1 of 57

Mari sijaga kebadian ruang ibadahta, terlebih-lebih mari si mateken HPnta

2 of 57

2

2

i elai :

​

Pdt. Marina Br. Ginting, S.Th

​

​

Minggu advent ii

​

08 Desember 2024

GBKP RUNGGUN TEBING TINGGI

KEBAKTIN BAHASA KARO

PUKUL : 10.00 WIB

3 of 57

K E B A K T I N

4 of 57

5 of 57

Kata Penaruh

6 of 57

KEE No. 053 : 1-2

1.

Pesikap kam k’rajangndu e,

Ban Tuhan Yesus reh.

Melikas min ukurndu e,

Ban Tuhan Yesus reh.

Pesikap k’rajangku kin,

O, Tuhan lah kita jumpa min.

Perpulungen Tedis

7 of 57

KEE No. 053 : 1-2

2.

Tadingken kam dosandu e,

Ban Tuhan Yesus reh.

Nggo masap me salahndu e,

Ban Tuhan Yesus reh.

Pesikap k’rajangku kin,

O, Tuhan lah kita jumpa min.

8 of 57

VOTUM & SALAM

9 of 57

Sue ras si tersurat e, reh me Johanes Peridiken ku taneh si mesawang. Iperidikenna kalak janah ipesehna berita i bas Dibata nari nina, "Iperidikenndu min, tandana kam jera i bas dosa-dosandu nari, gelah dosa-dosandu ialemi Dibata." (Markus 1 : 4)

10 of 57

1.

Si bas dosa kin ercebah

Ola nai min dage pe dekah-dekah

Tuhan Yesus ’nggo ertenah

ItimaiNa me kam wari si sendah

Reff : Minter dahi Tuhan Yesus si melias

Je turiken k’rina dosa alu telkas

’Lah darehNa mbersihkenca

seh melikas

Maka banNa enggo kelas

KEE No. 233 : 1-2

11 of 57

2.

Gia ‘nggo luka iban dosa

Ibas Tuhan ‘nggo lit me kap tawarna

Ia ban si pekenasa

Gelah ola pagi jumpa kelesa

Reff : Minter dahi Tuhan Yesus si melias

Je turiken k’rina dosa alu telkas

’Lah darehNa mbersihkenca

seh melikas

Maka banNa enggo kelas

KEE No. 233 : 1-2

12 of 57

Perpulungen kundul

PUJIN MAN TUHAN SI ITIMAI MANUSIA

Lit.

:

Terpujilah Tuhan, sabab IA me terang kegeluhen man kerina jelma si nggeluh i bas doni si gelap, janah kalak si nggeluh i bas awih-awih kematen, isalsaliNa alu terang si harhar.

Perp.

:

Maranatha, Maranatha Tuhan pedas me reh

13 of 57

PUJIN MAN TUHAN SI ITIMAI MANUSIA

Lit.

:

Terpujilah Tuhan, sabab Tuhan me peminpinta, penampat simeganjangna, Dibata si mada kuasa, Bapa si rasa lalap, raja dame, si merentah erpalasken kebenaren ras kebujuren.

Perp.

:

Maranatha, Maranatha Tuhan pedas me reh

14 of 57

PUJIN MAN TUHAN SI ITIMAI MANUSIA

Lit.

:

Terpujilah Tuhan, sabab IA me pengarapen nggeluh, si mereken kemalemen ate dingen petetap ukur i bas doni si gelap.

Perp.

:

Maranatha, Maranatha Tuhan pedas me reh

15 of 57

PUJIN MAN TUHAN SI ITIMAI MANUSIA

Lit.

:

Mari radu ras kita ertoto:

“O Tuhan, bali bagi Kam reh man kami jadi terang, jadi dame janah jadi pengarapen man kami, ajar kami pe banci jadi terang ras dame man sekelewet kami gelah kami pe tetap paguh i bas pengarapen kami nimai kerehenNdu” Amin.

16 of 57

KINATA KEGELUHEN MANUSIA

Lit.

:

Aku me Tuhan Dibatandu si enggo erpadan guna reh jadi penampatndu. Tetaplah kam ernalem i bas Aku. Sabab Aku kap sinerangi geluhndu; ise ngikutken Aku ialokenna me Terang si mereken kegeluhen. Turang ras senina, i bas ngalaken perbeben nggeluh, Megati kal kita la megenggeng nimai penampat si rehna i bas Tuhan nari.

