UNANG ARAW:

Ang Katotohanan sa Salita at Gawa

KASANAYANG PAMPAGKATUTO

• Natutukoy ang mga paglabag sa pagiging totoo sa salita at gawa sa kapuwa gaya ng pagsisinungaling, hindi pagtupad sa pangako, at pandaraya;
• natatalakay ang mga uri ng kasinungalingan at mga paglabag sa katapatan; at
• naipapakita ang pagpapahalaga sa katotohanan bilang pagpapakita ng paggalang sa dignidad ng kapuwa.

“Ang mabuting tao ay nagsasalita ng mabuti dahil puno ng kabutihan ang puso niya.” — Lucas 6:45

Game Template: pitik-bulaga

1. Alin sa mga sumusunod ang HINDI nagpapakita ng katapatan?

A. Pagtupad sa ipinangakong proyekto sa tamang oras

B. Pagsasabi ng totoo kahit mahirap

C. Pagpapanggap na gumawa ng takdang-aralin kahit hindi naman

D. Pag-amin sa pagkakamaling nagawa.

2. Ano ang nararapat gawin kapag may nakitang kaklaseng nandaraya sa pagsusulit?

A. Makisama at huwag pansinin

B. Kopyahin din para hindi mapag-iwanan

C. Itago ang nakita upang walang gulo

D. Ipaalam sa guro sa maayos na paraan

3. Ano ang tawag sa kasinungalingang ginagawa upang makuha ang pansariling interes o kapakinabangan?

A. Itim na kasinungalingan

B. Puting kasinungalingan

C. Panlilinlang

D. Kasinungalingang gawa-gawa

4. Bakit nasisira ang tiwala ng tao kapag siya ay nagsisinungaling?

A. Dahil hindi na siya makikipagkaibigan

B. Dahil mahirap nang itago ang kasinungalingan

C. Dahil alam ng lahat na siya ay mapagkunwari

D. Dahil hindi na siya pagkakatiwalaan ng iba

5. Ano ang dapat tandaan ng isang mag-aaral upang mapanatili ang katapatan sa paaralan?

A. Laging magpanggap na may alam sa recitation

B. Gamitin ang gawa ng iba upang makakuha ng mataas na marka

C. Laging umiwas sa paggawa ng proyekto

D. Igalang ang sariling dangal sa pamamagitan ng paggawa ng tama

Susi sa pagkatuto

1.Sagot: C

2. Sagot: D

3. Sagot: A

4. Sagot: D

5. Sagot: D

TALAKAYAN

BASAHIN NATIN:

Ang Katotohanan sa Araw-Araw

Isang umaga, nangako si Rina sa kanyang grupo sa proyekto sa Araling Panlipunan na siya ang gagawa ng PowerPoint presentation. Dumating ang araw ng presentasyon, ngunit walang naihanda si Rina. Nagdahilan siya na “nagka-problema ang laptop.” Dahil dito, bumaba ang grado ng grupo at nasira ang tiwala ng kanyang mga kaklase sa kanya.

Tanong:

Tama bang magsinungaling upang makaiwas sa kahihiyan?

Anong naramdaman mo kung ikaw ang nasa kalagayan ni Rina o ng kanyang mga kaklase?

Ang ganitong sitwasyon ay karaniwan sa buhay ng kabataan. Minsan, iniisip nating maliit lang ang kasinungalingan, pero sa katunayan, unti-unti nitong binabago ang tiwala at paggalang ng iba sa atin.

1. Ano ang Katapatan?

Ang katapatan ay pagiging totoo sa iyong iniisip, sinasabi, at ginagawa.

Ito ay hindi lamang tungkol sa pagsasabi ng totoo kundi pati sa pagtupad sa mga pangako at paggalang sa kapuwa sa pamamagitan ng tamang asal.

Ang taong matapat ay may dalisay na puso—hindi natatakot umamin kapag nagkamali, at marunong magpakatotoo kahit walang nakakakita.

Lucas 6:45:

“Ang mabuting tao ay nagsasalita ng mabuti dahil puno ng kabutihan ang kanyang puso.”

