Dedikazzjoni
tal-Bażilika tal-Lateran
Sena Ċ
Glorja `l Alla fil-għoli
tas-smewwiet, u paċi fl-art
lill-bnedmin ta’ rieda tajba.
Infaħħruk, inberkuk, nadurawk, nagħtuk ġieh. Inroddulek ħajr għall-glorja kbira tiegħek.
Mulej Alla,
Sultan tas-sema,
Alla Missier li tista’ kollox. Mulej Iben waħdieni,
Ġesù Kristu,
Mulej Alla, Ħaruf ta’ Alla,
Bin il-Missier.
Int li tneħħi d-dnubiet
tad-dinja, ħenn għalina.
Int li tneħħi d-dnubiet
tad-dinja, ilqa’ t-talb tagħna. Int li qiegħed fuq il-lemin
tal-Missier, ħenn għalina. Għaliex Int waħdek Qaddis,
Int waħdek Mulej,
Int waħdek il-għoli,
Ġesù Kristu,
ma’ l-Ispirtu s-Santu:
fil-glorja tal-Missier Alla. Ammen.
Dedikazzjoni
tal-Bażilika tal-Lateran
Sena Ċ
Qari I
Qari mill-Ktieb
tal-Profeta Eżekjel. Eżek 47 ,1-2.8-9.12
F’dak iż-żmien, l-Anġlu
ħadni lura ħdejn il-bieb
tas-santwarju;
u ara,
kien hemm l-ilma ħiereġ
minn taħt l-għatba
tas-santwarju lejn il-lvant
- għax is-santwarju kien iħares lejn il-lvant.
U l-ilma kien ħiereġ min-naħa tal-lemin tal-għatba, in-naħa tan-nofsinhar tal-altar.
Imbagħad ħariġni mill-bieb tat-tramuntana u mexxieni madwar,
minn barra, sal-bieb ta’ barra
li jħares lejn il-lvant;
u l-ilma kien inixxi min-naħa tal-lemin tal-għatba.
U qalli:
«Dan l-ilma ħiereġ lejn in-naħa tal-lvant u nieżel lejn
l-Għaraba;
u meta jasal fil-Baħar il-Mejjet b’dak l-ilma mielaħ, l-ilma jsir ilma ħelu.
U jiġri li, kull fejn tgħaddi dik ix-xmara, kull ħaġa ħajja li tiċċaqlaq tgħix; u jkun hemm kotra kbira ta’ ħut,
għax, minn kull fejn jgħaddi dak l-ilma, l-ilma jitjieb
u jkun hemm il-ħajja minn kull fejn tgħaddi x-xmara.
Fuq iż-żewġt ixtut tax-xmara jikbru siġar ta’ kull ġens
ta’ frott;
il-weraq tagħhom ma jidbielx,
il-frott tagħhom ma jonqosx.
Kull xahar jagħmlu frott ġdid,
għax l-ilma tagħhom ħiereġ mit-tempju, u l-frott tagħhom ikun ikel, u l-weraq duwa.»
Il-Kelma tal-Mulej.
℟. Irroddu ħajr lil Alla.
Salm Responsorjali
Salm 45, 2-3.5-6.8-9
℟. Tifraħ il-belt ta’ Alla!
Kenn u qawwa hu Alla għalina,
għajnuna kbira sibnieh
fid-dwejjaq.
Għalhekk ma nibżgħux jekk
l-art titriegħed, jew jiġġarrfu
l-muntanji f'nofs ta' baħar;
℟. Tifraħ il-belt ta’ Alla!
Hemm xmara li s-swieqi tagħha iferrħu l-belt ta' Alla,
l-għamara qaddisa tal-Għoli.
Hemm Alla f’nofsha,
ma titħarrikx; jgħinha Alla
mat-tbexbix tas-sebħ.
℟. Tifraħ il-belt ta’ Alla!
Il-Mulej tal-eżerċti magħna, fortizza għalina Alla
ta’ Ġakobb!
Ejjew, araw x’għamel il-Mulej, għemejjel tal-għaġeb fuq l-art.
℟. Tifraħ il-belt ta’ Alla!
Qari II ��
Qari mill-Ewwel Ittra
ta’ San Pawl Appostlu
lill-Korintin. Kor 3:9b-11.16-17
Ħuti:
intom il-bini ta’ Alla.
Skont il-grazzja li tani Alla,
bħala bennej għaqli,
jiena qegħedt il-pedament.
Ħaddieħor jibni fuqu;
imma jqis kull wieħed
kif jibni fuqu.
