1.

Meriah kita ras k’rina

Sipuji Dibatanta.

Perban lias ateNa e,

IsehkenNa man banta pe.

Nggo pulung kita k’rina pe,

Ibas ingan enda,

Ibas ingan enda.

2.

Dage gegehi bantalah,

Muji Tuhan perkuah.

Ibas keleng ateNa nge,

Seh banta keriahen e.

Gundari subuk ras pagin,

Tuhu meriah min,

Tuhu meriah min

​

1.

Si pujilah Dibata

Peb’linken gelarNa

Kataken bujur bas k’rina paksa

Senang tah susah kataken bujur

Reff: Inget Dibata

inget kekelengenNa

Geluhta enda IA sinepasa

Inget Dibata inget kuasaNa

lalit metahat ilebe-lebeNa

3.

Pehagalah Dibata

IA kap si Badia

Sembah pujiNta man baNa saja

Peganjang IA bas si nasaNa

Reff: Inget Dibata

inget kekelengenNa

Geluhta enda IA sinepasa

Inget Dibata inget kuasaNa

lalit metahat ilebe-lebeNa

Lit.

:

Dibatanta e melias perkuah. IetehNa maka labo kita ngasup mulahi dirinta i bas kuasa kematen nari. Emaka itebusiNa kita arah kematen Jesus, gelah olanai kita ikuasai kematen, dingen bene i bas dosanta.

Perp.

:

Terpujilah Kam Tuhan. Ermengkah dingen malem kal ate kami. Erkiteken lias ateNdu, pulah me kami i bas kematen si la tertaluken kami.

1.

Lias ate ni Tuhanta, e lalap man pujin

Ras pe kebenarenNa, pebelinlah madin

Ku eteh peratenNa, ras dosa labo singgur

‘Nggo tetap jujurenNa,

si labo banci luntur

E desken batu mamak,

enteguh labo mugur

Bagem’ kepeken Kam,

‘nggo tetap ibas bujur

3.

Kam kap penundalenku,

Kam pematangku kin

‘Ban b’linna kuasaNdu,

meparas man pujin

Tambah kekelengenNdu,

si seh man kami enda

Em jadi tahan turu, aminna ukur nera

Kelewet gia imbangku,

Dibata kap njagasa

Kailah kebiarenku, ‘di aku sampatiNa

Lit.

:

Adi itatap Dibata ku bas pusuhta sekalak-sekalak. Pusuh ras ukur si kuga nge idapeti Dibata i bas dirinta?

Idapetina ndia pusuh si dem pengataken bujur ibas keselamaten si enggo ijujurkenNa?

idapetiNa ndia perukuren si ngergaken keleng ateNa?

Pusuh ras ukur si kuga nge idapeti Dibata i bas dirinta?

Perp.

:

…

Lit.

:

…

Perp.

:

Tuhan, ngaku kami kurang ngasup ngataken Bujur i bas keselamaten si IberekenNdu. Kami kurang ngergaken keleng AteNdu guna nelamatken kami. Tuhan, alemi min kami.

1.

Kuakuken kerina salahku,

Iadepen Dibatangku.

Tuhu ku gejap mbue dosangku.

Meluat nari kal pergeluhku

​

Reff. Mekuah min ateNdu aku,

sasapkenlah dosangku.

O Tuhan tegulah min aku,

‘lah tetap jingkangku.

2.

Lalap ku inget salah dosangku,

Ku gejap salah lepakku.

Dosa nge lalap perbahanenku,

Kulakoken si la ngena ‘teNdu.

​

Reff. Mekuah min ateNdu aku,

sasapkenlah dosangku.

O Tuhan tegulah min aku,

‘lah tetap jingkangku.

Lit.

Dibatanta setia kap. Keleng ateNa la ersibar. La itak-takiNa dosa manusia si meluat mekelesa. Emaka selaku persuruhen Dibata, aku nehken kataNa man banta si nggejap ras ngakuken dosanta, nina Dibata :

“Amin bage gia, Aku kap Dibata si nasapken dosa-dosandu; janah si e Kulakoken erkiteken bage kin biakKu. Lanai Kupeinget-inget kerina dosa-dosandu” Amin.

1.

Amin dosangku mbue la terkira

Si erban ndauh ras Kam Tuhan

Tapi keleng ateNdu tangkas Tuhan

La tak-takiNdu dosangku

Reff: Bujur man baNdu Tuhan

ban ialemi dosangku

Meriah kel ukurku

Tuhan nasapken dosangku

2.

Tendingku enggo itebusi Tuhan

Iblis lanai ngerim-rim aku

Gundari geluhku isambariNa

Tuhan ngerajai aku

Reff: Bujur man baNdu Tuhan

ban ialemi dosangku

Meriah kel ukurku

Tuhan nasapken dosangku

3.

