1.

Wari enda wari badia

Wari meriah jumpa ras Dibata

Gia melala ndube dahinta

Nembah man baNa ola kita lupa.

Reff. Wari-warinta Tuhan empuna

Geluhta pe IA kap si njayamsa

Geluhta pe IA kap si njayamsa

2.

M’lala gia dahin ertima

Tedeh ateta jumpa ras Dibata

Si ‘rnalem baNa isampatiNa

Malem nanamna ‘di rembak ras IA.

Reff. Wari-warinta Tuhan empuna

Geluhta pe IA kap si njayamsa

Geluhta pe IA kap si njayamsa

3.

Latih susah lit tiap wari

Tuhan perkuah sikap ngelayasi

K’rina si nasa IA empuna

Si ‘ndesken baNa ukur ras geluhta.

Reff. Wari-warinta Tuhan empuna

Geluhta pe Ia kap si njayamsa

Geluhta pe Ia kap si njayamsa

1.

Sura-sura daging lawanlah tetap

Je ‘di la kam talu tambah gegehNdu

Sura-sura jahat lawanlah tetap

Ngaraplah man Jesus

tentu kam menang

Reff. Pindo gegeh man Tuhan

Gelah kam lalap paguh

Ib’reNa kita menang

Menahang ras senang

2.

Tadingken si jahat, olangi dosa

Ukurndu meciho la ercinengga

Pake kebenaren nggeluh bas terang

Ngaraplah man Jesus

tentu kam menang

Reff. Pindo gegeh man Tuhan

Gelah kam lalap paguh

Ib’reNa kita menang

Menahang ras senang

Lit.

Dibatanta la erngadi-ngadi ngepkep dingen mpelimbarui gerejaNa, gelah reh dewasana kiniteken perpulungen, dingen reh sikapna gereja nehken keleng ate Dibata i tengah doni enda. Pujilah Tuhan si negu-negu perdalanen gereja.

Perp.

Ikataken kami bujur man baNdu Tuhan, terpujilah Kam rasa lalap.

Lit.

Dibatanta kap Raja si Erdolat, si make anak-anakNa i bas mpelimbarui kegeluhen gereja. Kita kerina pe tetap idiloNa jadi anak-anakNa guna tetap maba kiniulin kegeluhen gereja.

Perp.

Ikataken kami bujur baNdu Tuhan, tetap kami ipakeNdu, jadi temanNdu maba kiniulin i bas kegeluhen gereja. Terpujilah Kam rasa lalap.

1.

Meriahlah ukurta mujikenca

Dibata Raja mbelin si mulia

Peb’linken min gelarNa Si Badia

Ban Ia ngerajaisa sinasana

Reff. Maka bujur nge Dibata man pujin

Nai-nai nari genduari seh pagin

Ban tandaiNa kita k’rina si suin

Sembah Ia me madin

2.

Dagena mari pujilah Dibata

Si inget min kerina pemereNa

‘Lah tetap ras megegeh pe tendinta

Mehuli me jadina k’rajang jelma

Reff. Maka bujur nge Dibata man pujin

Nai-nai nari genduari seh pagin

Ban tandaiNa kita k’rina si suin

Sembah Ia me madin

Lit.

Dibata tetap ndilo kita anak-anakNa mpelimbarui gerejaNa. Adi situlihken ku bas perdalanen geluhta, kuga nge kita ngayuken pendilo Dibatanta enda? Kuga nge ketutusenta i bas makeken dirinta guna kiniulin gerejanta? Marilah kita bengket ku bas paksa teneng.

1.

O Bapa, salah lepakku ku ’teh nge.

Dosaku pe rusur kuinget

Man baNdu aku erdosa

​

Reff. Mekuah ateNdu min

erkiteken liasNdu

SasapkenNdu min

k’rina dosangku o Tuhan.

2.

O Bapa, kubahan rusur si jahat

Patut nge aku i ukumNdu

Bujur nge keputusenNdu

​

Reff. Mekuah ateNdu min

erkiteken liasNdu

SasapkenNdu min

k’rina dosangku o Tuhan.

Lit.

:

Selaku persurehen Tuhan, aku nehken kataNa man banta kerina kita si ngakuken dosa-dosanta i lebe-lebe Tuhan. Nina Tuhan:

​

Kita enggo erkubang-kubang i bahan dosa, tapi i peridiNa kita maka bersih bagi salju. Aminna gia erkiteken dosanta kita enggo mbiring bagi tengguang, mulihi kita jadi mbentar bagi kapas (Bdk. Jesaya 1 : 18)

Lit.

²³Pepayolah aku o Dibata, tandailah pusuhku, uji dingen datkenlah perukurenku.

Perp.

²⁴Pepayolah ntah mawen lepak dalan si kudalani, jenari babailah aku arah dalan si tetap rasa lalap.

Lit.

