Mari sijaga kebadian ruang ibadahta, terlebih-lebih mari si mateken HPnta
2
2
i elai :
Pdt. Rejekina Br. Ginting, S.Th
Minggu Xx KENCA TRINITATIS
(MINGGU moria)
13 Oktober 2024
GBKP RUNGGUN TEBING TINGGI
KEBAKTIN BAHASA KARO
PUKUL : 10.00 WIB
Kata Pengalo-ngalo �Ras Momo
Kata Penaruh �Kubas Kebaktin
1 | Yesus ulu kegeluhenku, Kam me ngenca pengendesenku, Lalap tedeh ate pusuhku, Kupehaga Kam bas geluhku. Reff. O Tuhan pernehen pusuhku, siertedeh ate man baNdu kugelem pedah ras padanNdu kusembah Kam ibas geluhku |
KEE 374 : 1-2
Perpulungen Tedis
2 | Ku sembah Tuhan penebusku, Si mereken kekelengenNa, Alu tutus reh aku Tuhan, Ras kerina isi jabungku. Reff. O Tuhan pernehen pusuhku, siertedeh ate man baNdu kugelem pedah ras padanNdu kusembah Kam ibas geluhku |
KEE 374 : 1-2
VOTUM & SALAM
Ndehara si mehuli, ia kap kemulian ras keriahen perbulangenna, tapi ndehara si njuruken bali kap ia ras penakit kangker. (Kua. 12 : 4)
2. | Bagi Tuhan Yesus kempak perpulungen Ras badanNa jine enggo ib’rekenNa Bage arus kepe s’kalak perbulangen Bas erkeleng ate kempak ndeharana. Reff. Si ajar-ajaren, Radu ras sikeleng-kelengen Sisampat-sampaten, Sada ukur maba kegeluhen Tengah-tengah jabu, Tuhan Yesus jadi persukuten Gelah min pe pagi, Perjabunndu banci man usihen |
KEE 248 : 2,3
3. | Ndehara si pantas lit ukurna saber Lit gia perbeben la ukurna monce Perkeleng atena terus kapen maler Ras perbulangenna nggeluh ibas dame. Reff. Si ajar-ajaren, Radu ras sikeleng-kelengen Sisampat-sampaten, Sada ukur maba kegeluhen Tengah-tengah jabu, Tuhan Yesus jadi persukuten Gelah min pe pagi, Perjabunndu banci man usihen |
KEE 248 : 2,3
Perpulungen kundul
Pujin man dibata si mperdiateken kegeluhen manusia
Lit. | Dibata enggo milih manusia nehken... ... Erkiteken si e sisehken puji-pujinta. |
Perp. | Tendingku muji Tuhan. Meriah ukurku perbahan Dibata penebusku. |
Moria | Sabab enggo ingetna aku kawanNa si meteruk! Genduari nari kerina kalak ngataken maka aku sangap. |
Pujin man dibata si mperdiateken kegeluhen manusia
Lit. | Sabab Dibata si Mada Kuasa encidahken perbahanenNa man banta. Badia me gelarNa. |
Moria | IcidahkenNa perkuah ateNa man bangku si erkemalangen man baNa. |
Pujin man dibata si mperdiateken kegeluhen manusia
Lit. | IcidahkenNa kuasaNa alu perbahanen tanNa, janah iambatiNa gelah ola seh sura-sura kalak si meganjang ukurna. |
Perp. | IngetNa padan si enggo ibahanNa ras nini-niningku, janah reh ia nampati aku kawanNa. |
1. | Tuhan kap permakan geluhku Maka la kekurangen aku I tengah mbal-mbal si meratah Geluhku i pesenangkenNdu. Reff. O Tuhan Kam penalemenku TemaniNdu ibas dalanku Tuhu malem teneng tendiku Perbahan Tuhan temanku |
KEE No. 386 : 1 – 3
2. | Kempak lau si teneng malerna Itegu-teguNdu geluhku PelimbaruiNdu gegehku Dalan pinter babaNdu aku. Reff. O Tuhan Kam penalemenku TemaniNdu ibas dalanku Tuhu malem teneng tendiku Perbahan Tuhan temanku |
KEE No. 386 : 1 – 3
