Tim Damar Kambang - Kabupaten Sumenep

Enja’ Iya

Enggi Bunten

Enggi Enten

Enja’ Iya (EI)

1

Basa EI badha dhuwa’ barna:

Kadaddiyan dhari oca’ EI malolo

Contowepon:

Ba’na ta’ andhi’ korse

EI Tollen

Contowepon:

Sengko’ gi’ neddha’a gallu

(basa andhap-tengnga’an-andhap)

Bu’ emban mator, Ju kene’ dhabuna ebuna

(basa andhap-tenggi-basana-tenggi)

sengko’ epakon neddha kaadha’

(basa andhap-tenggi-tengnga’an-andhap)

EI Camporan

Kadaddiyan dhari oca’ EI + B otaba EI + B + BT B : Basana, BT: Basa Tenggi

Enggi Bunten (EB)

2

Basa EB badha dhuwa’ barna:

Kadaddiyan dhari oca’ B malolo

Contowepon: Ka’dhissa’ compo’epon

EB Tollen

Contowepon:

Labangnga badhi epolasa samangken

(basa andhap-tengnga’an-andhap-tengnga’an)

Kae dalem ponapa ampon bubar?

(basa tengnga’an-tenggi-tengnga’an-tenggi)

EB Camporan

Kadaddiyan dhari oca’ B + EI otaba B + BT otaba B + EI + BT

B : Basana, BT: Basa Tenggi

Enggi Enten (EE)

3

Basa EE badha dhuwa’ barna:

EE Tollen

Kadaddiyan dhari oca’ EE malolo

​

Contowepon:

Bula enten dika ko’assa’ pon-empon (basa tengnga’an-tengnga’an- tengnga’an-tengnga’an-tengnga’an)

(basa andhap-tengnga’an-andhap-andhap)

Mon dika ta’ kasokan ganeko enggi empon bula se abakta’agiya

(basa andhap-tengnga’an-tenggi-tengnga’an-

tengnga’an-tengnga’an-tengnga’an)

EE Camporan

Kadaddiyan dhari oca’ EE + EI otaba EE + BT

BT: Basa Tenggi

​

Contowepon:

Ponakan bula entar manceng

E tempona asa-gessa ngangguy basa enggi-bunten serreng ekapereng:

• Kaula gi’ buru lastare adha’ar
• Ponapa sampeyan gi’ ta’ neddha?
• Kaula bubara kaadha’, sampeyan bila se palemana?
• Kaula ngantos ebbis, ta’ poron rabu.

​

Okara e attas ka’dhinto kalero amarga ta’ noro’ ger-oger jugan ta’ noro’ adat parnadan basa.

Atorannepon basa e dhalem asa-gessa:

Ondhagga basa neng e basa Madura noro’ garis rajana badha tello’, enggi paneka: basa andhap, basa tengnga’an, basa tenggi.

Dineng angguyan sareng sorot sanderra basa andhap, basa tengnga’an, sareng basa tenggi gapaneka manabi asa-gessa ngangguy basa enggi bunten, ogerrepon kadi ka’dhinto:

1. Oreng se acaca (se kapeng settong, se sapesan otaba aba’ dibi’). Saabidda ngangguy basa tengnga’an.

Aba’ dibi’ ta’ kengeng ngangguy basa tenggi.

2. Oreng se ekasareng acaca (se kapeng dhuwa’). Ta’ mele omor, pangkat, ssl

Saabidda kodu ngangguy basa tenggi.

3. Oreng se ekacaca (se ekacareta otaba se ekadungngeng).

Manabi se ekadungngeng langkong seppo otaba langkong pangkat, parjugaepon ngangguy basa tenggi. Nangeng manabi amandhaban omor sareng salaenna, cokop ngangguy basa tengnga’an.

