Mari sijaga kebadian ruang ibadahta, terlebih-lebih mari si mateken HPnta
2
2
i elai :
Pdt. Junita Br. Surbakti, S.Th
Minggu XxIv KENCA TRINITATIS
(MINGGU KESEHATEN)
10 Nopember 2024
GBKP RUNGGUN TEBING TINGGI
KEBAKTIN BAHASA KARO
PUKUL : 10.00 WIB
Kata Pengalo-ngalo
Kata Penaruh
1. | Puji Tuhan Haleluya Wari enda wari Dibata Pulung kita k’rina jenda Rende nembah muji gelarNa Reff. Haleluya, haleluya Puji gelarNa Haleluya, haleluya Puji gelarNa |
KEE 308 : 1-3
Perpulungen Tedis
2. | Asa Kristen japa gia Puji Tuhan si perkeleng e Ia si nangtangi kita I bas kuasa si gelap e Reff. Haleluya, haleluya Puji gelarNa Haleluya, haleluya Puji gelarNa |
KEE 308 : 1-3
3. | Dage mari kita k’rina Ralep-alep muji gelarNa Ia si ndarami kita Si mbabai kita ku surga Reff. Haleluya, haleluya Puji gelarNa Haleluya, haleluya Puji gelarNa |
KEE 308 : 1-3
VOTUM & SALAM
O temanku si kukelengi, ertoto aku gelah kai si mehuli jadilah man bandu, janah mejuah-juahlah bagi kueteh maka kegeluhen pertendinndu pe mehuli.
(3 Johanes 1 : 2)
KEE No. 201 : 1,4
1. | Malem ate tuhu-tuhu Siernalem man baNdu Kam Dibata si ‘njadiken langit ras doni enda Sal-saliNdu pusuh kami Maka t’rangNdu tergejap Kalak si tek la kap bene ‘Ban kelengNdu e tetap |
KEE No. 201 : 1,4
4. | Aloken Kamlah o, Bapa Kuendesken geluhku KesahNdu min ngajarisa Lah kuteh nembah baNdu Pasu-pasu min kerina Daging, ukur, tendingku Gelah arah tan ras kata Ipujina gelarNdu |
Perpulungen kundul
PUJIN KERNA PERBAHANEN DIBATA
Lit. | Malem kal ate kalak si ngikutken perentah-perentahNa, kalak si katawari pe ngelakoken si benar. Keriahen desken tambar si mereken kejuah-juahen, adi ukur serbut erbanca daging kertang tading tulan. |
Perp. | Terpujilah Kam Tuhan. |
1. | Sipujilah Tuhanta e Dibatanta si erkuasa La ersibar kuasaNa LiasNa ‘nggo tetap. Reff. Marilah kita kerina Sipuji Tuhan bas geluhta Mbelin kekelengenNa banta k’rina Segedang geluhta |
KEE No. 395 : 1 – 2
2. | Sipujilah Tuhanta e Singerajaisa kerinana Emaka kerajang jelma Mehuli jadina. Reff. Marilah kita kerina Sipuji Tuhan bas geluhta Mbelin kekelengenNa banta k’rina Segedang geluhta |
KEE No. 395 : 1 – 2
KINILANGASUPEN MANUSIA NJAGAI DIRI
Lit. | Tuhan kap si empuna geluhta, iaturkenNa kerina si mehuli man gunanta. Adi situlihken ku bas kegeluhenta sedekah enda, kuga nge ketutusenta i bas njagai kiniulin si enggo ibereken Dibata i bas dirinta? |
PAKSA TENENG
KINILANGASUPEN MANUSIA NJAGAI DIRI
Lit. | Kuga nge sibahan makeken gegeh ras kesehatenta sedekah enda? |
PAKSA TENENG
KINILANGASUPEN MANUSIA NJAGAI DIRI
Lit. | Kuga nge perbahanenta nandangi dirinta i bas njaga kesehatenta sedekah enda? |
PAKSA TENENG
KEE No. 440 : 1-2
1. | O Bapa, salah lepakku ku ’teh nge. Dosangku pe rusur kuinget Man baNdu aku erdosa Reff. Mekuah ateNdu min erkiteken liasNdu SasapkenNdu min k’rina dosangku o Tuhan. |
KEE No. 440 : 1-2
2. | O Bapa, kubahan rusur si jahat Patut nge aku i ukumNdu Bujur nge keputusenNdu Reff. Mekuah ateNdu min erkiteken liasNdu SasapkenNdu min k’rina dosangku o Tuhan. |
Padan dibata
