Mari sijaga kebadian ruang ibadahta, terlebih-lebih mari si mateken HPnta
2
2
i elai :
Pdt. Wanty E. Br. Sembiring, S.Th
Minggu UEM
07 Juni 2026
GBKP RUNGGUN TEBING TINGGI
KEBAKTIN BAHASA KARO
PUKUL : 10.00 WIB
KATA PENGALO-NGALO
KATA PENARUH
1. | O kam tinepa Dibata Si mada kuasa pujilah Haleluya, Haleluya Matawari ersinalsal Krina teridah merandal Rasa lalap puji Tuhan Haleluya, Haleluya, Haleluya |
KEE No. 306 : 1 – 3
Perpulungen Tedis
2. | Cahar warina si salang Sora perkas la teralang Haleluya, Haleluya Erkire embun meganjang Iembus angin silumang Rasa lalap puji Tuhan Haleluya, Haleluya, Haleluya |
KEE No. 306 : 1 – 3
3. | Maler me lau meciho Mahan muas jadi mburo Haleluya, Haleluya Api gurlah la teralang Sekelewet jadi terang Rasa lalap puji Tuhan Haleluya, Haleluya, Haleluya |
KEE No. 306 : 1 – 3
Votum – sALAM
Lit. | Kebaktin enda ibenaken ibas gelar Dibata Bapa, AnakNa Jesus Kristus, ras Kesah Sibadia. Nusur gelah man banta (ndu) perkuah ate ras dame ibas Tuhan Jesus Kristus nari. |
Perp. | Amin …. Amin …. Amin ….. (iendeken) |
Arus ikelengindu Tuhan Dibatandu asa atendu, asa tendindu lit, asa ukurndu lit ras asa gegehndu.’ Si peduaken e me kap, ‘Arus ikelengindu temanndu manusia bagi ikelengindu badanndu.’ Lanai lit undang-undang si deban si pentingen asa undang-undang si dua enda.” (Markus 12 : 30-31)
Sepuluh Pedah Dibata
Perpulungen Tedis
Berita Kerna Keleng Ate Dibata
Lit. | Kita reh ku adep-adepen Tuhan alu pusuh si dem alu pengataken bujur erkiteken kekelengenNa. Marilah alu pusuh si teneng si inget keleng ate Dibata si mbelin si enggo berekenNa. Enggo itebusna kerina dosa ras kelepakenta. Mari ngataken bujur ilebe-lebe Tuhan janah ertoto : “O Tuhan, ibas kuasa ras keleng ateNdu, mindo kami pelimbaruiNdu gelah kegeluhen kami janah babailah kami ibas dalan kebenarenNdu. Ajarilah kami jadi kalak si setia ngikutken Kami janah ersaksi kerna kiniulinNdu segedang kegeluhen kami” Amin |
KEE No. 212: 1,4
1. | Perkuah ate si mbelin, Nemani geluhku. Ije me aku erdalin, Teruh perkuahNdu. |
4. | Perkuah ate si mbelin, Simahan dame e. Bengketi pusuh kami min, Lah kami senang je. |
Berita Kerna Perkuah Ate Dibata
Lit. | Dengkehkenlah O Senina ras Turang, pedah ni Tuhan Jesus man kerina jelma si tuhu-tuhu nungtungken dosa-dosana iadepen Tuhan : “Kerina manusia si iendesken BapangKu man bangKu reh nge pagi ndahi Aku. Janah ise pe si reh ndahi Aku labo kutulak” (Johanes 6:37) Terpujilah Tuhan Jesus Kristus seh rasa lalap. Amin |
1. | Enggo masap dosangku K’rina perban dareh Jesus Malem ate tendingku K’rina perban dareh Jesus Reff. O, dareh Tuhanku ngurasi tendingku Badia geluhku, K’rina perban dareh Yesus |
KEE 269:1-3
2. | Dame me kap pusuhku K’rina perban dareh Jesus Labo perban bujurku K’rina perban dareh Jesus Reff. O, dareh Tuhanku ngurasi tendingku Badia geluhku, K’rina perban dareh Yesus |
KEE 269:1-3
3. | Pengarapenku nteguh K’rina perban dareh Jesus Sangap geluhku tuhu K’rina perban dareh Jesus Reff. O, dareh Tuhanku ngurasi tendingku Badia geluhku, K’rina perban dareh Yesus |
KEE 269:1-3
(Perpulungen Tedis)
Pengakun Kiniteken
KEE No. 196 : 1-2
1. | Pujilah Dibata Bapa Pujilah man AnakNa Pujilah Kesah Badia Dibata telu sada Haleluya, haleluya ! Dibata telu sada |
KEE No. 196 : 1-2