3. | Bas aku ndalani geluhku Mentas arah kelbung si gelap La ‘ku mbiar jumpa cilaka Sabab Kam kap Tuhan ras aku. Reff. O Tuhan Kam penalemenku TemaniNdu ibas dalanku Tuhu malem teneng tendiku Perbahan Tuhan temanku |
KEE No. 386 : 1 – 3
Kinata kegeluhen manusia ras pengakun dosa
Lit. | Turang ras senina, Dibatanta e bagi... ... Kuga nge siidah pengergan ras keleng ateta nandangi Dibata si reh bagi nande i bas geluhta? |
PAKSA TENENG
Kinata kegeluhen manusia ras pengakun dosa
Lit. | Kuga nge si idah pengergan ras keleng ateta nandangi nande si enggo ijujurken Dibata i bas geluhta? |
PAKSA TENENG
Kinata kegeluhen manusia ras pengakun dosa
Lit. | Mari siakuken dosa ras kelepakenta i lebe-lebe Dibata |
Mamre ras Permata | O Tuhan, megati kami ngukuri diri kami saja, kami lupa notoken ras ngergai nande i tengah-tengah jabu. O Tuhan alemi min kami. |
Moria | ....... |
Kinata kegeluhen manusia ras pengakun dosa
Moria | O Tuhan megati aku la kupakeken pendiloNdu selaku nande i bas geluhku. Emaka mekuah min ateNdu kempak aku, sampati min aku. |
PAKSA TENENG
2. | Megati meganjang ukur Nogan nimbak kataNa Piah dungna latih rukur Di sirang ras Dibata Begikenlah pendiloNa Malang erlajar baNa Di mberat pe bas geluhta Menahang di ras IA |
KEE No. 292 : 2,3
3. | Di kita la mediate Man teman ras jabunta I ja pe la malem ate Disirang ras Dibata Begikenlah pendiloNa Usih perbahanenNa Sampati turang senina Dame senang ukurta |
KEE No. 292 : 2,3
Berita pengalemi dosa
Lit. | “Aku me Dibatandu si milih ras si ndilo kam guna jadi nande dingen si mereken nande man bandu guna iergaindu i bas geluhndu. Kupegegehi kam, kualemi salah ras lepakndu, ernalemlah man bangKu.” |
Perpulungen Tedis
1. | Kam nebusi aku Tuhan Kam si mpeteneng tendingku Tendi si ndube tertaban TeguNdu ku adepen Ndu Reff: Malem kel ateku Bapa, Ban keleng ate Ndu Ku puji gelarNdu Bapa, Mulia gelarNdu TeguNdu lah aku Tuhan, Ibas pusuhku Kam ringan PetetapNdu aku Tuhan Gelah dosa talu me kuban |
KEE No. 423 : 1,3
3. | Kam ngaloken aku Tuhan Kam simpekena ukurku, Ukur si nimbak Kam Tuhan, alokenNdu ibas tanNdu. Reff: Malem kel ateku Bapa, Ban keleng ate Ndu Ku puji gelarNdu Bapa, Mulia gelarNdu TeguNdu lah aku Tuhan, Ibas pusuhku Kam ringan PetetapNdu aku Tuhan Gelah dosa talu me kuban |
KEE No. 423 : 1,3
(Perpulungen Kundul)
Ngoge Kata Dibata 1 Samuel 25 : 23 – 35
(Tunggal)
23. | Kenca Abigail ngidah Daud pedas-pedas ia nusur i das kaldena nari, jenari minter ia erjimpuh ku taneh |
24. | i tapak-tapak Daud, janah nina man Daud, "Mekuah atendu min Bapa, begikenlah aku! Aku sajalah si mersan kesalahen e. |
25. | La pedah iperdiatekenndu Nabal kalak si la terpake e! Ia payo kal bagi gelarna si motu. Aku sangana mbarenda la i je asum suruh-suruhenndu reh, Bapa. |
1 SAmuel 25 : 23 – 35
26. | TUHAN kap si ngolangi kam maka la ibunuhndu imbang-imbangndu. Janah genduari ersumpah aku alu gelar TUHAN si nggeluh maka musuh-musuhndu ras kerina si atena erbahan si jahat man bandu la banci la iukum bagi Nabal. |