kerna penemani geluh manusia
Lit. | “Desken remang erpagi-pagi, dosandu enggo Kulesapken, janah salahndu pe enggo Kusasap desken embun. E maka mulihlah kempak Aku, sabap aku Aku kap Penebusndu.” |
Perpulungen Tedis
KEE No. 061 : 1,3
1. | Nggo jumpa ras perkuah ate, Metunggung gia aku lang. Iban si e la aku mate, Emaka ateku me gedang. Perkuah ate Tuhan kin, Perkuah ate Tuhan kin. Makana aku terkelin, Makana aku terkelin. |
KEE No. 061 : 1,3
3. | Perkuah ate Tuhan nari, Penalemenku saja e. Kupuji Tuhan e gundari, Si nginget aku lalap me. Emaka las ukurku pe, Emaka las ukurku pe. Ngikutken lalap Tuhan e, Ngikutken lalap Tuhan e. |
Ngoge Kata Dibata Keluaren 23 : 25–26
(Tunggal)
Perpulungen kundul
25. | Adi isembahndu Aku, TUHAN Dibatandu, Kupasu-pasu kam alu mereken pangan ras lau, janah Kuagui kerina penakitndu. |
26. | I bas negerindu la lit diberu si keguguren, la lit si la mupus. Kuban kam nggeluh cawir metua. |
Keluaren 23 : 25 – 26
Lit. | : | Ketuahen kalak si megiken Kata Dibata, dingen simakekenca ibas geluhna si tep-tep wari, Haleluya. |
Perp. | : | (iendeken) Ha le lu ya, Ha le lu ya, Ha le lu … ya. |
Tema :
“Muliaken Dibata Arah Kula”
1 Korinti 6 : 12 - 20
(Tunggal)
Pdt. Junita Br. Surbakti, S.Th
12. | Pakelah kulandu guna muji Dibata Banci jadi lit si ngatakenca, "Bebas kap aku ngelakoken kai pe." Payo nge min, tapi labo kerina erguna. Aku pe banci nge kukataken, "Bebas kap aku ngelakoken kai pe," tapi la kupelepas kai pe ngkuasai aku. |
1 Korinti 6 : 12 – 20
13. | Banci ka nina kalak tole, "Pangan ma guna beltek nge, janah beltek ma guna pangan?" Payo nge katana e, tapi duana pagi imasapken Dibata! Labo tuhu maka kula manusia guna erlagu la mehuli, tapi guna Tuhan; janah Tuhan guna kula. |
1 Korinti 6 : 12 – 20
14. | Dibata nggo mpekeke Tuhan i bas si mate nari, janah kita pe IpekekeNa nge pagi alu KuasaNa. |
15. | La kin ietehndu maka kulandu eme ringring Kristus? Banci kin kubuat ringring Kristus e jenari kubahan e jadi ringring diberu si pendahinna erlua-lua? Tentu lang! |
1 Korinti 6 : 12 – 20
16. | Ntah la kin ietehndu maka kalak si ersada kula ras diberu si pendahinna erlua-lua nggo ia jadi sada kula rassa? Kerna si enda tangkas i bas Pustaka Si Badia, nina, "Si dua kalak e jadi sada kula." |
17. | Tapi kalak si mpersadaken dirina ras Tuhan, nggo ia jadi sada ras Tuhan secara pertendin. |
1 Korinti 6 : 12 – 20
18. | Emaka silahkenlah perbahanen erlagu la mehuli. Banci ka pe nina kalak, "Kasa kai dosa si ilakoken kalak labo mpengaruhi kulana." Tapi e labo payo, sabap kalak si erlua-lua erdosa ia nandangi kulana. |
1 Korinti 6 : 12 – 20
19. | La kin ietehndu maka kulandu eme Rumah Pertoton Kesah Si Badia, si ringan i bas kam dingen si ibereken Dibata man bandu? Dirindu e labo kam empuna. |
20. | Sabap kam nggo itukur Dibata meherga kal. Dage muliakenlah Dibata arah kulandu. |
1 Korinti 6 : 12 – 20
Tema :
“Muliaken Dibata Arah Kula”
1 Korinti 6 : 12 - 20
Pdt. Junita Br. Surbakti, S.Th
(Perpulungen Tedis)
Aku tek man Dibata Bapa si la ersibar kuasaNa, si nepa langit ras doni.