​

Kung ano ang laman ng puso, iyon din ang lumalabas sa ating salita at kilos. Kaya’t kung ang puso ay puno ng katapatan, maganda rin ang ating asal at pakikitungo sa iba.

2. Mga Paglabag sa Katapatan

Hindi lahat ng tao ay kayang panindigan ang katotohanan. Minsan, pinipili ng ilan ang magsinungaling upang makaiwas sa parusa o maprotektahan ang sarili. Ngunit tandaan, anumang kasinungalingan ay may kapalit.

A. Pagsisinungaling

Ito ang pinakakaraniwang paglabag. Kapag nagsinungaling tayo, nililinlang natin ang iba at sinisira natin ang tiwala.

Halimbawa:

• Sinabi mong “Hindi ko nakita ang cellphone mo,” kahit ikaw ang nakapulot nito.
• Nagsinungaling ka sa magulang mo na may group project, pero lumabas ka pala kasama ang barkada.

PANOORIN NATIN:

Gantimpala ng Pagiging Tapat

B. Hindi Pagtupad sa Pangako

Ang pangako ay parang kasunduan kapag hindi ito tinupad, nasisira ang tiwala at respeto ng iba.

Halimbawa:

• Nangako kang mag-aaral ka para sa exam ngunit ginugol mo ang oras sa paglalaro.
• Nangako kang tutulungan ang kaklase sa proyekto ngunit hindi mo sinipot.

Ang ganitong kilos ay nagdudulot ng pagkadismaya sa iba at nagpapakita ng kawalan ng pananagutan.

C. Pandaraya

Ang pandaraya ay isang uri ng panlilinlang upang makuha ang hindi mo pinaghirapan. Ito ay hindi lamang ginagawa sa pagsusulit kundi pati sa iba’t ibang sitwasyon sa buhay.

Halimbawa:

• Kinopya mo ang sagot ng kaklase.
• Ginamit mo ang gawa ng iba at sinabi mong sa iyo ito (plagiarism).
• Gumawa ka ng pekeng excuse letter para makaiwas sa klase.

Ang pandaraya ay hindi lang panloloko sa iba, ito rin ay panloloko sa sarili.

C. Mga Uri ng Kasinungalingan

C. Mga Uri ng Kasinungalingan

D. Pagsasanay at Pagninilay

Isipin mo ito:

Nakita mong may bumagsak na wallet sa daan. Walang nakakita kundi ikaw lang. May pera at ID sa loob. Ano ang gagawin mo?

A. Kukunin at itatago.

B. Iuulat sa guro o barangay.

C. Bubuksan para alamin ang laman.

D. Pagsasanay at Pagninilay

Ang tapat na mag-aaral ay ibinabalik ang gamit, kahit walang nakakakita.

Ang paggawa ng tama ay hindi nasusukat sa kung sino ang nakamasid, kundi sa kung gaano ka matatag sa prinsipyo.

E. Paglalapat sa Buhay

Ang katotohanan ay parang salamin kapag ito’y nadungisan ng kasinungalingan, mahirap nang linisin.

Ngunit sa bawat pagkakataong pipiliin mong maging totoo, mas pinapatingkad mo ang liwanag ng iyong pagkatao.

Mga Paraan Upang Maging Matapat:

• Aminin ang pagkakamali kaysa manisi ng iba.
• Panindigan ang salita at tuparin ang pangako.
• Maging tapat sa pag-aaral iwasan ang pandaraya.
• Maging bukas sa komunikasyon sa magulang, guro, at kaibigan.

F. Pagtatapos at Pagpapahalaga

Ang pagiging matapat ay hindi lamang para makaiwas sa parusa, kundi upang mapanatili ang tiwala at dignidad ng bawat isa.

Ang taong tapat ay ginagalang, pinagkakatiwalaan, at nagiging mabuting huwaran.

Panimulang Panuto: Basahing mabuti ang bawat tanong. Piliin ang pinakatamang sagot mula sa mga pagpipilian. Isulat lamang ang titik ng iyong sagot sa sagutang papel.

