Qari mill-Ktieb tal-
Profeta Eżekjel
Eżek 36, 23-28
Dan jgħid il-Mulej:
“Jien inqaddes ismi l-kbir, imkasbar minnkom fost
il-ġnus, li f’nofshom kasbartuh, u l-ġnus ikunu jafu li jiena l-Mulej,
meta nuri qdusiti fikom quddiem għajnejhom, oraklu ta’ Sidi l-Mulej.
Neħodkom minn fost
il-ġnus u niġmagħkom
mill-artijiet kollha, u nerġa’ ndaħħalkom f’artkom.
U rroxx fuqkom ilma safi, u tissaffew mit-tinġis kollu tagħkom; mill-idoli kollha tagħkom insaffikom.
U nagħtikom qalb ġdida, u ruħ ġdida nqiegħed ġo fikom;
u nneħħi minn ġisimkom
il-qalb tal-ġebel u nagħtikom qalb tal-laħam flokha.
U nqiegħed ruħi ġo fikom, u nagħmel li timxu skont
il-kmandamenti tiegħi, u li żżommu l-preċetti tiegħi u tħarsuhom.
U tgħammru fl-art li tajt ’il missirijietkom, u intom tkunu l-poplu tiegħi u jiena nkun Alla tagħkom”.
Il-Kelma tal-Mulej
R:/ Irroddu ħajr lil Alla
R./ Irroxx fuqkom ilma safi, u tissaffew mit-tinġis kollu tagħkom.
Salm Responsorjali
Oħloq fija qalb safja, o Alla,
u spirtu qawwi ġedded fija.
La twarrabnix minn quddiemek;
tneħħix minni l-ispirtu qaddis tiegħek.
R./ Irroxx fuqkom ilma safi, u tissaffew mit-tinġis kollu tagħkom.
Roddli l-hena tas-salvazzjoni tiegħek,
u bi spirtu qalbieni wettaqni.
RLill-midinbin ngħallem triqatek,
u l-ħatjin lejk jerġgħu lura.
R./ Irroxx fuqkom ilma safi, u tissaffew mit-tinġis kollu tagħkom.
Lilek ma jogħġbokx is-sagrifiċċju;
noffrilek vittmi maħruqa, u ma tilqagħhomx.
Is-sagrifiċċju tiegħi, o Alla, hu l-qalb niedma;
qalb maqsuma u sogħbiena ma twarrabhiex, o Alla.
R./ Irroxx fuqkom ilma safi, u tissaffew mit-tinġis kollu tagħkom.
Hallelujah, Hallelujah
Illum la twebbsux qalbkom,
iżda isimgħu leħen il-Mulej.
Hallelujah, Hallelujah
Qari mill-Evanġelju skont
San Mattew
Mt 22, 1-14
R:/ Glorja lilek Mulej
F’dak iż-żmien, Ġesù raġa’ qabad ikellem lill-kbarat
tal-qassisin u lill-fariżej
bil-parabboli u qalilhom:
“Is-Saltna tas-smewwiet tixbah lil wieħed sultan li għamel festa għat-tieġ ta’ ibnu.
U bagħat għall-mistednin mal-qaddejja tiegħu biex jiġu għall-festa;
imma dawk ma ridux jiġu.
U reġa’ bagħat qaddejja oħra, u qalilhom:
‘Għidu lill-mistednin: Ara, il-mejda tiegħi lesta;
il-barrin u l-għoġiela msemmna diġà maqtula u kollox lest; ejjew
għall-festa’.
Iżda dawk ma tawx kas;
min mar l-għalqa, min għan-negozju tiegħu, u
l-bqija qabdu lill-qaddejja tas-sultan, żebilħuhom u qatluhom.
Imbagħad qal lill-qaddejja tiegħu: “Il-festa mħejjija, imma lil dawk ma kienx ta’ min jistedinhom għaliha. Mela morru f’salib it-toroq u sejħu għall-festa lil kull min issibu”. Dawk il-qaddejja ħarġu fit-triqat u ġabru lil kull min sabu, ħżiena u tajba, u s-sala mtliet bin-nies għall-mejda.
Mela jidħol is-sultan ħalli jara min kien hemm fuq il-mejda, u hemmhekk lemaħ wieħed li ma kienx liebes għall-festa tat-tieġ; u qallu: “Ħabib, dan kif dħalt hawn m’intix liebes għall-festa?”. Dak tbikkem. Imbagħad is-sultan qal lil dawk li kienu qegħdin iservu: “Orbtulu riġlejh u jdejh u waddbuh ’il barra fid-dlam; hemmhekk ikun hemm il-biki u t-tgħażżiż tas-snien! Għax ħafna huma l-imsejħin, imma ftit il-magħżulin”.
Is-sultan inkorla ħafna, u bagħat is-suldati tiegħu, qered lil dawk il-qattiela, u ħarqilhom il-belt tagħhom.
Imbagħad qal lill-qaddejja tiegħu:
‘Il-festa mħejjija, imma lil dawk ma kienx ta’ min jistedinhom għaliha.
Mela morru f’salib it-toroq u sejħu għall-festa lil kull min issibu’.
Dawk il-qaddejja ħarġu
fit-triqat u ġabru lil kull min sabu, ħżiena u tajba, u s-sala mtliet bin-nies
għall-mejda.
Mela jidħol is-sultan ħalli jara min kien hemm fuq
il-mejda, u hemmhekk lemaħ wieħed li ma kienx liebes għall-festa tat-tieġ;
u qallu:
“Ħabib, dan kif dħalt hawn m’intix liebes għall-festa?”. Dak tbikkem.
Imbagħad is-sultan qal lil dawk li kienu qegħdin iservu:
‘Orbtulu riġlejh u jdejh u waddbuh ’il barra fid-dlam;
hemmhekk ikun hemm
il-biki u t-tgħażżiż
tas-snien! Għax ħafna huma l-imsejħin, imma ftit il-magħżulin”.
Il-Kelma tal-Mulej
R:/ Tifħir lilek Kristu