Pusuhku enggo ip’limbaruiNa

P’raten doni lanai erkuasa

P’rayakenku ndalanken peratenNa

Kesangapen ib’rekenNa

Reff: Bujur man baNdu Tuhan

ban ialemi dosangku

Meriah kel ukurku

Tuhan nasapken dosangku

27.

Nina Esra, "Pujilah TUHAN, Dibata nini-nininta! Ia kap si peturahsa ukur raja pemuliaken Rumah Pertoton TUHAN i Jerusalem.

28.

Arah lias ate Dibata aku nggo ndat perkuah ate raja ras menteri-menterina bage pe kerina pegawai-pegawaina si erkuasa; TUHAN Dibatangku nggo pepiherken ukurku, janah nggo ngasup aku ngiahken nterem peminpin suku Israel gelah mulih ras aku."

Lit.

​

:

Ketuahen kalak si megiken Kata Dibata, dingen simakekenca ibas geluhna si teptep wari, Haleluya.

Perp.

:

(iendeken)

Ha le lu ya, Ha le lu ya, Ha le lu ... ya.

6.

Sabap asum kita kote denga, mate Kristus i bas paksa si payo, man gunanta kalak si jahat.

7.

Labo sukah muatsa kalak si nggit mate guna kalak si bujur. Tapi adi guna kalak si mehuli banci jadi lit kalak si nggit mate.

8.

Tapi Kristus mate asum kita perdosa denga! Arah e Dibata nggo encidahken keleng AteNa man banta.

9.

Dage tangkas kal man banta maka kita nggo rembak ras Dibata erkiteken Jesus Kristus nggo engkorbanken DiriNa seh mate; tentu terlebih-lebih pe kita terkelin i bas pernembeh ate Dibata nari arah Ia.

10.

Gelgel nari kita imbang Dibata, tapi nggo iperiahken Dibata kita ras DiriNa arah kematen AnakNa. Tentu terlebih-lebih genduari adi kita nggo meriah ras Dibata la banci lang IkeliniNa me kita arah kegeluhen Kristus.

11.

Janah labo e saja, tapi meriah pe ukurta dingen sipuji Dibata erdandanken Tuhanta Jesus Kristus si nggo mperiahken kita ras Dibata.

Lit.

:

“Endeskenlah kulandu man Dibata saja selaku persembahen si nggeluh rikutken si ngena ateNa. Sabap bage me arusna kam ersembah man Dibata, sue ras biakndu selaku mahluk si rukur”

(Roma 12 : 1)

1.

Nginget perkuah Dibata si mbelin

Si isehkenNa man banta k’rina kin

Ibas kerina dampar kegeluhen

I doni si dem alu keguluten

Reff. Endeskenlah kulanta man Dibata

Kerinana si lit ibas geluhta

Selaku persembahenta si nggeluh

Em persembahen si ngena ateNa

2.

Sabab bage me arusna kita kin

Ersembah man Dibatanta si mejin

Si nggo m’reken man banta manusia

Keg’luhen si mehuli ras badia

Reff. Endeskenlah kulanta man Dibata

Kerinana si lit ibas geluhta

Selaku persembahenta si nggeluh

Em persembahen si ngena ateNa

3.

Marilah k’rina sipuji Dibata

Janah sipeteruk ka pe ukurta

Alu bage si dat sura-suraNa

Kai si mehuli ras ngena ateNa

Reff. Endeskenlah kulanta man Dibata

Kerinana si lit ibas geluhta

Selaku persembahenta si nggeluh

Em persembahen si ngena ateNa

Lit.

I bas kita enggo ngaloken lias ate Dibata, kai nge ndia si jadi perpadanenta ras IA?

Perp.

O Tuhan, enggo kualoken lias ateNdu jadi gegehku. Erpadan me aku, nggeluh setia man baNdu.

Lit.

Dibata enggo mulahi manusia arah kuasa dosa, jenari idiloNa manusia naksiken keleng ateNa.

Perp.

O Tuhan, kuendesken diringku man baNdu, gelah idah doni enda keleng ateNdu arah kegeluhenku.

1.

Ingetlah pedah Tuhan

Eme jadi gelemen

Ukuri ras dalanken

Tentu dat kesangapen

Reff. Pindo gegeh man baNa

Ola erleja leja

Simpar pasu-pasuNa

Ib’rekenNa man banta

3.

Kita k’rina suruhNa

Naksiken kuasaNa

Malem ateta banNa

Di si ban ‘tena ngena

Reff. Pindo gegeh man baNa

Ola erleja leja

Simpar pasu-pasuNa

Ib’rekenNa man banta

Berkatlah naksiken keleng ate Dibata, gelah idah doni enda maka Dibata erkuasa njagai dirindu. Si jadi gegehndu, alokenlah pasu-pasu idur Dibata nari:

​

“Lias ate Tuhan Jesus Kristus, kekelengen Dibata Bapa ras kerembaken Kesah Si Badia ras kam kerina gelah”. Amin

​

Perp. : A....min, A.......min, A......min

​