1. Alin sa mga sumusunod ang nagpapakita ng katapatan sa salita at gawa?

A. Hindi pagtupad sa ipinangakong tulong sa kaklase

B. Pagtago ng totoo upang hindi mapagalitan

C. Pagsasabi ng totoo kahit walang nakakakita

D. Pagpapanggap na may alam upang magmukhang matalino

2. Ano ang tawag sa kilos ng pagkopya ng gawa ng iba at pag-aangkin na sariling likha?

A. Panlilinlang

B. Pagtatago ng katotohanan

C. Pandaraya sa pagsusulit

D. Plagiarism

3. Ano ang pinakamainam na gawin kapag hindi mo natupad ang iyong pangako sa kaibigan?

A. Humingi ng tawad at ipaliwanag ang dahilan

B. Itago ito at huwag nang pag-usapan

C. Magdahilan na may ibang nangyari

D. Manisi ng ibang tao upang makalusot

4. Alin sa mga sumusunod ang halimbawa ng “itim na kasinungalingan”?

A. Pagsasabing “ayos lang ako” kahit hindi

B. Pagpapanggap na may sakit upang hindi pumasok

C. Pagsasabi ng mabuting salita para makaiwas sa gulo

D. Paggamit ng gawa ng iba upang magmukhang magaling

5. Bakit mahalagang maging tapat sa salita at gawa?

A. Upang makuha ang tiwala ng guro lamang

B. Dahil ito ang pinakamadaling paraan upang makaiwas sa parusa

C. Para magkaroon ng mabuting imahe sa iba

D. Dahil ito ay pagpapakita ng paggalang sa dignidad ng kapwa

6. Ano ang dapat gawin kapag nakakita ka ng nawawalang gamit na hindi mo pag-aari?

A. Isauli ito sa may-ari o sa kinauukulan

B. Itago upang walang makaalam

C. Ipamigay sa iba upang hindi mabisto

D. Iuwi at gamitin nang palihim

7. Ano ang tawag sa hindi pagtupad sa ipinangako o sinabing gagawin?

A. Pagkukunwari

B. Pagpapanggap

C. Pagtatago ng totoo

D. Hindi pagtupad sa pangako

8. Paano ipinapakita ng isang mag-aaral ang katapatan sa paaralan?

A. Pag-iwas sa pangongopya sa pagsusulit

B. Pagpapanggap na may alam kahit wala

C. Pagtatago ng totoo upang hindi mapagalitan

D. Paggamit ng gawa ng iba sa proyekto

9. Ano ang epekto ng pagsisinungaling sa isang tao?

A. Nagiging mas masigla siya sa pakikitungo sa iba

B. Nadadagdagan ang respeto ng kanyang mga kaklase

C. Nagiging inspirasyon siya ng katapatan

D. Nawawala ang tiwala ng iba sa kanya

10. Alin sa mga sumusunod na pahayag ang nagpapakita ng tunay na katapatan?

A. “Gagawin ko ang aking proyekto kapag may oras ako.”

B. “Hindi ko alam kung kailan ko gagawin iyon.”

C. “Tinutupad ko ang aking sinabi kahit mahirap.”

D. “Saka ko na lang aayusin kapag may panahon.”

SUSI SA PAGKATUTO

• C
• D
• A
• D
• D

6. A

7. D

8. A

9. D

10. C

IKALAWANG ARAW:

Panatilihin ang Kadalisayan ng Isipan, Salita, at Gawa

KASANAYANG PAMPAGKATUTO

• Naipaliliwanag na ang kadalisayan ng isip, salita, at gawa ay nagpapakita ng mabuting konsensiya at paggalang sa kapuwa;
• natatalakay mga sitwasyong dapat pagdesisyunan kung ito ay tapat o hindi; at
• nakapagninilay sa kahalagahan ng pagkakaroon ng malinis na isip at tapat na intensiyon.

“Isaisip ang mga bagay na totoo, marangal, matuwid, malinis, kaibig-ibig, at kagalang-galang.” — Filipos 4:8

TALAKAYAN

May pagkakataon bang nagkaroon ka ng pagkakataong gumawa ng desisyon kung saan alam mong may tama at maling pagpipilian? Halimbawa, may nakalimutan kang ipasang proyekto. Lumapit ang kaklase mo at nag-alok na kopyahin mo na lang ang kanyang gawa. Alam mong makatutulong iyon sa grado mo, ngunit sa loob mo ay may bumubulong:

​

“Hindi tama ito. Hindi mo ito pinaghirapan.”

