Mari sijaga kebadian ruang ibadahta, terlebih-lebih mari si mateken HPnta
2
2
GBKP RUNGGUN TEBING TINGGI
KEBAKTIN BAHASA KARO
PUKUL : 10.00 WIB
i elai :
Det. Egia Sri Devi Br. Barus, S.Th.
Minggu PASSION – VI
Judika : “Cidahkenlah Kerajangku Bujur O Jahwe”
06 April 2025
KATA PENGALO-NGALO
KATA PENARUH
1. | Pulung m’riah kal kami kerina Jumpa ibas rumah si Badia Aloken min Bapa kami enda, ’lah kerina Badia jadina. Reff: Salsali pusuh kami Layasi ukur kami Pengarapen reh teguhna Kiniteken reh paguhna |
KEE No. 313 : 1-2
Perpulungen Tedis
2. | Wari ras berngi nggo ibentasi Keleng ateNdu tetap nemani I bas mberat Kam lalap nampati I bas susah Kam si ngelayasi. Reff: Salsali pusuh kami Layasi ukur kami Pengarapen reh teguhna Kiniteken reh paguhna |
KEE No. 313 : 1-2
VOTUM & SALAM
Perentah-PerentahNdu tetap jadi sikerajangenku rasa lalap, eme kap si pesenangken ukurku.
(Masmur 119 : 111)
1 | Jesus ulu kegeluhenku, Kam me ngenca pengendesenku, Lalap tedeh ate pusuhku, Kupehaga Kam bas geluhku. Reff. O Tuhan pernehen pusuhku, siertedeh ate man baNdu kugelem pedah ras padanNdu kusembah Kam ibas geluhku |
KEE 374 : 1-3
2 | Ku sembah Tuhan penebusku, Si mereken kekelengenNa, Alu tutus reh aku Tuhan, Ras kerina isi jabungku. Reff. O Tuhan pernehen pusuhku, siertedeh ate man baNdu kugelem pedah ras padanNdu kusembah Kam ibas geluhku |
KEE 374 : 1-3
3 | Teridah kelengNdu o Tuhan, tanNdu sinegu bas percuban, Terkelin geluhku iban Kam, Ku puji Kam Tuhan si mbelin. Reff. O Tuhan pernehen pusuhku, siertedeh ate man baNdu kugelem pedah ras padanNdu kusembah Kam ibas geluhku |
KEE 374 : 1-3
Perpulungen kundul
Pujin kerna perbahanen dibata
Lit. | Kebujuran Dibata maba kejuah-juahen. KebujurenNa teridah i bas IA nepa manusia ras tinepa si deban nggeluh mulia bali ras IA. Kebujuren Dibata me si njaga kegeluhen doni enda ratur ras mehuli. |
Perp. | Ikataken kami bujur Tuhan, kebujurenNdu me si erbahan kegeluhen tinepa ratur ras mehuli. |
1. | Pujilah Tuhan si Badia Puji perbahanenNa si mbisa. Embus suling, terompet Cawir ban sorana Puji Tuhan si Mada k’rina tinepa |
KEE 372 : 1,3
3. | O tendingku puji Dibata Alu dem keriahen pujilah Kerina si erkesah Ia si madasa Puji Tuhan si Mada k’rina tinepa |
KEE 372 : 1,3
Pengakun Kinilangasupen ndalanken kebujuren
Lit. | Turang senina, megati latih siakap,... ....kerna sukat-sukat kebujuren Dibata |
Perp. | O Tuhan, igejap kami kurang kal gegeh kami guna ndalanken kinibujuren, subuk i bas jabu, pendahin bagepe i bas kegeluhen si tep-tep wari. Sampati kal min o Tuhan, i bas la ngasup ndalanken kinibujurenNdu. |
Pengakun kinikoten ndalanken kebujuren
Lit. | Turang senina, labo kita ngasup mereken,... ....Perlu sisedari maka kebiaren, aru ate, ras perjengilen e me ulih kinilabujuren. |
Perp. | Ngaku aku o Tuhan, megati aku la bujur, erbahanca jabu ras temanku rate mesui. Ulihna, la lit kedamen ras ketenengen i bas pusuhku. Alemi min aku Tuhan. |
1. | Kuakuken kerina salahku, IadepenNdu Tuhanku. Tuhu ku gejap mbue dosangku. Meluat nari kal pergeluhku Reff. Mekuah min ateNdu aku, sasapkenlah dosangku. O Tuhan tegulah min aku, ‘lah tetap jingkangku. |
