1.

Wari enda wari badia

Wari meriah jumpa ras Dibata

Gia melala ndube dahinta

Nembah man baNa ola kita lupa.

Reff. Wari-warinta Tuhan empuna

Geluhta pe IA kap si njayamsa

Geluhta pe IA kap si njayamsa

2.

M’lala gia dahin ertima

Tedeh ateta jumpa ras Dibata

Si ‘rnalem baNa isampatiNa

Malem nanamna ‘di rembak ras IA.

Reff. Wari-warinta Tuhan empuna

Geluhta pe IA kap si njayamsa

Geluhta pe IA kap si njayamsa

3.

Latih susah lit tiap wari

Tuhan perkuah sikap ngelayasi

K’rina si nasa IA empuna

Si ‘ndesken baNa ukur ras geluhta.

Reff. Wari-warinta Tuhan empuna

Geluhta pe Ia kap si njayamsa

Geluhta pe Ia kap si njayamsa

1.

Kam Tuhan Dibata simada kuasa

Singkelini k’rina doni enda

Badia gelarNdu mulia me tuhu

Kupuji gelarNdu bas geluhku

Kam Tuhan Dibata simada kuasa

Singkelini k’rina doni enda

3.

Kam Tuhan Dibata simada kuasa

Si petetap ukur kami k’rina

Ajar kami nembah ras muji gelarNdu

‘lah metunggung ibas adepenNdu

Kam Tuhan Dibata simada kuasa

Si mpetetap ukur kami k’rina

Lit.

:

O Tuhan nehenlah kami anak-anakNdu si kote dingen dem salu kekurangen ras kelepaken. Si tuhuna la kami metunggung i lebe-lebeNdu sabab Kam kap Bapa si dem alu kebadian, kekelengen ras kuasa, emaka tuhu-tuhu ngaku kami Tuhan, kalak perdosa kap kami.

1.

Erlebuh aku o Tuhan

Ibas kesusahenku

Dengkehken min aku erlebuh

Man baNdu o Tuhanku

O Tuhan si erkuasa

Perdiateken aku

O Tuhan si erkuasa

Perdiateken aku

Lit.

:

O Tuhan i bas kegeluhen kami rusur kami la nginget uga belinna perkuah ateNdu si nggit ngenanami kiniseran gancih kami. Uga belinna kekelengenNdu si nampati i bas perbeben kami subuk i bas sakit, pendahin kami, perbeliten ras i bas kai pe saja si jadi bas kegeluhen kami. Rusur kami nalahken kam i bas kegeluhen kami, Tuhan sasapkenlah dosa kami.

2.

La serta ras la gegehku

Mbiar aru ateku

Bas toto ‘ku reh

Ngendesken pusuhku baNdu Tuhan

O Tuhan si perkuah

Ola tundalken aku

O Tuhan si perkuah

Ola tundalken aku

Lit.

:

Rusur kami la ngukuri ise kami i lebe-lebeNdu, rusur kami erpengakap maka belinen kami asang Kam.....

.... Arah nahe si arusna ipake kami guna erdalan i bas kebujurenNdu rusur ipake kami guna nilah i bas kebenaren ras mabai kami ku dalan si la mehuli si dem alu kinilabujuren. O Tuhan tuhu-tuhu ngaku kami maka geluh kami megati enggo ndauh iadepenNdu nari.

1.

Sipuji Tuhan

arah geluhta

Si inget tetap

ngaruhNa banta

Ban k’leng ateNa

nebusi kita

Terkelin kita

si tek man baNa

2.

Segedang g’luhta

inget Dibata

Bas k’rina paksa

ngaraplah baNa

Tetap ukurta

rembak ras IA

Erban si ‘rguna

ola erleja

Lit.

:

“Bahan maka pusuhndu si getem si ncidahken atendu ceda. Adi uisndu saja nge icaingkenndu la kap bias. Jeralah kempak Tuhan Dibatandu. IA melias dingen dem perkuah ate. IA persaber janah tetap icikepNa padanNa. Tetap IA nggit ngalemi dosandu la kam iukumNa”

(Joel 2 : 13)

2.

