Qari mill-Ktieb
tal-Profeta Ġeremija
Ġer 3, 14-17
Erġgħu lura, ulied ribelli, oraklu tal-Mulej, għax jiena Sidkom. U neħodkom, wieħed minn belt u tnejn minn kull familja,
u ndaħħalkom f’Sijon.
U nagħtikom rgħajja għal qalbi, li jirgħu bl-għerf u
l-għaqal.
Meta intom toktru u tnisslu fuq l-art f’dawk il-jiem, oraklu tal-Mulej, ħadd ma jitkellem aktar fuq l-arka tal-patt tal-Mulej,
ma jaħsibx aktar fuqha,
u ma jiftakarx fiha,
ma jibkuhiex, u ma jagħmlux oħra.
F’dak iż-żmien isejħu
’l Ġerusalemm:
‘It-tron tal-Mulej’, u jinġabru fiha l-ġnus kollha għal isem il-Mulej,
u ma jimxux aktar
mal-ebusija ta’ qalbhom
il-ħażina.
Il-Kelma tal-Mulej
R:/ Irroddu ħajr lil Alla
R:/ Il-Mulej iħarisna kif ragħaj iħares
il-merħla tiegħu
Salm Responsorjali
Isimgħu, ġnus, kelmet
il-Mulej,
xandruha ’l bogħod
fil-gżejjer; u għidu:
“Dak li xerred lil Iżrael jiġbru,
u jħarsu kif ragħaj iħares
il-merħla tiegħu.”
R:/ Il-Mulej iħarisna kif ragħaj iħares
il-merħla tiegħu
Għax il-Mulej feda lil Ġakobb,
ħelsu minn id wieħed aqwa minnu.
Għad jiġu u jgħannu fuq
l-għolja ta’ Sijon,
u wiċċhom jiddi miħabba
t-tieba tal-Mulej.
R:/ Il-Mulej iħarisna kif ragħaj iħares
il-merħla tiegħu
Imbagħad jifirhu
x-xbejbiet biż-żfin,
jifirħu ż-żgħżagħ u
x-xjuħ.
“Jiena nbiddel il-vistu tagħhom f’hena, infarraġhom u nferraħhom wara l-hemm tagħhom.”
R:/ Il-Mulej iħarisna kif ragħaj iħares
il-merħla tiegħu
Hallelujah, Hallelujah
Henjin dawk li jisimgħu
l-kelma ta’ Alla b’qalb
tajba u sin ċiera,
jgħożżuha u jagħmlu
l-frott billi jżommu sħiħ.
Hallelujah, Hallelujah
Qari mill-Evanġelju skont
San Mattew
Mt 13, 18-23
R:/ Glorja lilek Mulej
F’dak iż-żmien, Ġesù qal
lid-dixxipli tiegħu:
“Mela isimgħuha intom
il-parabbola ta’ dak li ħareġ jiżra’.
Kull min jisma’ l-kelma
tas-Saltna u ma jifhimhiex,
jersaq il-Ħażin u jisraqlu
dak li jkun inżera’ f’qalbu:
dan huwa dak li nżera’
mal-mogħdija. Dak li nżera’ f’art kollha blat huwa dak li jisma’ l-Kelma u jilqagħha minnufih bil-ferħ,
imma għeruq ma jkollux fih innifsu, u għalhekk ftit idum;
imbagħad jiġi fuqu
l-għawġ, jew isib min iħabbtu minħabba l-Kelma, u malajr jitfixkel.
Dak li nżera’ qalb ix-xewk huwa dak li jisma’ l-Kelma iżda l-inkwiet żejjed
għall-ħwejjeġ tad-dinja u
l-ġibda għall-ġid tal-art
joħonqulu l-Kelma, li għalhekk ma tagħmilx
frott.
Dak imbagħad li nżera’ f’art tajba huwa dak li jisma’ l-Kelma u jifhimha;
u tassew hu jagħmel il-frott, dan jagħmel mija, dak sittin, u l-ieħor tletin.”
Il-Kelma tal-Mulej
R:/ Tifħir lilek Kristu