Mari sijaga kebadian ruang ibadahta, terlebih-lebih mari si mateken HPnta
2
2
i elai :
Pdt. Rezekina Br. Ginting, S.Th
Minggu IIi KENCA TRINITATIS
(minggu kerja rani)
06 Juli 2025
GBKP RUNGGUN TEBING TINGGI
KEBAKTIN BAHASA KARO
PUKUL : 10.00 WIB
Kata Pengalo-ngalo �Ras Momo
Kata Penaruh �Kubas Kebaktin
KEE No. 020 : 1-2
Dahi Tuhan simbelin.
B’reken baNa ras pujin.
Dahi min, dahi min, dahi min.
Ngaruh Tuhan bandu kin.
PemereNa la erk’rin.
Inget min, inget min, inget min.
Perpulungen Tedis
VOTUM & SALAM
AnakNa kal pe la ItahanNa, tapi IendeskenNa AnakNa e man gunanta kerina. Adi AnakNa kal pe IberekenNa man banta, tentu IberekenNa nge kai pe man banta radu ras AnakNa e. (Roma 8 : 32)
KEE 354 : 1-3
1. | Kam si mbelin, Kam terb’rita Kam kap sitermulia. Mehuli Kam, dingen erkuasa Kam si mada k’rina sinasa Reff. Sinalsal keleng ate Tuhan Bagi emas si labo luntur Rejin tuhu dolatNdu Tuhan Ngarak-ngarak kegeluhen |
2. | Erta-erta, kebayaken Ibas kam nari rehen Kam merentah alu kuasa Ras gegehNdu Tuhan Dibata Reff. Sinalsal keleng ate Tuhan Bagi emas si labo luntur Rejin tuhu dolatNdu Tuhan Ngarak-ngarak kegeluhen |
KEE 354 : 1-3
3. | Genduari, o Dibata Ku sehken bujur baNdu Terpuji Kam si mada k’rina Si ngkelengi kegeluhenku Reff. Sinalsal keleng ate Tuhan Bagi emas si labo luntur Rejin tuhu dolatNdu Tuhan Ngarak-ngarak kegeluhen |
KEE 354 : 1-3
Perpulungen kundul
Pedah dibata kerna
persembahen kerja rani
Lit. | Beligai pitu minggu i bas kam menaken rani gandumndu. Kenca bage maka bahanlah Kerja Rani, guna pehaga TUHAN Dibatandu, alu maba persembahen ukur meriah man baNa. Ermeriah ukurlah i adep-adepen TUHAN radu ras anak-anakndu, suruh-suruhenndu, ras kalak Lewi, kalak pertandang, anak melumang, ras diberu balu-balu, si tading i kutandu. Lakoken e i bas ingan ersembah si sada e. jaga maka tetap iikutkenndu perentah-perentah enda; ola lupa maka nai kam budak i Mesir (Ulangen 16 : 9-12) |
KEE 348 : 1-3
1. | Ersembah perlu ibas doni enda, E desken bingke bas kegeluhenta. Ersembah em pedah kata Dibata, Pehaga Tuhan bas kegeluhenta. |
2. | Isuruh Tuhan ‘lah ersembah Peturah penggejapen si meriah Kita diloNa ‘lah tutus min gelah Ngajuk kerina teman reh ersembah |
3. | Ersembah kita bas perpulungenta Pehaga Tuhan si mada geluhta Ersembah labo pesenang ukurta Si sembah Tuhan ‘mpehaga gelarNa |
KEE 348 : 1-3
Pengakun kerna kinilangasupen ndalanken Pedah dibata
Lit. | Ietehndu maka Dibata nge simasu-masu kerina pendahinndu, seh alokenndu ulihna bas kegeluhenndu. Tapi megati kam la ndalanken pedah Dibata guna mereken persembahen pengataken bujur, ulih pendahinndu si mehulina erkiteken aru atendu kerna keperlun geluh. Marilah si bengketi paksa teneng guna ngukuri dingen ngakuken kelepakenndu i bas la ndalanken pedah Dibata. |
PAKSA TENENG
KEE No. 440 : 1-2
1. | O Bapa, salah lepakku ku ’teh nge. Dosaku pe rusur kuinget Man baNdu aku erdosa Reff. Mekuah ateNdu min erkiteken liasNdu SasapkenNdu min k’rina dosangku o Tuhan. |
KEE No. 440 : 1-2
