1.

Kudahi rumah persembahen

Se gelah aku jumpa Tuhan

Ban Ia sumbul keriahen

Nggo b’reNa bangku kesangapen

Reff.

Ersada me anakNdu k’rina

Bas kiniteken tetap paguh

Bagem biak anak Dibata

Tetap nembah ras muji gelarNdu

3.

Begikenlah kata Dibata

Em kap si nerangi geluhta

Jadikenlah wari-warinta

Penembahennta e man baNa

Reff.

Ersada me anakNdu k’rina

Bas kiniteken tetap paguh

Bagem biak anak Dibata

Tetap nembah ras muji gelarNdu

4.

Mehuli me akap Dibata

Si mesikel pulung i jenda

Tetap metedeh lah ateta

Pulung meriah bas rumahNa

Reff.

Ersada me anakNdu k’rina

Bas kiniteken tetap paguh

Bagem biak anak Dibata

Tetap nembah ras muji gelarNdu

1.

Hosiana ! Enam reh

Anak Daud ku bas kutaNa

O pe denga Ia seh

Tanem lambe man inganNa

Ngambur rudang, pekena,

Dalin i adepenNa

2.

Hosiana ! Tuhan reh

Kam ialo-ialo kami

Ate kami enggo seh

Nggo kam muat ukur kami

Bengket ukur kami e

Ialoken kam je

3.

Hosiana ! Sampatlah

Maka la pekulah-kulah

Persembahken kamilah

Ukur baNdu si mekuah

Kalak si megiken Kam

Saja ialoken Kam

Lit.

:

Tuhan Dibata dem alu kemulian si meganjangna ibelang-belang doni enda.

Perp.

:

Terpujilah Tuhan ibelang-belang doni enda.

Lit.

:

Dibata si erkuasa nandangi kerina si lit i bas doni enda, Dibata ngkuasai doni kerina.

Perp.

:

Ipuji kami Kam Tuhan, erkiteken igejapken kami maka Kam kap Dibata si erkuasa nandangi doni enda ras isina kerina.

Lit.

:

Padan Dibata tetap kap tahan seh rasa lalap.

Perp.

:

PadanNdu kap jadi gelemen i bas geluh kami Tuhan. Kam si man pujin dingen si isembah i bas kegeluhen kami.

1.

Lias ate ni Tuhanta, e lalap man pujin

Ras pe kebenarenNa, pebelinlah madin

Ku eteh peratenNa, ras dosa labo singgur

‘Nggo tetap jujurenNa,

si labo banci luntur

E desken batu mamak,

enteguh labo mugur

Bagem’ kepeken Kam,

‘nggo tetap ibas bujur

2.

Si make pedah Tuhan, e sangap kel nge ia

‘Bas terang me dalinna,

la ndele pe ukurna

Megedang peratenna, meriah ni akapna

Entah mawen mesera,

i‘tehna Kam Bapana

La celus pe nahena, la abat perdalinna

‘Ban Tuhan pebelinca,

nai nari seh matena

Lit.

:

Ibereken paksa man banta kentisik guna rukur kerna perukuren ras perbahanenta sedekah enda i bas la kita ersikap, la kita megenggeng, dingen la kita saber guna nimai kerehen Dibata e.

Lit.

:

Dibata enggo erpadan reh ku doni enda guna ncidahken kemulianNa man kita kerina manusia. kerehenNa e maba dame ras keselamaten man manusia. Kai dage si enggo ibahanndu i bas ngalo-ngalo kerehen Dibata e?

Perp.

:

…

Perp.

:

O Tuhan, Kam si maba dame kubas doni enda, ngaku kami maka kurang ersikap i bas ngalo-ngalo kerehenNdu e. Rusur kal kami la ngasup ngergaken kerehenNdu si maba dame dingen keselamaten man kami. La kami nikapken pusuh peraten dingen mekarus kami i bas ngalo-ngalo Kam….

Perp.

