1.

Meriah kita ras k’rina

Sipuji Dibatanta.

Perban lias ateNa e,

IsehkenNa man banta pe.

Nggo pulung kita k’rina pe,

Ibas ingan enda,

Ibas ingan enda.

2.

Dage gegehi bantalah,

Muji Tuhan perkuah.

Ibas keleng ateNa nge,

Seh banta keriahen e.

Gundari subuk ras pagin,

Tuhu meriah min,

Tuhu meriah min

​

1.

Tuhan Kam permakanku

Singkelini geluhku

KawaliNdu dalanku

Tetap ibas terangNdu

GegehiNdu pusuhku

Bas nglakoken p’ratenNdu

Lanai ‘nggeluh ibas dosa

Tapi ras Kam Tuhanku

2.

Kudalani geluhku

Iteruh perkuahNdu

Tetap me ukurku e

Ngelawan kuasa dosa

Talu me doni enda

Erkiteken gegehNdu

Si nggeluh bas aku

Tetap me ukurku e

Lit.

Keleng ate Dibata erbahan kita merdeka. Kita imerdekakenNa alu mereken diriNa gancihken kita ngalaken kematen. Kemerdekan e me pemere Dibata si seh kal ergana man banta

Perp.

Terpujilah Tuhan, kita enggo merdeka i bas jajahen dosa nari.

Lit.

Kebebasen i bas kuasa dosa nari, eme palas kegeluhenta maba kemerdekan man kerina manusia.

Perp.

Terpujilah Tuhan, kita enggo imerdekakenNa, gelah kita dat gegeh maba kemerdekan man kerina manusia.

Lit.

Dibata kap si njamini kemerdekanta seh rasa lalap, seh maka lanai kita tertaban i bas kegeluhen si la erguna nari.

Perp.

Terpujilah Tuhan, ikuhiNa kita alu kepentaren, gelah tetap ngasup njaga kemerdekan, dingen ngisi kemerdekan alu payo.

Lit.

I bas kemerdekan si enggo ibereken Dibata man banta, mari dage si inget ras siukuri kuga perbahanenta i bas ngergaken kemerdekan si enggo ibere Dibata sedekah enda?

Lit.

I bas kemerdekan si enggo ibereken Dibata man banta, kuga dage ketutusenta makeken kemerdekan si enggo ibere Dibata man banta?

1.

Tuhan Alemi aku,

Alemi dosa ras kesalahenku

Bereken bangku pusuh si mbaru

Gelah metunggung iadepenNdu

​

2.

Tuhan alemi aku,

Sura-surangku rusur kuikutken

Ajari aku kerna p’ratenNdu

Petangkas kai arus kulakoken

Lit.

Dibata enggo ngidah pusuhta i bas...

..., nina Dibata man banta:

“Ola pelepas dirindu jadi seri ras doni enda, tapi berelah maka perukurenndu ipelimbarui Dibata. Alu bage banci idatndu kai sura-sura Dibata, kai si mehuli, kai si ngena ateNa, janah kai si sempurna.”

(Roma 12:2).

1.

Kataken bujur man Tuhan

‘rkiteken kiniulinNa

KekelengenNa man banta

Tetap seh rasa lalap

Reff. Rendelah muji Tuhan

si turikenlah min

perbahanenNa banta

si enggo sialoken

3.

Malem kal tuhu ateta,

Bujur kal perbahanenNa

Pasu-pasuNa geluhta,

Si tetap nembah baNa

Reff. Rendelah muji Tuhan

si turikenlah min

perbahanenNa banta

si enggo sialoken

15.

Budak Perbahanen Si Mehuli

Kuga dage genduari? Sibahan dage dosa erdandanken kita lanai i teruh Undang-undang, tapi i teruh lias ate Dibata? Tentu lang!

16.

Tentu ietehndu adi iendeskenndu dirindu man sekalak jelma dingen patuh kam man bana bagi sekalak budak, si tuhuna kam nggo jadi budakna. Adi iperbudakndu dirindu kempak dosa, akibatna kematen, tapi adi patuh kam man Dibata, kam jadi kalak benar.

17.

Tapi sikataken bujur man Dibata, sabap nai kam budak dosa, tapi genduari, alu bulat ukurndu nggo patuh kam man Dibata arah kam ngikutken pengajaren si isehken man bandu.

18.

Dage kam nggo ibebasken i bas dosa nari janah genduari kam nggo jadi "budak" Dibata guna ndalanken perbahanen si mehuli.

19.

Kupake perumpaman budak gelah murah iakapndu ngertikenca. Bagi nai iendeskenndu ringringndu jadi budak si nggesuh ras kejahaten guna ndalanken erbage-bage kejahaten bage me pe genduari arus iendeskenndu ringringndu jadi budak nandangi perbahanen si mehuli gelah kam nggeluh khusus guna Dibata saja.

20.

Asum kam nai budak dosa denga, iakapndu kam la terpaksa ngelakoken kai si ngena ate Dibata.

21.

Kai dage asilna man bandu i bas si e nari? Kerina si e erbahanca mela iakapndu genduari, sabap perbahanenndu e mabai ku kematen.

22.

