Mari sijaga kebadian ruang ibadahta, terlebih-lebih mari si mateken HPnta
Momo Renovasi Gereja : mulai tgl 16 Juli seh ku tgl 17 September 2023, Gerejanta enda sangana pembongkaren seng sindekah ras pasang seng simbaru bage kape pemasangan plafond PVC, ras pemasangen kabel dan Lampu LED, bage kape alat scaffollding ras material sidebanna, emaka ersentabi kami Panitia Renovasi Pembangunan GBKP Rg. Tebing Tinggi ibas tergangguna kenyamanenta kebaktian selama erdahin tukang. Bujur ras mejuah-juah kita kerina.
3
3
i elai :
Pdt. Elesi Br. Bangun, S.Th
Minggu XI KENCA TRINITATIS
(MINGGU Gereja Ras Negara)
20 Agustus 2023
GBKP RUNGGUN TEBING TINGGI
KEBAKTIN BAHASA KARO
PUKUL : 10.00 WIB
Kata Pengalo-ngalo �Ras Momo
Kata Penaruh �Kubas Kebaktin
KEE No. 205 : 1,4
1. | Reh lah min o, Tuhan, sikap kami k’rina, Ersembah man baNdu jenda. Nusurlah min Tuhan, bahan sikap k’rina, Ukur kami pebadia. O, Bapa b’re gelah, daten pasu-pasu, Kami k’rina enda. |
Perpulungen Tedis
KEE No. 205 : 1,4
4. | O, Tuhan Dibata, Raja k’rina Raja, Ibas k’rina doni enda. Medolat me Ia bas kebadianNa, Dage pujilah gelarNa. B’rekenlah kami pe ikut ngakukenca, Tutus min i jenda. |
VOTUM & SALAM
Adi nterem rayatna, ermulia me raja, adi la ras rayat runtuh me kuasana.
(Kua. 14 : 28)
KEE 366 : 1,3
1. | Kataken bujur man Tuhan ‘rkiteken kiniulinNa KekelengenNa man banta Tetap seh rasa lalap Reff. Rendelah muji Tuhan si turikenlah min perbahanenNa banta si enggo sialoken |
KEE 366 : 1,3
3. | Malem kal tuhu ateta, Bujur kal perbahanenNa Pasu-pasuNa geluhta, Si tetap nembah baNa Reff. Rendelah muji Tuhan si turikenlah min perbahanenNa banta si enggo sialoken |
Perpulungen kundul
Perbahanen Dibata man manusia
Lit. | Dibatanta e me Dibata si mehuli. ItepaNa doni enda alu kiniulin janah ibahanNa manusia jadi punca kiniulin e. ItetapkenNa manusia jadi aronNa guna njagai ras mpekena-kena doni enda. IberekenNa tanggungjabab man banta ngaturken doni enda segelah ndalanken si ngena ateNa. |
Perp. | Terpujilah Dibata i bas kerina kiniulinNa |
Perbahanen Dibata man manusia
Lit. | Itengah-tengah kegeluhen bangsaNa, Dibata tetap erdahin guna… …, bage pe guna ngerunggui anak-anakNa. Bageme Dibata erdiate nandangi perpulungenNa. |
Perp. | Terpujilah Dibata i bas kerina kiniulinNa |
1. | Sipujilah Tuhanta e Dibatanta si erkuasa La ersibar kuasaNa LiasNa ‘nggo tetap. Reff. Marilah kita kerina Sipuji Tuhan bas geluhta Mbelin kekelengenNa banta k’rina Segedang geluhta |
KEE No. 395 : 1,4
4. | Sipujilah Tuhanta e Dibatanta e si perkuah Singaloken kita k’rina Adi reh ersembah. Reff. Marilah kita kerina Sipuji Tuhan bas geluhta Mbelin kekelengenNa banta k’rina Segedang geluhta |
KEE No. 395 : 1,4
Kinata kegeluhen kalak Kristen I tengah-tengah kegeluhen erbangsa ras ernegara
Lit. | Tuhan Dibata make negara erdahin guna ngelai kita i bas negaranta enda. |
Perp. | Ngaku kami Tuhan, megati kami lupa maka negara enda ipakeNdu jadi dalan i bas nehken sura-suraNdu nandangi kami kerina. |