:

Ngaku kami, erkite-kiteken ngayak-ngayaki keriahen doni enda, piah dungna tading keriahen si ibabaNdu man kami. O Tuhan alemi min kami.

1.

O, Tuhan tuduhken bangku

Apai dalan geluhku

Sinalsal kekelengenNdu

Jadi min ikutenku

Reh lah min Kesah Badia

Bengketi kami k’rina

‘Di ku ja perdalan gia

Kam Tuhan ngkawalisa

2.

Mbue si erlebuh bangku

Maka aku min nilah

Tapi ‘nggo tetap ukurku

Kam me kuikutkenlah

Ibas paksa aku kote

Pegegehi aku min

KataNdu gelah kupake

Maka aku terkelin

3.

O, Tuhan mekatep tuhu

Celus aku, guling pe

Je minter dudurken tanNdu

Gelah aku la bene

Jesus gelarNdu kulebuh

Sampat aku o, Tuhan

Ibas tanNdu aku nggeluh

Jadilah bage min ban

Lit.

“Dage o senina-seninangku, saberlah kam ngayak reh Tuhan. Nehenlah sekalak perjuma kuga ia saber nimai seh jumana mereken ulih si erguna. Saber ia nimai udan si reh nandangi merdang ras udan si reh kenca rumpah page. Kam pe arus saber. Tetap min kam erpengarapen, sabab wari kerehen Tuhan seh me.”

1.

Kam kap lalap man ikutenku

Jesus Kam Penebusku

Kam kap lalap Penundalenku

Jesus Kam Penawarku

Ialemi Kam dosangku

Maka senang tendingku

Kam kap lalap Penalemenku

Jesus Kam Penebusku

2.

Kam o, Jesus pengarapenku

Kam pematang tuahku

Kam si negu-negu aku pe

Ku bas kesenangen e

Bengket Kam ku kematen

Lako ngepkep tendingku

Maka aku pe terkelin kin

Bengket kesenangen e

3.

Ibas paksa kesusahenku

Kam min penalemenku

Tah kai jadi bas g’luhenku

Kam si negu aku pe

Sedekah umur geluhku

Amin seh pe sipatku

Kam si negu-negu aku pe

Bengket kesenangen e

14.

Ende-enden keriahen

Rende dingen ersurak meriahlah, o kalak Israel! Meriahlah alu bulat ukurndu, o Jerusalem!

15.

TUHAN nggo ndungi ukumenndu; nggo IpelawesNa kerina musuh-musuhndu. TUHAN, raja Israel, ras kam kap; genduari lanai perlu kam mbiar.

16.

Paksana reh me i ja ikataken kalak man Jerusalem, "Ula mbiar o Kota Sion! Ula bere tanndu kote.

17.

TUHAN Dibatandu ras kam kap; KuasaNa mereken kemenangen bandu. Ngena AteNa kam dingen i bas keleng AteNa IberekenNa bandu geluh si mbaru. Rende dingen ermeriah ukur Ia erdandanken kam,

18.

bali riahna ras kalak si i bas pesta." Nina TUHAN, "Kerina si suin nggo Kupepulung, nggo Kuambekken si erbahanca akapndu mela.

19.

Paksana nggo seh! Kuukum me si nindas kam; Kupulahi kalak si cempang-cempang, kalak si terbuang Kutaruhken mulih. Si mahanca akapna mela Kusalihken jadi kehamatenna, dingen kerina doni mujiken ia.

20.

Paksana nggo reh! Bangsandu si merap Kutaruhken mulih; Kubahan kam terberita i belang-belang doni, janah senang ka akapndu mulihi." Bage nina TUHAN.

Lit.

​

:

Ketuahen kalak si megiken Kata Dibata, dingen simakekenca ibas geluhna si teptep wari, Maranatha.

Perp.

:

(iendeken)

Ma ra na tha, Ma ra na tha, Ma ra na … tha.

1.

Dahin Johanes Peridiken

Enda me Berita Si Mehuli kerna Jesus Kristus Anak Dibata.

2.