Pedament ieħor ħadd
ma jista’ jqiegħed ħlief dak
li ġa tqiegħed;
u dan hu Ġesù Kristu.
Ma tafux li intom tempju ta’ Alla, u li l-Ispirtu ta’ Alla jgħammar fikom?
Jekk xi ħadd jeqred it-tempju ta’ Alla, Alla jeqred lilu.
Għax qaddis hu t-tempju ta’ Alla, li huwa intom.
Il-Kelma tal-Mulej.
℟. Irroddu ħajr lil Alla.
Hallelujah,Hallelujah
ara 2 Kronaki 7, 16
“Għażilt u qaddist din id-dar,” jgħid il-Mulej,
“biex ismi jkun
fiha għal dejjem.”
Hallelujah,Hallelujah
Evanġelju
Kien qorob l-Għid tal-Lhud,
u Ġesù tela’ Ġerusalemm.
Fit-tempju sab min qiegħed ibigħ barrin, nagħaġ u ħamiem, u min kien bilqiegħda jsarraf il-flus.
Għamel sawt mill-ħbula,
u keċċiehom ilkoll ’il barra mit-tempju, bin-nagħaġ u
l-barrin tagħhom;
xerred il-flus ta’ dawk li kienu jsarrfu, u qalbilhom l-imwejjed
u lill-bejjiegħa tal-ħamiem qalilhom:
«Warrbu dawn minn hawn,
u dar Missieri tagħmluhiex
dar tan-negozju!»
Id-dixxipli ftakru f’dak li kien hemm miktub fl-Iskrittura,
“Il-ħeġġa għal darek fnietni.”
Imbagħad il-Lhud
qabdu u qalulu:
«X’sinjal se turina li inti tista’ tagħmel dan?»
Ġesù weġibhom:
«Ħottu dan it-tempju,
u fi tlitt ijiem nerġa’ ntellgħu.»
Għalhekk il-Lhud qalulu:
«Dan it-tempju ħa sitta u erbgħin sena biex inbena,
u int se ttellgħu fi tlitt ijiem?»
Iżda hu tkellem fuq
it-tempju tal-ġisem tiegħu.
Meta mbagħad qam
mill-imwiet, id-dixxipli tiegħu ftakru f’dan li kien qal,
u emmnu fl-Iskrittura u
fil-kliem li kien qal Ġesù.
Waqt li kien Ġerusalemm għall-festa tal-Għid, kien hemm ħafna li emmnu f’ismu
billi raw is-sinjali li kien jagħmel.
Il-Kelma tal-Mulej.
℟. It-tifħir lilek Kristu.
Dedikazzjoni
tal-Bażilika tal-Lateran
Sena Ċ
Jiena nemmen f’Alla wieħed,
il-Missier li jista’ kollox,
li ħalaq is-sema u
l-art, dak kollu li jidher
u dak li ma jidhirx.
U f’Mulej wieħed Ġesù Kristu, Iben waħdieni ta’ Alla,
imnissel mill-Missier
qabel kull żmien.
Alla minn Alla, dawl minn dawl, Alla veru minn Alla veru, imnissel mhux magħmul, natura waħda mal-Missier
u bih sar kollox.
Niżel mis-smewwiet għalina
l-bnedmin u għall-fidwa
tagħna.
U ħa l-ġisem
bis-setgħa tal-Ispirtu
s-Santu minn Marija Verġni
u sar bniedem.
Sallbuh għalina, bata taħt Ponzju Pilatu, miet u difnuh,
u fit-tielet jum qam
minn bejn l-imwiet, skont
il-Kotba mqaddsa,
u tela’ s-sema, u qieghed fuq
il-lemin tal-Missier.
U għandu jerġa jiġi
bil-glorja biex jagħmel ħaqq mill-ħajjin u mill-mejtin, u
s-saltna tiegħu ma jkollhiex tmiem.
U fl-Ispirtu s-Santu, Mulej li jagħti l-ħajja li ġej mill-Missier u mill-Iben:
li Hu meqjum u mweġġah flimkien mal-Missier u
mal-Iben. Hu li tkellem b’fomm il-profeti.
U fi Knisja waħda,
qaddisa, kattolika,appostolika.
Nistqarr magħmudija waħda
għall-maħfra tad-dnubiet.
U nistenna l-qawma
mill-imwiet, u l-ħajja
taż-żmien li ġej.
Ammen.
Dedikazzjoni
tal-Bażilika tal-Lateran
Sena Ċ