1.

Kudahi rumah persembahen

Se gelah aku jumpa Tuhan

Ban Ia sumbul keriahen

Nggo b’reNa bangku kesangapen

Reff.

Ersada me anakNdu k’rina

Bas kiniteken tetap paguh

Bagem biak anak Dibata

Tetap nembah ras muji gelarNdu

2.

I adep-adepen Dibata

Siakukenlah k’rina dosa

Je robah kita dingen jera

Si gejap me pengalemiNa

Reff.

Ersada me anakNdu k’rina

Bas kiniteken tetap paguh

Bagem biak anak Dibata

Tetap nembah ras muji gelarNdu

1.

Bagi belkih mejehe

Nandangi lau si maler

Bagem tedeh ateku

Kempak Kam o Tuhan

Muas tendingku baNdu

O Dibata si nggeluh

Pusuhku reh ersembah

I adep-adepenNdu

3.

Cidahkenlah o Tuhan

Keleng ateNdu bangku

Si ertedeh man baNdu

Rende muji gelarNdu

Kam kap pengarapenku

Si ngkelini geluhku

Si jadi penampatku

Ku puji kam o Tuhan

Lit.

Pujilah Tuhan i bas kemulian ras kinimbisanNa. Pujilah gelarNa si mulia, babalah persembahen jenari ngadaplah man baNa ku bas Rumah PertotonNa. Sanga Tuhan ncidahken baNa alu kemulianNa, erjimpuhlah iadep adepenNa.

Perp.

Sabab perkuah ateNdu si mbelin, banci kami bengket ku RumahNdu si Badia, guna ersembah dingen erjimpuh man baNdu alu mehamat.

1.

Kupuji Kam O Tuhanku

Bas rumahNdu si Badia

Ije teneng kal tendingku

Puji Haleluya

​

2.

Kupuji Kam, O Tuhanku

La terolangi kuasaNdu

Je ukurku reh tetapna

Surak Haleluya

Lit.

Tuhan kap si mada gereja. IdiloNa kita muat....

... Adi sitatap kubas dirinta, kuga nge ketutusennta selaku kalak si ipake Dibata guna engkelengi rumah pertoton?

Perp.

Ngaku kami o Tuhan, kurang denga kami nggit muat bagin i bas mpekena-kena perlengkapen Rumah PertotonNdu.

1.

AlemiNdu aku bas dosangku

AlemiNdu aku bas lepakku

O Tuhan sasap min

O Yesus sasap min

Alemi dosangku

2.

Si la payo dem ibas geluhku

Ngaku aku baNdu o Yesusku

O Tuhan sasap min

O Yesus sasap min

Alemi dosangku

3.

Ku janari ‘ku baba geluhku

dengkehkenNdu min pingko-pingkoku

O Tuhan sasap min

O Yesus sasap min

Alemi dosangku

Lit.

Turang dingen senina, nina Dibata man banta: “Enggo Kubegi perotonndu. Kupebadiaken Rumah Pertoton enda, si enggo sipajekkenndu man InganKu arus isembah rasa lalap. Kutatap dingen Kukawali Rumah e katawari pe.

Perp.

Bujur man baNdu Tuhan, perkuah ateNdu icidahkenNdu alu ndengkehken kinilangasupen kami guna mpekena-kena Rumah PertotonNdu.

1.

Kataken bujur ban Tuhan Mehuli

Tetap rasa lalap Keleng ateNa

Malem kal ateta rembak ras IA

Kataken bujur baNa

​

2.

Kataken bujur ban mbelin kuasaNa

Tetap rasa lalap keleng ateNa

Tetap kal ukurta ‘rsada ras IA

Kataken bujur baNa

3.

Kataken bujur penegu-neguNa

Tetap rasa lalap keleng ateNa

Malem kal ateta nggeluh ras IA

Kataken bujur baNa

​

1.

Kiniulin Rumah Pertoton Si Mbaru E

I bas wari dua pulu sada, bulan pepituken, i bas tahun e, reh kata TUHAN arah Nabi Hagai.

2.

IsuruhNa Hagai ngataken man Serubabel gubernur Juda, Imam si Mbelin, bage pe man bangsa e bagenda,

3.

"Lit kam si ngingetsa uga jilena nai Rumah Pertoton e? Uga iidahndu genduari? Ma lanai tempa kai-kai pe si genduari e?

4.

Tapi ula sada pe tumpat ukurndu. Teruskenlah ndahiken dahin e, sabap Aku kap ras kam.

5.

Tupung kam ndarat i Mesir nari, erpadan Aku maka Aku tetap ras kam. Genduari pe Aku tetap nge ras kam, emaka ula kam mbiar.

6.

Lanai ndekahsa Kuugur me langit ras doni, lawit ras daraten.

7.

Kuugur kerina bangsa-bangsa, erta-ertana ibaba ku jenda, maka Rumah Pertoton e dem alu kemulian.

8.

Kerina emas ras pirak i doni enda Aku empuna.

9.

Rumah Pertoton si mbaru e, jilen pagi asa si nai, janah i je Kubereken kesenangen ras dame man bangsangKu." Bagenda me nina TUHAN si Mada Kuasa.

Lit.