Sa ganitong mga sitwasyon nasusubok ang ating kadalisayan ng isip, salita, at gawa. Ang dalisay na tao ay nag-iisip nang tapat, nagsasalita nang may katotohanan, at kumikilos nang may kabutihan.

Ano ang Kadalisayan ng Isip, Salita, at Gawa?

Ang kadalisayan ay hindi lamang tungkol sa kalinisan ng panlabas na anyo. Ito ay higit pa roon—isang uri ng pagiging totoo at tapat sa ating iniisip, sinasabi, at ginagawa. Kapag dalisay ang ating isip, nakapipili tayo ng mga salitang hindi nakasasakit at ng mga gawaing nakabubuti sa iba.

Halimbawa:

• Kapag may nagsabi ng masakit na salita, pinipili mong manahimik kaysa gumanti ng insulto.
• Kapag may nagkamali sa grupo, inaako mo ang parte mo sa pagkakamali sa halip na manisi ng iba.

​

Sa ganitong paraan, napapangalagaan mo ang iyong integridad at naipapakita mo ang respeto sa kapuwa.

Ano ang Mabuting Konsensiya?

Ang konsensiya ay parang tinig sa loob ng ating puso na nagtuturo kung alin ang tama o mali.

Kapag pinakikinggan natin ito, nakagagawa tayo ng desisyong hindi lamang makabubuti sa sarili kundi pati sa ibang tao.

Halimbawa:

Nakita mo ang wallet na nahulog sa hallway. Wala nang ibang tao sa paligid.

• Ang isang bahagi ng isip mo ay nagsasabing, “Kunin mo na lang, walang makakakita.”
• Pero ang iyong mabuting konsensiya ay nagsasabi, “Hindi ito sa’yo. Isauli mo.”

Kapag pinili mong isauli ang wallet, iyon ay patunay na dalisay ang iyong isip at intensiyon.

Pagpapakita ng Kadalisayan sa Araw-araw

Ang kadalisayan ay nakikita sa tatlong aspeto:

• Isip – kung paano ka nag-iisip ng tama at makatarungan.
• Salita – kung paano ka nagsasalita nang may katotohanan at kababaang-loob.
• Gawa – kung paano mo isinasagawa ang iyong mga pangako at responsibilidad.

Isang “triangle of purity” diagram na may tatlong dulo: Isip – Salita – Gawa, at sa gitna ay Konsensiya.

Ipinapakita nito na kapag malinis ang tatlong ito, nagiging matibay ang iyong pagkatao.

Tapat o Hindi?

Tingnan ang sumusunod na mga sitwasyon. Pag-isipan kung alin ang tapat at alin ang hindi:

Tapat o Hindi?

1.Nakita mong mali ang pagkaka-check ng papel mo, ngunit mas mataas ang ibinigay na marka.

Tapat o Hindi?

1. ➜ Tapat: Ipinaalam mo sa guro ang pagkakamali.

Tapat o Hindi?

2.Sinabi mong ikaw ang gumawa ng buong proyekto, kahit grupo ninyo ito.

Tapat o Hindi?

2. ➜ Hindi tapat: Inangkin mo ang gawa ng iba.

Tapat o Hindi?

3. May kaibigang umiiyak dahil sa problema. Pinakinggan mo siya nang hindi nagkukwento sa iba.

Tapat o Hindi?

3. ➜ Tapat: Pinangalagaan mo ang tiwala ng kaibigan mo.

Tapat o Hindi?

4. Sinabi mong “ayos lang ako,” kahit galit ka sa loob.

Tapat o Hindi?

4. ➜ Depende: Minsan ito ay puting kasinungalingan, ngunit mas mainam pa rin ang mahinahong katapatan.

Pagninilay: Ang Kahalagahan ng Malinis na Isip at Intensiyon

Ang taong may malinis na isip ay hindi madaling maimpluwensyahan ng kasamaan.

Ang taong may tapat na intensiyon ay hindi natatakot gumawa ng tama kahit mahirap.

At ang taong may mabuting konsensiya ay nagiging inspirasyon sa iba.