17 of 57

KINATA KEGELUHEN MANUSIA

Lit.

:

Megati pe perbeben erbahan kita talu i bas erpengarapen seh maka kita ndauh ras Tuhan jenari ndabuh ku bas dosa ras kiniseran.

Perp.

:

O Tuhan, ngaku kami megati kami la megenggeng nimai penampat si rehna i bas kam nari. Tuhan, alemi min kami.

18 of 57

KINATA KEGELUHEN MANUSIA

Lit.

:

Turang ras senina, rusur kebiaren ngkuasai kita asangken padan Dibata, piah dungna nilah kita i bas kebujuren Tuhan nari

Perp.

:

O Tuhan, ngaku kami megati itundalken kami padan ras kebujurenNdu, jenari iikutken kami pengajuk doni enda. Tuhan, alemi min kami.

19 of 57

KINATA KEGELUHEN MANUSIA

Lit.

:

Kekelengen ni Tuhan, mari si sehken pertotonta sekalak-sekalak mindo penampat man Tuhan i bas paksa teneng

PAKSA TENENG

20 of 57

KEE No. 417 : 1-2

1.

Kam Yesus Tuhanku palas kegeluhenku

Reh aku ngadap man baNdu

Tegulah min aku ibas ndalani geluhku

‘Lah ula celus nahengku

Reff. Dengkehken sorangku erlebuh o Tuhan

Ngendesken pingko-pingkoku

Alemi min salah dosangku o Tuhan

‘Lah atan bas kiniulin

21 of 57

KEE No. 417 : 1-2

2.

Kam Yesus Tuhanku, sampati min geluhku

Alemi Tuhan dosangku

La kap lit terligen ibas adep-adepenNdu

Kerina salah lepakku

Reff. Dengkehken sorangku erlebuh o Tuhan

Ngendesken pingko-pingkoku

Alemi min salah dosangku o Tuhan

‘Lah atan bas kiniulin

22 of 57

PADAN DIBATA

MAN SI NGARAPKEN Tuhan i bas geluhna

Lit.

“Ola kam mbiar kerna kiniseran si nandangi inanamindu. Nehenlah! Iuji iblis me kam. Tapi tetaplah kinitekenndu man bangKu seh mate pe, gelah Kubereken man bandu rudang-rudang kegeluhen tanda kemenangenndu.”

Perpulungen Tedis

23 of 57

KEE 184 : 1-2

  1. Yesus Tuhanku njaminisa,

K’rina dosangku tebusiNa.

Geluh simbaru jujurkenNa,

M’riah ukurku ngalokenca.

Reff.

Tuhanku Yesus Kam me tetap,

Pengendesenku rasa lalap.

Temani aku o, Penampat,

Tuhanku Yesus Jurus’lamat.

24 of 57

KEE 184 : 1-2

  1. Ngendes man baNa sikap tuhu,

Keleng ateNa negu-negu.

Mindo man baNa ola medu,

Maka ib’reNa pasu-pasu.

Reff.

Tuhanku Yesus Kam me tetap,

Pengendesenku rasa lalap.

Temani aku o, Penampat,

Tuhanku Yesus Jurus’lamat.

25 of 57

Ngoge Kata Dibata

Jesaya 35 : 1 – 10 (Tunggal)

(Perpulungen Kundul)

1.

Dalan Si Badia

Gurun pasir ras taneh kerah-kerah meriah pagi iakapna, taneh mesawang ersurak janah erbunga.

26 of 57

2.

Gurun pasir bungana mbue, ersurak meriah janahna rende. Gurun pasir e bali pagi jilena ras Deleng Libanon, bali mehumurna ras juma-juma Karmel ras Saron. Tep-tep kalak ngidah kehagan TUHAN ta, ngidah kuasa Dibata ras KemulianNa.

Jesaya 35 : 1 – 10

27 of 57

3.

Tan si nggo latih pegegehilah, tiwen si nggo nggirgir bahanlah maka enteguh.

4.

Katakenlah man si tumpat ukur, "Piherken ukurndu ula kam mbiar, Reh me Dibata, IpulahiNa me kam, musuh-musuhndu kerina iukum."

Jesaya 35 : 1 – 10

28 of 57

5.