2. | O Bapa, kubahan rusur si jahat Patut nge aku i ukumNdu Bujur nge keputusenNdu Reff. Mekuah ateNdu min erkiteken liasNdu SasapkenNdu min k’rina dosangku o Tuhan. |
Lit. | “Perbahan si e ola aru atendu kerna nakan ras inemen si iperlukenndu ibas uis si man pakenndu. Ergan nge kesah asangken nakan, janah ergan nge kula asangken uis” (Matius 6:25) |
Padan Dibata man Sindalanken pedahNa
Perpulungen tedis
KEE 366 : 1-3
1. | Kataken bujur man Tuhan perbahan kiniulinNa KekelengenNa man banta Tetap seh rasa lalap Reff. Rendelah muji Tuhan si turikenlah min perbahanenNa banta si enggo sialoken |
KEE 366 : 1-3
2. | Meriahlah min ateta, Sabab kita si k’rajangNa Meriah dage ukurta, Si tetap nembah baNa Reff. Rendelah muji Tuhan si turikenlah min perbahanenNa banta si enggo sialoken |
KEE 366 : 1-3
3. | Malem kal tuhu ateta, Bujur kal perbahanenNa Pasu-pasuNa geluhta, Si tetap nembah baNa Reff. Rendelah muji Tuhan si turikenlah min perbahanenNa banta si enggo sialoken |
Ngoge Kata Dibata
Perb. 24 : 17–18 (tunggal)
(Perpulungen Kundul)
17. | Kenca piga-piga tahun dekahna aku nadingken Jerusalem reh aku mulihken ku kuta e guna nehken pemere man bangsangku bage pe guna nehken persembahen man Dibata. |
18. | Asum aku nehken persembahen e, kenca dung upacara pembersihenku, idapeti kalak enda aku i bas Rumah Pertoton. Sanga si ndai labo aku i tengah jelma si nterem janah labo lit keributen. |
Perb. 24 : 17 – 18
Lit. | : | Ketuahen kalak si megiken Kata Dibata, dingen simakekenca ibas geluhna si tep-tep wari, Haleluya. |
Perp. | : | (iendeken) Ha le lu ya, Ha le lu ya, Ha le lu … ya. |
Tema :
“Pestaken Kerja Rani”
Keluaren 23 : 14 - 19
(Tunggal)
Pdt. Rezekina Br. Ginting, S.Th
14. | Telu wari raya si mbelin "Rayaken telu wari raya setahun guna mereken kemulian man bangKu. |
Keluaren 23 : 14 – 19
15. | I bas bulan Abip, bulan tupung kam nadingken Mesir, rayaken Wari Raya Roti si la tama ragi, bagi si Kupedahken man bandu. Ula pan roti kai pe si lit ragina kidekah pesta si pitu wari e. Tep-tep kali kam ersembah man bangKu, la banci la ibabandu persembahenndu. |
Keluaren 23 : 14 – 19
16. | Pestakenlah Kerja Rani asum ibenakenndu mperani buah pagendu. Pestakenlah Wari Raya Sapo-sapo i bas pengkeri-kerin tahun, asum iperanindu buah anggurndu ras si debanna. |
Keluaren 23 : 14 – 19
17. | Tep-tep tahun i bas wari raya si telu enda ndai, kerina dilaki la banci la reh ersembah man bangKu, TUHAN, Dibatandu. |
Keluaren 23 : 14 – 19
18. | Ula ipersembahkenndu man bangKu roti si tama ragi, adi ipersembahkenndu ka asuh-asuhen. Lemak asuh-asuhen si ipersembahken sangana wari-wari raya enda ndai la banci iahanken seh ku pagina erpagi-pagi. |
Keluaren 23 : 14 – 19
19. | Tep-tep tahun baba ku Rumah TUHAN Dibatandu buah page si pemena si iperanindu. Ula tanggerken anak biri-biri ntah pe kambing alu lau susu indungna." |
Keluaren 23 : 14 – 19
Tema :
“Pestaken Kerja Rani”
Keluaren 23 : 14 - 19
Pdt. Rezekina Br. Ginting, S.Th
(Perpulungen Tedis)
Aku tek man Dibata Bapa si la ersibar kuasaNa, si nepa langit ras doni.
