1.

Reh lah min o, Tuhan,

sikap kami k’rina,

Ersembah man baNdu jenda.

Nusurlah min Tuhan,

bahan sikap k’rina,

Ukur kami pebadia.

O, Bapa b’re gelah,

daten pasu-pasu,

Kami k’rina enda.

4.

O, Tuhan Dibata,

Raja k’rina Raja,

Ibas k’rina doni enda.

Medolat me Ia

bas kebadianNa,

Dage pujilah gelarNa.

B’rekenlah kami pe

ikut ngakukenca,

Tutus min i jenda.

1.

Kataken bujur man Tuhan

‘rkiteken kiniulinNa

KekelengenNa man banta

Tetap seh rasa lalap

Reff. Rendelah muji Tuhan

si turikenlah min

perbahanenNa banta

si enggo sialoken

3.

Malem kal tuhu ateta,

Bujur kal perbahanenNa

Pasu-pasuNa geluhta,

Si tetap nembah baNa

Reff. Rendelah muji Tuhan

si turikenlah min

perbahanenNa banta

si enggo sialoken

Lit.

Dibatanta e me kap Tuhan si tetap setia engkawali manusia.

Perp.

I puji kami kam Tuhan, keleng AteNdu si njamini kegeluhen kami.

Lit.

Mulai i bas bertin nari kin pe, Tuhan enggo natang-natang kita.

Perp.

I puji kami kam Tuhan, keleng AteNdu si njamini kegeluhen kami.

Lit.

Seh kita metua janah ubanen, Tuhan tetap engkelini kita.

Perp.

Bujur Tuhan, tuhu meherga kami IadepenNdu.

1.

Sipujilah Tuhanta e

Dibatanta si erkuasa

La ersibar kuasaNa

LiasNa ‘nggo tetap.

Reff. Marilah kita kerina

Sipuji Tuhan bas geluhta

Mbelin kekelengenNa banta k’rina

Segedang geluhta

4.

Sipujilah Tuhanta e

Dibatanta e si perkuah

Singaloken kita k’rina

Adi reh ersembah.

Reff. Marilah kita kerina

Sipuji Tuhan bas geluhta

Mbelin kekelengenNa banta k’rina

Segedang geluhta

Lit.

Sanga ndube Tuhan nepa manusia, enggo kuh IbahanNa gegeh ras kengasupen man manusia guna nggejapken ras ndalanken si ngena ateNa.

Perp.

…

Perp.

Ngaku kami Tuhan, megati kel gegeh ras kengasupen si enggo IberekenNdu ndube kurang ipakeken kami guna engkelengi teman, orangtua bagepe sekelewet kami. O Tuhan, alemi min kami.

Saitun:

Reh tuana umur kami, reh urakna gegeh kami i bas nggejapken bagepe nehken keleng ateNdu. O Tuhan, alemi min kami.

1.

Kuakuken kerina salahku,

Iadepen Dibatangku.

Tuhu ku gejap mbue dosangku.

Meluat nari kal pergeluhku

​

Reff. Mekuah min ateNdu aku,

sasapkenlah dosangku.

O Tuhan tegulah min aku,

‘lah tetap jingkangku.

2.

Lalap ku inget salah dosangku,

Ku gejap salah lepakku.

Dosa nge lalap perbahanenku,

Kulakoken si la ngena ‘teNdu.

​

Reff. Mekuah min ateNdu aku,

sasapkenlah dosangku.

O Tuhan tegulah min aku,

‘lah tetap jingkangku.

Lit.

“Aku kap Dibata, e maka Kuembah-embah kam, she kam metua janah ubanen. Aku si njadiken kam, e maka Kutatang-tatang, Kuangkip-angkip, janah Kukelini kam”

1.

Geluhku bas dosa nggo ialemi

Malem me ateku ban ipepalemNdu

Reff. Alu rende kupuji gelarNdu

Perbahan meriah kal ukurku

Kupuji Kam segedang geluhku

Tendingku muji gelarNdu

Alu rende kupuji gelarNdu

Perbahan meriah kal ukurku

Kupuji Kam segedang geluhku

Tendingku muji gelarNdu

3.

‘di malang man baNdu, ngena ateNdu

‘di ernalem baNdu, tetap ik’lengiNdu

Reff. Alu rende kupuji gelarNdu

Perbahan meriah kal ukurku

Kupuji Kam segedang geluhku

Tendingku muji gelarNdu

Alu rende kupuji gelarNdu

Perbahan meriah kal ukurku

Kupuji Kam segedang geluhku

Tendingku muji gelarNdu

5.

Bage pe kam si nguda denga, patuhlah kam nandangi kalak si metua. Alu meteruk ukur erbentingkibullah kam kerina guna sisampat-sampaten. Sabap i bas Pustaka Si Badia lit tersurat, "Kalak si meganjang ukurna itulak Dibata, tapi man kalak si meteruk ukurna IcidahkenNa lias AteNa."

5.