Emaka kalak pentang erpengidah pagi, kalak pasek erpemegi.

6.

Kalak cempang lompat-lompat desken belkih, kalak si la beluh ngerana ersurak-surak alu meriah. Pultak me sumbul lau i bas gurun pasir, i bas taneh mesawang turah lau maler.

Jesaya 35 : 1 – 10

29 of 57

7.

Kersik si melas salih jadi dano, i bas taneh kerah erburak-burak ulu lau. Taneh si gelgel nari ingan biang kerangen nggeluh, genduari turah i je rengo.

Jesaya 35 : 1 – 10

30 of 57

8.

Lit pagi sada pasar i je, si igelari "Dalan si Badia". Kalak perdosa la lit sada pe erdalan arah e, kalak motu la ibabaina papak kalak si erdalin rassa.

Jesaya 35 : 1 – 10

31 of 57

9.

La lit i je singa, la lit mentas arah e rubia-rubia si merawa. Kasa kalak si nggo ipulahi TUHAN, tupung mulih arah eme ia kerina erdalan.

Jesaya 35 : 1 – 10

32 of 57

10.

Alu dem keriahen seh ia i Jerusalem kerina, rende ras ersurak meriah kal akapna. Seh rasa lalap malem me atena, asa ndigan pe lanai atena ndele, lanai atena ceda.

Jesaya 35 : 1 – 10

33 of 57

Lit.

​

:

Ketuahen kalak si megiken Kata Dibata, dingen simakekenca ibas geluhna si teptep wari, Maranatha.

Perp.

:

(iendeken)

Ma ra na tha, Ma ra na tha, Ma ra na … tha.

34 of 57

Tema :

“Jera Dingen Tetap Erjaga-jaga”

Ketangkasen 3 : 1 – 6

(Tunggal)

Pdt. Marina Br. Ginting, S.Th

35 of 57

1.

Tenah man perpulungen Sardis

"Man malekat perpulungen i Sardis suratkenlah bagenda: Enda me berita i bas Ia nari, si lit i bas Ia pitu Kesah Dibata dingen bintang si pitu e. Kueteh kai si ibahanndu. Gelarna ngenca kam nggeluh tapi si tuhuna mate.

Ketangkasen 3 : 1 – 6

36 of 57

2.

Emaka kekekenlah, pegegehilah kai si lit denga i bas kam ope denga mate kerina. Sabap la lit Kuidah serta perbahanenndu i lebe-lebe DibatangKu.

Ketangkasen 3 : 1 – 6

37 of 57

3.

Dage ingetlah kuga nai kam iajari dingen kuga nai kam megikenca. Ikutkenlah kai si iajarken man bandu e, janah jeralah. Adi la kam keke, reh me Aku ndahi kam bagi pinangko, janah la ietehndu katawari Aku reh.

Ketangkasen 3 : 1 – 6

38 of 57

4.

Tapi lit piga-piga i tengah-tengahndu si i Sardis si tetap njaga pakenna bersih. Ras Aku pagi ia kerina erdalan make uis mbentar, sabap metunggung ia.

Ketangkasen 3 : 1 – 6

39 of 57

5.

Kalak si menang iuisi me alu uis mbentar si bagenda, janah asa ndigan pe la Kusasapken gelarna i bas Kitap Kegeluhen nari. I lebe-lebe BapangKu, bage pe i lebe-lebe malekat-MalekatNa terang-terangen Kuakui maka ia me sikerajangenKu.

Ketangkasen 3 : 1 – 6

40 of 57

6.

Adi lit cupingndu begikenlah kai si ikataken Kesah Dibata man perpulungen-perpulungen!"

Ketangkasen 3 : 1 – 6

41 of 57

Tema :

“Jera Dingen Tetap Erjaga-jaga”

Ketangkasen 3 : 1 – 6

Pdt. Marina Br. Ginting, S.Th

42 of 57

(Perpulungen Tedis)

Aku tek man Dibata Bapa si la ersibar kuasaNa, si nepa langit ras doni.

