Tnejn u Għoxrin Ħadd
taż-Żmien ta’ Matul is-Sena
Sena Ċ
“Kull min jitkabbar, jiċċekken;
u min jiċċekken, jitkabbar.”
Glorja `l Alla fil-għoli
tas-smewwiet, u paċi fl-art
lill-bnedmin ta’ rieda tajba.
Infaħħruk, inberkuk, nadurawk, nagħtuk ġieh. Inroddulek ħajr għall-glorja kbira tiegħek.
Mulej Alla,
Sultan tas-sema,
Alla Missier li tista’ kollox. Mulej Iben waħdieni,
Ġesù Kristu,
Mulej Alla, Ħaruf ta’ Alla,
Bin il-Missier.
Int li tneħħi d-dnubiet
tad-dinja, ħenn għalina.
Int li tneħħi d-dnubiet
tad-dinja, ilqa’ t-talb tagħna. Int li qiegħed fuq il-lemin
tal-Missier, ħenn għalina. Għaliex Int waħdek Qaddis,
Int waħdek Mulej,
Int waħdek il-għoli,
Ġesù Kristu,
ma’ l-Ispirtu s-Santu:
fil-glorja tal-Missier Alla. Ammen.
Tnejn u Għoxrin Ħadd
taż-Żmien ta’ Matul is-Sena
Sena Ċ
“Kull min jitkabbar, jiċċekken;
u min jiċċekken, jitkabbar.”
Qari I
Iċċekken u ssib grazzja quddiem il-Mulej.
Qari mill-Ktieb
ta’ Bin Sirak Sir 3:17-20,28-29
Ibni, kun ġwejjed fix-xogħol
li tagħmel, u tkun maħbub iktar minn wieħed milqugħ min-nies.
Akbar m’int, iktar għandek iċċekken ruħek, u ssib grazzja quddiem il-Mulej.
Ħafna huma l-imkabbrin
u l-imsebbħin, imma l-Mulej jikxef lill-umli l-misteri tiegħu.
Għax kbira hi s-setgħa
tal-Mulej, imma hu msebbaħ min-nies umli.
M’hemmx duwa għall-bniedem kollu kburija, għax din ħaxixa ħażina b’għeruqha mxenxla fih.
Min għandu l-għerf jifhem
il-proverbji u l-għaref ħerqan
li jkollu min jisimgħu.
Il-Kelma tal-Mulej.
℟. Irroddu ħajr lil Alla.
Salm Responsorjali
Salm 67(68):4-5aċ,6-7ab,10-11
℟. O Alla,
int ħejjejt dar għall-fqajjar.
Il-ġusti jithennew
quddiem Alla,
jifirħu u jaqbżu bil-ferħ.
Għannu lil Alla,
faħħru ismu.
Tgħaxxqu fil-Mulej,
aqbżu bil-ferħ quddiemu.
℟. O Alla,
int ħejjejt dar għall-fqajjar.
Missier l-iltiema
u difensur tar-romol,
hekk hu Alla fl-għamara mqaddsa tiegħu.
Alla jagħti d-dar lil dawk
li huma weħidhom,
u lill-ħabsin bir-riżq joħroġhom.
℟. O Alla,
int ħejjejt dar għall-fqajjar.
Xita bil-kotra inti bgħatt,
o Alla, fuq l-art,
wirt tiegħek,
u meta kienet bil-għatx
inti ħjejtha.
Il-poplu tiegħek
għammar fiha,
fi tjubitek, o Alla,
għall-fqajjar ħejjejtha.
℟. O Alla,
int ħejjejt dar għall-fqajjar.
Qari II �Intom ersaqtu lejn il-muntanja ta’ Sijon u lejn il-belt ta’ Alla l-ħaj.
Qari mill-Ittra
lil-Lhud Lhud 12:18-19,22-24a
Ħuti, intom ma rsaqtux lejn
in-nar materjali u jħeġġeġ
tas-Sinaj; lejn dak is-swied
u d-dlam u r-riefnu;
lejn dak id-daqq ta’ tromba
u ħoss ta’ kliem li dawk li kienu jisimgħuh talbu
bil-ħerqa biex ma jkellimhomx aktar.
Imma intom ersaqtu lejn
il-muntanja ta’ Sijon u lejn
il-belt ta’ Alla l-ħaj,
li hi Ġerusalemm tas-sema;
ersaqtu lejn eluf ta’ anġli f’ġemgħa ferrieħa;
lejn il-ġemgħa tal-ulied ewlenin li isimhom
hu miktub fis-sema;
lejn Alla l-imħallef ta’ kulħadd; lejn l-erwieħ ta’ nies tajba
u perfetti; lejn Ġesù
l-medjatur ta’ patt ġdid.