Kinata kegeluhen kalak Kristen I tengah-tengah kegeluhen erbangsa ras ernegara
Lit. | Adi negaranta enda pe ipake Tuhan jadi perkakasNa, arusna selaku anak-anakNa kita patuh nandangi undang-undang negaranta |
Perp. | … |
Kinata kegeluhen kalak Kristen I tengah-tengah kegeluhen erbangsa ras ernegara
Perp. | Ngaku kami Tuhan kepatuhen kami nandangi negara rusur kal labo iakap kami jadi tanggungjabab kami selaku anak-anakNdu. O Tuhan, sampati kami gelah ngasup ngidah maka negara kami enda perkakasNdu kap. Sampati kami segelah ngasup encidahken buah kiniteken kami arah kepatuhen nandangi undang-undang negara kami enda. |
1. | Kuakuken kerina salahku, Iadepen Dibatangku. Tuhu ku gejap mbue dosangku. Meluat nari kal pergeluhku Reff. Mekuah min ateNdu aku, sasapkenlah dosangku. O Tuhan tegulah min aku, ‘lah tetap jingkangku. |
KEE No. 436 : 1-2
2. | Lalap ku inget salah dosangku, Ku gejap salah lepakku. Dosa nge lalap perbahanenku, Kulakoken si la ngena ‘teNdu. Reff. Mekuah min ateNdu aku, sasapkenlah dosangku. O Tuhan tegulah min aku, ‘lah tetap jingkangku. |
KEE No. 436 : 1-2
Ketetapen ukur patuh man pemerentah
Perpulungen tedis
Lit. | “Sabab pemerentah e kap persuruhen Dibata si erdahin guna kiniulindu. Tapi adi kam erbahan jahat, mbiarlah man bana, sabab labo sia-sia lit senjata i bas pemerentah guna ngukum. Persuruhen Dibata kap ia janah ia me si nehken ukumen si reh i bas Dibata nari nandangi kalak si erbahan jahat.” |
1. | Geluhku bas dosa nggo ialemi Malem me ateku ban ipepalemNdu Reff. Alu rende kupuji gelarNdu Perbahan meriah kal ukurku Kupuji Kam segedang geluhku Tendingku muji gelarNdu Alu rende kupuji gelarNdu Perbahan meriah kal ukurku Kupuji Kam segedang geluhku Tendingku muji gelarNdu |
KEE No. 434 : 1,3
3. | ‘di malang man baNdu, ngena ateNdu ‘di ernalem baNdu, tetap ik’lengiNdu Reff. Alu rende kupuji gelarNdu Perbahan meriah kal ukurku Kupuji Kam segedang geluhku Tendingku muji gelarNdu Alu rende kupuji gelarNdu Perbahan meriah kal ukurku Kupuji Kam segedang geluhku Tendingku muji gelarNdu |
KEE No. 434 : 1,3
Ngoge Kata Dibata Daniel 6 : 19–28
(tunggal)
19. | Erpagi-pagi si lampas keke raja, jenari pedas-pedas ia ku lubang e. |
20. | Kenca seh i je, alu sora nggirgir ilebuhna Daniel nina, "O Daniel, suruh-suruhen Dibata si nggeluh! Ngasup kang Dibata si isembahndu alu tutus e ngkelini kam i bas singa-singa e nari?" |
(Perpulungen Kundul)
21. | Ngaloi Daniel, "O Raja, rasa lalaplah kam nggeluh! |
22. | Dibata nuruh malekatna nutupi babah singa-singa e gelah ula aku isakitina. Si enda ibahan Dibata sabap IetehNa aku bujur, janah la lit kubahan si salah man bandu, o Raja." |
Daniel 6 : 19-28
23. | Lanai kal tanggung riahna ukur raja emaka iperentahkenna ngerintak Daniel i bas lubang e nari. Dage irintak me Daniel ku das, janah teridah maka la kena kai pe ia, perban ernalem man Dibata. |
Daniel 6 : 19-28