1 SAmuel 25 : 23 – 35
27. | Ngarap aku Bapa, gelah ialokenndu luah si nggo kubaba man bandu, janah berekenlah man teman-temanndu. |
1 SAmuel 25 : 23 – 35
28. | Mekuah min atendu Bapa, sasapkenlah kesalahen si nggo kubahan. Tentu ibahan TUHAN kam pagi jadi raja, ras kesusurenndu pe, erkite-kiteken kam nehken perang TUHAN, janah la kam nggit erbahan si jahat kidekah kam nggeluh. |
1 SAmuel 25 : 23 – 35
29. | Adi lit kalak si ngayaki kam atena janah ndarami dalan munuh kam, TUHAN Dibatandu si ngkawali kam bagi sekalak si njagai sada barang si meherga. Janah adi kerna musuh-musuhndu, ugapa pe IbenterkenNa ia ndauh-ndauh, desken sekalak dilaki si menterken batu alu kalimbawangna. |
1 SAmuel 25 : 23 – 35
30. | Janah kenca nggo pagi isehken TUHAN kerina si mehuli si IpadankenNa man bandu janah nggo IangkatNa kam jadi raja Israel, |
1 SAmuel 25 : 23 – 35
31. | lanai pagi perlu kam suhsah ras erkadiola Bapa, erkite-kiteken munuh alu la ersabap ntah pe erbalas rikutken ukurndu jine. Janah kenca pagi isehken TUHAN pasu-PasuNa man bandu, Bapa ngarap aku gelah ula ilupakenndu aku." |
1 SAmuel 25 : 23 – 35
32. | Nina Daud man bana, "Terpujilah TUHAN, Dibata Israel, si nggo nuruh kam sendah njumpai aku! |
1 SAmuel 25 : 23 – 35
33. | Bujur man Dibata kerna kepantasenndu rukur ras kerna kai si nggo ibahanndu sendah i bas ngolangi aku erbahan kejahaten munuh ras erbalas rikutken ukurku jine. |
1 SAmuel 25 : 23 – 35
34. | TUHAN si erbahanca maka la kusehken si jahat man bandu. Tapi ersumpah aku i bas gelar Dibata Israel si nggeluh maka adi la pedas-pedas kam njumpai aku, kerina teman-teman Nabal nggo min ndai mate ope denga erpagi-pagi!" |
1 SAmuel 25 : 23 – 35
35. | Kenca bage ialoken Daud kai si ibaba Abigail man bana, janah nina Daud man bana, "Mulihlah kam ku rumahndu janah ula aru atendu. Sue ras pemindonndu man bangku bage nge kubahan." |
1 SAmuel 25 : 23 – 35
Lit. | : | Ketuahen kalak si megiken Kata Dibata, dingen simakekenca ibas geluhna si tep-tep wari, Haleluya. |
Perp. | : | (iendeken) Ha le lu ya, Ha le lu ya, Ha le lu … ya. |
Tema :
“Moria Si Ngkelengi Perbulangen ras Anak-anak”
Titus 2 : 3-5
(Tunggal)
Pdt. Rejekina Br. Ginting, S.Th.
3. | Bage pe kataken man diberu-diberu si nggo metua gelah bersih lagu-langkahna, bagi arusna. La banci ia ncekuraki kalak si deban, bage pe la banci nagih minem anggur. Ia arus ngajarken si mehuli: |
Titus 2 : 3 – 5
4. | ngajari diberu si nguda denga gelah keleng atena perbulangenna ras anak-anakna, |
5. | gelah ngasup ia ngkuasai dirina dingen nggeluh badia, gelah beluh ia ngaturken jabuna dingen jadi ndehara si patuh man perbulangenna; gelah alu bage ise pe la ncekuraki berita si rehna i bas Dibata nari. |
Titus 2 : 3 – 5
Tema :
“Moria Si Ngkelengi Perbulangen ras Anak-anak”
Titus 2 : 3-5
Pdt. Rejekina Br. Ginting, S.Th.
