Il-Ġimgħa
tat-Tieni Ġimgħa
tal-Avvent
Qari mill-Ktieb tal-
Profeta Iżaija
Iż 48, 17-19
Dan jgħid il-Mulej,
il-feddej tiegħek, il-Qaddis ta’ Iżrael:
“Jien hu l-Mulej, Alla tiegħek jien ngħallmek
għall-ġid tiegħek, u nqabbdek it-triq fejn għandek timxi.
Li kieku tajt widen
għall-kmandamenti tiegħi, kien ikun bħal xmara sliemek, u sedqek bħal mewġ tal-baħar;
in-nisel tiegħek bħar-ramel,
l-għelejjel ta’ ġewwenik bħat-trab, u ismek la jitħassar u la jinqered minn quddiemi.”
Il-Kelma tal-Mulej
R:/ Irroddu ħajr lil Alla
R:/ Min jimxi warajk, Mulej, ikollu d-dawl
tal-ħajja
Salm Responorjali
Hieni l-bniedem li ma jimxix fuq il-pariri tal-ħżiena, li ma jiqafx fi triq il-ħatjin, li ma joqgħodx fil-laqgħat taż-żeblieħa;
imma fil-liġi tal-Mulej
hi l-għaxqa tiegħu,
lejl u nhar jaħseb
fil-liġi tiegħu.
R:/ Min jimxi warajk, Mulej, ikollu d-dawl
tal-ħajja
Hu bħal siġra mħawla ħdejn nixxigħat tal-ilma
li tagħmel il-frott
fi żmienha,
u l-weraq tagħha ma
jidbielx;
hu jirnexxi f’kulma jagħmel.
R:/ Min jimxi warajk, Mulej, ikollu d-dawl
tal-ħajja
Mhux hekk il-ħżiena,
mhux hekk;
iżda huma bħal tibna
li jtajjarha r-riħ.
Għax triq it-tajbin
il-Mulej jafha;
imma triq il-ħżiena
tintemm fix-xejn.
R:/ Min jimxi warajk, Mulej, ikollu d-dawl
tal-ħajja
Hallelujah, Hallelujah
Il-Mulej ġej,
ejjew nilqugħ:
hu l-prinċep tas-sliem.
Hallelujah, Hallelujah
Qari mill-Evanġelju skont
San Mattew
Mt 11, 16-19
R:/ Glorja lilek Mulej
F’dak iż-żmien, Ġesù
qal lill-folla:
“Imma ma’ min se nxebbhu dan in-nisel? Inxebbhu lil qabda tfal bilqiegħda
fil-pjazez jgħajtu lil sħabhom u jgħidu:
‘Daqqejnielkom il-flawt,
u ma żfintux,
għannejnielkom in-niket, u ma bkejtux!’
Għax tassew, ġie Ġwanni,
la jiekol u lanqas jixrob,
u qegħdin jgħidu:
‘Għandu fih xitan.’
Ġie Bin il-Bniedem, jiekol u jixrob, u qegħdin jgħidu:
‘Araw, xi bniedem wikkiel u sakranazz, ħabib
tal-pubblikani u l-midinbin.’
Imma l-għerf ta’ Alla tawh raġun l-opri tiegħu stess.”
Il-Kelma tal-Mulej
R:/ Tifħir lilek Kristu
Il-Ġimgħa
tat-Tieni Ġimgħa
tal-Avvent