Tanungin ang sarili:

• Paano ko mapananatiling malinis ang aking isip at puso?
• Gumagawa ba ako ng tama kahit walang nakakakita?
• Paano ko pinapakita ang paggalang sa kapuwa sa aking mga salita at gawa?

Panuto: Basahing mabuti ang bawat tanong. Piliin ang pinakatamang sagot mula sa mga pagpipilian. Isulat lamang ang titik ng tamang sagot sa iyong sagutang papel.

hivessel

_hivessel

info.hivessel@gmail.com

Hivessel.com

1. Ano ang ibig sabihin ng pagkakaroon ng kadalisayan ng isip, salita, at gawa?

A. Pagpapanggap upang makuha ang tiwala ng iba

B. Pagsasabi ng totoo lamang kapag kinakailangan

C. Pagpili ng salita kahit makasakit sa kapuwa

D. Pag-iisip, pagsasalita, at pagkilos nang may kabutihan at katapatan

hivessel

_hivessel

info.hivessel@gmail.com

Hivessel.com

2. Kapag pinakikinggan ng tao ang kanyang mabuting konsensiya, ano ang nagiging epekto nito?

A. Nagiging mahina siya sa paggawa ng desisyon

B. Natututo siyang mandaya kapag may pagkakataon

C. Natutulungan siyang makagawa ng tama at makatarungang pasiya

D. Nagiging mapusok siya sa pagsunod sa damdamin

hivessel

_hivessel

info.hivessel@gmail.com

Hivessel.com

3. Alin sa mga sumusunod ang halimbawa ng dalisay na isip?

A. Pag-iisip muna bago magsalita upang hindi makasakit

B. Pagpapakalat ng maling balita tungkol sa kaklase

C. Pagpapanggap na masaya kahit hindi totoo

D. Pagdahilan upang takpan ang pagkakamali

hivessel

_hivessel

info.hivessel@gmail.com

Hivessel.com

4. Ano ang ipinapakita ng taong marunong umamin sa sariling pagkakamali?

A. May tapat na puso at mabuting konsensiya

B. Mahina at madaling lokohin ng iba

C. Walang tiwala sa sarili

D. Nais lamang magmukhang mabait

hivessel

_hivessel

info.hivessel@gmail.com

Hivessel.com

5. Batay sa aralin, ano ang pinakamahalagang layunin ng pagkakaroon ng malinis na isip?

A. Upang makaiwas sa pagkakamali

B. Upang magmukhang mabuti sa harap ng iba

C. Upang makapili ng mga salitang at gawaing hindi nakasasakit

D. Upang makuha ang simpatya ng mga tao

hivessel

_hivessel

info.hivessel@gmail.com

Hivessel.com

6. Sa anong paraan mo maipapakita ang kadalisayan ng salita?

A. Sa pamamagitan ng pagsigaw kapag galit

B. Sa paggamit ng magalang na pananalita kahit sa gitna ng pagtatalo

C. Sa paninira sa kaklaseng hindi mo gusto

D. Sa pagsasabi ng mga salitang nakasisira ng tiwala

hivessel

_hivessel

info.hivessel@gmail.com

Hivessel.com

7. Kapag dalisay ang ating puso, ano ang nagiging bunga nito sa ating kilos at asal?

A. Nagiging mabuti at tapat ang ating mga desisyon

B. Madali tayong magduda sa intensiyon ng iba

C. Nagsisimula tayong manloko upang maprotektahan ang sarili

D. Nagiging mapanlinlang tayo sa mahihirap na sitwasyon

hivessel

_hivessel

info.hivessel@gmail.com

Hivessel.com

8. Ano ang ibig sabihin ng pagkakaroon ng mabuting konsensiya?

A. Pagsunod sa utos ng iba nang walang pag-iisip

B. Pagpapakita ng lakas upang ipaglaban ang sarili

C. Pagkakaroon ng kakayahang makilala ang tama at mali

D. Pagiging masunurin lamang sa mga batas ng paaralan

hivessel

_hivessel

info.hivessel@gmail.com

Hivessel.com

9. Alin sa mga sumusunod na sitwasyon ang nagpapakita ng kadalisayan ng gawa?

