1.

Kudahi Kam Tuhan Dibatangku

Kupenangkih totonku man baNdu

Kukataken bujur ermengkah ukurku

Ibas ngaloken perkuah ateNdu

Reff. Nggo tangkas peratenNdu

bas geluhku

Bujur o Bapa nggo malem ateku

2.

Ku puji Kam Tuhan Dibatangku

Alu rende ku puji GelarNdu

Riahna ukurku ibahanNdu Tuhan

‘bas ngaloken keleng ateNdu Tuhan

Reff. Nggo tangkas peratenNdu

bas geluhku

Bujur o Bapa nggo malem ateku

1.

Kataken bujur man Tuhan

perbahan kiniulinNa

KekelengenNa man banta

Tetap seh rasa lalap

Reff. Rendelah muji Tuhan

si turikenlah min

perbahanenNa banta

si enggo sialoken

3.

Malem kal tuhu ateta,

Bujur kal perbahanenNa

Pasu-pasuNa geluhta,

Si tetap nembah baNa

Reff. Rendelah muji Tuhan

si turikenlah min

perbahanenNa banta

si enggo sialoken

Lit.

Ieteh Jesus maka enggo seh masana IA ngenanami kiniseran, janah ietehNa pe maka ajar-ajar banci kote i bas ngalaken perbeben. E maka Jesus nikapken pusuh ajar-ajarNa segelah ngikutken IA i bas kiniseran

Perp.

Terpuji Kam Tuhan, si mpegegehi kami i bas ngalaken kiniseran

Lit.

Tuhan Jesus nuduhken kiniteruken ukur i bas engkelengi manusia si perdosa.

Perp.

Terpuji Kam Tuhan, i bas ngangkatken dolat kami alu kiniteruken ukurNdu.

Lit.

Tuhan Jesus setia ngalaken kiniseran i bas ngkelini kalak si perdosa

Perp.

Terpuji Kam Tuhan, i bas kesetianNdu nelamatken kami kalak perdosa.

1.

O Bapa, salah lepakku ku ’teh nge.

Dosaku pe rusur kuinget

Man baNdu aku erdosa

​

Reff. Mekuah ateNdu min

erkiteken liasNdu

SasapkenNdu min

k’rina dosangku o Tuhan.

2.

O Bapa, kubahan rusur si jahat

Patut nge aku i ukumNdu

Bujur nge keputusenNdu

​

Reff. Mekuah ateNdu min

erkiteken liasNdu

SasapkenNdu min

k’rina dosangku o Tuhan.

Lit.

Tuhan Jesus setia ngalaken kiniseran guna keselamaten manusia, dingen meteruk ukurNa i bas ngergaken kegeluhen manusia. Adi situlihken ku bas pusuhta, kuga nge kita ngergaken kesetian ras kiniteruken ukur Jesus?

Lit.

Adi situlihken kubas pusuhta, kuga nge kininggitenta setia ngikutken kiniseran Jesus? Kuga nge ksetian ras kiniteruken ukurta i bas engkelengi temanta manusia ras tinepa si deban?

Lit.

Mari dage situriken isi pusuhta i adep-adepen Tuhan.

Perp.

…

Lit.

…

Perp.

O Tuhan, ngaku kami, maka megati kal kami la ngergaken kiniseran, kekelengen ras kesetianNdu. Megati pe kami nilah arah kiniseran i bas ngikutken dalanNdu. Megati pe kami kurang setia ras meteruk ukur i bas engkelengi teman kami manusia ras tinepa si deban. O Tuhan, alemi dingen pegegehilah kami.

1.

Perban keleng ateNdu,

tebusiNdu geluhku.

Alu mambur darehNdu,

Geluhku jadi mbaru

Reff. Asa ngasup gegehku,

kuikutken kataNdu

Jesus kam si perkuah.

kupuji ras kusembah.

2.

Perban keleng ateNdu

ibabaiNdu dalanku

Ku dalan kesenangen

Gelah aku terkelin

Reff. Asa ngasup gegehku,

kuikutken kataNdu

Jesus kam si perkuah.

kupuji ras kusembah.

