1.

Wari, bulan, tahun masap

Bagi awih lawes me kap

Kai kin jenda rasa lalap

La lit kai pe si tetap

Tapak nahe idalinta

Labo tahan endekah

Sendah jadi si enggona

Pagi jadi sendah ka

4.

Dage masap gia tahun

La kuakap kutera

Lit sikelku si la sahun

Labo kai pe ntah kuga

Salih k’rina gia jenda

Si mesui pe gejap

Perdalinen kempak surga

Kupinterken me tetap

1.

Nggo mentas tahun male e

Kam me ku puji Tuhan e

Jaga kawali Kam tetap

Tendingku ras dagingku kap

​

2.

O, Yesus Kam Penebusku

Keleng ateNdu man bangku

Tahun si mbaru enda pe

Taruhken perpulungen e

Lit.

:

Dibata mereken wari-wari guna...

..., emaka marilah radu ras kita ngataken bujur man Tuhan

Perp.

:

Bujur Tuhan, iatankenNdu kami ngaloken tahun si mbaru enda. Meriah dingen malem ate kami, sabab lit denga kesempaten kami ngidah kiniulinNdu i bas kegeluhen enda.

Lit.

:

Tahun si mbaru eme kesempaten ...

... Tetap ibereNa kepercayan man manusia guna makeken wari-wari si labo manusia nepasa.

Perp.

:

Bujur Tuhan, iatankenNdu denga kami makeken wari-wari si labo kami nepasa, iatankenNdu denga kami ngaloken keleng ateNdu, gia la metunggung kami ngalokensa

1.

O, Tuhanku sampat aku

Ibas tahun enda pe

Pebaruilah gegehku

Ngikut Kam seh dungna pe

Pasu-pasu gelah min

Kami si tek baNdu kin

3.

Bahan bangku tahun enda

Tahun perkuah ate

Dingen kesasapen dosa

Em si kuarapken pe

Bas Kam saja Tuhanku

Aku daten si bage

Lit.

:

Tuhan, adi nulih kami ku paksa-paksa kegeluhen…

…bas perpulungen, kisat i bas erdiakonia, njuruken ibas pengelako kami, bagepe kurang beluh ngamparken ranan. Ngaku kami kuadepenNdu Tuhan.

Song L.

:

....(Ngendeken bagin KEE No 292:1)

​

​

​

Song L.

:

Manusia nggo erdosa

Meluat mekelesa

Nggeluh labo lit damena

‘di sirang ras Dibata.

(Ngendeken bagin KEE No 292:1)

Mamre

:

...

Mamre

:

Tuhan, kami selaku anggota Mamre, bapa itengah jabu, rusur kami la jadi usihen, megati la jadi ikuten nandangi se isi jabu kami. Kurang tanggung jabab kami i bas mabai keluarga guna nandai Kam, erkiteken kesibuken kami sekalak-sekalak.

Perp.

:

.... (Ngendeken bagin KEE No 292:1)

Perp.

:

Manusia nggo erdosa

Meluat mekelesa

Nggeluh labo lit damena

‘di sirang ras Dibata.

(Ngendeken bagin KEE No 292:1)

Moria

:

...

Moria

:

Tuhan, kami anggota Moria, selaku nande i tengah jabu, menam-menam lanai ngasup jadi teman arih. Lanai banci jadi ingan tertande, di kune lit perbeben, kurang ngasup makeken wari-wari kami alu payo. Ngaku kami ku adepenNdu Tuhan.

Perp.

:

.... (Ngendeken bagin KEE No 292:1)

Perp.

:

Manusia nggo erdosa

Meluat mekelesa

Nggeluh labo lit damena

‘di sirang ras Dibata.

(Ngendeken bagin KEE No 292:1)

Permata

:

...

Permata

:

Tuhan, kami selaku anggota Permata, anak singuda i tengah jabu ras gereja, menam-menam lanai ieteh kami uga carana ngergai diri, erkite-kiteken ngikuti sura-sura doni enda. Kurang mediate kami nandangi orangtua, kurang metami i bas erturang-ersenina, kurang tutus ate kami i bas persekolahen.