24. | Kenca bage iperentahken raja nangkap kerina kalak si ngaduken Daniel e, jenari ibenterken ku bas lubang ingan singa e, radu ras ndehara-ndeharana ras anak-anakna pe. Ope denga seh i teruh pe, nggo irigep singa e ia, janah iripukkenna tulan-tulanna. |
Daniel 6 : 19-28
25. | Kenca bage ibahan Raja Darius surat man kerina bangsa, suku, ras cakap i doni, bagenda katana, "Mejuah-juah kam kerina! |
Daniel 6 : 19-28
26. | Arah enda kuperentahken maka kerina kalak i bas kerajanku arus mbiar ras mehamat man Dibata si isembah Daniel. Ia kap Dibata si nggeluh rasa lalap ia merentah. KinirajanNa rasa lalap la termasapken, KuasaNa rasa lalap la erkerikerin. |
Daniel 6 : 19-28
27. | Ia kap si ngkelini ras si mulahi manusia; IbahanNa tanda si mejin ras tanda kuasa, subuk i Surga bage pe i doni enda. I bas singa si merawa nari, Daniel IpulahiNa." |
28. | Senang iakap Daniel nggeluh kidekah pemerentahen Darius ras pemerentahen Kores, kalak Persia e. |
Daniel 6 : 19-28
Lit. | : | Ketuahen kalak si megiken Kata Dibata, dingen simakekenca ibas geluhna si tep-tep wari, Haleluya. |
Perp. | : | (iendeken) Ha le lu ya, Ha le lu ya, Ha le lu … ya. |
Tema :
“Patuh Man Pemerintah”
Roma 13 : 1 - 7
(Antiphonal)
Pdt. Elesi Br. Bangun, S.Th
Roma 13 : 1 - 7
Dil. | Patuh Nandangi Pemerentah Si Erkuasa 1Kerina kam arus patuh man pemerentah si erkuasa, sabap labo lit pemerentah si la i bas Dibata nari, janah pemerentah si lit genduari e pe Dibata nge netapkenca. |
Dib. | 2... |
Roma 13 : 1 - 7
Dil. | 1... |
Dib. | 2Kalak si ngelawan pemerentah si lit e, ilawanna kap kai si nggo itetapken Dibata, janah kalak si bage perbahanenna, ilegina kap ukumen nandangi dirina jine. |
Roma 13 : 1 - 7
Dil. | 3Kalak si mehuli perbahanenna, labo mbiar man pemerentah; kalak si jahat perbahanenna nge si mbiar. Adi atendu gelah ula kam mbiar man pemerentah, bahanlah si mehuli, gelah pemerentah muji kam. |
Dib. | 4... |
Roma 13 : 1 - 7
Dil. | 3... |
Dib. | 4Sabap pemerentah e kap persuruhen Dibata si erdahin guna kiniulinndu. Tapi adi kam erbahan jahat, mbiarlah man bana, sabap labo sia-sia lit senjata i bas pemerentah guna ngukum. Persuruhen Dibata kap ia janah ia me si nehken ukumen si reh i bas Dibata nari nandangi kalak si erbahan jahat. |
Roma 13 : 1 - 7
Dil. | 5Erdandanken si e, patuhlah kam nandangi pemerentah, labo saja erdandanken mbiar kena ukumen, tapi erdandanken pusuh peratenndu pe nuruh kam. |
Dib. | 6... |
Roma 13 : 1 - 7
Dil. | 5... |
Dib. | 6Erdandanken si enda me pe maka kam arus nggalar pajak, sabap pemerentah ngaloken jabatenna i bas Dibata nari, janah alu bulat ukur idalankenna tugas-tugasna e. |
Roma 13 : 1 - 7
Dil. | 7Emaka berekenlah man sekalak-sekalak kai si patut ialokenna. Galarilah pajakndu man si ngaloken pajak, cuke man pemungut cuke. Hamatilah kalak si patut ihamatindu, janah pehagalah kalak si patut ipehagandu. |
Tema :
“Patuh Man Pemerintah”
Roma 13 : 1 - 7
Pdt. Elesi Br. Bangun, S.Th
(Perpulungen Tedis)
Aku tek man Dibata Bapa si la ersibar kuasaNa, si nepa langit ras doni.
