Qari mill-Ittra ta’
San Pawl Appostlu
lill-Efesin
Efes 4, 7-16
Ħuti, lil kull wieħed minna Alla tana l-grazzja skont
il-qjies tad-don ta’ Kristu. Hu għalhekk li tgħid
l-Iskrittura:
“Tela’ fil-għoli, jassar
l-ilsiera, ta doni
lill-bnedmin”.
“Telá”, xi jfisser dan għajr li hu niżel ukoll fl-inħawi
l-aktar t’isfel tal-art?
Dak li niżel huwa dak li telá fuq is-smewwiet kollha, biex jimla kollox.
U huwa dak li ta lil xi wħud
li jkunu appostli, lil xi wħud profeti, lil xi wħud evanġelisti, lil xi wħud rgħajja u mgħallmin:
Hekk jitrawmu l-qaddisin għax-xogħol tal-ħidma tagħhom għall-bini
tal-Ġisem ta’ Kristu,
sakemm aħna lkoll naslu biex insiru ħaġa waħda
fil-fidi u fl-għarfien
tal-Iben ta’ Alla;
insiru raġel magħmul,
fl-aħjar ta’ żmienu. U hekk isseħħ il-milja ta’ Kristu.
Ma nkunux aktar trabi mitfugħin ’l hawn u ’l hemm,
u mkaxkra minn kull riħ ta’ tagħlim bil-qerq tal-bnedmin u bl-ingann tagħhom biex iwasslu lil ħaddieħor
fl-iżball.
Imma waqt li nagħmlu
s-sewwa fl-imħabba nikbru f’kollox fih, f’dak li hu
r-Ras, Kristu.
Fih il-ġisem kollu jsib
ir-rabta u l-għaqda tiegħu permezz tal-għekiesi kollha li jservuh skont il-ħidma ta’ kull waħda minnhom,
biex jikber fih innifsu u jinbena fl-imħabba.
Il-Kelma tal-Mulej
R:/ Irroddu ħajr lil Alla
R:/ Fraħt meta qaluli: “Sejrin f’dar il-Mulej!”
Salm Responsorjali
Fraħt meta qaluli:
“Sejrin f'dar il-Mulej!”
Diġà qegħdin riġlejna
fi bwiebek, Ġerusalemm!
R:/ Fraħt meta qaluli: “Sejrin f’dar il-Mulej!”
Ġerusalemm, mibnija bħal belt, magħquda ħaġa waħda.
Lejha t-tribujiet jitilgħu,
it-tribujiet tal-Mulej.
R:/ Fraħt meta qaluli: “Sejrin f’dar il-Mulej!”
Biex, skont il-liġi ta’ Iżrael,
ifaħħru isem il-Mulej.
Għax hemm twaqqfu
t-tronijiet tal-ħaqq,
it-tronijiet tad-dar ta’ David.
R:/ Fraħt meta qaluli: “Sejrin f’dar il-Mulej!”
Hallelujah, Hallelujah
Jien ma nitgħaxxaqx b’mewt il-midneb, imma bir-reġgħa lura tiegħu minn triqtu biex jgħix.
Hallelujah, Hallelujah
Qari mill-Evanġelju skont
San Luqa�Lq 13, 1-9
R:/ Glorja lilek Mulej
F’dak iż-żmien, ġew xi wħud għand Ġesù u qalulu b’dawk il-Galilin li Pilatu kien ħallat demmhom
mad-demm tal-vittmi....
....tas-sagrifiċċji tagħhom. U Ġesù qabad u qalilhom:
“Taħsbu intom li dawn
il-Galilin kienu iżjed midinbin mill-Galilin
l-oħra biex sofrew dan kollu? Le, ngħidilkom;
imma jekk ma tindmux, ilkoll tintilfu bħalhom.
Jew dawk it-tmintax-il ruħ li fuqhom waqá t-torri ta’ Silwam u qatilhom,
taħsbu intom li kienu iżjed ħatja min-nies l-oħra ta’ Ġerusalemm?
Le, ngħidilkom; imma jekk ma tindmux, ilkoll tintilfu xorta waħda”.
U qalilhom din il-parabbola:
“Wieħed kellu siġra tat-tin imħawla fl-għalqa. Mar ifittex il-frott fiha,
u ma sabx.
Għalhekk qal lil dak li kien jaħdimlu l-għalqa:
‘Ara, ili tliet snin niġi nfittex il-frott f’din is-siġra tat-tin, u qatt ma sibtilha.
Mela aqlagħha, għax għalfejn se tibqa’ tkidd
l-art?’.
Iżda dak wieġbu:
‘Inti ħalliha, sinjur, għal din is-sena, sa ma nagħżqilha madwarha u
nagħtiha d-demel.
Id-dieħla għandha mnejn tagħmel il-frott; jekk le, aqlagħha.’”
Il-Kelma tal-Mulej
R:/ Tifħir lilek Kristu