KEE No. 436 : 1-2
2. | Lalap ku inget salah dosangku, Ku gejap salah lepakku. Dosa nge lalap perbahanenku, Kulakoken si la ngena ‘teNdu. Reff. Mekuah min ateNdu aku, sasapkenlah dosangku. O Tuhan tegulah min aku, ‘lah tetap jingkangku. |
KEE No. 436 : 1-2
Pergegeh idur dibata nari
Lit. | “Adi erlebuh kam man bangKu, Kualoi me kam. Tupung kam bas kiniseran, Aku kap ras kam; Aku kap simulahi kam dingen si permuliaken kam. Ku bereken umur si gedang jadi upahndu, dingen Kukelini me kam.” (Mazmur 91 : 14-16) |
Perpulungen Tedis
KEE No. 096 : 1-3
1. | Riah ukurku baNdu Ngidah lias Jesusku Sindarami manusia Simulahi kita k’rina ItebusiNa kita Iban kekelengenNa |
KEE No. 096 : 1-3
2. | Riah ukurku baNdu Iban Jesus Tuhanku Aku ‘nggo me itebusNa Alu mereken geluhNa K’rina me dosangku e Ialemi Jesus e |
KEE No. 096 : 1-3
3. | Riah ukurku baNdu Iban kekelengenNdu Tetaplah min ketekenku G’luh ni Jesus jadi g’luhku Sampat aku lalap min Ngikut Jesus Tuhan kin |
(Perpulungen Kundul)
Ngoge Kata Dibata 2 Raja-raja 20 : 4–6
(Tunggal)
4. | Lawes Jesaya nadingken raja, tapi ope denga ibentasina kesain istana si i tengah, isuruh TUHAN ia |
5. | mulihken ndahi Hiskia, pemerentah bangsa TUHAN, janah nina TUHAN man raja, "Aku, TUHAN, Dibata nini-ninindu Daud nggo megi pertotondu janah ngidah iluhndu mambur. Kupepalem kam, janah kedun ku Rumah Pertoton kam. |
2 Raja-raja 20 : 4 – 6
6. | Kutambahi umurndu sepulu lima tahun. Kupulahi kam ras kota Jerusalem i bas raja Assur nari. Aku mpertahanken kota enda, guna kehamatenKu ras erkiteken perpadanen si Kubahan ras suruh-suruhenKu Daud." |
2 Raja-raja 20 : 4 – 6
Lit. | : | Ketuahen kalak si megiken Kata Dibata, dingen simakekenca ibas geluhna si tep-tep wari, Hosiana. |
Perp. | : | (iendeken) Ho si a na, Ho si a na, Ho si a … na. |
Tema :
“Mpertahanken Kiniteken Guna Berita Si Meriah”
Pilipi 1 : 27 - 30
(Tunggal)
Det. Egia Sri Devi Br. Barus, S.Th
27. | Saja ngenca, sue min lagu-langkahndu bagi si iaturken Berita Si Mehuli kerna Kristus e, gelah subuk aku reh ndahi kam ntah lang, tetap kubegi ersada ukurndu dingen ersada arihndu i bas mpertahanken kiniteken si turah erdandanken Berita Si Mehuli. |
Pilipi 1 : 27 – 30
28. | Ula kam mbiar nandangi imbang-imbangndu; piherkenlah ukurndu. Eme tanda man bana maka bene me ia janah selamat me kam. Sabap Dibata kap si mereken keterkelinen e man bandu. |
Pilipi 1 : 27 – 30
29. | Dibata nggo mereken kesempaten man bandu guna erdahin man Kristus, labo saja gelah kam tek man Kristus, tapi pe gelah kam ngenanami kiniseran guna Ia. |
Pilipi 1 : 27 – 30
30. | Genduari banci kam ikut ras aku i bas perbeben e. Perbeben e bali ras perbeben si iidahndu kunanami nai, dingen si ibegindu kunanami denga genduari. |
Pilipi 1 : 27 – 30
Tema :
“Mpertahanken Kiniteken Guna Berita Si Meriah”
Pilipi 1 : 27 - 30
Det. Egia Sri Devi Br. Barus, S.Th
(Perpulungen Tedis)
Aku tek man Dibata Bapa si la ersibar kuasaNa, si nepa langit ras doni.