Lit.

“Arah enda me sieteh kekelengen e: Kristus enggo ngendesken geluhNa man gunanta. E maka kita pe arus ngendesken geluhta guna seninanta.”

(1 Johanes 3 : 16)

1.

Kam nebusi aku Tuhan

Kam si mpeteneng tendingku

Tendi si ndube tertaban

TeguNdu ku adepen Ndu

Reff: Malem kel ateku Bapa,

Ban keleng ate Ndu

Ku puji gelarNdu Bapa,

Mulia gelarNdu

TeguNdu lah aku Tuhan,

Ibas pusuhku Kam ringan

PetetapNdu aku Tuhan

Gelah dosa talu me kuban

2.

Kam ngalemi aku Tuhan

Kam si mpepalem pusuhku

Pusuh si megati nogan,

Mbaru perbahan kelengNdu

Reff: Malem kel ateku Bapa,

Ban keleng ate Ndu

Ku puji gelarNdu Bapa,

Mulia gelarNdu

TeguNdu lah aku Tuhan,

Ibas pusuhku Kam ringan

PetetapNdu aku Tuhan

Gelah dosa talu me kuban

Dil.

¹Pemindon gelah robah

O bangsa si la meteh mela, rukurlah kam

Dib.

²ope denga kam ikabangken bagi segal, ope denga pernembeh ate TUHAN si gara reh ku kam, ope denga seh warina Ia ncidahkenna RawaNa.

Dil.

³Mulihlah kempak TUHAN o kam kerina si meteruk rukur i bas negeri enda, si ngikutken PerentahNa. Lakokenlah kai si benar, janah peteruk bandu i adep-adepen TUHAN. Mbera-mbera pulah kam i bas ukumen nari tupung warina TUHAN ncidahken pernembeh AteNa.

Lit.

​

:

Ketuahen kalak si megiken Kata Dibata, dingen simakekenca ibas geluhna si tep-tep wari, Haleluya.

Perp.

:

(iendeken)

Ha le lu ya, Ha le lu ya, Ha le lu … ya.

1.

Jesus murihi nahe ajar-ajarNa

Sada wari ope Wari Raya Paskah, nggo ieteh Jesus maka seh PaksaNa ItadingkenNa doni enda janah mulih Ia ku BapaNa. Keleng kal AteNa teman-TemanNa i doni enda janah seh ku kedungenna tetap AteNa keleng.

2.

Jesus ras ajar-AjarNa sangana man berngi. Iblis nggo erdahin i bas ukur Judas anak Simon Iskariot guna ndayaken Jesus.

3.

Ieteh Jesus maka nggo ibereken Dibata kuasa kai pe man BaNa. Ieteh Jesus pe maka Ia reh i bas Dibata nari janah nandangi mulih ku Dibata.

4.

Emaka tedis Jesus, itangtangina JubahNa, jenari IbentingkenNa uis.

5.

ItamakenNa lau ku bas sambung, jenari IburihiNa nahe ajar-AjarNa janah IelapNa alu uis si IbentingkenNa.

6.

Asum seh giliren Simon Petrus nina Simon Petrus man Jesus, "O Tuhan, Kam kin arusna si murihi nahengku?"

7.

Erjabap Jesus man Simon Petrus, "Si Kubahan genduari e, la iangkandu, tapi pagin tangkas kap man bandu."

8.

Ngaloi ka Petrus, "Asa ndigan pe la kubere IburihiNdu nahengku!" Tapi nina Jesus man bana, "Adi la Kuburihi nahendu lanai kam ajar-ajarKu."

9.

Ngaloi Simon Petrus, "O Tuhan, adi bage kin ola nahengku saja burihi! Tapi burihilah tanku ras takalku pe!"

10.

Nina Jesus, "Kalak si nggo ridi nggo kap bersih kerina kulana, emaka lanai bo perlu ia ridi; nahena saja ngenca perlu iburihi."

11.

