1.

Sipujilah Tuhanta e

Dibatanta si erkuasa

La ersibar kuasaNa

LiasNa ‘nggo tetap.

Reff. Marilah kita kerina

Sipuji Tuhan bas geluhta

Mbelin kekelengenNa banta k’rina

Segedang geluhta

2.

Sipujilah Tuhanta e

Singerajaisa kerinana

Emaka kerajang jelma

Mehuli jadina.

Reff. Marilah kita kerina

Sipuji Tuhan bas geluhta

Mbelin kekelengenNa banta k’rina

Segedang geluhta

4.

Sipujilah Tuhanta e

Dibatanta e si perkuah

Singaloken kita k’rina

Adi reh ersembah.

Reff. Marilah kita kerina

Sipuji Tuhan bas geluhta

Mbelin kekelengenNa banta k’rina

Segedang geluhta

1.

Kam o Tuhan penampatku

Kam Tuhanku temanku

Ibas k’rina kegeluhenku

Kam si nampati aku

​

2.

Kam o Tuhan penalemen

Kam Jesusku gegehku

KuasaNdu si man arapen

Si petetap ukurku

3.

Kam o Tuhan tundalenku

Si ‘ngkelengi geluhku

Jadi ling-ling man cicionku

Dame senang tendingku

​

Lit.

:

Dibata e mulia dingen erkuasa i bas doni enda

Perp.

:

Terpuji dingen ermulia Kam Tuhan, si erkuasa i bas kerina dampar kegeluhen i doni enda.

Lit.

:

Dibata kap lingling kecion man kalak si mindo penampat

Perp.

:

Ipuji kami Kam Tuhan, Kam kap lingling kecion kami.

Lit.

:

Dibata erdiate man kalak si kelsehen erkiteken perukuren kalak si jahat.

Perp.

:

Terpujilah Kam Tuhan si engkelini kami i bas si jahat nari.

2.

Kam o Tuhan penalemen

Kam Jesusku gegehku

KuasaNdu si man arapen

Si petetap ukurku

​

3.

Kam o Tuhan tundalenku

Si ‘ngkelengi geluhku

Jadi ling-ling ciocionku

Dame senang tendiku

Lit.

:

Tuhu melala kebiaren i bas ndalani kegeluhen enda. Kebiaren e megati mabai kita ndabuh ku bas perukuren si ndauh i bas Dibata nari. Tempa-tempa perbebenta e gegehen asangken gegeh Dibata, bagi Daud si aru atena sanga iayak-ayak Raja Saul. Bagi kalak Israel si eraru ate sanga iayak-ayak tentera Paro i laut Teberau si erbahanca kalak Israel jungut-jungut man Dibata, lupa ia kerna rencana Dibata janah tempa-tempa Dibata la banci mulahi bangsaNa.

Lit.

:

Megati pe manusia nadingken Dibata jenari erpenalem nandangi kuasa-kuasa doni enda. Talu kita i bas perbeben geluh seh maka lupa kita padan Dibata man banta.

Perp.

:

Ngaku aku O Tuhan, kerna kelangasupen ras kelepakenku. Perbeben geluh si arusna mpebayak kinitekenku, megati enggo naluken aku. Megati kutundalken Kam erkiteken ndarami ingan cio sideban.

1.

O Bapa, salah lepakku ku ’teh nge.

Dosaku pe rusur kuinget

Man baNdu aku erdosa

​

Reff. Mekuah ateNdu min

erkiteken liasNdu

SasapkenNdu min

k’rina dosangku o Tuhan.

2.

O Bapa, kubahan rusur si jahat

Patut nge aku i ukumNdu

Bujur nge keputusenNdu

​

Reff. Mekuah ateNdu min

erkiteken liasNdu

SasapkenNdu min

k’rina dosangku o Tuhan.

Lit.

“Kulupaken me dosa-dosandu, ras perbahanenndu si jahat”

1.

O Tuhan reh aku ku lebeNdu

Nembah ras ngataken bujur baNdu

Aku enggo itebusNdu

Dosaku ialemiNdu

Pulah me aku o Tuhan

Ibas iketen kuasa dosa

Malem kal ateku Tuhan

Nggo terkelin tendingku

31.

Kekelengan Jesus nandangi Jerusalem

I bas paksa e reh piga-piga kalak Parisi ndahi Ia, janah nina, "To lawes, tadingken ingan enda sabap ibunuh Herodes atena Kam."

32.

Ngaloi Jesus man kalak ndai nina, "To kataken man serigala e, ‘Kupelawes setan-setan dingen Kupepalem si sakit i bas wari si sendah ras si pe pagi, janah i bas wari peteluken dung me dahinKu.’

33.