A. Pagpapanggap na gumawa ng proyekto kahit hindi naman

B. Pagpili ng mas madaling paraan kahit alam mong mali

C. Pagpapanatiling lihim ang pagkakamali ng kaklase

D. Pagtulong sa iba kahit walang kapalit

hivessel

_hivessel

info.hivessel@gmail.com

Hivessel.com

10. Bakit mahalaga ang pagkakaroon ng tapat na intensiyon sa bawat desisyon?

A. Dahil ito ang nagbibigay ng kapangyarihang mag-utos sa iba

B. Dahil ito ang nagpapaganda ng reputasyon ng tao

C. Dahil ito ang nagtuturo sa atin na gumawa ng tama kahit walang nakakakita

D. Dahil ito ang nakapagpapataas ng antas ng edukasyon

hivessel

_hivessel

info.hivessel@gmail.com

Hivessel.com

Susi sa Pagkatuto

• D
• C
• A
• A
• C

hivessel

_hivessel

info.hivessel@gmail.com

Hivessel.com

6. B

7. A

8. C

9. D

10. C

IKATLONG ARAW:

Katapatan sa Sarili at Kapuwa

KASANAYANG PAMPAGKATUTO

• Naiuugnay ang katapatan sa sarili bilang pundasyon ng katapatan sa kapuwa;
• nakalilikha ng personal reflection essay tungkol sa karanasan sa pagiging tapat o sa pagsubok ng katapatan; at
• naipapakita ang pagpapakumbaba at pag-amin sa pagkakamali bilang hakbang tungo sa tunay na katapatan.

“Tuparin ninyo ang pangako ninyong ginawa kay Yahweh... kailangang tuparin ang anumang kusang-loob na pangako.” — Deuteronomio 23:21-23

TALAKAYAN

Minsan ba ay tinanong mo ang iyong sarili kung bakit napakahirap umamin ng pagkakamali?

Halimbawa, nahuli kang kumopya sa pagsusulit. Alam mong mali, ngunit gusto mong ipagtanggol ang sarili mo. May bumubulong sa isip mo:

“Kung aamin ako, mapapagalitan ako.”

Ngunit may isa pang tinig na nagsasabi:

“Sabihin mo ang totoo. Mas mapapayapa ang loob mo.”

Sa ganitong mga pagkakataon, nasusubok ang ating katapatan sa sarili.

​

Ang taong marunong aminin ang pagkakamali ay hindi kahinaan—ito ay tanda ng lakas ng loob at kababaang-loob.

Kung matapat ka sa sarili mo, mas madali kang magiging tapat sa iba.

1. Katapatan sa Sarili: Ang Simula ng Lahat ng Kabutihan

Ang katapatan sa sarili ay nangangahulugang pagkilala at pagtanggap sa kung sino ka ang iyong kalakasan, kahinaan, at kakayahan.

Ito ay ang kakayahang maging totoo sa sarili kahit walang nakakakita.

Si Lara ay napansin ng guro na mataas ang kanyang marka sa pagsusulit. Ngunit alam niyang may mali sa pagkakacheck, kaya’t ipinaalam niya ito sa guro.

Alam niyang maaaring bumaba ang kanyang marka, ngunit mas pinili niya ang maging tapat.

Halimbawa:

Sa simpleng gawaing ito, ipinakita ni Lara na ang pagiging tapat sa sarili ay mas mahalaga kaysa pansamantalang papuri.

Halimbawa:

Ang taong marunong maging tapat sa sarili ay hindi natatakot sa katotohanan.

Siya ay may paninindigan, kahit ang katotohanan ay hindi pabor sa kanya.

Pagsusuri:

2. Katapatan sa Kapuwa: Bunga ng Katapatan sa Sarili

Hindi tayo magiging tapat sa iba kung hindi tayo tapat sa ating sarili.

Ang katapatan sa kapuwa ay nagsisimula sa malinis na konsensiya at tunay na intensiyon.

Si Andre ay nangangampanya bilang class president. Nangako siyang hindi manlilibre o magbibigay ng anumang bagay para makuha ang boto ng mga kaklase. Sa halip, ipinangako niyang magiging tapat at patas kung siya ay mananalo.