4. Noro’ kabadha’an (oreng se acaca sareng se ekacaca ponapa dhalem kabadha’an salpa’/akrap/roco otaba bunten) Katantowan se nomor 4 paneka biyasaepon oreng seppo ngangguy basa camporan (basa andhap ecampor basa tengnga’an otaba basa tenggi)

Angguyannepon ondhagga basa:

A. Enja’-Iya, se kappra ngangguy enja’-iya:

1. Oreng towa ka ana’, ka kompoy, sareng samacemma
2. Majadhi’ ka ponakan
3. Na’-kana’ otaba oreng biyasa ka se akana’an
4. Na’-kana’ kene’ ka pasera’a bisaos
5. Ca’-ngoca’ kadibi’an
6. Guru ka moredda, keyae ka santrena
7. Lora ka sarengnga, ssl.

B. Enggi-Enten, eangguy sabala’an, sakanca’an se ta’ pate rapet:

1. Mattowa ka mantowepon
2. Se lake’ ka se bine’
3. Se towa’an ka se ngodha’an e dhalem sabala’an, ssl

C. Enggi-Bunten:

1. Ana’ ka reng towa, emba, juju’, ssl
2. Ponakan ka majadhi’
3. Se bine’ ka se lake’
4. Moret ka guruna, santre ka keyaena
5. Sareng (pembantu) ka lorana, ssl

Langkong jarna’ kaator conto oreng acaca kadhuwa’an (A sareng B asa-gessa ngangguy basa enggi-bunten)

A : Bilaepon panjennengngan se rabu?

B : Kaula buru dhateng ba’ari’.

A : Nyara eyatorana alonggu ka compo’.

B : Mator sakalangkong, e bingkeng are bisaos.

E ka’dhimma dhalemmepon panjennengngan?

A : Compo’ kaula e Pangarangan. Bilaepon panjenneng- ngan se bubara?

B : Kaula palemana lagguna.

Ngereng oladi conto e baba paneka:

Ngereng oladi conto e baba paneka:

Ngereng oladi conto e baba paneka:

ONDHAGGA BASA KA ORENG SE EKACACA (BANNYA’)

​

Oreng se gi’ ta’ tanto otaba oreng bannya’, ta’ kengeng ngangguy basa tenggi, cokop ngangguy basa tengnga’an bisaos, akadi:

Samangken bannya’ oreng anglo tengal. banne:

Samangken bannya’ oreng songkan soca.

Paneka compo’epon pasera’an?

banne:

Paneka dalemmepon pasera’an?

Pasera se ajalan e lorong ka’ dhissa’?

banne:

Pasera se alomampa e lorong ka’ dhissa’?

Parlo ekagali okara e attas paneka kabadha’annepon umum. Opama sala settong ekaonenge (parlo ehormat), ka’dhinto kodu ngangguy basa tenggi.

A : Ka’dhinto compo’epon pasera’an?

B : Ka’dhinto se badha motorra dalemma pa’ Camat.

​

A : Ponapa sampeyan ngagali pasera se ajalan e lorong ka’dhissa’?

B : O... se alomampa ka’dhissa’ nom Sora.

ONDHAGGA BASA NORO’ KABADHA’AN

​

Se asalla salpa’, serreepon abit ta’ apanggi, ampon tanto kabadha’annepon laen. Ngangguy basa camporan. Basa camporan ---> basa andhap ecampor basa tengnga’an otaba basa tenggi.

1. Guru ka bekkas moredda
2. Keyae ka bekkas santrena
3. Majadhi’ ka ponakan
4. sakanca’an se ampon abit ta’ apanggi
5. Mattowa ka mantona

Contowepon badha e buku Panduman Basa Madura kaca 232 - 234

Rontodda oca’ gante monggu ka oreng:

ANGGUYANNEPON BASA E DHALEM OKARA

​

A : Saponapa pottraepon panjennengngan?

B : Ana’ badan kaula namong dhadhuwa’.

SOROT SANDHERRA BASA E DHALEM RE-SAAREEPON

​

E dhalem sa-gessa samangken, gi’ badha bisaos se gi’ kalero angguyannepon.

​

Ali atanya ka Bakar, “Ji’, e ka’ dhimma dalemmepon

panjennengngan?”

​

banne compo’epon (compo’ ---> basa tengnga’an).

