1.

Meriah kal ukurta,

reh kap penampat

Pesikaplah dalinNa ibas ukurta

Biak-biak keg’lapen

tadingken k’rina

Aloken kesangapen keleng ateNa

Reff. Sialo-alo Ia

ralep-alep lah min kita

Pesikaplah inganNa

bas ukurta

2.

Di lit si meluk-eluk si pesikaplah

Ukur si nggeduk-nggeduk

jadi pinterlah

Pesai-pesai dalanNa Raja Mulia

Babailah kalak k’rina

nembah man baNa

Reff. Sialo-alo Ia

ralep-alep lah min kita

Pesikaplah inganNa

bas ukurta

3.

Dibata kap Bapanta si nuruh Ia

Nusur ku doni enda

ndahi manusia

Robahlah dingen jera kita kerina

Dosanta iangkutNa

terkelin kita

Reff. Sialo-alo Ia

ralep-alep lah min kita

Pesikaplah inganNa

bas ukurta

1.

Ingetlah min gelar Yesus

Susah ntah senang gia

Ia me kap penampatndu

Ku ja pe perlawesndu

Reff. Mehaga gelarna

Pengarapenta k’rina

Mehaga gelarNa

Ermulia gelarNa

3.

Bage me kelengNdu bangku

Kam ingeten pusuhku

E maka tetap ukurku

Pemuliaken gelarNdu

Reff. Mehaga gelarna

Pengarapenta k’rina

Mehaga gelarNa

Ermulia gelarNa

Lit.

:

Tuhan Dibata dem alu kemulian si meganjangna ibelang-belang doni enda.

Perp.

:

Terpujilah Tuhan ibelang-belang doni enda.

Lit.

:

Dibata si erkuasa nandangi kerina si lit i bas doni enda, Dibata ngkuasai doni kerina.

Perp.

:

Ipuji kami Kam Tuhan, erkiteken igejapken kami maka Kam kap Dibata si erkuasa nandangi doni enda ras isina kerina.

Lit.

:

Padan Dibata tetap kap tahan seh rasa lalap.

Perp.

:

PadanNdu kap jadi gelemen i bas geluh kami Tuhan. Kam si man pujin dingen si isembah i bas kegeluhen kami.

1.

Sipuji Tuhan

arah geluhta

Si inget tetap

ngaruhna banta

Ban k’leng ateNa

nebusi kita

Terkelin kita

si tek man Bana

2.

Segedang g’luhta

inget Dibata

Bas k’rina paksa

ngaraplah baNa

Tetap ukurta

rembak ras Ia

Erban si ‘rguna

ula erleja

3.

Reh pendungina

wari-warinta

Lit kap paksana

reh me Tuhanta

Ipepulungna

kerina jelma

Kita si s’tia

malem ateta

Lit.

:

Ibereken paksa man banta kentisik guna rukur kerna perukuren ras perbahanenta sedekah enda i bas la kita ersikap, la kita megenggeng, dingen la kita saber guna nimai kerehen Dibata e.

Lit.

:

Dibata enggo erpadan reh ku doni enda guna ncidahken kemulianNa man kita kerina manusia. kerehenNa e maba dame ras keselamaten man manusia. Kai dage si enggo ibahanndu i bas ngalo-ngalo kerehen Dibata e?

Perp.

:

…

Perp.

:

O Tuhan, Kam si maba dame kubas doni enda, ngaku kami maka kurang ersikap i bas ngalo-ngalo kerehenNdu e. Rusur kal kami la ngasup ngergaken kerehenNdu si maba dame dingen keselamaten man kami. La kami nikapken pusuh peraten dingen mekarus kami i bas ngalo-ngalo Kam….

Perp.

:

Ngaku kami, erkite-kiteken ngayak-ngayaki keriahen doni enda, piah dungna tading keriahen si ibabaNdu man kami. O Tuhan alemi min kami.

1.

