Il-Ġimgħa wara�L-Erbgħa tal-Irmied�
Qari mill-Ktieb �tal-Profeta Iżaija�Iż 58, 1-9a�
Dan jgħid il-Mulej:
“Iftaħ garġik, għajjat u la tiskotx!
Għolli leħnek bħal tromba! Dnubhom uri lill-poplu tiegħi,
u ħtijiethom lil dar Ġakobb! Imma lili kuljum ifittxu, jixtiequ jagħrfu triqati, bħallikieku ġens li jagħmel is-sewwa,
u li ma ħalliex l-ordnijiet ġusti ta’ Alla tiegħu.
Jitolbuni ġudizzji
fis-sewwa, jixtiequ jersqu lejn Alla:
‘Għaliex somna u int ma ħaristx, għakkisna ruħna u int ma ntbaħtx?’
Araw, f’jum is-sawm tagħkom tagħmlu li tridu, u tgħakksu lill-ħaddiem tagħkom.
Araw, issumu
bil-kustjonijiet u l-ġlied
u tidorbu bil-ponn bla ħaqq.
Jekk issumu kif qegħdin issumu issa, leħinkom ma jinstamax fl-għoli.
Jaqaw jien jogħġobni sawm bħal dan, jum biex bniedem jgħakkes lilu nnifsu?
Biex ibaxxi rasu
bħas-simar, u jimtedd fuq ix-xkora u r-rmied?
Tgħidlu int dan sawm,
jum jogħġob lill-Mulej?
Jaqaw mhux dan is-sawm li jiena rrid,
jiġifieri, li tħoll l-irbit
tal-ħażen, u tqaċċat
ix-xkiel tal-madmad,
li tibgħat ħielsa
l-maħqurin,
u tkisser kull madmad?
Mhux li taqsam ħobżok
ma’ min hu bil-ġuħ,
u ddaħħal f’darek
lill-imsejken bla saqaf?
Mhux li tlibbes lil min tara għarwien, u n-nies ta’
darek ma tinsihomx?
Imbagħad ifiġġ
bħaż-żerniq id-dawl tiegħek, u malajr tagħlaqlek il-ġerħa tiegħek.
Quddiemek timxi
l-ġustizzja tiegħek, u
l-glorja tal-Mulej timxi warajk.
Jekk biss issejjaħlu, iwieġeb il-Mulej; jekk tgħajjatlu, jgħidlek: ‘Hawn jien’.
Il-Kelma tal-Mulej
R:/ Irroddu ħajr lil Alla
R:/ Qalb maqsuma u sogħbiena ma twarrabhiex, o Alla
Salm Responsorjali
Ikollok ħniena minni, o Alla, fi tjubitek;
fil-kobor tal-ħniena tiegħek ħassar ħtijieti.
Aħsilni kollni mill-ħtija tiegħi;
naddafni mid-dnub tiegħi.
R:/ Qalb maqsuma u sogħbiena ma twarrabhiex, o Alla
Għax jien nagħrafhom ħtijieti;
id-dnub tiegħi dejjem quddiemi.
Kontrik biss jiena dnibt,
u dak li hu ħażin f’għajnejk għamilt.
R:/ Qalb maqsuma u sogħbiena ma twarrabhiex, o Alla
Għax lilek ma jogħġbokx is-sagrifiċċju;
noffrilek vittmi maħruqa, u ma tilqagħhomx.
Is-sagrifiċċju tiegħi, o Alla, hu l-qalb niedma;
qalb maqsuma u sogħbiena ma twarrabhiex, o Alla.
R:/ Qalb maqsuma u sogħbiena ma twarrabhiex, o Alla
Glorja u Tifħir
Glorja u Tifħir
Lilek Kristu
Fittxu l-ġid, u mhux
id-deni, jekk tridu tgħixu,
u l-Mulej ikun magħkom.
Glorja u Tifħir
Glorja u Tifħir
Lilek Kristu
Qari mill-Evanġelju skont
San Mattew
Mt 9, 14-15
R:/ Glorja lilek Mulej
F’dak iż-żmien, resqu lejn Ġesù id-dixxipli ta’ Ġwanni u qalulu:
“Għaliex aħna u l-Fariżej insumu, u d-dixxipli tiegħek ma jsumux?”.
Qalilhom Ġesù:
“Huwa l-mistednin
tal-għarus se jsewdu qalbhom sakemm l-għarus ikun għadu magħhom?
Imma jasal il-jum meta
l-għarus jeħduhulhom minn magħhom, u mbagħad isumu”.
Il-Kelma tal-Mulej
R:/ Tifħir lilek Kristu
Il-Ġimgħa wara�L-Erbgħa tal-Irmied