SOROT SANDHERRA BASA E DHALEM RE-SAAREEPON

​

Mangken dimen ja’ enggal bubar, mondhut dha’ar dimen. banne paleman (paleman ---> basa tengnga’an).

​

Panjennengngan meyarsa dhari pasera? banne mereng (mereng ---> basa tengnga’an).

​

Se ka’ dhimma kaagungannepon panjennengngan? banne gadhuwan (gadhuwan ---> basa tengnga’an).

​

Aponapa panjennengngan ma’ ta’ kasokan? banne poron (poron ---> basa tengnga’an).

Ca’-oca’ se gadhuwan basa tenggi dhumacem sarta angguyannepon ta’ padha, akadi: oca’ ngoca’ basa tenggina nojju dha’ se attasan mator, dha’ se baba’an adhabu.

• Badan kaula ampon mator dha’ rama ja’ ampon etarema alako e kantor.
• Komalancang kalellan mator dha’ ajunan se ampon rabu dhalem papanggiyan ka’dhinto.

​

• Anom adhabu dha’ abdina ja’ lagguna meyosa ka Jember.
• Ponapa se ekasokane panjennengngan sae dhabuwagi bisaos.
• Gella’ pa’ Bupati adhabu dha’ pa’ Camat e kantorra.

• Badan kaula acabis ka agung parlo abakte.
• Panjennengngan ba’ari’ ecabisi, kalerressan meyos.

​

• Emba gella’ alonggu dha’ compo’epon ale’.
• Ba’ari’ panjennengngan ca’epon alonggu ka compo’.

• Badan kaula ampon mator dha’ rama ja’ ampon etarema alako e kantor.
• Komalancang kalellan mator dha’ ajunan se ampon rabu dhalem papanggiyan ka’dhinto.

​

• Anom adhabu dha’ abdina ja’ lagguna meyosa ka Jember.
• Ponapa se ekasokane panjennengngan sae dhabuwagi bisaos.
• Gella’ pa’ Bupati adhabu dha’ pa’ Camat e kantorra.

Ca’-oca’ se kengeng campor angguyannepon kabannya’an kadaddiyan dhari oca’ gante (nyamana oreng, petodu, petanya)

Menangka oca’ tamba’an:

Salaenna dhari oca’ EI, EE, sareng EB kasebbut, badha jugan ca’-oca’ se tamaso’ dha’ ongga toronna otaba sorot sanderra basa se kadaddiyan dhari basa mandhap (andhap), tengnga’an, sareng basa tenggi (alos) opamaepon:

Ampon eyatorragi ja’ ondhagga basa e dhalem basa Madura

noro’ macemma badha 3 macem:

1. basa enja’-iya (sengko’ - ba’na)
2. basa enggi-enten (bula - dika)
3. basa enggi-bunten (kaula - sampeyan)

​

Dineng noro’ ongga toronna otaba sorot sanderra

basa badha 3 macem jugan:

• basa andhap (ngakan, mole)
• basa tengnga’an (neddha, paleman)
• basa tenggi (adha’ar, bubar)

Angguyannepon EB dhalem basa ren-saaren

Conto:

Majadhi’ : Sengko’ ce’ loppana, apa sengko’ la abala ka ba’na ja’ sengko’ adina sorat e motorra ba’na.

Ponakan: O, se ka’dhissa ampon, Nom. Padana ampon lastare mator dha’ abdina, saamponna mator padana pas bubar.

​

Kadiponapa oca’ mator neng okara kasebbut?

