si enggo ituduhkenNdu i bas Jesus Kristus. Erpadan aku Tuhan, tetap makeken kepentaren si enggo ijujurkenNdu arah Kesah si Badia. |
Perpadanen man dibata
Perpulungen tedis
1. | Meriah kal ukurku m’ritaken gelarNa Berita kerna Yesus ras keleng ateNa Meriah kal ukurku nuriken si benar Peturah kiniteken ukurku tergintar Reff. Pembarkenlah kataNa Kempak kerina jelma Kerna Yesus Tuhanta ras keleng ateNa |
KEE 295 : 1-3
2. | Meriah kal ukurku m’ritaken gelarNa Ergan kuasa gelarNa asang doni enda Meriah kal ukurku nuriken man bandu Enda b’rita si mbelin si’rbanca terkelin Reff. Pembarkenlah kataNa Kempak kerina jelma Kerna Yesus Tuhanta ras keleng ateNa |
KEE 295 : 1-3
3. | Meriah kal ukurku m’ritaken gelarNa Bas tetap kuulihi ertambah malemNa Meriah kal ukurku mbelin kuasaNa ‘Lah si langa metehsa ikut ngalokenca Reff. Pembarkenlah kataNa Kempak kerina jelma Kerna Yesus Tuhanta ras keleng ateNa |
KEE 295 : 1-3
Berelah perukuren ras kinitekenta ipelimbarui Dibata, alu bage ngasup kita njagai dirinta, bagepe njagai persadannta ras perpulungenNa ibas keleng ate. Guna si e, alokenlah pasu-pasu idur Dibata nari : “Kemalemen ate si rehna i bas Dibata nari, si la terukuri manusia, e lah singarak-ngarak kegeluhenta erpalasken persadanta ras Kristus Jesus”. Amin. Perp. : A....min, A.......min, A......min |
Paksa teneng
Selamat Wari Minggu