1.

Si endeken ‘nde-‘nden si meriah

Man Tuhannta

si ‘nggo tubuh bas pelangkah

Sabab patut nge k’rina kita nembah

Ban babaNa terang ngaruh ras pe tuah

Reff. Dage mari kita kerina

‘Lah si puji gelar Dibata

Ulanai ukur erbera

Tuhan Yesus me kap Rajanta

​

2.

Tuhan Yesus metunggung dat pujin

Perban Ia si ngajari kita kin

Kek’lengenNa la erkeri-erkerin

Adi pakelah pedahNa seh pagin

Reff. Dage mari kita kerina

‘Lah si puji gelar Dibata

Ulanai ukur erbera

Tuhan Yesus me kap Rajanta

​

1.

‘Bas si nasa tinepaNa

Tetap k’rina rende t’rus

‘Nde-enden pujin badia

Muji gelar Penebus

Reff. Glo.....ria

Muliaken Tuhan!

Glo.....ria

Muliaken Tuhan

3.

K’rina ginemgem Dibata

Pehaga si tubuh e

Surga doni rende ia

K’rina alokenNa pe

Reff. Glo.....ria

Muliaken Tuhan!

Glo.....ria

Muliaken Tuhan

Lit.

:

Nehenlah! Ketubuhen Jesus ku doni enda reh maba terang. Gelah asa ise nggit ngaloken terang e dingen tek nggeluh me.

Perp.

:

....

Perp.

:

Igejap kami maka Kam kap Dibata si enggo encidahken kekelengenNdu nandangi kami. Kam enggo nerangi geluh kami, tapi la kami ngasup gelah jadi terang man doni enda. O Tuhan, alemi min kami.

1.

Kuakuken kerina salahku,

Iadepen Dibatangku.

Tuhu ku gejap mbue dosangku.

Meluat nari kal pergeluhku

​

Reff. Mekuah min ateNdu aku,

sasapkenlah dosangku.

O Tuhan tegulah min aku,

‘lah tetap jingkangku.

2.

Lalap ku inget salah dosangku,

Ku gejap salah lepakku.

Dosa nge lalap perbahanenku,

Kulakoken si la ngena ‘teNdu.

​

Reff. Mekuah min ateNdu aku,

sasapkenlah dosangku.

O Tuhan tegulah min aku,

‘lah tetap jingkangku.

Lit.

“Kam enggo erkubang-kubang ibahan dosa, tapi Kuperidi kam maka bersih bagi salju. Aminna gia erkiteken dosandu kam engo mbiring bagi tengguang, mulihi kam jadi mbentar bagi kapas.”

1.

Sendah jumpa kita wari raya e,

Peringeten tubuh Tuhan Yesus e

Nusur ndahi kita manusia e,

Keriahen kap e

Ermulia me Tuhanta,

E sipuji me GelarNa

Perdamen ib’re Dibata,

Tuhan Yesus kap e

3.

Sembah kami man bandu si tubuh e

Kam si maba dame ku pertibi e

Bengket min ku tendi ukur kami e,

DameNdu o, Yesus

Ermulia me Tuhanta,

E sipuji me GelarNa

Perdamen ib’re Dibata,

Tuhan Yesus kap e

22.

Dage genduari pesehlah katangKu enda, Aku TUHAN si Erdolat, kempak kalak Israel: Kai si nandangi Kulakoken labo erkiteken kam kalak Israel, tapi guna gelarKu si Badia, si nggo ibahanndu meling i bas tep-tep negeri si idahindu.

23.

Kenca Kucidahken kebadian gelarKu si mbelin, gelar si nggo icemarkenndu i tengah bangsa-bangsa, kenca bage ieteh bangsa-bangsa emaka Aku kap TUHAN, si Erdolat nggo melasken rananKu. Kupake me kam lako encidahken man bangsa-bangsa maka badia kap Aku.

24.

Kubuat kam i bas kerina bangsa ras negeri nari, Kubaba mulih ku tanehndu jine.

25.

Kupirpirken man bandu lau meciho janah Kubersihken kam i bas berhala-berhala ras kerina perkara-perkara si debanna si nggo ngeliami kam.

26.

Kubereken man bandu pusuh si mbaru ras perukuren si mbaru. Kuagui pusuhndu si mekeng bagi batu, jenari Kubereken man bandu pusuh si nggit patuh.

27.

KesahKu Kutamaken i bas pusuhndu, janah tetap Kuperdiateken maka ikutkenndu undang-undangKu, janah patuh man perentah si Kubereken man bandu.

28.

Kenca bage ringan me kam i bas taneh si Kubereken man nini-ninindu. Kam jadi bangsangKu, janah Aku jadi Dibatandu.

29.

Kukelini kam gelah ulanai lit kai pe si ngeliami kam. Kuperentahken man gandum gelah mbuah ia, gelah ulanai kam kelihen.

30.

Kutambahi buah batang kayundu bage pe ulih jumandu, gelah ulanai lit kelihen si erbahanca mela akapndu i tengah bangsa-bangsa.

31.

Teringet me kam nandangi lagu langkahndu si jahat dingen kesalahen si ilakokenndu, emaka ciga atendu ngenehen dirindu jine erdandanken dosa-dosa ras perbahanenndu si nggesuh.