Oca’ mator paneka basaepon ngoca’ se masteepon eangguy:

​

1. Dhari oreng se amandhaban dha’ oreng se atenggiyan darajat otaba pangkattepon, akadi:
1. ponakan mator ka majadhi’
2. ponggaba mator dha’ attasannepon
2. Dhari se angodha’an dha’ se atowa’an, akadi:
• ale’ mator ka emmagga
3. Dhari oreng se acaca dha’ oreng se ekasareng acaca, akadi:
• Badan kaula mator ka panjennengngan

Manabi tabaligga:

​

1. Dhari oreng se atenggiyan dha’ oreng se amandhaban darajat otaba pangkattepon, akadi:
1. Bapa’ Bupati adhabu ka pa’ Camat
2. Agung adabu ka rama
2. Dhari se atowa’an dha’ se angodha’an, akadi:
• Rama adhabu ka anom
3. Dhari oreng se ekasareng acaca dha’ oreng se acaca, akadi:
• panjennengngan adhabu dha’ badan kaula

Adhasar co-conto kasebbut ampon jarna’ ja’ angguyanna oca’ mator dhalem okara:

​

O, se ka’dhissa ampon, Nom. Padana ampon lastare

mator dha’ abdina, saamponna mator padana pas bubar.

​

Okara e attas nyata kalero, sabab se ekasareng acaca ekoca’ mator, masteepon adhabu.

Badha pole conto laen se serreng kapereng neng basa re-saare, sapaneka:

​

1. Bula empon oneng apareng penjelasan ka dika.
2. Manabi namong etabar saebu ropeya, ta’ eparengngagi.
3. Panjennengngan parlo saponapa, sareng badan kaula

eparengana se sae.

4. Ale’ apareng saponapa ka ebu?

​

Kadiponapa angguyannepon oca’ apareng neng ra-okara kasebbut? Ponapa ampon lerres?

Oca apareng paneka basa tenggiepon dhari oca’ aberri’, angguyannepon dhari se atowa’an dha’ se angodha’an, se atenggiyan dha’ oreng se amandhaban, dhari oreng se ekasareng acaca dha’ oreng se acaca.

​

1. Emba apareng abinan dha’ rama.
2. Pa’ Camat apareng petodu dha’ ponggabaepon.
3. Bilaepon panjennengngan se apareng oneng dha’ badan kaula?
4. Ale’ apareng saponapa ka ebu?

Tabaligga, manabi dhari se angodha’an dha’ se atowa’an,

se amandhaban dha’ oreng se atenggiyan, dhari oreng se acaca dha’ oreng se ekasareng acaca, ngangguy oca’ ngatore.

​

1. Rama ngatore abinan dha’ emba.
2. Jurtoles ngatore longgu pa’ Camat.
3. Badan kaula ngatore pameyarsa dha’ panjennengngan.

Okara re-saare e baba paneka:

​

1. Bula empon oneng apareng penjelasan ka dika. samastena:
1. Bula empon oneng ngatore penjelasan ka dika.

​

• Manabi namong etabar saebu ropeya, ta’ eparengngagi. samastena:

2) Manabi namong etabar saebu ropeya, ta’ eyatorragi.

Okara re-saare e baba paneka:

​

3) Panjennengngan parlo saponapa, sareng badan kaula

eparengana se sae. samastena:

3. Panjennengngan parlo saponapa, sareng badan kaula

eyatorana se sae.

​

4. Ale’ apareng saponapa ka ebu? samastena:

4) Ale’ ngatore saponapa ka ebu?

Angguyannepon oca’ ngereng

Oca’ ngereng asalla dhari oca’ ereng, se gadhuwan arte dhumacem:

ereng, basa Indonesia samping, basa Balanda zijde, maksodda badha e kanganna otaba e kacerra.

​

Conto:

1. Se toju’ e erenganna ba’na rowa sapa?
2. Mattowa ereng enggi paneka taretanna mattowa.

Ereng manabi epadaddi oca’ tanduk (etanduggagi) daddi: ngereng. Basa andhabba ngereng, enggi paneka noro’

e dhalem arte ajalan. Dineng se etoro’ se kobasa, se ehormat, se jung attasan, se mabi epantha badha tello’, enggi paneka:

​

1. Jung attasan dhari kabala’an Conto:
1. Emmak ngereng rama.
2. Embuk ngereng ebu ka pasar.
3. Anom ngereng Agung.

2. Jung attasan dhari omor Conto:

a. Manabi panjennengngan meyosa, badan kaula ngerenga.