Kuukuri me lagungku

Dosa nari k’rina pe

Nggo terbuang wari-wari

La kupergunaken pe

3.

Rusur nari aku lalar

Ngaku aku o, Tuhan

Amin gia aku Kristen

Gatin dosa nge kuban

4.

Perban e me kutungtungken

‘Kurku baNdu o, Tuhan

Ras mekuah min ateNdu

Sasaplah dosangku min

Lit.

Ngaloi Jesus nina: “Kukataken pe man bandu, maka ise pe si nadingken rumahna, seninana ntah turangna, nandena ntah bapana, anak-anakna ntah jumana, erkite-kiteken Aku dingen erkite-kiteken Berita si Meriah, genduari e pe ialokenna buen asa si ndai. Ialokenna seratus kali lipat : rumah, senina, turang, nande, bapa, anak ras juma, aminna gia mesera akapna erkiteken iayak-ayak kalak janah ialokenna pe pagi kegeluhen si tuhu-tuhu si la erkerin-kerin.” (Markus 10 : 29-30)

1.

Senang adi ras Yesus Malem ate ta pe

Si dahi lah Penebus Je dat kita dame e

Begiken pendiloNa Marilah kam kerina

Si latih bas geluhta Maka kam senang ka

Senang adi ras Yesus Malem ate ta pe

Si dahi lah Penebus Je dat kita dame e

​

2.

Senang adi ras Yesus Malem ateta pe

Alu ukur si tutus Si ikutken lah dage

Tah kai pe si terjadi Lit me kap si nampati

Arapkenlah IA dage Tetaplah ukur e

Senang adi ras Yesus Malem ateta pe

Alu ukur si tutus Si ikutken lah dage

​

14.

Sumpahilah wari tubuhku! Ulanai inget wari tupung nandengku mupus aku!

15.

Sumpahilah kalak si erbahan meriah iakap bapangku tupung isehkenna bana berita enda, "Dilaki! Nggo tubuh sada anakndu dilaki!"

16.

Balilah ia ras kota-kota enda, kota si ikernepken TUHAN alu la alang-alangen. Erpagi-pagi ibeginalah sora nderkuh, ingan sora surak-surak perang,

17.

erkiteken la ibunuhna aku ope denga tubuh. Adi bage bertin nandengku kap min ndai jadi kuburenku.

18.

Ngkai maka aku tubuh? Ngenanami kiniseran; ras si pagitna ngenca, engkeriken umur geluhku i bas kemelan?

Lit.

​

:

Ketuahen kalak si megiken Kata Dibata, dingen simakekenca ibas geluhna si tep-tep wari, Haleluya.

Perp.

:

(iendeken)

Ha le lu ya, Ha le lu ya, Ha le lu … ya.

27.

Ituriken Jesus kerna kematenNa

Jenari nina Jesus, "Genduari ceda kal ateKu. Kuga ndia ningKu? Kukataken ndia pagi, ‘O Bapa, pedauh min paksa kiniseran enda i bas Aku nari?’ Lang, sabap guna si e kap Aku reh, gelah Kunanami kiniseran e.

28.

O Bapa ipermuliakenlah GelarNdu!" Jenari terbegi sora i langit nari Nina, "Nggo Kupermuliaken Ia, janah tetap denga Kupermuliaken."

29.

Megi sora e nina kalak si nterem si tedis i je, "Sora lenggur kap e." Tapi deba nina, "Labo! Malekat nge ngerana man BaNa!"

30.

Tapi nina Jesus man kalak si nterem si megi sora e, "Labo man gunangKu maka reh sora e, tapi man gunandu.

31.

Genduari me paksana doni enda iadili. Genduari italuken me si Penguasa doni enda.

32.

Kenca Aku ipeganjangken i doni nari, Kurintak me kerina manusia man bangKu."

33.

(Alu KataNa enda me IturikenNa kerna kematen si nandangi InanamiNa.)

34.

Jenari ngaloi kalak si nterem, "Rikutken Undang-undang kami, Raja Penampat si ipadanken Dibata e nggeluh me rasa lalap. Ngkai maka IkatakenNdu si reh i bas Dibata nari e ipeganjangken i doni nari? Ise kin Anak Manusia si reh i bas Dibata nari e?"