Aku tek man Yesus Kristus anakNa si Tonggal, Tuhanta, si jadi arah Kesah Si Badia, tubuh idur singuda-nguda nari si so keliamen, tergelar si Maria, si ngenanami kiniseran sangana pemerentahen Pontius Pilatus, nipakuken ku kayu persilang, mate,

PENGAKUN KINITEKEN

43 of 57

jenari ikuburken, nusur ku doni kematen, petelu wariken nggo keke i bas si mate nari, nangkih ku Surga, perkundulNa arah kemuhen Dibata Bapa si la ersibar kuasaNa, jenari reh me ia pagi ngeranaken si nggeluh ras si nggo mate.

Aku tek man Kesah si Badia, janah lit sada Gereja Si Badia, persadan kalak si Badia, pengalemi dosa, kinikeken kula, kegeluhen si rasa lalap. Amin.

44 of 57

(Perpulungen Kundul)

Lit.

:

“Dibata si simpar alu kebayaken si lit i bas Kristus Jesus mereken kerina keperlun geluhndu.”

(Pilipi 4 : 19)

45 of 57

1.

Simpar tuhu pemereNdu

JujurkenNdu kap man bangku

Ermengkah kal me ukurku

La ‘ku lupa lias ateNdu.

Reff: AlokenNdu o, Tuhanku

Persembahen anakNdu

Usekenlah pasu-pasu

Peteguhi perpulungenNdu

KEE No. 315 : 1-

46 of 57

2.

Benih si isuan kami

E pe kap i bas Kam nari

KuasaNdu mahanca turah

KuasaNdu mahanca erbuah

Reff: AlokenNdu o, Tuhanku

Persembahen anakNdu

Usekenlah pasu-pasu

Peteguhi perpulungenNdu

KEE No. 315 : 1-

47 of 57

3.

BreNdu kami kepentaren

G’lah nirangken kepapaken

Ajar kami kebujuren

Maka pinter ka perukuren

Reff: AlokenNdu o, Tuhanku

Persembahen anakNdu

Usekenlah pasu-pasu

Peteguhi perpulungenNdu

KEE No. 315 : 1-

48 of 57

4.

M’lala denga man sampaten

Nterem denga man apulen

B’reNdu kami kengasupen

‘Lah kami sikeleng-kelengen

Reff: AlokenNdu o, Tuhanku

Persembahen anakNdu

Usekenlah pasu-pasu

Peteguhi perpulungenNdu

KEE No. 315 : 1-

49 of 57

5.

Si tading bas kami enda

BanNdulah erlipat ganda

Kami k’rina reh ngasupna

Ndahiken dahin si mulia

Reff: AlokenNdu o, Tuhanku

Persembahen anakNdu

Usekenlah pasu-pasu

Peteguhi perpulungenNdu

KEE No. 315 : 1-

50 of 57

51 of 57

Lit.

Tuhan pedas me reh, uga dage ninta?

Perp.

Ateku tetap nggeluh i bas Tuhan janah setia i bas nimai kerehenNa.

Perpadanen Man Dibata

(Perpulungen Tedis)

52 of 57

Lit.

Tuhan eme terang kegeluhen, IA me Raja Dame janah ulu pengarapen.

Perp.

Pengarapenku man Tuhan ngenca, janah kupersembahken geluhku guna jadi dame ras terang man doni enda, dingen nggeluhken kegeluhenku i bas kebujuren Tuhan.

Perpadanen Man Dibata

53 of 57

1.

O Yesus, Kam terang geluhku

Kam me si ngkelini tendingku

La kap lit si man kebiarenku

O Yesus Kam me kap bentengku

Emakana la lit gentarku

Amin lit si jahat nderpa aku

Reff. O, Bapa dengkeh pemindonku

Lit kap sada sura-surangku

Atan min aku ibas RumahNdu

Sedekah geluhku

KEE No. 303 : 1 – 2

54 of 57

2.

O Yesus, Kam terang geluhku

Kam me si engkawali aku

Ibas paksa lit kesusahenku

O, Yesus ajari min aku

Gelah nggeluh ngikut p’ratenNdu

Arah dalan salang babai aku

Reff. O, Bapa dengkeh pemindonku

Lit kap sada sura-surangku

Atan min aku ibas RumahNdu

Sedekah geluhku

KEE No. 303 : 1 – 2

55 of 57

Senang siakap nggeluh, dem pengarapen; Dibata ngkawali kam janah mereken ketenangen man bandu. Amin.

​

Perp. : A....min, A.......min, A......min

56 of 57

Paksa teneng

57 of 57

Selamat Wari Minggu