11 ta’ Lulju
Festa ta’
San Benedittu
abbati u patrun tal-Ewropa
Glorja `l Alla fil-għoli
tas-smewwiet, u paċi fl-art lill-bnedmin ta’ rieda tajba.
Infaħħruk,
inberkuk,
nadurawk,
nagħtuk ġieh.
Inroddulek ħajr
għall-glorja kbira tiegħek. Mulej Alla, Sultan
tas-sema,
Alla Missier li tista’ kollox.
Mulej Iben waħdieni, Ġesù Kristu,
Mulej Alla, Ħaruf ta’ Alla, Bin il-Missier.
Int li tneħħi d-dnubiet
tad-dinja, ħenn għalina.
Int li tneħħi d-dnubiet
tad-dinja, ilqa’ t-talb tagħna.
Int li qiegħed fuq il-lemin tal-Missier, ħenn għalina. Għaliex Int waħdek Qaddis, Int waħdek Mulej,
Int waħdek il-għoli,
Ġesu’ Kristu, ma’ l-Ispirtu
s-Santu:
fil-glorja tal-Missier Alla.
Ammen.
11 ta’ Lulju
Festa ta’
San Benedittu
abbati u patrun tal-Ewropa
Qari mill-Ktieb
tal-Proverbi
Prov 2, 1-9
Ibni, jekk tilqa’ kliemi,
jekk taħżen għandek
il-preċetti tiegħi,
biex widnejk jagħtu widen
għall-għerf u tiftaħ qalbek
għall-għaqal, iva,
jekk issejjaħ lid-dehen u tgħajjat lill-għaqal, jekk tfittxu daqs li kieku fidda u tistħarreġ għalih daqs li kieku teżori,
imbagħad tifhem xinhu
l-biża’ tal-Mulej u tikseb
il-għarfa ta’ Alla.
Għax hu l-Mulej li jagħti
l-għerf, u l-għarfa u l-għaqal minn fommu joħorġu;
hu jerfa’ għajnuna għan-nies sewwa, hu tarka ta’ dawk li jimxu sħaħ,
iħares il-mogħdijiet tal-ħaqq u jgħasses tajjeb fuq it-triq ta’ ħbiebu.
Imbagħad tifhem xinhu
s-sewwa u l-ħaqq u d-dritt u kull triq tajba.
Il-Kelma tal-Mulej.
R:/ Irroddu ħajr lil Alla
Salm Responsorjali
R:/ Kull ħin imbierek
il-Mulej
Kull ħin inbierek il-Mulej,
tifħiru dejjem f’fommi.
Bil-Mulej tiftaħar ruħi,
jisimgħu l-fqajrin u jifirħu!
R:/ Kull ħin imbierek
il-Mulej
Kabbru l-Mulej miegħi,
u ngħollu ismu flimkien. Ħarsu lejh u tiddi
bil-ferħ,
u wiċċkom ma jistħix.
R:/ Kull ħin imbierek
il-Mulej
Ippruvaw u taraw kemm hu tajjeb il-Mulej;
hieni l-bniedem li jistkenn fih.
Ejjew, uliedi, isimgħuni:
jiena l-biża’ tal-Mulej ngħallimkom.
R:/ Kull ħin imbierek
il-Mulej
Ħares ilsienek mill-ħażen,
u ‘l xofftejk minn kliem
il-qerq.
Tbiegħed mill-ħażen u agħmel it-tajjeb, fittex
is-sliem u imxi warajh.
R:/ Kull ħin imbierek
il-Mulej
Hallelujah, Hallelujah
Henjin il-fqar fl-ispirtu, għax tagħhom hija s-Saltna
tas-Smewwiet.
Hallelujah, Hallelujah
Qari mill-Evanġelju skont
San Mattew
Mt 19, 27-29
R:/ Glorja lilek Mulej
F’dak iż-żmien: Pietru qal lil Ġesù:
“Aħna ħallejna kollox u ġejna warajk; issa x’sa nieħdu?”
Ġesu qalilhom:
“Tassew, ngħidilkom, intom li ġejtu warajja,
fid-dinja l-ġdida meta Bin il-bniedem joqgħod fuq
it-tron glorjuż tiegħu,
intom ukoll toqogħdu fuq tnax-il tron u tagħmlu ħaqq mit-tnax-il tribù ta’ Iżrael.
U kull min iħalli ‘l daru jew ‘il ħutu jew ‘il missieru jew ‘l ommu jew ‘l uliedu jew ir-raba’ tiegħu minħabba f’ismi,
jerġa jirċievi kollox għal mitt darba iktar, u jieħu b’sehmu l-ħajja ta’ dejjem.
Il-Kelma tal-Mulej
R:/ Tifħir lilek Kristu
11 ta’ Lulju
Festa ta’
San Benedittu
abbati u patrun tal-Ewropa