Aku tek man Jesus Kristus anakNa si Tonggal, Tuhanta, si jadi arah Kesah Si Badia, tubuh idur singuda-nguda nari si so keliamen, tergelar si Maria, si ngenanami kiniseran sangana pemerentahen Pontius Pilatus, nipakuken ku kayu persilang, mate,
PENGAKUN KINITEKEN
jenari ikuburken, nusur ku doni kematen, peteluwariken enggo keke ibas si mate nari, nangkih ku Surga, perkundulNa arah kemuhen Dibata Bapa si la ersibar kuasaNa, jenari reh me IA pagi ngeranaken si nggeluh ras si enggo mate.
Aku tek man Kesah si Badia, janah lit sada gereja Si Badia, persadan kalak si Badia, pengalemi dosa, kinikeken kula, kegeluhen si rasa lalap. Amin.
Lit. | : | “Sekalak-sekalak arus maba persembahen, rikutken kengasupenna, sue ras pasu-pasu si enggo ibereken Tuhan Dibatandu.” (Ulangen 16 : 16b-17) |
KEE No. 445 : 1 –
1. | Si pepulung me persembahenta, Si endesken dage man Dibata. Tanda m’riah ukur ban pasu-pasuNa, Si simpar b’reNa man banta. Reff: Asa si nggo isikapken, Asa si nggo itotoken. Em pengataken bujurta, kempak Dibata. |
2. | Tuhu simpar pemere Dibata Man perjuma ras si erbinaga K’rina si erdahin Si ngarap man baNa Ituahi pasu-pasuNa Reff: Asa si nggo isikapken, Asa si nggo itotoken. Em pengataken bujurta, kempak Dibata. |
KEE No. 445 : 1 –
3. | Pengataken bujur man Dibata Enda mbelin ka tuhu gunana Jadiken geluhta, Kula ras tendita Persembahenta si nggeluh Reff: Asa si nggo isikapken, Asa si nggo itotoken. Em pengataken bujurta, kempak Dibata. |
KEE No. 445 : 1 –
4. | Persembahen kami e o Tuhan Eme sada bagin pemereNdu ajariNdu kami Ersembah man baNdu Pehaga kinirajanNdu Reff: Asa si nggo isikapken, Asa si nggo itotoken. Em pengataken bujurta, kempak Dibata. |
KEE No. 445 : 1 –
Lit. | Tuhu seh kal simparna pemere Dibata man bandu. IberekenNa pedah si man ikutenndu kerna cara nehken pengataken bujurndu man baNa. Uga dage nindu ngaloisa? |
Perp. | Erpadan aku Tuhan, nggit aku ngikutken pedahNdu alu ngendesken diringku, bagepe mpersembahken ulih peraninku si mehulina man baNdu. |
Perpadanen man dibata
Perpulungen tedis
Lit. | Nina Dibata, ola aru atendu kerna wari si pepagi. Uga nge nindu ngaloisa |
Perp. | Lanai aru ateku Tuhan, Kam nge kap sinjamini geluhku ras isi jabungku. |
Perpadanen man dibata
Lit. | Bagi Dibata mpekena-kena bangsaNa, bage me pe ipekena-kenaNa kam. Kekelengen ni Tuhan, kai ndia tanggungjababndu nandangi sekelewetndu? |
Perp. | Erpadan aku Tuhan, nggit aku makeken pemereNdu jadi dalan pasu-pasu nandangi gereja, temanku manusia, ras doni enda. |
Perpadanen man dibata
KEE No. 334 : 1 – 2
1. | Tuhan kap si empuna geluhta Gegehta IA si merekenca Kiniteken pe ras pemetehta E pe IA sinjujurkenca IA kap erbanca kita sangap Tetaplah man IA kita ngarap ‘di reh suhsah breNa serpang pulah tendi kula mejuah-juah |
KEE No. 334 : 1 – 2
2. | Dage tetaplah bulat ukurta Geluhta pe lalap min erguna Lagu langkah pe la sea-sea Gelar Tuhanlah ermulia Adi jumpa kita si mesera Pengarapen ula kal min pera Kune riah ukur kita jumpa Nehken bujur ula kal lupa |
Persembahkenlah geluhndu, pakekenlah pemere Dibata si lit i bas kam jadi pasu-pasu man gereja ras man temanndu manusia. Janah jadi gegehndu, alokenlah pasu-pasu idur Dibata nari: “I pasu-pasuNa kam, janah ibereNa kam ringan isekelewet delengNa si Badia. Ije i pasu-pasuNa kam alu udan katawari kam perlu, batang kayu erbuah, janah mereken ulihna. Janah kerina kam nggeluh alu teneng i bas tanehndu.” Amin. Perp. : A....min, A.......min, A......min |
Paksa teneng
Selamat Wari Minggu