1.

Pujilah Tuhan si Badia

I rumahNa si dem kemulian

KuasaNa i doni ras surga

perbahanenNa si Mbisa

Reff: Kupuji Kam o Dibatangku

Ku puji Kam bas geluhku

Alu sora si megang

rende kupuji Tuhan

surak Haleluya

3.

Pujilah Tuhan Si Badia

Si teridah ibas kemulian

Arah kerina tinepaNa

Ncidahken mbelin kuasaNa

Reff: Kupuji Kam o Dibatangku

Ku puji Kam bas geluhku

Alu sora si megang

rende kupuji Tuhan

surak Haleluya

4.

Pujilah Tuhan Si Badia

Senang kal rende muji Tuhan

Andiko seh kal mehulina

Ras bujur mujikan Tuhan

Reff: Kupuji Kam o Dibatangku

Ku puji Kam bas geluhku

Alu sora si megang

rende kupuji Tuhan

surak Haleluya

1.

Kupuji Kam O Tuhanku

Bas rumahNdu si Badia

Ije teneng kal tendingku

Puji Haleluya

​

3.

Kupuji Kam O Tuhanku

GegehNdu seh kal mbisaNa

Je tambah kinitekenku

Puji Haleluya

4.

Kupuji Kam, O Tuhanku

Ban meganjang kemulianNdu

Erban geluhku mehaga

Surak Haleluya

Lit.

Keleng ate Dibata si tetap, ngarak-ngarak kegeluhen manusia ibas bertin nari she ku sipatna.

Perp.

Bujur Tuhan, kekelengenNdu labo kepe erleka menaken ibas bertin nari she paksa enda.

Lit.

Dibata mereken anak-anak ku tengah-tengah jabunta, guna dalanta naksiken ras encidahken keleng ate Dibata

Perp.

Terpujilah Kam Tuhan, iberekenNdu anak-anak ku tengah-tengah jabu kami guna dalan kami nehken keleng ateNdu.

1.

‘Ndiko ulina padan Tuhan e,

Nandangi k’rina isi jabu pe

Sangap kal jabu si malang baNdu

Si nggeluh ngikutken perentahNdu

Reff.

Kam Dibata si ngkelengi tetap

Pasu-pasuNdu simpar kap tetap

2.

‘Ndiko ulina padan Tuhan e,

Nandangi k’rina isi jabu pe

Sialoken ulih kelatihennta

Mehuli me sikerajangenta

Reff.

Kam Dibata si ngkelengi tetap

Pasu-pasuNdu simpar kap tetap

3.

‘Ndiko Tuhan mbelin kelengNdu e,

Nandangi k’rina isi jabu pe

Bapa, Nande, Anak tengah jabu

Sendalanen ‘bas jabu sempabu

Reff.

Kam Dibata si ngkelengi tetap

Pasu-pasuNdu simpar kap tetap

Lit.

Adi si perdiateken ku bas kegeluhenta, mawen-mawen la si gejap maka kegeluhenta Dibata kap empuna ras keleng ateNa si mpegegehi kita. Anak-anak e pemere Dibata kap.

Perp.

Ngaku kami Tuhan, megati perbahanen kami lanai sue bagi sinisurakenNdu nandangi anak kami, sebab megati kami la ngepkep anak-anak kami alu payo.

Lit.

Anak-anakta me kap gereja si genduari bage pe pagin.

Perp.

Ngaku kami Tuhan, kurang kel kami mereken pengajaren ras mabai dalan kempak dalanNdu. O Tuhan, alemi kami ibas salah kami ras pengasup min kami guna nehken sura-suraNdu nandangi anak-anak kami.

2.

Tuhan alemi aku,

Sura-surangku rusur kuikutken

Ajari aku kerna p’ratenNdu

Petangkas kai arus kulakoken

3.

Tuhan Alemi aku,

Rusur denga lagungku la mehuli

Ku ban si jahat bas pengakapNdu

Sasapken k’rina salah lepakku

Lit.

:

Selaku persuruhen Dibata aku nehken KataNa man banta :

​

“Tapi kam, tetaplah ndalanken kebenaren si rehna ibas Dibata nari si enggo iajarken man bandu dingen enggo tuhu-tuhu kam tek. Ietehndu kap ise nai singajari kam. Janah ingetndu pe maka kitik-kitikndu nari enggo ietehndu kerna Pustaka Si Badia, si ngasup mereken kepentaren man bandu, eme si mabai kam ku keselamaten arah kiniteken man Kristus Jesus.” (2 Tim. 3:14-15).

1.

Ajar aku o Tuhanku,

Make Kata ras pedahNdu

Kueteh payo ras sentudu

Kuikutken bas geluhku.

Reff. Si ngikut pedah Dibata,

Daten me kerembakenNa

Pedah kata tangkas krina,

Em jadi gelementa.

3.

Kekelengen ni Dibata

La ersibar seh man banta

Anem gia papak kita

Dalin jera tuduhkenNa.

Reff. Si ngikut pedah Dibata,

Daten me kerembakenNa

Pedah kata tangkas krina,

Em jadi gelementa.

5.

Mata ukur nare baNa,

Gelah peratenNa siangka

Adi g’luhta ikep-kepNa,

Tentu malem kel ateta.

Reff. Si ngikut pedah Dibata,

Daten me kerembakenNa

Pedah kata tangkas krina,

Em jadi gelementa.

1.