Aku tek man Yesus Kristus anakNa si Tonggal, Tuhanta, si jadi arah Kesah Si Badia, tubuh idur singuda-nguda nari si so keliamen, tergelar si Maria, si ngenanami kiniseran sangana pemerentahen Pontius Pilatus, nipakuken ku kayu persilang, mate,
PENGAKUN KINITEKEN
jenari ikuburken, nusur ku doni kematen, petelu wariken nggo keke i bas si mate nari, nangkih ku Surga, perkundulNa arah kemuhen Dibata Bapa si la ersibar kuasaNa, jenari reh me ia pagi ngeranaken si nggeluh ras si nggo mate.
Aku tek man Kesah si Badia, janah lit sada Gereja Si Badia, persadan kalak si Badia, pengalemi dosa, kinikeken kula, kegeluhen si rasa lalap. Amin.
Lit. | : | Kukataken Bujur man TUHAN erkiteken keadilenNa, rende aku muji TUHAN, si Meganjangna. (Msm. 7:18) |
(Perpulungen Kundul)
1. | Kukataken bujur baNdu O Kam Tuhan Penebus Aku enggo s’lamatkenNdu Arah lias ateNdu Reff. Keleng kal ateNdu aku Simpar kap ngaruhNdu bangku Lias ateNdu la nai terpilasi Ku puji Kam tep-tep wari |
KEE 282 : 1-
2. | Tergejap pasu-pasuNdu I bas kegeluhenku Rejeki arah dalinku Icur-curkenNdu bangku Reff. Keleng kal ateNdu aku Simpar kap ngaruhNdu bangku Lias ateNdu la nai terpilasi Ku puji Kam tep-tep wari |
KEE 282 : 1-
3. | Arah perkuah ateNdu Mejuah-juah aku Senang me kapen geluhku Kupujilah gelarNdu Reff. Keleng kal ateNdu aku Simpar kap ngaruhNdu bangku Lias ateNdu la nai terpilasi Ku puji Kam tep-tep wari |
KEE 282 : 1-
Lit. | Dibata me ulu keadilen si mbela kita i bas kinilabujuren doni nari. IdiloNa pe kita gelah nggeluh i bas keadilen ras kebujuren. |
Perp. | Erpadan kami Tuhan, ernalem kempak kebujurenNdu dingen ndalankenca kebujurenNdu i bas jabu, gereja ras masyarakat. |
Perpadanen Man Dibata
(Perpulungen Tedis)
1. | Ku’ndesken k’rina g’luhku, Anem melket aku Tuhan penalemenku, Tetap me ukurku Kusimbak p’raten doni, Lah metunggung aku Gegeh kuasaNdu ndemi Lah malem ateku |
KEE 288 : 1,3
3. | TemaniNdu kap aku Bas dalin geluhku CikepNdu tetap tanku, K’leng ateNdu tuhu Alu kuasa KesahNdu, pengasupNdu aku E maka la aku lupa, Peb’linken gelar’Ndu |
KEE 288 : 1,3
Berkatlah alu dame ras mejuah-juah, lakokenlah keadilen ras kinibujuren i bas geluhndu. Guna mpegegehi kam ngelakoken si e alokenlah pasu-pasu idur Dibata nari : “Tapi kenca kam ngenanami kiniseran kentisik, serta me kam ibahan Dibata, Si dem lias ate, Si ndilo kam gelah ngenanami KemulianNa si rasa lalap erdandanken persadanNdu ras Kristus; IpetetapNa dingen IpegegehiNa kam janah iberekenNa man bandu palas si nteguh. Dibata kap erkuasa seh rasa lalap”. Amin Perp. : A....min, A.......min, A......min |
Paksa teneng
Selamat Wari Minggu