1.

Pulung m’riah kal kami kerina

Jumpa ibas rumah si Badia

Aloken min Bapa kami enda,

’lah kerina Badia jadina.

Reff: Salsali pusuh kami

Layasi ukur kami

Pengarapen reh teguhna

Kiniteken reh paguhna

2.

Wari ras berngi nggo ibentasi

Keleng ateNdu tetap nemani

I bas mberat Kam lalap nampati

I bas susah Kam si ngelayasi.

Reff: Salsali pusuh kami

Layasi ukur kami

Pengarapen reh teguhna

Kiniteken reh paguhna

1.

Kuikutken Kam o, Tuhan,

Kam kap si perkeleng e,

Sabab Kam si mere dalan,

Dalan terkelin kepe.

​

Reff. Ia kapen Jurus’lamat,

Ia kapen penampat,

KataNa me kapen tambar,

KuasaNa la ‘rsibar.

2.

Tuhan kapen kuarapken,

Jadi temanku nggeluh.

Tetap Ia penalemen,

Kinitekenku nteguh.

​

Reff. Ia kapen Jurus’lamat,

Ia kapen penampat,

KataNa me kapen tambar,

KuasaNa la ‘rsibar.

Lit.

:

Tuhan Dibata encidahken keleng...

..., ateNa gelah tetap terjaga dingen reh ulina kegeluhen kerina tinepaNa

Perp.

:

Bujur Tuhan i bas keleng ateNdu, Kam enggo reh kutengah-tengah kami, gelah terjaga kiniulin dingen kemalemen ate i bas kegeluhen kami. Amin

1.

Kataken bujur man Tuhan

perbahan kiniulinNa

KekelengenNa man banta

Tetap seh rasa lalap

Reff. Rendelah muji Tuhan

si turikenlah min

perbahanenNa banta

si enggo sialoken

3.

Malem kal tuhu ateta,

Bujur kal perbahanenNa

Pasu-pasuNa geluhta,

Si tetap nembah baNa

Reff. Rendelah muji Tuhan

si turikenlah min

perbahanenNa banta

si enggo sialoken

Lit.

:

Adi siperdiateken kecibal ...

... Kuga nge ketutusenta i bas engkelengi gerejanta, rikut makeken dirinta selaku gereja i tengah-tengah masyarakatta? I bas paksa teneng, marilah sigejapken salah lepakta i adep-adepen Dibata.

Lit.

:

Kita kap surat Kristus...

..., si inget nge maka dirinta eme gereja ingan Dibata reh engkelengi keluarga ras masyarakat? Kuga nge ketutusenta i bas makeken dirinta selaku gereja i tengah-tengah keluarga ras masyarakatta?

1.

O Tuhanku Jesus

Tuhu mbelin kal dosangku

Ngarap aku baNdu

Gelah itebusiNdu

​

2.

O Tuhanku Jesus

Ngaku aku ilebeNdu

La kap lit gegehku

Adi la angkatkenNdu

3.

O Tuhanku Jesus

PelimbaruiNdu aku

Gelap kal dalinku

Tegu kubas terangNdu

​

Lit.

“Nai mate pertendinta erkiteken dosa-dosanta, dingen erkiteken kita la ngikutken perentah-perentah Dibata. Tapi genduari enggo ipegeluh Dibata kita ras Kristus, kerina dosa-dosanta enggo ialemi Dibata.” (Kolose 2 : 13)

1.

Amin dosangku mbue la terkira

Si erban ndauh ras Kam Tuhan

Tapi keleng ateNdu tangkas Tuhan

La tak-takiNdu dosangku

Reff: Bujur man baNdu Tuhan

ban ialemi dosangku

Meriah kel ukurku

Tuhan nasapken dosangku

3.

Pusuhku enggo ip’limbaruiNa

P’raten doni lanai erkuasa

P’rayakenku ndalanken peratenNa

Kesangapen ib’rekenNa

Reff: Bujur man baNdu Tuhan

ban ialemi dosangku

Meriah kel ukurku

Tuhan nasapken dosangku

Dil.

¹Kiniulin Jerusalem si mbaru

ekekenlah, o Jerusalem, ersinalsallah, terangndu nggo reh sabap kemulian TUHAN nggo ersinalsal i babondu.

Dib.

²Doni itutupi kegelapen, bage pe kerina bangsa la erpilihen. Tapi i babondu ersinalsal terang TUHAN, i babondu teridah kemulian TUHAN.

Dil.

³Bangsa-bangsa reh ku terangndu, raja-raja pe reh ndahi terang warindu si mbaru.

Dib.

⁴Tatap ku sekelewetndu, perdiateken kai si jadi; bangsandu kerina pulung atena reh ku kam mulihi. Anak-anakndu si dilaki reh i negeri si ndauh nari, anak-anakndu si diberu pe iangkipi.

Dil.

⁵Ngidah si e, ayondu siang perban riahna ukurndu, pusuhndu debet-debet, perban gedangna atendu. Kebayaken bangsa-bangsa itaruhken man bandu, rehen i kepar lawit nari maler man bandu.

Dib.

⁶Arak-araken unta melala reh ku kam, subuk i Midian bage pe i Epa nari. I Syeba nari reh kalak maba emas ras kumenen, iberitakenna berita si mehuli kerna perbahanen TUHAN.

Lit.

​

:

Ketuahen kalak si megiken Kata Dibata, dingen simakekenca ibas geluhna si tep-tep wari, Haleluya.