Kam nggo bersih kerina, sekalak ngenca lang. (Nggo ieteh Jesus ise si nandangi ndayaken Ia; perbahan si e me maka nina, "Kam nggo bersih kerina, sekalak ngenca lang.")

12.

Kenca dung iburihi Jesus kerina nahe ajar-AjarNa e, IpakeNa ka mulihi JubahNa ndai, jenari kundul Ia ku InganNa. Kenca bage nungkun Jesus nina, "Iangkandu kin kai tujunna si Kubahan man bandu enda ndai?

13.

Ikatakenndu Aku Guru bage pe Tuhan. Payo kap si ikatakenndu e; sabap tuhu me Aku Guru dingen Tuhan.

14.

Dage adi Aku, Guru dingen Tuhanndu nggo murihi nahendu, patut pe maka kam siburih-burihen nahe.

15.

Nggo Kubahan si man usihenndu gelah banci ibahanndu bagi si nggo Kubahan man bandu e.

16.

Kukataken man bandu: Situhuna la lit budak belinen asangken tuanna. Labo lit suruh-suruhen belinen asangken si nuruh ia.

17.

Genduari nggo ietehndu kerna si enda; malem tuhu-tuhu atendu adi idalankenndu i bas geluhndu.

18.

Aku ngerana enda labo kerna kam kerina. Kueteh nge ise nggo Kupilihi. Tapi kai si tersurat i bas Pustaka Si Badia arus seh. I bas Pustaka Si Badia lit tersurat, ‘Kalak si man ras Aku, ia me si ngelawan Aku.’

19.

Si enda Kukataken man bandu ope denga jadi, gelah kenca jadi, tek kam maka ‘Aku me Aku.’

20.

Kukataken pe man bandu: Kalak si ngaloken persuruhenKu, ialokenna pe Aku, janah kalak si ngaloken Aku, ialokenna pe Dibata si nuruh Aku."

Lit.

:

“Endeskenlah kulandu man Dibata saja selaku persembahen si nggeluh rikutken si ngena ateNa. Sabab bage me arusna kam ersembah man Dibata sue ras biakndu selaku mahluk si rukur.” (Roma 12:1)

1.

Ermengkah ukurku, ras ngataken bujur Tuhan

Kelengi min aku, Kam empu geluhku

Enda ngenca Tuhan persembahenku

Kerina geluhku kesah ras tendingku

La kap lit bas aku erta kebayaken

Si cukup meherga ‘lah ku persembahken

Sada ngenca Tuhan lit pemindonku

Aloken min Tuhan persembahenku

Pakeken geluhku jadi perkakasNdu

Segedang geluhku

Lit.

Tuhan Jesus nikapken pusuh ajar-ajar segelah pang ngikutken dalanNa

Perp.

Erpadan kami Tuhan nggit dingen pang ngalaken kiniseran i bas ngikutken dalanNdu.

Lit.

Tuhan Jesus enggo nehken kekelengenNa man manusia ras doni enda alu dem kesetian ras kiniteruken ukur.

Perp.

Erpadan kami Tuhan, nehken kekelengenNdu alu setia ras meteruk ukur nandangi sekelewet kami.

1.

Ngikut Tuhan kin atendu

Persan silang

Ola sangsi ola mbiar

Ikutkenlah

Reff. Persan saja min silangNdu,

Ikut terus

Mulia me kal upahNdu

tetap tutus

3.

Kune susah tah mesera,

megeng-genglah

Tuhan Yesus usihennta,

ikut gelah

Reff. Persan saja min silangNdu,

Ikut terus

Mulia me kal upahNdu

tetap tutus

​

“Tapi kenca kam ngenanami kiniseran kentisik, serta me kam ibahan Dibata, Si dem lias ate, Si ndilo kam gelah ngenanami KemulianNa si rasa lalap erdandanken persadanndu ras Kristus; IpetetapNa dingen IpegegehiNa kam janah IberekenNa man bandu palas si nteguh. Dibata kap erkuasa seh rasa lalap.”. Amin

​

Perp. : A....min, A.......min, A......min

​