Qari mill-Ktieb
ta’ Ġob
Ġob 3, 1-3.11-17.20-23
Ġob fetaħ fommu, seħet jum twelidu, u qabad jgħid:
“Qerda għal jum twelidi,
għal-lejl li qal
‘Tnissel raġel.’
Għaliex ma mittx fi ħdan
ommi?
Għaliex ma bqajtx fil-ġuf u mitt?
Għaliex laqgħuni
l-irkubbtejn?
Għaliex sidrejn biex nerda’?
Kieku issa jien mimdud u
sieket, kont inkun rieqed u mistrieħ mas-slaten u
l-kunsillieri tal-art,
jew mal-kbarat li bnew
mill-ġdid il-ħerbiet;
u mal-prinċpijiet li kellhom id-deheb,
li mlew djarhom bil-fidda.
Għaliex ma kontx bħal rimi moħbi, bħat-trabi
li qatt ma raw id-dawl?
Hemm il-ħżiena jehdew mill-inkwiet, u l-għajjenin
isibu l-mistrieħ.
Għaliex jingħata d-dawl
lill-imsejken, u l-ħajja lil min qalbu kollha mrar?
Lil dawk li jixxennqu
għall-mewt bla ma tiġihom, u jħaffru għaliha aktar milli għal teżor; li jifirħu u jaqbżu bil-ferħ,
jogħxew meta jsibu
l-qabar?
Għaliex il-ħajja lil min triqtu magħluqa, li Alla għalaq minn kull naħa?”
Il-Kelma tal-Mulej
R:/ Irroddu ħajr lil Alla
R:/ Ħa tasal it-talba tiegħi għandek, Mulej
Salm Responsorjali
Mulej, Alla tiegħi,
binhar jien ngħajjat,
billejl jien nitniehed quddiemek.
Ħa tasal it-talba tiegħi għandek,
agħti widen għat-talba tiegħi.
R:/ Ħa tasal it-talba tiegħi għandek, Mulej
Għax ruħi mimlija
bil-hemm,
lejn il-qabar qed toqrob ħajti.
Jien magħdud ma' min nieżel fil-ħofra,
sirt qisni bniedem bla saħħa.
R:/ Ħa tasal it-talba tiegħi għandek, Mulej
Fost il-mejtin hu friexi,
bħall-maqtulin mimduda
fil-qabar,
li fihom ma tiftakarx iżjed
u m'humiex aktar taħt idejk.
R:/ Ħa tasal it-talba tiegħi għandek, Mulej
Inti xħettni f'qiegħ
il-ħofra, fid-dlamijiet, f'qiegħ l-art.
Fuqi tagħfas il-qilla tiegħek,
fuqi tfajt l-imwieġ kollha tiegħek.
R:/ Ħa tasal it-talba tiegħi għandek, Mulej
Hallelujah, Hallelujah
Bin il-bniedem ġie biex
jaqdi u biex jagħti ħajtu f’fidwa għall-kotra.
Hallelujah, Hallelujah
Qari mill-Evanġelju skont �San Luqa
Lq 9, 51-56
R:/ Glorja lilek Mulej
Meta qorob għalih iż-żmien li fih kellu jittieħed
mid-dinja, Ġesù b'rieda sħiħa dar u telaq lejn Ġerusalemm.
U bagħat xi messaġġiera qablu li, huma u sejrin,
daħlu f'raħal tas-Samarija biex iħejjulu fejn joqgħod.
Iżda hemmhekk ma laqgħuhx, billi hu kien sejjer Ġerusalemm.
Meta raw dan, id-dixxipli Ġakbu u Ġwanni qalulu:
“Mulej, tridx ngħidu
lin-nar jinżel mis-sema u jeqridhom?”
Iżda hu dar fuqhom u ċanfarhom. U marru f'raħal ieħor.
Il-Kelma tal-Mulej
R:/ Tifħir lilek Kristu