Kam nebusi aku Tuhan

Kam si mpeteneng tendingku

Tendi si ndube tertaban

TeguNdu ku adepen Ndu

Reff: Malem kel ateku Bapa,

Ban keleng ate Ndu

Ku puji gelarNdu Bapa,

Mulia gelarNdu

TeguNdu lah aku Tuhan,

Ibas pusuhku Kam ringan

PetetapNdu aku Tuhan

Gelah dosa talu me kuban

1.

O senina-seninangku, adi lit sekalak si terdat ersalah, kam si nggeluh rikutken Kesah Si Badia arus min negu ia alu manjar-anjar gelah mulihken ia ku dalan si mehuli. Janah jagalah dirindu sekalak-sekalak sabap kam pe banci ka nge kena percuban.

2.

Sisampat-sampatenlah kam i bas maba baban geluh enda. Alu bage isehkenndu kap Undang-undang Kristus.

3.

Adi lit kalak erpengakap maka ia mehaga, tapi kai pe si lang, itipuna me bana.

4.

Sekalak-sekalak arus nguji lagu langkahna jine. Alu bage banci megah kerna dirina jine alu la mbanding-mbandingken dirina ras kalak si deban.

5.

Sabap sekalak-sekalak simaba babanna nge.

6.

Kalak si ngaloken pengajaren Kristus arus iraskenna kerina si mehuli si lit i bas ia ras guruna.

7.

Ula tipu bandu; ise pe labo ngasup nokohi Dibata. Si isuan manusia e ka nge iperanina.

8.

Adi merdang kalak i bas juma perukuren secara manusia, iperanina, me ulihna si la banci la macik i bas juma perukurenna e nari. Adi nuan ia i bas juma Kesah Si Badia, iperanina me kegeluhen si rasa lalap i bas Kesah Si Badia e nari.

9.

Emaka ula min kita erleja-leja erbahan si mehuli; sabap adi tetap tutus ateta ndalanken si e, seh me paksana siperani ulihna.

Lit.

​

:

Ketuahen kalak si megiken Kata Dibata, dingen simakekenca ibas geluhna si tep-tep wari, Haleluya.

Perp.

:

(iendeken)

Ha le lu ya, Ha le lu ya, Ha le lu … ya.

18.

Asum si e Samuel kitik denga, terus erdahin ndahinken dahin TUHAN. Pakenna baju si badia si ibahan i bas linen nari.

19.

Tiap tahun ibahan nandena sada baju kitik jenari ibabana man bana asum ia nemani perbulangenna nehken persembahen tahunen.

20.

Jenari ipasu-pasu Eli me Elkana ras ndeharana, janah ikatakenna man Elkana nina, "Mbera-mbera ibereken TUHAN man bandu anak tole arah ndeharandu enda jadi gancih anak si nggo iendeskenndu man BaNa." Kenca bage mulih ia ku kutana.

21.

Payo me TUHAN masu-masu Hanna, emaka ipupusna telu nari anak dilaki ras dua anak diberu Samuel mbelin-mbelin i bas ndahiken dahin TUHAN.

Lit.

:

“O senina-senina, nginget perkuah ate Dibata si mbelin si isehkenNa man banta, kupindo man bandu: Endeskenlah kulandu man Dibata saja selaku persembahen si nggeluh rikutken singena ateNa. Sababb age me arusna kam ersembah man Dibata sue ras biakndu selaku mahluk si rukur”

(Roma 12 : 1)

1.

Bagi keleng ate orang tua

Nandangi kita anak-anakna

Bage me keleng ate Tuhanta

Nangdangi kita buah ateNa

Malem tuhu ban keleng ateNa

2.

Bagi lau maler i deleng nari

Maler ku suah la lit peltepna

Bage me lias ate Tuhanta

Nangdangi kita buah ateNa

Malem tuhu ban lias ateNa

3.

Bagi terang matawari bage

Nerangi doni lanai gelap pe

Bage me pasu-pasu Tuhanta

Nangdangi kita buah ateNa

Malem tuhu ban pasu-pasuNa

Lit.

O senina ras Turang, enggo icidahken Dibata keleng ateNa arah anak-anakta. Kai dage padanta man Dibata ibas ngaloken keleng ateNa e?

Perp.

Erpadan kami Tuhan, njaga dingen engkelengi anak-anak kami.

Lit.

Mbelin kel sura-sura Dibata nandangi anak-anak siipelimikenNa man banta, subuk nandangi jabuta, gereja ras masyarakat.

Perp.

Erpadan kami Tuhan guna ngepkep anak-anak kami ibas erkiniteken, pengajaren ras kegeluhenna i doni enda. Seh maka anak-anak e jadi pasu-pasu nandangi jabu, gereja ras masyarakat.

3.

Meriah kal iakap orangtua

Adi anakna ngikut ajar e

E malem ukur si mesui lupa

‘Di la njuruken lagu anak e

Senangna e di Tuhan si perkuah

Rembak kin rusur ras dahinna e

Ipasu-pasu Tuhan daten tuah

Je malem-malem me ukurna e

Berkatlah kam ku kegeluhenndu sekalak-sekalak, pebelin-belinlah anak pemere Dibata, ajari dingen tegu-tegu ia bagi singena ate Tuhan. Guna si e, alokenlah pasu-pasu idur Dibata nari:

​

“Ipasu-pasu janah ikawali Dibata kam, demi, dingen pekena-kena doni enda guna kemulian gelar Bapandu si ni Surga. Dibata tetap ras kam seh ku kedungen zaman”. Amin.

​

Perp. : A....min, A.......min, A......min