32.

O Israel, perlu kuakap ietehndu maka kerina si e Kulakuken labo erdandanken kam. AteKu gelah igejapndu uga melana ras hinana Aku erdandanken kai si ilakokenndu. Aku, TUHAN si Erdolat, nggo melasken katangKu."

Lit.

​

:

Ketuahen kalak si megiken Kata Dibata, dingen simakekenca ibas geluhna si teptep wari, Haleluya.

Perp.

:

(iendeken)

Ha le lu ya, Ha le lu ya, Ha le lu… ya.

15.

Kenca malekat-malekat mulihken ku surga nina permakan sapih-sapih ia, "Ota lawes kita ku Betlehem ngenehen kejadin si lit i je, bagi ikatakan malekat tuhan ndai man banta."

16.

Emaka pedas-pedas berkat permakan ndai janah idapetina Maria ras Jusup dingen idahna pe Anak e medem i bas pelangkah.

17.

Asum permakan-permakan ngidah Anak e, iturikenna man Jusup ras Maria kai si nggo ikataken malekat man bana kerna Anak e.

18.

Jenari iturikenna pe man kalak si deban, janah kemamangen kerina kalak si megi berita si ikataken permakan e.

19.

Tapi rukur Maria kerna erti kata e janah ibunikenna i bas ukurna.

20.

Jenari mulih permakan-permakan janahna rende muji Tuhan, sabap kerina si nggo ibegina ras idahna payo bagi si ikataken malekat ndai man bana.

1.

Man baNdu Yesus Tuhanku

Kuendesken geluhku

Nggeluh sikeleng-kelengen

Nggit sisampat-sampaten

​

Reff. Erbuah kata ni suan

Bas kita anak Tuhan

Erbuah kata ni suan

Bas kita anak Tuhan

1.

Kukataken bujur baNdu

O Kam Tuhan Penebus

Aku enggo s’lamatkenNdu

Arah lias ateNdu

Reff.

Keleng kal ateNdu aku

Simpar kap ngaruhNdu bangku

Lias ateNdu la nai terpilasi

Ku puji Kam tep-tep wari

2.

Tergejap pasu-pasuNdu

I bas kegeluhenku

Rejeki arah dalinku

Icur-curkenNdu bangku

Reff.

Keleng kal ateNdu aku

Simpar kap ngaruhNdu bangku

Lias ateNdu la nai terpilasi

Ku puji Kam tep-tep wari

3.

Arah perkuah ateNdu

Mejuah-juah aku

Senang me kapen geluhku

Kupujilah gelarNdu

Reff.

Keleng kal ateNdu aku

Simpar kap ngaruhNdu bangku

Lias ateNdu la nai terpilasi

Ku puji Kam tep-tep wari

Lit.

:

“O senina-seninangku, nginget perkuah ate Dibata si mbelin si isehkenNa man banta, kupindo man bandu: endeskenlah kulandu man Dibata saja selaku persembahen si nggeluh rikutken si ngena ateNa. Sabab bage arusna kam ersembah man Dibata sue ras biakndu selaku mahluk si rukur.” (Roma 12 : 1)

1.

Keriahen simbelinna,

Sikuberitaken e

Enggo tubuh si permakan

Eme Tuhan Yesus e

Pujilah min Dibatanta

Ras dame dame dame man banta

Dibatanta si erkuah ate,

Man kita jelma e

2.

Ibas berngi enda terang

Bintang si mehelhel e

T’rangna seh ku perukuren

Si lanai erlayas pe

Pujilah min Dibatanta

Ras dame dame dame man banta

Dibatanta si erkuah ate,

Man kita jelma e

3.

Tuhan Yesus persadanta,

Em isuruh Bapa e

Si nasapken k’rina dosa,

Ibas Golgota kepe

Pujilah min Dibatanta

Ras dame dame dame man banta

Dibatanta si erkuah ate,

Man kita jelma e

Lit.

O Turang ras senina, Dibata enggo engkelengi dingen nerangi pusuhndu, nggit nge kam maba keleng ate dingen nerangi pusuh kalak si kote?

Lit.

Tuhan Jesus enggo ngergaken kam, dingen erbahan kam jadi temanNa. Nggit nge kam ngergaken temanndu manusia bagi Kristus enggo ngergaken kam?

1.

Meriah kal ukurku

m’ritaken gelarNa

Berita kerna Yesus ras keleng ateNa

Meriah kal ukurku nuriken si benar

Peturah kiniteken ukurku tergintar

Reff. Pembarkenlah kataNa

Kempak kerina jelma

Kerna Yesus Tuhanta

ras keleng ateNa

2.

Meriah kal ukurku m’ritaken gelarNa

Ergan kuasa gelarNa asang doni enda

Meriah kal ukurku nuriken man bandu

Enda b’rita si mbelin si’rbanca terkelin

Reff. Pembarkenlah kataNa

Kempak kerina jelma

Kerna Yesus Tuhanta

ras keleng ateNa

Ipasu-pasu janah ikawali Dibata kam; siang ayo Dibata ersinalsal ibabondu janah melias ateNa ngenehen kam. Itatap Dibata ku kam, janah malem atendu ibahanNa. Amin.

​

Perp. : A....min, A.......min, A......min