Tapi genduari kam nggo ibebasken i bas dosa nari, janah kam nggo jadi "budak" Dibata. Asilna man bandu eme kap, kam nggeluh khusus guna Dibata. Si enda mabai kam ku kegeluhen si tuhu-tuhu si rasa lalap.

23.

Sabap upah dosa eme kematen; tapi pemere si ibereken Dibata man banta eme kegeluhen si rasa lalap i bas persadan ras Kristus Jesus.

Lit.

​

:

Ketuahen kalak si megiken Kata Dibata, dingen simakekenca ibas geluhna si tep-tep wari, Haleluya.

Perp.

:

(iendeken)

Ha le lu ya, Ha le lu ya, Ha le lu … ya.

1-2.

Bangsa Israel i Deleng Sinai

Berkat ka bangsa Israel i Rapidim nari. Jenari i bas wari si pemena i bas bulan si peteluken kenca ia nggo nadingken Mesir, seh ia kerina i gurun pasir Sinai. I je ipajekkenna ka kemahna i teruh Deleng Sinai.

3.

Jenari lawes Musa ku datas deleng e njumpai Dibata. Ilebuh TUHAN ia i datas deleng e nari janah IsuruhNa Musa ngatakenca man bangsa Israel, kesusuren Jakup bagenda,

4.

"Nggo idahndu kai si Kubahan man kalak Mesir. Idahndu ka pe uga kam nggo Kutatang-tatang seh i jenda jumpa ras Aku, desken rajawali maba anak-anakna i datas kabengna.

5.

Genduari adi iikutkenndu Aku janah ipatuhindu perpadanenKu emaka kam jadi bangsangKu. Kerina doni enda Aku empuna, tapi kam me jadi bangsa pilihenKu,

6.

sada bangsa si nggeluh man gunangKu saja janah kam me jadi imam-imamKu."

7.

Kenca e nusur Musa i datas deleng nari, idilona pulung kerina peminpin-peminpin bangsa Israel, janah ikatakenna man peminpin-peminpin e kai si nggo iperentahken TUHAN man bana.

8.

Jenari jelma si nterem ngaloi ras-ras nina, "Nggit kami ndalanken kerina si ikataken TUHAN." Si enda isehken Musa man TUHAN.

Lit.

:

Dibata enggo njujurken kemerdekan man...

Kata Dibata si jadi palas persembahenta :

“Pemere-pemerendu e jadi sada persembahen si merim man Dibata, persembahen si ialokenNa dingen si ngena ateNa. Dibatang si simpar alu kebayaken si lit i bas Kristus Jesus mereken kerina keperlunndu”. (Pilipi 4 : 18b – 19)

1.

Si pepulung me persembahenta,

Si endesken dage man Dibata.

Tanda m’riah ukur

ban pasu-pasuNa,

Si simpar b’reNa man banta.

Reff: Asa si nggo isikapken,

Asa si nggo itotoken.

Em pengataken bujurta,

kempak Dibata.

2.

Tuhu simpar pemere Dibata

Man perjuma ras si erbinaga

K’rina si erdahin

Si ngarap man baNa

Ituahi pasu-pasuNa

Reff: Asa si nggo isikapken,

Asa si nggo itotoken.

Em pengataken bujurta,

kempak Dibata.

3.

Pengataken bujur man Dibata

Enda mbelin ka tuhu gunana

Jadiken geluhta,

Kula ras tendita

Persembahenta si nggeluh

Reff: Asa si nggo isikapken,

Asa si nggo itotoken.

Em pengataken bujurta,

kempak Dibata.

4.

Persembahen kami e o Tuhan

Eme sada bagin pemereNdu

ajariNdu kami

Ersembah man baNdu

Pehaga kinirajanNdu

Reff: Asa si nggo isikapken,

Asa si nggo itotoken.

Em pengataken bujurta,

kempak Dibata.

Lit.

I bas kemerdekan bangsanta, kita idilo Tuhan gelah njagai kemerdekan bangsanta.

Perp.

Ijenda aku Tuhan, suruhlah aku.

Lit.

I bas kemerdekan bangsanta, kita idilo mbangun kegeluhen bangsanta gelah bebas i bas kebodohen nari, i bas kemusilen nari ras ibas kinilabujuren nari.

Perp.

Ijenda aku Tuhan, suruhlah aku.

1.

Kekekenlah o kam si tutus,

Si malang pe man Tuhan Dibata.

Si suari berngi sikap rusur,

Ngarakken Tuhan ‘bas si mesera.

Si pang ngikutken Tuhan Yesus pe,

Bagi ngena me ate Tuhan e,

4.

O, Tuhan b’re man kami k’rina,

KesahNdu si Badia simpar min.

I jenda kami sikap k’rina,

Endalanisa nge si man dahin.

Tah katawari pe erkata Kam,

I jenda kami, suruhlah Tuhan.

Turang ras senina kekelengen Tuhan, ...

Guna si e, alokenlah pasu-pasu idur Dibata nari : “Dibata simada perkuah ate, singgo nenahken kam ku KemulianNa sirasa lalap i bas Kristus, njadiken kam serta, tetap megegeh dingen paguh. IA nge simada kuasa seh rasa lalap.” Amin.

​

Perp. : A....min, A.......min, A......min