Yesus Tuhanku penalemenku

Lalit gegehku sampatilah aku

Sampat aku Tuhan

Sampat aku Tuhan

Sampat aku Tuhan

Sampat o Bapa

Sampat aku Tuhan

Sampat aku Tuhan

Sampat aku Tuhan

Sampat o Bapa

3.

Yesus Tuhanku penalemenku

Bera ukurku, min tanNdulah negu

Sampat aku Tuhan

Sampat aku Tuhan

Sampat aku Tuhan

Sampat o Bapa

Sampat aku Tuhan

Sampat aku Tuhan

Sampat aku Tuhan

Sampat o Bapa

4.

Yesus Tuhanku penalemenku

Bas mbiar aku, petetap pusuhku

Sampat aku Tuhan

Sampat aku Tuhan

Sampat aku Tuhan

Sampat o Bapa

Sampat aku Tuhan

Sampat aku Tuhan

Sampat aku Tuhan

Sampat o Bapa

Lit.

“Dage o senina-seninangku, saberlah kam ngayak reh Tuhan. Nehenlah sekalak perjuma kuga ia saber nimai seh jumana mereken ulih si erguna. Saber ia nimai udan si reh nandangi merdang ras udan si reh kenca rumpah page. Kam pe arus saber. Tetap min kam erpengarapen, sabab wari kerehen Tuhan seh me.”

1.

Kek’lengen Yesus kempak manusia

Desken Dibata engkelengi Ia

KekelengenNa maler kap man banta

Adi sipakelah pedahNa

Reff. Min si keleng-kelengen kita k’rina

Bagi pedahken Yesus bas pustaka

Sababna kai sipindo bas gelarNa

Ib’re Dibata man banta.

2.

Ngasamken kesah nggit me kepe Ia

Gelah terkelin kita manusia

Dage dalanken si ni pedahkenNa

Kempak temanta ise gia

Reff. Min si keleng-kelengen kita k’rina

Bagi pedahken Yesus bas pustaka

Sababna kai sipindo bas gelarNa

Ib’re Dibata man banta.

3.

Bas paksa kita nehken kekelengen

Ola min siban ceda kempak teman

Erban mehuli ola rahan-ahan

Lah kedamen jujurken Tuhan

Reff. Min si keleng-kelengen kita k’rina

Bagi pedahken Yesus bas pustaka

Sababna kai sipindo bas gelarNa

Ib’re Dibata man banta.

Dil.

Ibereken Dibata kemenangen man bangsaNa

¹Reh me paksana maka bangsa e ngendeken ende-enden enda i negeri Juda: Nteguh kal kotanta enda; Dibata jine ngkawali tembok-tembokna!

Dib.

²Talangilah pintu gerbang kota suruh bengket bangsa si setia, bangsa si tutus ngelakoken sura-sura Dibata.

Dil.

³O TUHAN, IberekenNdu kap dame si tuhu-tuhu man kalak si tetap ukurna, dingen si ernalem man BaNdu.

Dib.

⁴Ernalemlah man TUHAN seh rasa lalap, tentu IkawaliNa kita tetap.

Dil.

⁵Nggo IpeterukNa kalak si rukur meganjang; IcedakenNa kota si nteguh inganna tading janah IperperkenNa TembokNa si meganjang.

Dib.

⁶Kalak si nai itindas genduari erdalan i babona, iperjakina alu nahena.

Lit.

​

:

Ketuahen kalak si megiken Kata Dibata, dingen simakekenca ibas geluhna si teptep wari, Maranatha.

Perp.

:

(iendeken)

Ma ra na tha, Ma ra na tha, Ma ra na … tha.

1.

Perumpaman kerna sepuluh kalak singuda-nguda

"I bas paksa e Kinirajan Surga bali ras sepuluh kalak singuda-nguda. Isaganina lampuna jenari lawes ia ngalo-ngalo kalak empo.

2.

I bas si sepuluh kalak e, lima kalak lenge, lima kalak pentar.

3.