(Perpulungen Tedis)
Aku tek man Dibata Bapa si la ersibar kuasaNa, si nepa langit ras doni.
Aku tek man Yesus Kristus anakNa si Tonggal, Tuhanta, si jadi arah Kesah Si Badia, tubuh idur singuda-nguda nari si so keliamen, tergelar si Maria, si ngenanami kiniseran sangana pemerentahen Pontius Pilatus, nipakuken ku kayu persilang, mate,
PENGAKUN KINITEKEN
jenari ikuburken, nusur ku doni kematen, petelu wariken nggo keke i bas si mate nari, nangkih ku Surga, perkundulNa arah kemuhen Dibata Bapa si la ersibar kuasaNa, jenari reh me ia pagi ngeranaken si nggeluh ras si nggo mate.
Aku tek man Kesah si Badia, janah lit sada Gereja Si Badia, persadan kalak si Badia, pengalemi dosa, kinikeken kula, kegeluhen si rasa lalap. Amin.
(Perpulungen Kundul)
Lit. | : | O senina-seninangku, nginget perkuah ate Dibata si mbelin siisehkenNa man banta, kupindo man bandu: Endeskenlah kulandu man Dibata saja selaku persembahen si nggeluh rikutken si ngena ateNa. (Roma 12 : 1a) |
KEE No. 471 : 1
1. | Ermengkah ukurku, ras ngataken bujur Tuhan Kelengi min aku, Kam empu geluhku Enda ngenca Tuhan persembahenku Kerina geluhku kesah ras tendingku La kap lit bas aku erta kebayaken Si cukup meherga ‘lah ku persembahken Sada ngenca Tuhan lit pemindonku Aloken min Tuhan persembahenku Pakeken geluhku jadi perkakasNdu Segedang geluhku |
Lit. | Moria idilo Dibata jadi nande si pentar, ingan tertande man isi jabu. |
Moria | Tetap ukurku o Tuhan, makeken kepentaren si enggo iberekenNdu man bangku, gelah idah isi jabungku keleng ateNdu i bas diringku. |
Perpadanen man dibata
Perpulungen tedis
Lit. | Ergaken dingen totokenlah nande i tengah-tengah jabundu maka ngasup ia jadi nande ingan tertande |
Mamre ras Permata | Erpadan kami guna ngergai nande kami, sebab Kam kap si reh engkelengi kami i bas nande kami. |
Perpadanen man dibata
Lit. | Sitatang-tatangenlah kami i bas jabu, maka dame geluhndu, erguna me geluhndu i bas gereja ras masyarakat |
Perp. | Erpadan kami Tuhan, nggeluh sitatang-tatangen i bas jabu, gelah idah doni enda, maka Kam me pematang jabu kami. Amin |
Perpadanen man dibata
1. | Man baNdu Yesus Tuhanku Kuendesken geluhku Nggeluh sikeleng-kelengen Nggit sisampat-sampaten Reff. Erbuah kata ni suan Bas kita anak Tuhan Erbuah kata ni suan Bas kita anak Tuhan |
KEE No. 296 : 1-3
2. | Nggeluh sitatang-tatangen Kita radu megegeh Nggit kita ngalemi salah Pusuh dame meriah Reff. Erbuah kata ni suan Bas kita anak Tuhan Erbuah kata ni suan Bas kita anak Tuhan |
KEE No. 296 : 1-3
3. | Mediate ras mesayang Si m’uli ula sungsang Tetap siajar-ajaren La sitogan-toganen Reff. Erbuah kata ni suan Bas kita anak Tuhan Erbuah kata ni suan Bas kita anak Tuhan |
KEE No. 296 : 1-3
“Dibata, sumbul kemalemen ate e gelah si ncukupi keperlunndu guna ndalanken si sentudu ras peratenNa. Janah Dibatalah erdahin i bas kam arah Jesus Kristus gelah kam ngelakoken si ngena ateNa. Man Kristuslah kemulian seh rasa lalap.” Amin. Perp. : A....min, A.......min, A......min |
Paksa teneng
Selamat Wari Minggu