35.

Erjabap Jesus, "Kentisik nari ngenca terang e ringan i tengah-tengahndu. Teruskenlah perdalanenndu asum terang e lit denga i tengah-tengahndu, gelah ola kam ikuasai si gelap; sabap kalak si erdalan i bas gelap, la ietehna ku ja ia lawes.

36.

Dage teklah kam man terang e, asum terang e ras kam denga, gelah kam jadi kalak si nggeluh i bas terang." Kenca ikataken Jesus si e, lawes Ia cebuni gelah la idah kalak si nterem.

Lit.

:

Geluhndu arus erpalasken keleng ate, bagi Kristus enggo engkelengi kita, dingen ngendesken kesahNa man gunanta. IA enggo mpersembahken diriNa jadi persembahen si merim si ngena ate Dibata. (Epesus 5 : 2)

1.

Asa gegeh ras kengasupen,

Kami nehken persembahen.

Endesken kami baNdu Tuhan,

Alu dem keriahen.

Reff: Ajari kami ngergaken,

talenta ras kiniliten.

Arah ukur ras perbahanen,

Tuhan ipermuliaken

2.

Simpar tuhu aloken kami,

Pasu-pasuNdu O Tuhan.

kelengNdu i gejapken kami,

Kam kap si negu kami.

Reff: Ajari kami ngergaken,

talenta ras kiniliten.

Arah ukur ras perbahanen,

Tuhan ipermuliaken

3.

Arak-arak tetap O Tuhan,

Kegeluhen anakNdu e.

Gelah ngasup tetap O Tuhan,

Makeken si tading e.

Reff: Ajari kami ngergaken,

talenta ras kiniliten.

Arah ukur ras perbahanen,

Tuhan ipermuliaken

Lit.

Nina Jesus, Aku kap terang doni, ise singikutken Aku, ialokenna me terang si mereken kegeluhen, janah lanai IA erdalin i bas gelap. Emaka ersinalsallah min terangta selaku kalak si tek man Jesus.

Perp.

Tuhan tetap ate kami ncidahken terangNdu e i bas kerina dampar kegeluhen kami ras jadi kesaksin si nggeluh guna sekelewet kami.

Lit.

Ise si ngikut Tuhan Jesus arus kap mersan kayu persilang i bas ndalani wari-wari si ibereken Dibata.

Perp.

Tuhan, la aru ate kami i bas mersan kayu persilang e. Tapi tetap ate kami meritaken kiniulin ras kebujurenNdu i doni enda.

1.

Tuhanta Yesus e i surga

Nikapken ingan banta kin

Begiken Kata Tuhan banta

Janahna teklah kita min.

Reff. KataNa kap pengapul e

Man kalak si tek baNa e

KataNa kap pengapul e

Man kalak si tek baNa e

2.

‘Di teman ibas doni kepe

Ndarami untung bana kin

‘Di Tuhan Yesus labo kapen

Tapina ngk’lini kita nge.

Reff. KataNa kap pengapul e

Man kalak si tek baNa e

KataNa kap pengapul e

Man kalak si tek baNa e

3.

Perukur jelma manusia

E mobar-obar rusur nge

‘Di Tuhan Yesus labo kapen

KataNa ras kelengNa nge.

Reff. KataNa kap pengapul e

Man kalak si tek baNa e

KataNa kap pengapul e

Man kalak si tek baNa e

Turang ras senina si kukelengi, tetaplah ukurta ola ... ..... Emaka berkatlah alu mejuah-juah ras alokenlah pasu-pasu idur Dibata nari :

​

“Tapi kenca kita ngenanami kiniseran kentisik, serta me kita ibahan Dibata, si dem lias ate, si ndilo kita gelah ngenanami kemulianNa rasa lalap erkiteken persadanta ras Kristus, ipetetapNa dingen ipegegehiNa kita janah iberekenNa man banta palas si nteguh. Dibata kap erkuasa seh rasa lalap”. Amin

​

Perp. : A....min, A.......min, A......min

​