Halimbawa:

Ipinakita ni Andre na ang katapatan sa sarili—ang paninindigan sa tama—ay humahantong sa katapatan sa kapuwa, na siyang nagdudulot ng tiwala.

Halimbawa:

3. Pagpapakumbaba: Katapatan na Nagsisimula sa Pag-amin

Ang pagpapakumbaba ay hindi kababaan, kundi pagkilala sa katotohanan ng iyong pagkakamali at pagkukulang.

Ang pag-amin ay unang hakbang sa pagbabago at paglinis ng konsensiya.

Si Renz ay nahuling nagsinungaling sa magulang niya tungkol sa gastos sa proyekto. Sa halip na magdahilan, umamin siya at humingi ng tawad.

Hindi siya pinagalitan, bagkus ay pinuri dahil marunong siyang tumanggap ng pagkakamali.

Halimbawa:

Kapag natututo tayong tanggapin ang ating pagkakamali, nagiging bukas tayo sa pagwawasto.

Ang taong nagpapakumbaba ay mas madaling magbago at mas nagiging tapat hindi lamang sa iba kundi sa sarili rin.

Pagninilay:

Mga Tanong sa Pagbubulay:

• Ano ang mas mahirap—ang magsabi ng totoo o ang umamin sa pagkakamali?
• Paano mo maipapakita ang katapatan sa sarili sa araw-araw na buhay?
• Ano ang pakiramdam ng taong nagtatago ng katotohanan?

Pagsusuri at Pag-unawa

CLICK HERE

WATCH:

hivessel

_hivessel

info.hivessel@gmail.com

Hivessel.com

Gawain: Ang Aking Karanasan ng Katapatan

Panuto:

Isulat ang iyong sariling karanasan sa pagiging tapat o sa isang pagkakataong nasubok ang iyong katapatan.

Gamitin ang pamagat:

“Isang Araw ng Katapatan.”

hivessel

_hivessel

info.hivessel@gmail.com

Hivessel.com

Gabayan ang iyong sanaysay gamit ang mga tanong na ito:

• Ano ang sitwasyon?
• Ano ang naging desisyon mo?
• Ano ang natutunan mo tungkol sa sarili at sa iyong relasyon sa iba?

hivessel

_hivessel

info.hivessel@gmail.com

Hivessel.com

Tip: Maging tapat sa iyong pagsulat—walang tama o maling sagot. Ang mahalaga ay totoo ang iyong pagninilay.

hivessel

_hivessel

info.hivessel@gmail.com

Hivessel.com

Araw ng Pagpapatawad

Gawain:

Pumili ng isang tao na gusto mong humingi ng tawad o pasalamatan dahil sa iyong pagiging tapat o hindi tapat sa nakaraan.

Isulat sa maliit na papel ang iyong mensahe, at kung kaya, ibigay ito sa kanya.

hivessel

_hivessel

info.hivessel@gmail.com

Hivessel.com

Pagkatapos ng gawain, sagutin ang tanong:

“Ano ang naramdaman mo matapos mong aminin o ipakita ang katapatan?”

IKAAPAT NA ARAW:

Pagsasabuhay ng Katapatan sa Pang-araw-araw na Buhay

KASANAYANG PAMPAGKATUTO

• Nasusuri ang epekto ng katapatan at pagsisinungaling sa tiwala at relasyon ng tao sa kapuwa;
• nakalalahok sa pangkatang talakayan tungkol sa paksa; at
• naipapakita ang pagkakaisa, pananagutan, at paninindigan sa pagpapalaganap ng katapatan sa paaralan at tahanan.

“Huwag kang magsisinungaling sa kapuwa; huwag mong lilinlangin ang iyong kapwa.” — Levitico 19:11

hivessel

_hivessel

info.hivessel@gmail.com

Hivessel.com

Bahagi 1: Sitwasyonal na Pagsusuri

​

Bumuo ng maliliit na grupo (4–5 katao). Pag-usapan at suriin ang bawat sitwasyong nakasaad sa ibaba. Pagkatapos, sagutin ang mga tanong na inihanda sa ibaba ng bawat sitwasyon.

hivessel

_hivessel

info.hivessel@gmail.com

Hivessel.com

Sitwasyon 1:

May kaklase kang nagsabi na siya ang gumawa ng proyekto ninyong grupo, kahit alam mong lahat kayo ay nag-ambag.

hivessel

_hivessel

info.hivessel@gmail.com

Hivessel.com

Mga Tanong sa Talakayan:

• Paano mo maipapakita ang katapatan sa sitwasyong ito?
• Ano ang maaaring mangyari sa tiwala ng grupo kung mananatili kang tahimik?

hivessel

_hivessel

info.hivessel@gmail.com

Hivessel.com

Sitwasyon 2:

Nahuli mo ang iyong kaibigan na nagsinungaling sa kanyang magulang tungkol sa perang ginamit sa eskwela.

hivessel

_hivessel

info.hivessel@gmail.com

Hivessel.com

Mga Tanong sa Talakayan:

• Dapat mo bang sabihin sa magulang niya ang totoo o tulungan muna siyang itama ito?
• Ano ang magiging epekto ng pagsisinungaling sa inyong pagkakaibigan?

hivessel

_hivessel

info.hivessel@gmail.com

Hivessel.com

Sitwasyon 3:

Habang naglilinis ng silid-aralan, nakapulot ka ng wallet na may pera. Walang ibang nakakita.

hivessel

_hivessel

info.hivessel@gmail.com

Hivessel.com

Mga Tanong sa Talakayan:

• Ano ang gagawin mo?
• Paano mo ipapakita ang iyong paninindigan sa pagiging tapat kahit walang nakakakita?

hivessel

_hivessel

info.hivessel@gmail.com

Hivessel.com

Pagkatapos ng talakayan, isulat sa manila paper ang inyong buod ng sagot sa bawat sitwasyon. Siguraduhing makikita rito ang inyong mga konklusyon at mungkahi kung paano mapapanatili ang tiwala sa pamamagitan ng katapatan.

hivessel

_hivessel

info.hivessel@gmail.com

Hivessel.com

Bahagi 2: Pagsasanib ng Aral

Bilang grupo, gumawa ng isang “Tiwala Board” isang poster na naglalaman ng mga salitang o larawan na sumasagisag sa katapatan at tiwala. Maaaring gumamit ng magazine cutouts, drawing, o printed quotes.

hivessel

_hivessel

info.hivessel@gmail.com

Hivessel.com

Sa ibaba ng poster, isulat ang inyong pangkatang panata sa katapatan, halimbawa:

“Kami, mga mag-aaral ng Baitang 8, ay nangangakong magsasabi ng totoo at kikilos nang may tapat na puso sa lahat ng oras.”

Ilagay ang inyong “Tiwala Board” sa silid-aralan upang magsilbing paalala sa lahat.

hivessel

_hivessel

info.hivessel@gmail.com

Hivessel.com

Bahagi 3: Pagbabahagi at Pagninilay

Pagkatapos ng presentasyon, sagutin sa iyong kuwaderno ang sumusunod na tanong:

• Ano ang natutuhan mo tungkol sa epekto ng katapatan at kasinungalingan sa tiwala ng tao?
• Paano mo maisasabuhay ang natutuhan mo sa iyong tahanan at paaralan?

hivessel

_hivessel

info.hivessel@gmail.com

Hivessel.com

Pagmamarka

hivessel

_hivessel

info.hivessel@gmail.com

Hivessel.com

hivessel

_hivessel

info.hivessel@gmail.com

Hivessel.com

SANGGUNIAN

• Department of Education. (2024). Values Education 8 – Quarter 3, Lesson 1: Katapatan at Kadalisayan sa Pakikipagkapuwa. Bureau of Learning Resources.
• Bureau of Curriculum Development. (2023). MATATAG Curriculum Guide in Edukasyon sa Pagpapakatao (EsP) – Baitang 8. Department of Education.
• De Guzman, L. M. (2022). Pagpapakatao sa Makabagong Panahon: Mga Batayang Aralin sa EsP 8. Vibal Group, Inc.
• Agapito, M. R., & Dizon, P. C. (2021). Edukasyon sa Pagpapakatao 8: Kagalingang Moral at Katapatan. Rex Book Store.

Unauthorized resale is prohibited.Please support educators

and students by purchasing exclusively from our official website.