Aku tek man Yesus Kristus anakNa si Tonggal, Tuhanta, si jadi arah Kesah Si Badia, tubuh idur singuda-nguda nari si so keliamen, tergelar si Maria, si ngenanami kiniseran sangana pemerentahen Pontius Pilatus, nipakuken ku kayu persilang, mate,
PENGAKUN KINITEKEN
jenari ikuburken, nusur ku doni kematen, petelu wariken nggo keke i bas si mate nari, nangkih ku Surga, perkundulNa arah kemuhen Dibata Bapa si la ersibar kuasaNa, jenari reh me ia pagi ngeranaken si nggeluh ras si nggo mate.
Aku tek man Kesah si Badia, janah lit sada Gereja Si Badia, persadan kalak si Badia, pengalemi dosa, kinikeken kula, kegeluhen si rasa lalap. Amin.
Lit. | : | “O senina-seninangku, nginget perkuah ate Dibata si mbelin si isehkenNa man banta, kupindo man bandu: Endeskenlah kulandu man Dibata saja selaku persembahen si nggeluh rikutken si ngena ateNa. Sabab bage me arusna kam ersembah man Dibata, sue ras biakndu selaku mahluk si rukur” (Roma 12 : 1) |
1. | Babalah persembahen si merimna Ku adep-adepen Dibatanta Babalah korban pujin si mehaga Kulebe altarNa si Badia G’lah tetap i b’reNa pasu-pasuNa Man k’rina manusia G’lah tetap b’reNa pasu-pasuNa Terpuji gelar Tuhan |
KEE No. 385 : 1 -
2. | Babalah persembahen si jilena Ku rumah Dibata si Perkuah Babalah korban pujin si merimna Ku adep-adepen si erkuasa G’lah tetap b’reNa keleng ateNa Ras lias ateNa banta G’lah tetap b’reNa pasu-pasuNa Segedang-gedang geluhta |
KEE No. 385 : 1 -
3. | ‘ndeskenlah persembahenta man baNa Si nggo nehken kegeluhen banta ‘ndeskenlah lagu pujin si jilena Jadi persembahen si Badia G’lah lias ras keleng ateNa isehkenNa man banta E maka ernalem ku IA Malem tuhu ateta |
KEE No. 385 : 1 -
Lit. | Dibata masu-masu kam, ikelengiNa kam alu mereken negara si jadi inganndu tading ras si jadi dalanndu ngidah sura-sura Dibata. Kai kin perpadanenndu man Dibata kerna negarandu? |
Perp. | Bujur Tuhan i bas negara si IberekenNdu man kami. Erpengangka maka negara kami e me perkakasNdu guna nehken sura-suraNdu. Erpadan kami Tuhan, nggit encidahkan diri selaku anak-anakNdu, bagepe selaku warga negara si mehuli. |
Perpadanen man dibata
Perpulungen tedis
Lit. | Dibata mereken tanggungjabab man bandu selaku aronNa i doni enda, guna nehken si ngena ateNa i tengah-tengah negaranta, kuga dage nindu ngaloisa? |
Perp. | Erpadan kami Tuhan, nggit ndalanken tanggungjabab selaku warga gereja bage pe selaku warga negara Indonesia si mehuli. |
Perpadanen man dibata
1. | Malem kal ateku tuhu-tuhu, Jumpa ras Tuhanku. Nggo p’limbaruiNa pusuhku, Lanai aku labuh. Ku kataken bujur baNdu, Si’ngk’lini geluhku. Terpuji kam bas geluhku, Nginget perkuahNdu. |
KEE No. 460 : 1 – 3
2. | Kubegi kataNdu Tuhan, Nerangi perdalan. KesahNdu e simpepanken, Bas pusuhku ringan. Ateku min kupakeken, Ibas kegeluhen. Je aku dat keriahen, Ndauh kebiaren. |
KEE No. 460 : 1 – 3
3. | Kutadingken me rumahNdu, Mulih ku geluhku. Dat aku gegeh si mbaru, Ban lias ateNdu. Useken pasu-pasuNdu, Enda pemindonku. Kupuji Kam bas geluhku, Ermulia gelarNdu. |
KEE No. 460 : 1 – 3
“Ipasu-pasu janah ikawali Dibata kam, siang ayo Dibata ersinalsal ibabondu; janah melias ateNa man bandu, itatap Dibata ku kam, janah malem atendu ibahanNa.” Amin. Perp. : A....min, A.......min, A......min |
Paksa teneng
Selamat Wari Minggu