2. | Pujilah man Raja surga Tuhan si sembah kita Pujilah man Raja G’reja Bangsa doni kerina Haleluya, haleluya ! Bangsa doni kerina |
Ngoge Kata Dibata Kejadin 50 : 18–21
(Tunggal)
18. | Dungna senina-seninana e jine reh, erjimpuh i adep-adepen Jusup nina, “Kami enda reh jadi budakndu.” |
19. | Tapi nina Jusup man kalak enda, “Ola mbiar labo banci aku jadi gancih Dibata ngukum kalak. |
(Perpulungen Tedis)
20. | Jahat sura-surandu man bangku, tapi enggo isalihken Dibata e jadi si mehuli, gelah arah e banci iselamatken Dibata kesah nterem kalak si nggeluh denga genduari. |
Kejadin 50 : 18 – 21
21. | E maka ola pada sitik pe kam mbiar. Aku pekena-kena kam ras anak-anakndu.” Dage alu kata si melias e, ipetetap Jusup mulihi ukur senina-seninana seh maka malem atena kerina. |
Kejadin 50 : 18 – 21
Lit. | : | Ketuahen kalak si megiken Kata Dibata, dingen simakekenca ibas geluhna si tep-tep wari, Haleluya. |
Perp. | : | (iendeken) Ha le lu ya, Ha le lu ya, Ha le lu … ya. |
Tema :
“Ersinalsal Min Terangndu”
Matius 5 : 13 - 16
(Tunggal)
Pdt. Marina Br. Ginting, S.Th
13. | Sira ras Terang “Bagi sira si seh kal perluna guna pangan, bage pe kam nandangi kerina manusia. Tapi adi sira e lanai masin, lanai banci ibahan masin mulihi. Sira e lanai erguna, e maka iambekken jenari idedehi kalak. |
Matius 5 : 13 – 16
14. | Bagi terang si seh kal perluna i bas gelap, bage pe kam nandangi doni enda. Kuta si lit i das uruk la banci lang teridah. |
15. | Labo isagani kalak lampu kenca bage itutupina alu tumba; tapi itamakenna ku datas nahe pertendangen, gelah terang iakap kalak kerina si lit i bas rumah e. |
Matius 5 : 13 – 16
16. | Dage, ersinalsal lah min terangndu i lebe-lebe kalak si nterem gelah adi idahna perbahanenndu si mehuli, ipujina Dibata, Bapandu si i Surga.” |
Matius 5 : 13 – 16
Tema :
“Ersinalsal Min Terangndu”
Matius 5 : 13 - 16
Pdt. Marina Br. Ginting, S.Th
1. | Kune bas geluhta mara reh nderpa Arus jaga ula ukurta pera Pasu-pasu Tuhan ula kal lupa KekelengenNa la kap nggo erleka Reff. Pasu-pasuna siingetlah Ia kapen ulu ni tuah Pasu-pasu Tuhan ingetlah Tuhan siperkuah tetap sembahlah |
KEE 287 : 1-
2. | Kune baban mberat ‘rbanca kam kote Ntah pengajuk doni ‘rbanca kam mbole Di kecibal geluh bagi la jore Tapi kiniteken ola kal monce Reff. Pasu-pasuna siingetlah Ia kapen ulu ni tuah Pasu-pasu Tuhan ingetlah Tuhan siperkuah tetap sembahlah |
KEE 287 : 1-
3. | Kune erta doni ngajuk erdilo Biak si mehuli pe jadi menggo Perukuren mobah lanai meciho Tadingken kerina biak la payo Reff. Pasu-pasuna siingetlah Ia kapen ulu ni tuah Pasu-pasu Tuhan ingetlah Tuhan siperkuah tetap sembahlah |
KEE 287 : 1-
(Perpulungen Tedis)
Seh jumpa ka kita pagi
IA tetap singkawali
Tuhan Dibata sinemani
Reff. Seh jumpa kita jumpa ka
Dibata si pejumpa kita
Seh jumpa kita jumpa ka
Dibata si pejumpa kita
KEE No. 327 : 1-2
Kabengna cilinggemenndu
PedahNa pangan tendindu
Tuhan Dibata si nemani
Reff. Seh jumpa kita jumpa ka
Dibata si pejumpa kita
Seh jumpa kita jumpa ka
Dibata si pejumpa kita
KEE No. 327 : 1-2
Babalah pusuhndu ngadap kempak Tuhan janah alokenlah pasu pasuNa “Ipasu-pasu janah ikawali Dibata kam, siang ayo Dibata ersinalsal ibabondu, janah melias ateNa ngenehen kam. Itatap Dibata ku kam, janah malem atendu ibahanNa, Amin” . Perp. : A....min, A.......min, A......min |
Paksa teneng
Selamat Wari Minggu