Si lenge ibabana lampuna tapi la ibabana minak persedian;

4.

si pentar ibabana lampuna ras minak persedianna tare botol.

5.

Perbahan melawen maka reh si empo e, munduk-unduk ia kerina jenari tunduh ia.

6.

Tengah berngi terbegi sora erlebuh nina, ‘Enda si empo ndai! Alo-alolah ia!’

7.

Emaka keke singuda-nguda ndai kerina, ipesikapna lampuna.

8.

Nina singuda-nguda si lenge man si pentar, ‘Man kami min sitik minakndu sabap nimpet atena lampu kami.’

9.

Ngaloi singuda-nguda si pentar e, ‘Lanai kari bias minak kami adi man bandu deba, emaka ulin tukur minakndu ku kede.’

10.

Asum ia lawes nukur minak reh si empo e. Singuda-nguda si nggo sikap nimaisa bengket ras si empo ku ingan si nggo isikapken guna kerja e, jenari pintun ieruk.

11.

Kenca bage reh si nguda-nguda si lenge ndai, erlebuh ia, nina, ‘O tuan, tuan! Talangi min pintun enda gelah bengket kami.’

12.

Ngaloi si empo e, ‘Tuhu-tuhu la kam kutandai.’"

13.

Jenari nina Jesus, "Dage ersikap-sikaplah sabap la ietehndu warina ntah pe jamna Tuhan reh."

Lit.

:

“Ngataken bujur e me persembahen si pehagaken Aku janah si patuh ngikutken Aku tentu Kukelini.”

(Masmur 50 : 23)

1.

Babalah persembahen si merimna

Ku adep-adepen Dibatanta

Babalah korban pujin si mehaga

Kulebe altarNa si Badia

G’lah tetap i b’reNa pasu-pasuNa

Man k’rina manusia

G’lah tetap b’reNa pasu-pasuNa

Terpuji gelar Tuhan

2.

Babalah persembahen si jilena

Ku rumah Dibata si Perkuah

Babalah korban pujin si merimna

Ku adep-adepen si erkuasa

G’lah tetap b’reNa keleng ateNa

Ras lias ateNa banta

G’lah tetap b’reNa pasu-pasuNa

Segedang-gedang geluhta

3.

‘ndeskenlah persembahenta man baNa

Si nggo nehken kegeluhen banta

‘ndeskenlah lagu pujin si jilena

Jadi persembahen si Badia

G’lah lias ras keleng ateNa

isehkenNa man banta

E maka ernalem ku IA

Malem tuhu ateta

Lit.

Dibata nikapken kiniulin man manusia. Reh me IA ku doni enda guna maba anak-anakNa guna bengket kubas kemulianNa si rasa lalap. Emaka ersikaplah alu tutus!

Perp.

Erpadan aku Tuhan, ertutus ate ndalanken sura-suraNdu, i bas ngalo-ngalo kerehenNdu.

Lit.

Reh me Dibata peduakaliken, maba kegeluhenta kubas kedamen si rasa lalap.

Perp.

Erpadan aku Tuhan, tetap ngarapken kemalemen ate, si rehna i bas Kam nari. Janah nggit aku nikapken dalan kerehenNdu.

1.

Dibata Bapanta ringan i surga

Sinjaga geluhta i pertibi e

Ernalem man baNa ibas geluhta

Ikutken kataNa suari berngi pe

​

4.

Beritaken dage kiniulinNa

Rikut pe kelengNa banta kerina

Gelah min kerina daten liasNa

Dame bas pusuhta em peratenNa

5.

Ula min pejangjang ukurta dage

Tetaplah ngenehen ku silangNa e

Kiniseran Tuhan maba dame pe

E lah min si inget katawari pe

Dibata si mada perkuah ate, si enggo nenahken kita ku kemulianNa si rasa lalap i bas Jesus Kristus njadiken kita serta, tetap, megegeh dingen paguh. IA nge si mada kuasa seh rasa lalap. Amin.

​

Perp. : A....min, A.......min, A......min