​

3. Jung attasan dhari darajat Conto:
1. Pa’ Camat ngereng pa’ Bupati meyos ka sa-disa.
2. Pa’ Kalebun ngereng pa’ Camat bakto meyos ka pong- kampong.

Sapaneka jugan kalero manabi ebalik, akadi se attasan ngereng se amaba’an.

Opama:

1. Bu, pottrana tolos se mangkada, nyara ebu manabi ngerenga.
2. Mas, tore manabi sampeyan kasokan ngerenga ka Salopeng.

​

Masteepon:

​

1. Bu, pottrana tolos se mangkada, nyara ebu manabi eerenga.
2. Mas, tore manabi sampeyan kasokan eerenga ka Salopeng.

Oca’ Abas, Nangale, sareng Nengale

Abas; tengale (basa tengnga’an); oladi (basa tenggi) ngabas (ngabassagi) : nengale (ngoladi)

tenggu (teggu) nenggu

tengale (katela’) nangale (ngatela’) katon

: tengale, oladi

: nengale, nenggu

: tengale, oladi

: nengale, ngoladi

: katengal, kaoladan

Daddi oca’ ngabas, nenggu, sareng nengale (ngatela’) basa alossa padha enggi paneka nengale sareng ngoladi.

Angguyannepon dhalem basa EI, EE, sareng EB

• Sengko’ adhanga ngabassagi buwa se lebba’ jareya.
• Bula adhanga ngabassagi buwa se lebba’ ganeko.
• Kaula adhanga nengale buwa se lebba’ gapaneka.

​

E dhalem basa EB kaangguy aba’ dibi’ ngangguy basa tengnga’an:

• Kaula nengale.
• Ba’na ropana ngabassagi keya.
• Dika ropana ngoladi jugan.
• Sampeyan ropana ngoladi jugan.

Angguyannepon dhalem basa EI, EE, sareng EB

• Oreng jareya ta’ ngabas balakka’.
• Oreng ganeko ta’ ngabas balakka’.
• Oreng ganeka ta’ nengale balakka’.

​

Tang ale’ ngabas ajamma se lebat e seddi’na. Ale’ bula ngabas ajamma se lebat e seddi’na.

Ale’ kaula nengale ajamma se lebat e seddi’na. (basa tengnga’an) Tang Rama ngoladi ale’ se prappa’na agambar.

Nangale: nengale, ngoladi

• Mon sengko’ nangale dhuri e lan-jalan, duli ebuwang.
• Mon bula nangale dhuri e lan-jalan, duli ebuwang.
• Manabi kaula nengale dhuri e lan-jalan, enggal ebuwang.

​

Kaangguy aba’ dibi’ e dhalem basa EB, mabi basa tengnga’an (nengale).

Angguyannepon oca’ Saengga sareng Kantos

a. Oca’ Saengga

Oca’ lamon, kalamon, sareng mon paneka basa alossepon enggi paneka saengga otaba manabi.

Oca’ lamon, kalamon, mon -----> eangguy dhalem EI & EE Oca’ saengga, manabi -----> eangguy dhalem EB

​

Conto:

• Mon ta’ nemmo alangan, lagguna sengko’ ka Sorbaja’a.
• Lamon ta’ nemmo alangan, lagguna bula ka Sorbaja’a.
• Saengga (manabi) ta’ manggi alangan, lagguwepon badan kaula badhi ka Sorbaja.

b. Oca’ Kantos

Oca’ sehingga (basa Indonesia) oca’ Madurana banne saengga, nangeng kongse, kangse, daga, la-gala. Basaepon: kantos.

​

Conto:

• Compo’ didalem sareng kas-pakakassa sadaja gemmet ekello’ apoy kantos didalem nyewa’agi saba didalem ka pabrik.
• Naleka parabuna Rato Gerse’ Din Aju Pottre Koneng laju agellu’ samngambung, amarga talebat bungkagga buru tapanggi ban pottra manto ban bajana, kongse loppa ka malo. (metthek dhari Babad Songennep)

Epon Basana Panoteng /-na/

Neng buku bab Basana Ca’-oca’ karangannepon M. Wirjoasmoro taon 1956, epon menangka basa alossa panoteng /-na/.