Perp.

:

.... (Ngendeken KEE No 292:1)

Perp.

:

Manusia nggo erdosa

Meluat mekelesa

Nggeluh labo lit damena

‘di sirang ras Dibata.

Begikenlah pendiloNa,

Malang erlajar baNa

Nggeluh pelimbaruiNa

Rembak kita ras IA

(Ngendeken KEE No 292:1)

Lit.

“Kalak si nggit megiken kata Dibata, si nggit ngalokenca, janah ersura-sura mperobahi kelepakenna, ia kap si ngaloken kesangapen i bas Dibata nari. Kalak si ngasup nadingken kerina biak si la ngena ate Dibata, ipekena-kena Dibata kap geluhna janah dame jadi sikerajangenna.”

3.

Mari kita k’rina,

Si begi kataNa,

Tutus ateta.

‘Di nggit ngalokenca.

B’rekenNa dameNa,

Kubas pusuhta.

Ola lupa min dage,

Kata Dibata si pake,

Si petetap ate.

5.

Di gulut ukurta,

Ogelah Pustaka,

Pengapul banta.

Latih mberat gia,

Ngadulah man baNa,

IpenahangNa.

Tuhan saja kuarap,

Ingan pengadun si tetap,

Teman ras lalap.

14.

Erdandanken si emaka aku erjimpuh i lebe-lebe Bapa.

15.

I bas Ia nari me kerina kinibapan i doni enda ras i Surga ndatken pengesahen.

16.

Kupindoken man Dibata gelah i bas KinibayakenNa si la ersibar nari IberekenNa man bandu kuasa arah KesahNa guna mpegegehi pusuh peratenndu.

17.

Janah gelah Kristus ringan i bas pusuhndu erdandanken kam tek man BaNa. Ertoto aku gelah kam rurat dingen erpalas i bas keleng ate.

18.

Gelah raduken kerina anak-anak Dibata ngasup kam ngangka kuga belangna, gedangna, ganjangna ras bagesna keleng ate Kristus e.

19.

Tuhu, mbera-mbera ietehndu keleng AteNa e aminna gia keleng AteNa ngelebihi kerina pemeteh, seh maka kam idemi alu biak Dibata si serta.

20.

Pujin man Dibata si ngasup erbahan kai pe ndauh beliden asangken ngasup kita mindosa ntah pe ngukurisa alu KuasaNa si sangana erdahin i bas kita.

21.

Kemulian man BaNa i bas perpulungen ras i bas Kristus Jesus, rasa lalap seh rasa lalap. Amin.

Lit.

​

:

Ketuahen kalak si megiken Kata Dibata, dingen simakekenca ibas geluhna si teptep wari, Haleluya.

Perp.

:

(iendeken)

Ha le lu ya, Ha le lu ya, Ha le lu… ya.

L.

¹⁵Kerina si nggeluh ernalem man BaNdu saja. I bas paksana, IberekenNdu panganna si cukup.

P.

¹⁶IdadakenNdu TanNdu IperiahkenNdu pusuh kerina si enggeluh.

L.

¹⁷Bujur kap kerina perbahanen TUHAN, i bas kerina si IbahanNa Ia dem perkuah ate.

P.

¹⁸Man si erlebuh man BaNa ndeher kap Ia, si erlebuh man BaNa alu tutus ate.

L.

¹⁹IberekenNa keperlun kalak si erkemalangen man BaNa, IdengkehkenNa penderkuhna, jenari IkeliniNa ia.

P.

²⁰Asa kalak si erkeleng ate man TUHAN IkawaliNa, tapi kalak jahat IkernepkenNa.

L.

²¹Rasa lalap ateku muji TUHAN, o kerina TinepaNa, pujilah GelarNa si Badia seh rasa lalap.

Lit.