Amin bage gia, la banci lang kuterusken nge perdalanenKu sendah, pagi ras kedun; sabap labo mungkin sekalak nabi ibunuh pala i Jerusalem.

34.

O Jerusalem, Jerusalem! Ibunuhndu nabi-nabi, ibenterindu persuruhen si nggo isuruh Dibata reh ndahi kam! Nggo piga-piga kali ateKu mpepulung bangsandu, bagi indung manuk pepulung anak-anakna i teruh kabengna, tapi la kam nggit!

35.

Tuhu-tuhu me pagi rumahndu itadingken seh melungun. Kukataken pe man bandu, lanai pagi Aku idahndu seh waktuna ikatakenndu, ‘Ipasu-pasu gelah Ia si reh i bas gelar Tuhan.’"

Lit.

​

:

Ketuahen kalak si megiken Kata Dibata, dingen simakekenca ibas geluhna si tep-tep wari, Hosiana.

Perp.

:

(iendeken)

Ho si a na, Ho si a na, Ho si a … na.

1.

Raja si bujur�I bas sada paksa lit me sekalak si ngerajai alu bujur, janah peminpin-peminpin negeri e merentah alu adil.

2.

Kerina ia desken ingan cicio tupung udan ras angin meter. Bali ras lau si maler i bas gurun pasir, desken awih batu si galang i bas taneh si salang.

3.

Matana erpengidah janah pinggelna erpemegi nandangi keperlun-keperlun rayatna.

4.

La saja sabar, tapi kerina si ibahanna ilakokenna sue ras kai si lit i bas ukurna.

5.

Emaka lanai lit ise pe pagi erpengakap maka kalak lenge eme kalak mehaga, tah pe penipu ikataken kalak bujur.

6.

Kalak lenge pengeranana pe bodoh, janah ia ngukurken perbahanen si jahat. Kai si ilakokenna ras si ikatakenna, kerina nggombangi Dibata. Kalak si kelihen la pernah iberene nakan janah kalak si muas la pernah iberena minem.

7.

Kalak jahat lenge kap, janah jahat perbahanenna; erpekat ia ncedaken kalak musil alu kata guak, janah iambatina kalak musil maka ula idatca hakna.

8.

Tapi kalak si mehaga bujur perbahanna janah paguh i bas kai si benar.

Lit.

:

Persembahkenlah persembahen si patut man TUHAN dingen ernalemlah man baNa. (Masmur 4 : 6)

1.

Ise kin kami enda o, Bapa

Maka kami ngasup mere baNdu

Labo ban gegeh kami o, Bapa

Lako mere man baNdu

Reff.

Kai pe si lit ibas kami o, Bapa

E kap bekas pemereNdu man kami

Enda sada bagin,

Bapa ipersembahken kami

2.

Ngataken bujur kami man baNdu

Arah persembahen kami enda

Aloken ras ipasu-pasuNdu

Terpujilah gelarNdu

Reff.

Kai pe si lit ibas kami o, Bapa

E kap bekas pemereNdu man kami

Enda sada bagin,

Bapa ipersembahken kami

3.

Nggejap b’linna perkuah ateNdu

Makana kami mere man baNdu

Kai pe cukup i bas Kam o, Bapa

Kam Raja Surga doni

Reff.

Kai pe si lit ibas kami o, Bapa

E kap bekas pemereNdu man kami

Enda sada bagin,

Bapa ipersembahken kami

Lit.

Dibata erkuasa i bas kerina paksa dingen nikapken simehuli i bas kegeluhen manusia.

Perp.

Erpadan aku Tuhan, tetap setia man baNdu amina pe melala perbebenku.

Lit.

Dibata jadi ingan cicio dingen ndengkehken pingko-pingkonta

Perp.

Erpadan aku Tuhan tetap njadiken Kam jadi lingling kecionku. Lanai aku mbiar ndalani kegeluhen.

1.

O, Tuhan Kam me Penampat

ibas geluhku

O, Tuhan Kam cicionku

bas aru ateku

Angin meter udan meder

Kam me kubunku

O, Tuhan Kam ikutenku

segedang geluhku

2.

Enterem imbang-imbangku

bas pertibi e

Si atena nirangkenku

ras Kam kap Tuhanku

Kawali min, cikeplah min,

‘lah la ku bene

O, Tuhan Kam me pengarapen segedang geluhku

Bengketilah kegeluhenta (ndu), tetaplah jadiken Dibata jadi lingling kecionta (ndu). Guna si e alokenlah pasu-pasu idur Dibata nari:

​

“Tuhanta Jesus Kristus, ras Dibata Bapanta (ndu), si engkelengi kita (kam) dingen arah lias ateNa nggo mereken pengapul si tetap ras pengarapen si paguh man banta (ndu)”. Amin

​

Perp. : A....min, A.......min, A......min

​