Emaka peteruklah bandu iteruh tan Dibata si erkuasa, gelah i bas paksa si payo, IpeganjangkenNa kam.

7.

Ampekenlah kerina kearun atendu man Dibata, sabap Ia kap si mperdiateken kam.

Lit.

​

:

Ketuahen kalak si megiken Kata Dibata, dingen simakekenca ibas geluhna si tep-tep wari, Haleluya.

Perp.

:

(iendeken)

Ha le lu ya, Ha le lu ya, Ha le lu … ya.

Lit

¹⁷Kitik-kitikku nari IajariNdu aku, o Dibata, janah seh ngayak genduari kuturiken PerbahanenNdu si mejin.

Perp.

¹⁸Genduari, o Dibata aku nggo metua dingen ubanen, ula kal aku tadingken. Temanilah aku, maka ngasup aku ermomo kerna kuasa ras KinimbisanNdu, man kerina kesusuren si nandangi reh.

Lit

¹⁹KinibujurenNdu, o Dibata, seri ganjangna ras langit, mulia kap PerbahanenNdu ise kin bagi Kam?

Perp.

²⁰Nggo IdabuhkenNdu man bangku kiniseran si mberat, tapi gegehku IulihkenNdu me, dingen IpekekeNdu aku i bas kuburen nari.

Lit

²¹ItambahiNdu man bangku kemulian, jenari IapuliNdu ka aku.

Perp.

²²Tuhu kupuji ateKu Kam alu kulcapi, kupuji ateku KesetianNdu o DibatangKu. Alu sora kulcapingku kupersembahken man bandu ende-enden, o si badia nu Israel.

Lit

²³Ersurak aku dem keriahen janahku ngendeken ende-enden pujin man BaNdu. Geluhku rende ersurak, sabap nggo aku IpulahiNdu.

Perp.

²⁴Gedang-gedang wari ateku ngerana kerna KebenarenNdu. Sabap kalak si atena meneken aku nggo italuken dingen IjurukenNdu.

Lit.

:

“Persembahkenlah persembahen si patut man Tuhan dingen ernalemlah man baNa” (Masmur 4 : 6)

1.

Babalah persembahen si merimna

Ku adep-adepen Dibatanta

Babalah korban pujin si mehaga

Kulebe altarNa si Badia

G’lah tetap i b’reNa pasu-pasuNa

Man k’rina manusia

G’lah tetap b’reNa pasu-pasuNa

Terpuji gelar Tuhan

2.

Babalah persembahen si jilena

Ku rumah Dibata si Perkuah

Babalah korban pujin si merimna

Ku adep-adepen si erkuasa

G’lah tetap b’reNa keleng ateNa

Ras lias ateNa banta

G’lah tetap b’reNa pasu-pasuNa

Segedang-gedang geluhta

3.

‘ndeskenlah persembahenta man baNa

Si nggo nehken kegeluhen banta

‘ndeskenlah lagu pujin si jilena

Jadi persembahen si Badia

G’lah lias ras keleng ateNa

isehkenNa man banta

E maka ernalem ku IA

Malem tuhu ateta

Lit.

Mulai kitik-kitikndu nari Tuhan enggo ngajari kam segelah tetap nuriken perbahanenNa si mejin.

Saitun:

Erpadan kami Tuhan, amin gia reh urakna gegehku, nggit aku tetap ermomo kerna kuasa ras kinimbisanNdu man kerina kesusurenku. Meriah ukurku notoken gereja bagepe kerina anak ras kempu-kempu.

Perp.

...

Perp.:

Erpadan kami Tuhan, nggit makeken gegeh ras kengasupen si enggo kuh iberekenNdu guna engkelengi teman ras sekelewet kami. Nggit kami natang-natang orangtua kami si enggo lanjut usia guna tetap muat bagin ngelai Tuhan asa gegeh ras kengasupenna

1.

Malem kal ateku tuhu-tuhu,

Jumpa ras Tuhanku.

Nggo p’limbaruiNa pusuhku,

Lanai aku labuh.

Ku kataken bujur baNdu,

Si’ngk’lini geluhku.

Terpuji kam bas geluhku,

Nginget perkuahNdu.

2.

Kubegi kataNdu Tuhan,

Nerangi perdalan.

KesahNdu e simpepanken,

Bas pusuhku ringan.

Ateku min kupakeken,

Ibas kegeluhen.

Je aku dat keriahen,

Ndauh kebiaren.

3.

Kutadingken me rumahNdu,

Mulih ku geluhku.

Dat aku gegeh si mbaru,

Ban lias ateNdu.

Useken pasu-pasuNdu,

Enda pemindonku.

Kupuji Kam bas geluhku,

Ermulia gelarNdu.

“Ipasu-pasu janah ikawali Dibata kam, siang ayo Dibata ersinalsal ibabondu; janah melias ateNa man bandu, itatap Dibata ku kam, janah malem atendu ibahanNa.” Amin.

​

Perp. : A....min, A.......min, A......min