​

:

Ketuahen kalak si megiken Kata Dibata, dingen simakekenca ibas geluhna si tep-tep wari, Haleluya.

Perp.

:

(iendeken)

Ha le lu ya, Ha le lu ya, Ha le lu … ya.

1.

I bas padan si pemena e, lit aturen-aturen cara ersembah bage pe cara erbahan ingan ersembah si ibahan manusia.

2.

Sada kemah ipajekken, janah bagin si arah lebe igelari Ingan si Badia. I je lit tangke lampu, bage pe meja ras roti si ipersembahken man Dibata.

3.

Bagin si arah bas, e me i pudi kire-kire si peduaken, lit ingan si igelari Ingan Sibadiana kal.

4.

I je lit batar-batar emas si ipake man ingan nutung kumenen, bage pe Peti Perpadanen si ilapisi alu emas. I bas Peti e lit kudin emas si isin manna, bage pe ciken Arun si pernah ertunas, ras dua batu tulis si i je isuratken padan e.

5.

I babo Peti e lit patung mahluk si erkabeng, si nggambarken maka Dibata ringan i je. Kabengna kimbang i babo ingan e, e me ingan dosa-dosa ialemi. Tapi genduari la paksana nuriken si enda sada-sadai.

6.

Bage me kerina barang-barang e iatur inganna. Imam-imam tep-tep wari bengket ku bas Kemah bagin si arah lebe e guna ndahiken dahinna.

7.

Tapi si bengket ku bas Kemah bagin si arah bas, Imam Simbelin saja, e pe sekali setahun ngenca. Ibabana ku bas dareh si ipersembahken man Dibata man guna dirina bage pe man guna dosa-dosa si nggo ibahan bangsana alu la sengaja.

8.

Arah litna aturen-aturen enda, tangkas iajarken Kesah Si Badia maka kidekah pajek denga Kemah bagin si arah lebe e, langa talang dalan ku Ingan Sibadiana kal.

Lit.

:

Genduari seh me paksana kita ngendesken persembahen pengataken bujurta man Dibata. Kata Dibata si jadi palas i bas kita ngendesken persembahen pengataken bujurta:

“Sekalak-sekalak iberekenlah sue ras si nggo itetapkenna i bas ukurna; ula alu pusuh jungut-jungut tah pe bagi si terpaksa, sabab Dibata engkelengi kalak si mere alu ukur meriah”. (2 Kor. 9:6)

1.

Babalah persembahen si merimna

Ku adep-adepen Dibatanta

Babalah korban pujin si mehaga

Kulebe altarNa si Badia

G’lah tetap i b’reNa pasu-pasuNa

Man k’rina manusia

G’lah tetap b’reNa pasu-pasuNa

Terpuji gelar Tuhan

2.

Babalah persembahen si jilena

Ku rumah Dibata si Perkuah

Babalah korban pujin si merimna

Ku adep-adepen si erkuasa

G’lah tetap b’reNa keleng ateNa

Ras lias ateNa banta

G’lah tetap b’reNa pasu-pasuNa

Segedang-gedang geluhta

3.

‘ndeskenlah persembahenta man baNa

Si nggo nehken kegeluhen banta

‘ndeskenlah lagu pujin si jilena

Jadi persembahen si Badia

G’lah lias ras keleng ateNa

isehkenNa man banta

E maka ernalem ku IA

Malem tuhu ateta

Lit.

Dibata enggo mereken kepercayan man banta guna njagai ras empebadiaken rumah pertotonNa. Nggit nge kam ngergaken pendilo Dibata i bas geluhndu.

Perp.

Erpadan aku Tuhan, ngergaken pendiloNdu alu ikut njagai, dingen mpebadiaken Rumah PertotonNdu.

Lit.

Rumah pertoton eme salah sada...

... ertanggungjabab majekken Rumah Pertoton Tuhan, gelah idah kalak keleng ate Dibata i bas doni enda?

Perp

Erpadan aku Tuhan, ikut muat bagin i bas mpekena-kena dingen njagai kelengkapen rumah pertotonNdu, gelah reh sikapna gerejaNdu ngelaken keleng ateNdu nandangi doni enda.

1.

O Yesus, Kam terang geluhku

Kam me si ngkelini tendingku

La kap lit si man kebiarenku

O Yesus Kam me kap bentengku

Emakana la lit gentarku

Amin lit si jahat nderpa aku

Reff. O, Bapa dengkeh pemindonku

Lit kap sada sura-surangku

Atan min aku ibas RumahNdu

Sedekah geluhku

2.

O Yesus, Kam terang geluhku

Kam me si engkawali aku

Ibas paksa lit kesusahenku

O, Yesus ajari min aku

Gelah nggeluh ngikut p’ratenNdu

Arah dalan salang babai aku

Reff. O, Bapa dengkeh pemindonku

Lit kap sada sura-surangku

Atan min aku ibas RumahNdu

Sedekah geluhku

“Dibata si mada perkuah ate, si enggo nenahkan kam ku kemulianNa si rasa lalap i bas Kristus, njadiken kam serta, megegeh dingen paguh. IA nge si mada Kuasa seh rasa lalap” Amin.

​

Perp. : A....min, A.......min, A......min