:

“Ietehndu uga liasna Tuhanta Jesus Kristus; maka aminna bayak gia IA, tapi guna kiniulinndu, ipemusilNa baNa, gelah arah kemusilenNa e jadi bayak kam.” (2 Korinti 8:9)

1.

Enggo me mentas kap tahun si male

Si ni kupuji Dibata nge jine

Dage kawalilah min kami tole

Gelah terkelin bas paksa erbebe

Reff.

Mentasi wari bas tahun si enda

Ola min sada pe lit banggerna

Adi oratilah rusur KataNa

Si eteh nge dungna si benar ‘tah dosa.

​

2.

‘Nggo gia tadingken tahunna si male

Lit si meriah lit ka nge si ndele

Lit ka si jore buen denga si kote

‘Di kiniteken min ola seh mbole

Reff.

Mentasi wari bas tahun si enda

Ola min sada pe lit banggerna

Adi oratilah rusur KataNa

Si eteh nge dungna si benar ‘tah dosa.

​

3.

Tahun si male ‘nggo lewat bentasi

Tahun si mbaru sanani dalani

Je olanai min lit si nggasgasi

Ku si mehuli madin ni ayaki

Reff.

Mentasi wari bas tahun si enda

Ola min sada pe lit banggerna

Adi oratilah rusur KataNa

Si eteh nge dungna si benar ‘tah dosa.

​

4.

Labo kap dalih gia tahun ‘nggo sambar

Kinitekennta min tetap la mobar

‘Ban pemereNa man banta nge simpar

Gelahhna kita pe mere melumbar

Reff.

Mentasi wari bas tahun si enda

Ola min sada pe lit banggerna

Adi oratilah rusur KataNa

Si eteh nge dungna si benar ‘tah dosa.

​

5.

Bas tahun enda lah gia pejore

Kune lit denga dahinnta si murde

Sababna banci nge k’rina petembe

‘Di b’re Dibata lah gegeh min tole

Reff.

Mentasi wari bas tahun si enda

Ola min sada pe lit banggerna

Adi oratilah rusur KataNa

Si eteh nge dungna si benar ‘tah dosa.

​

6.

Si ni arapken bas tahun si mbaru

Min lalap nggeluh bas kami KataNdu

‘Lah banci robah perlangkah-perlagu

Bas si la payo ilebe-lebeNdu

Reff.

Mentasi wari bas tahun si enda

Ola min sada pe lit banggerna

Adi oratilah rusur KataNa

Si eteh nge dungna si benar ‘tah dosa.

​

7.

Ibas tahunna si mbaru enda gelah

PerpulungenNdu reh tambah ergiah

Nehken kataNdu man kalak si nilah

Maka reh mbarnalah B’rita si m’riah

Reff.

Mentasi wari bas tahun si enda

Ola min sada pe lit banggerna

Adi oratilah rusur KataNa

Si eteh nge dungna si benar ‘tah dosa.

​

Lit.

Ngidah uga belinna lias ate Dibata,...

... sedekah enda, i bas tahun si mbaru enda, nggit nge kam alu tutus erpenalem man Dibata?

Perp.

Erpadan aku Tuhan, ateku tetap ernalem man baNdu. Enda me jadi kesaksinku nandangi keluarga, bage pe nandangi sekelewetku.

Lit.

Dibata ngatanken kam ngaloken tahun si mbaru enda, dingen ndilo kam gelah maba kiniulin ku sekelewetndu.

Perp.

Erpadan aku o Tuhan, kupakeken me tahun si mbaru enda, maba kiniulin ku sekelewetku.

1

Reff. O Tuhanku sampat AnakNdu

O Yesusku tegu anakNdu

Ibas ndalain kegeluhen

Sampat Tuhan, sampat min

​

Fine.

Doni si gelap. Dem percuban pe

La ku ngasup ndalanisa,

sampat o Tuhan

Patuhlah kam man perentahKu, Kupepaler man bandu kemalemen ate desken lau; janah Kubere kemenangen nepet kam, desken galumbang si ergalun ku tepi lawit. Amin.

​

Perp. : A....min, A.......min, A......min