​

:

Ketuahen kalak si megiken Kata Dibata, dingen simakekenca ibas geluhna si tep-tep wari, Haleluya.

Perp.

:

(iendeken)

Ha le lu ya, Ha le lu ya, Ha le lu … ya.

12.

Pedah dingen kata pertenget

Emaka angkatlah tanndu si kote, janah pegegehlah tiwenndu si la ergegeh!

13.

Tetaplah kam erdalan i bas dalan si pinter gelah nahendu si tersiher la ersuina, tapi gelah malem.

14.

Meriahlah ras ise pe, janah usahakenlah nggeluh bagi si ngena ate Tuhan, sabap adi la bage ise pe labo banci ngidah Tuhan.

15.

Jagalah maka sekalak pe ula surut i bas lias ate Dibata. Jagalah maka sekalak pe ula bagi sinuan-sinuan si pagit uratna, si turah nuhsahi nterem jelma alu racunna.

16.

Jagalah maka ula sekalak pe erlagu la mehuli ntah la ngergai si meherga iakap Dibata bagi si Esau, si ndayaken hakna selaku anak sintua, erdandanken sada mangkuk pangan.

17.

Ietehndu maka dungna ersura-sura Esau ngaloken pasu-pasu i bas bapana nari; tapi itulak ia aminna pe ipindona alu iluh mambur, sabap la lit idatna dalan guna ngobah kai si nggo ibahanna.

Lit.

:

O senina-seninangku, nginget perkuah ate Tuhan si mbelin siisehkenNa man banta, kupindo man bandu: Endeskenlah kulandu man Tuhan saja selaku persembahen si nggeluh rikutken si ngena ateNa

(Roma 12 : 1a)

1.

Nginget perkuah Dibata si mbelin

Si isehkenNa man banta k’rina kin

Ibas kerina dampar kegeluhen

I doni si dem alu keguluten

Reff. Endeskenlah kulanta man Dibata

Kerinana si lit ibas geluhta

Selaku persembahenta si nggeluh

Em persembahen si ngena ateNa

2.

Sabab bage me arusna kita kin

Ersembah man Dibatanta si mejin

Si nggo m’reken man banta manusia

Keg’luhen si mehuli ras badia

Reff. Endeskenlah kulanta man Dibata

Kerinana si lit ibas geluhta

Selaku persembahenta si nggeluh

Em persembahen si ngena ateNa

3.

Marilah k’rina sipuji Dibata

Janah sipeteruk ka pe ukurta

Alu bage si dat sura-suraNa

Kai si mehuli ras ngena ateNa

Reff. Endeskenlah kulanta man Dibata

Kerinana si lit ibas geluhta

Selaku persembahenta si nggeluh

Em persembahen si ngena ateNa

Lit.

Turang ras senina, enggo si idah maka Tuhan tetap make kita jadi temanNa guna maba kiniulin i bas kegeluhen gerejanta. Nggit nge kita makeken dirinta alu tutus ate maba kiniulin i bas gereja Tuhan?

Perp.

Erpadan kami Tuhan, ertutus ate makeken diri kami, jadi temanNdu mbangun kiniulin i bas gerejaNdu.

Lit.

Perukurennta bali min ras perukuren Kristus Jesus. Alu bage banci si dat kai sura-sura Tuhan, kai si mehuli, kai si ngena ateNa, janah kai si sempurna.

Perp.

Erpadan kami o Tuhan, lako netapken ukur kami i bas ndalanken sura-sura Tuhan, gelah geluh kami erguna man gerejaNdu.

2.

Mbue si erlebuh bangku

Maka aku min nilah

Tapi ‘nggo tetap ukurku

Kam me kuikutkenlah

Ibas paksa aku kote

Pegegehi aku min

KataNdu gelah kupake

Maka aku terkelin

3.

O, Tuhan mekatep tuhu

Celus aku, guling pe

Je minter dudurken tanNdu

Gelah aku la bene

Jesus gelarNdu kulebuh

Sampat aku o, Tuhan

Ibas tanNdu aku nggeluh

Jadilah bage min ban

4.

Tah suari berngi gia

Amin japa kami pe

Tentu me idahNdu k’rina

Kai si bahan kami e

AjariNdu kami enda

Pasu-pasu gelah min

Malem ate kami k’rina

Man baNdu tama pujin

Tetaplah kita nggeluh i bas kegeluhen si enggo ipelimbarui Tuhan maka ula kita seri ras doni enda. Emaka alokenlah pasu-pasu idur Dibata nari si tetap mpelimbarui geluhta:

​

Tuhan, sumbul kemalemen ate e gelah sincukupi keperlunta guna ndalanken si sentudu ras peratenNa. Janah Tuhanlah erdahin i bas kita arah Jesus Kristus gelah kita ngelakoken si ngena ateNa. Man Kristuslah kemulian seh rasa lalap. Amin.

​

Perp. : A....min, A.......min, A......min