Il-Kelma tal-Mulej.
℟. Irroddu ħajr lil Alla.
Hallelujah,Hallelujah
Mt 11:29ab
Ħudu fuqkom il-madmad tiegħi, jgħid il-Mulej,
u tgħallmu minni, għaliex jiena ta’ qalb ħelwa u umli.
Hallelujah,Hallelujah
Evanġelju
Kull min jitkabbar, jiċċekken; u min jiċċekken, jitkabbar.
skont San Luqa Lq 14:1,7-14
Darba, kien is-Sibt,
Ġesù daħal għand wieħed
mill-kapijiet tal-Fariżej
biex jiekol għandu, u huma qagħdu għajnejhom fih.
Billi ra b’għajnejh kif
il-mistednin bdew jagħżlu
l-postijiet ta’ quddiem
fil-mejda,
qalilhom din il-parabbola: “Meta wieħed jistiednek
għal xi festa ta’ tieġ,
tmurx toqgħod fil-post ta’ quddiem, li ma jkunx hemm
xi mistieden aqwa minnek,
u dak li jkun stieden lilek
u lilu jiġi fuqek jgħidlek:
‘Agħti l-post lil dan’, u int imbagħad, b’regħxa ta’ mistħija fuqek, ikollok tieħu l-post
tal-aħħar.
Għall-kuntrarju, meta tkun mistieden, mur inxteħet
fil-post tal-aħħar,
biex meta jiġi dak
li stiednek jgħidlek:
‘Ħabib, itla’ f’post aktar ’il fuq’.
U dan ikun ta’ ġieħ għalik quddiem dawk kollha li jkunu fil-mejda miegħek.
Għax kull min
jitkabbar, jiċċekken;
u min jiċċekken, jitkabbar”.
Imbagħad qal ukoll lil dak
li kien stiednu:
“Meta tagħti ikla jew pranzu, tistedinx lil ħbiebek jew lil ħutek jew lil qrabatek, u anqas ġirien għonja,
għax għandhom mnejn imbagħad jistiednu lilek huma, u hekk iroddulek
il-pjaċir li tkun għamiltilhom.
Għall-kuntrarju,
meta tagħmel ikla,
stieden il-foqra, il-magħtubin, iz-zopop u l-għomja,
u hieni int, għax dawn ma għandhomx minn fejn iroddulek pjaċir bi pjaċir,
imma jroddhulek Alla
meta l-ġusti jqumu
għall-ħajja”.
Il-Kelma tal-Mulej.
℟. It-tifħir lilek Kristu.
Tnejn u Għoxrin Ħadd
taż-Żmien ta’ Matul is-Sena
Sena Ċ
“Kull min jitkabbar, jiċċekken;
u min jiċċekken, jitkabbar.”
Jiena nemmen f’Alla wieħed,
il-Missier li jista’ kollox,
li ħalaq is-sema u
l-art, dak kollu li jidher
u dak li ma jidhirx.
U f’Mulej wieħed Ġesù Kristu, Iben waħdieni ta’ Alla,
imnissel mill-Missier
qabel kull żmien.
Alla minn Alla, dawl minn dawl, Alla veru minn Alla veru, imnissel mhux magħmul, natura waħda mal-Missier
u bih sar kollox.
Niżel mis-smewwiet għalina
l-bnedmin u għall-fidwa
tagħna.
U ħa l-ġisem
bis-setgħa tal-Ispirtu
s-Santu minn Marija Verġni
u sar bniedem.
Sallbuh għalina, bata taħt Ponzju Pilatu, miet u difnuh,
u fit-tielet jum qam
minn bejn l-imwiet,
skont il-Kotba mqaddsa,
u tela’ s-sema, u qieghed fuq
il-lemin tal-Missier.
U għandu jerġa jiġi
bil-glorja biex jagħmel ħaqq mill-ħajjin u mill-mejtin,
u s-saltna tiegħu
ma jkollhiex tmiem.
U fl-Ispirtu s-Santu,
Mulej li jagħti l-ħajja
li ġej mill-Missier u mill-Iben:
li Hu meqjum u mweġġah flimkien mal-Missier u
mal-Iben. Hu li tkellem b’fomm il-profeti.
U fi Knisja waħda,
qaddisa, kattolika,appostolika.
Nistqarr magħmudija waħda
għall-maħfra tad-dnubiet.
U nistenna l-qawma
mill-imwiet, u l-ħajja
taż-żmien li ġej.
Ammen.
Tnejn u Għoxrin Ħadd
taż-Żmien ta’ Matul is-Sena
Sena Ċ
“Kull min jitkabbar, jiċċekken;
u min jiċċekken, jitkabbar.”