Perp.

:

(iendeken)

Ha le lu ya, Ha le lu ya, Ha le lu … ya.

1.

Batu si nggeluh ras bangsa si badia

Erkitekiteken si e tadingkenlah kerina si jahat; ulanai erbual, ntah pekulah-kulah, ntah ercian ate, ntah pe cekurak.

2.

Bagi anak-anak si mbaru tubuh min kam, si rusur muas nandangi susu pertendin si la lit campurna, gelah alu nginem susu e reh belinna kam dingen selamat.

3.

Bagi lit tersurat i bas Pustaka Si Badia, "Nggo inanamindu kap uga ulina Tuhan e."

4.

Dahilah Tuhan, batu si nggeluh si itulak ras si la iergaken manusia, tapi ipilih dingen iergaken Dibata.

5.

Rehlah kam bagi batu-batu si nggeluh janah berelah min dirindu ipake guna majekken rumah pertoton kesah. I bas ingan e me kam erdahin jadi imam-imam si badia, guna mpersembahken man Dibata persembahen pertendin si ngena ate Dibata erkelang-kelangken Jesus Kristus.

6.

Sabap lit tersurat i bas Pustaka Si Badia, "Nggo kupilih sada batu si meherga, si kutamaken i Sion jadi batu palas, janah ise si tek man BaNa, la ndigan pe kecewa."

7.

Batu enda meherga kal man bandu, kam si tek. Tapi man kalak si la tek, "Batu si iambekken tukang e, kepeken e me batu si si jadi palas."

8.

Bage pe lit tersurat i bas Pustaka Si Badia, "Enda me batu si erbahanca pagi kalak tertuktuk, batu si erbahanca kalak jongkang." Tertuktuk ia perbahan la ia tek kata e. Bage me kap peraten Dibata man bana.

9.

Tapi kam e me bangsa pilihen, imam-imam Raja, bangsa sikerajangen Dibata, anak-anak Dibata si ipilih guna meritaken perbahanen-perbahanen Dibata si mbelin. Dibata nggo ndilo kam ndarat i bas si gelap nari ku bas TerangNa si lanai kal langlang ulina.

1.

I uruk Golgota,

ku idah silangNdu

Dosangku si majekkenca,

silangNdu e Tuhan

Reff.

Reh aku Tuhan

ngadap man baNdu

Jesus dudurken tanNdu

alokenlah aku

Lit.

:

“O senina-seninangku, nginget perkuah ate Dibata si mbelin si isehkenNa man banta, kupindo man bandu: endeskenlah kulandu man Dibata saja selaku persembahen si nggeluh rikutken si ngena ateNa. Sabab bage me arusna kam ersembah man Dibata sue ras biakndu selaku mahluk si rukur.” (Roma 12 : 1-2)

1.

Si pepulung me persembahenta,

Si endesken dage man Dibata.

Tanda m’riah ukur

ban pasu-pasuNa,

Si simpar b’reNa man banta.

Reff: Asa si nggo isikapken,

Asa si nggo itotoken.

Em pengataken bujurta,

kempak Dibata.

2.

Tuhu simpar pemere Dibata

Man perjuma ras si erbinaga

K’rina si erdahin

Si ngarap man baNa

Ituahi pasu-pasuNa

Reff: Asa si nggo isikapken,

Asa si nggo itotoken.

Em pengataken bujurta,

kempak Dibata.

3.

Pengataken bujur man Dibata

Enda mbelin ka tuhu gunana

Jadiken geluhta,

Kula ras tendita

Persembahenta si nggeluh

Reff: Asa si nggo isikapken,

Asa si nggo itotoken.

Em pengataken bujurta,

kempak Dibata.

4.

Persembahen kami e o Tuhan

Eme sada bagin pemereNdu

ajariNdu kami

Ersembah man baNdu

Pehaga kinirajanNdu

Reff: Asa si nggo isikapken,

Asa si nggo itotoken.

Em pengataken bujurta,

kempak Dibata.

Lit.

Kam kap surat Kristus, si la...

... Nggit nge kam makeken dirindu maba pusuh ras keleng ate Dibata ku bas keluarga ras sekelewetndu

Perp.

Erpadan aku Tuhan, kukelengi me gerejaNdu, dingen ku pesikap me diringku selaku rumah pertotonNdu. Gelah gerejaNdu ras diringku jadi pasu-pasu man sekelewetku.

1.

Sura-sura Jesus bangku

Ersinalsal tetap

Nggeluh bujur ras mehuli

Si ngena atena.

Reff. Ersinalsal terang

Em sinisuraken Jesus

Ersinalsal terang

Ku tetap ersinalsal

2.

Sura-sura Jesus Kristus

Nandangi geluhku

Mpehaga turang senina

Sisampat-sampaten.

Reff. Ersinalsal terang

Em sinisuraken Jesus

Ersinalsal terang

Ku tetap ersinalsal

3.

Kupindo Jesus nampati

Njaga pusuhku e

Gelah ngasup ersinalsal

Ngikutken Tuhan e.

Reff. Ersinalsal terang

Em sinisuraken Jesus

Ersinalsal terang

Ku tetap ersinalsal

Ipasu-pasu janah ikawali Dibata kam, siang ayo Dibata ersinalsal ibabondu, janah melias ateNa ngenehen kam. Itatap Dibata ku kam, janah malem atendu ibahanNa. Amin.

​

Perp. : A....min, A.......min, A......min