Aku tek man Yesus Kristus anakNa si Tonggal, Tuhanta, si jadi arah Kesah Si Badia, tubuh idur singuda-nguda nari si so keliamen, tergelar si Maria, si ngenanami kiniseran sangana pemerentahen Pontius Pilatus, nipakuken ku kayu persilang, mate,
PENGAKUN KINITEKEN
jenari ikuburken, nusur ku doni kematen, petelu wariken nggo keke i bas si mate nari, nangkih ku Surga, perkundulNa arah kemuhen Dibata Bapa si la ersibar kuasaNa, jenari reh me ia pagi ngeranaken si nggeluh ras si nggo mate.
Aku tek man Kesah si Badia, janah lit sada Gereja Si Badia, persadan kalak si Badia, pengalemi dosa, kinikeken kula, kegeluhen si rasa lalap. Amin.
(Perpulungen Kundul)
Lit. | : | Endeskenlah kulandu man Dibata saja selaku persembahen si nggeluh rikutken si ngena ateNa. Sabab bage me arusna kam ersembah man Dibata sue ras biakndu selaku mahluk si rukur. (Roma 12 : 1) |
1. | Nginget perkuah Dibata si mbelin Si isehkenNa man banta k’rina kin Ibas kerina dampar kegeluhen I doni si dem alu keguluten Reff. Endeskenlah kulanta man Dibata Kerinana si lit ibas geluhta Selaku persembahenta si nggeluh Em persembahen si ngena ateNa |
KEE No. 302 : 1 –
2. | Sabab bage me arusna kita kin Ersembah man Dibatanta si mejin Si nggo m’reken man banta manusia Keg’luhen si mehuli ras badia Reff. Endeskenlah kulanta man Dibata Kerinana si lit ibas geluhta Selaku persembahenta si nggeluh Em persembahen si ngena ateNa |
KEE No. 302 : 1 –
3. | Marilah k’rina sipuji Dibata Janah sipeteruk ka pe ukurta Alu bage si dat sura-suraNa Kai si mehuli ras ngena ateNa Reff. Endeskenlah kulanta man Dibata Kerinana si lit ibas geluhta Selaku persembahenta si nggeluh Em persembahen si ngena ateNa |
KEE No. 302 : 1 –
Lit. | Tuhan enggo mereken kiniulin geluh man manusia, jenari idiloNa manusia njagai kiniulin e gelah reh kuhna gegehta nehken si ngena ateNa. |
Perp. | Erpadan aku Tuhan, ateku tetap ngergaken ras njagai geluh si enggo iberekenNdu man bangku. |
Perpadanen Man Dibata
(Perpulungen Tedis)
Lit. | Tuhan ndilo anak-anakNa guna ngajai diri, sabab eme tanda kam ngergaken dirindu selaku gambar Dibata si meherga. |
Perp. | Erpadan aku Tuhan, ateku gelah tetap ngergaken diringku, alu perukuren ras cara nggeluh si mehuli, dingen jadi usihen man kalak si deban. |
Perpadanen Man Dibata
KEE No. 198 : 1,4
1. | O, Tuhan tuduhken bangku Apai dalan geluhku Sinalsal kekelengenNdu Jadi min ikutenku Reh lah min Kesah Badia Bengketi kami k’rina ‘Di ku ja perdalan gia Kam Tuhan ngkawalisa |
KEE No. 198 : 1,4
4. | Tah suari berngi gia Amin japa kami pe Tentu me idahNdu k’rina Kai si bahan kami e AjariNdu kami enda Pasu-pasu gelah min Malem ate kami k’rina Man baNdu tama pujin |
Dibata si enggo ndilo kam ku bas kemulianNa si rasa lalap i bas Kristus, Ia me njadiken kam serta, tetap, megegeh dingen paguh. Ia me si mada kuasa seh rasa lalap. Amin. Perp. : A....min, A.......min, A......min |
Paksa teneng
Selamat Wari Minggu