Ibenaken sue ras si isuratken Nabi Jesaya, "Nina Dibata, ‘Nehenlah, Kusuruh persuruhenKu leben asa Kam, ia me si nikapken dalan man BaNdu.’

3.

Lit sekalak si erlebuh i taneh si mesawang, ‘Pesikaplah dalan man Tuhan; pepinter DalanNa!’"

4.

Sue ras si tersurat e, reh me Johanes Peridiken ku taneh si mesawang. Iperidikenna kalak janah ipesehna berita i bas Dibata nari nina, "Iperidikenndu min, tandana kam jera i bas dosa-dosandu nari, gelah dosa-dosandu ialemi Dibata."

5.

Emaka kerina jelma i taneh Judea ras i kota Jerusalem reh megiken Johanes. Iakukenna dosana janah iperidiken Johanes ia i bas Lau Jordan.

Lit.

:

“Ngataken bujur e me persembahen si pehagaken Aku janah si patuh ngikutken Aku tentu Kukelini.”

(Masmur 50 : 23)

1.

Si pepulung me persembahenta,

Si endesken dage man Dibata.

Tanda m’riah ukur

ban pasu-pasuNa,

Si simpar b’reNa man banta.

Reff: Asa si nggo isikapken,

Asa si nggo itotoken.

Em pengataken bujurta,

kempak Dibata.

2.

Tuhu simpar pemere Dibata

Man perjuma ras si erbinaga

K’rina si erdahin

Si ngarap man baNa

Ituahi pasu-pasuNa

Reff: Asa si nggo isikapken,

Asa si nggo itotoken.

Em pengataken bujurta,

kempak Dibata.

3.

Pengataken bujur man Dibata

Enda mbelin ka tuhu gunana

Jadiken geluhta,

Kula ras tendita

Persembahenta si nggeluh

Reff: Asa si nggo isikapken,

Asa si nggo itotoken.

Em pengataken bujurta,

kempak Dibata.

4.

Persembahen kami e o Tuhan

Eme sada bagin pemereNdu

ajariNdu kami

Ersembah man baNdu

Pehaga kinirajanNdu

Reff: Asa si nggo isikapken,

Asa si nggo itotoken.

Em pengataken bujurta,

kempak Dibata.

Lit.

Dibata nikapken kiniulin man manusia. Reh me IA ku doni enda guna maba anak-anakNa guna bengket kubas kemulianNa si rasa lalap. Emaka ersikaplah alu tutus!

Perp.

Erpadan aku Tuhan, ertutus ate ndalanken sura-suraNdu, i bas ngalo-ngalo kerehenNdu.

Lit.

Reh me Dibata peduakaliken, maba kegeluhenta kubas kedamen si rasa lalap.

Perp.

Erpadan aku Tuhan, tetap ngarapken kemalemen ate, si rehna i bas Kam nari. Janah nggit aku nikapken dalan kerehenNdu.

1.

Sura-sura Jesus bangku

Ersinalsal tetap

Nggeluh bujur ras mehuli

Si ngena atena.

Reff. Ersinalsal terang

Em sinisuraken Jesus

Ersinalsal terang

Ku tetap ersinalsal

2.

Sura-sura Jesus Kristus

Nandangi geluhku

Mpehaga turang senina

Sisampat-sampaten.

Reff. Ersinalsal terang

Em sinisuraken Jesus

Ersinalsal terang

Ku tetap ersinalsal

3.

Kupindo Jesus nampati

Njaga pusuhku e

Gelah ngasup ersinalsal

Ngikutken Tuhan e.

Reff. Ersinalsal terang

Em sinisuraken Jesus

Ersinalsal terang

Ku tetap ersinalsal

Dibata si mada perkuah ate, si enggo nenahken kita ku kemulianNa si rasa lalap i bas Jesus Kristus njadiken kita serta, tetap, megegeh dingen paguh. IA nge si mada kuasa seh rasa lalap. Amin.

​

Perp. : A....min, A.......min, A......min