Noro’ katerrangannepon R. Taha Prawirokusumo, Pamekkasan sapaneka:

a. Etoles epon

1. Manabi etoles e bingkengnga oca’ se keccap pongkasanna abukka’ sarta asowara: /a/, /e/, otaba /i/.

Opama:

• ropa ---> ropaepon
• tale ---> taleepon
• janji ---> janjiepon

2) Manabi etoles e bingkengnga oca’ se asasegek bisat (...’...) Opama:

• bannya’ ---> bannya’epon
• omba’ ---> omba’epon
• kole’ ---> kole’epon

b. Aoba wepon

Manabi etoles e bingkengnga oca’ se keccap pongkasanna abukka’ sarta asowara: /o/ otaba /u/.

Opama:

• lako
• taro
• guru

---> lakowepon

---> tarowepon

---> guruwepon

• dhabu ---> dhabuwepon

c. Etoles rangkep

Oca’ se keccap pongkasanna atotop, manabi esembu epon e bingkengnga aksara panotobba kodu erangkep.

Opama:

• kerbuy ---> kerbuyyepon
• buthok ---> buthokkepon
• peyol ---> peyollepon
• bungbung ---> bungbungngepon
• olar ---> olarrepon
• emmas ---> emmassepon
• bellat ---> bellattepon

Nangeng:

​

• ketab ---> ketappepon
• sabab ---> sabappepon
• masjid ---> masjittepon
• sojud ---> sojuttepon
• wajib ---> wajippepon

OCA’ SE BADHA SARENG SE TADHA’ BASAEPON

A. Angguyannepon Basa Tengnga’an se tadha’ Basa Tenggina

​

Basa alos badha 2 macem:

1. Basa Tengnga’an (e buku bab Basana Ca’-oca’, M. Wirjoasmoro, esebbut basana kalaban tandha B e bingkengnga oca’ paneka.
2. Basa Tenggi, M. Wirjoasmoro nyebbut basa tenggi jugan, kalaban tandha BT.

menangka basa tengnga’anna: ales, ambu

menangka basa tenggina: abadi, abakta.

​

Oca’ abadhi sareng abakta tadha’ basa tenggina. Serrena tadha’, basa tengnga’an epadaddi basa tenggi.

Conto dhalem okara:

​

Kaula abadhi korong. (basa tengnga’an) Sampeyan abadhi ponapa? (basa tenggi) Ale’ abakta buku. (basa tengnga’an) Rama abakta senjang. (basa tenggi)

B. Ondhagga Basa sareng Angguyannepon

Se kengeng ngangguy basa tenggi akadi oca’: adha’ar, bubar (gubar), asare (asaren), meyarsa, ngagali, alomampa, ngoladi, meyos, rabu, songkan, kaagungan sareng samacemmepon paneka namong kaangguy:

1. Oreng se kapeng 2 (se ekasareng acaca) Sampeyan adha’ar

Sampeyan ngoladi Sampeyan gubar

2. Oreng se kapeng 3 (angsal se patot ehormat sareng oreng kapeng 1 otaba 2)

Jarna’epon monggu ka oreng se langkong tenggi darajattepon dhari oreng se ekasareng acaca (oreng se kapeng 2).

3. Oreng se kapeng 1 (aba’ dibi’), oreng se langkong mandhap darajadda dhari oreng se kapeng 2 sareng oreng se gi’ umum kabadha’anna, paneka parjugaepon mabi basa tengnga’an, akadi:

Melana ta’ kalero manabi ngoca’:

• Kaula neddha
• Kaula paleman
• Pasera se tedhung?
• Ale’ ampon oneng
• Ret-moret padha ajalan

Talektegi okara e baba ka’dhinto, lerres ponapa sala

• Bannya’ oreng mereng hal kadaddiyan gapaneka, Rama ampon

mereng jugan.

Bannya’ oreng mereng lerres, sabab gi’ umom, ta’ epanggi tong- parsettongnga. Rama mereng ka’dhinto sala sabab Rama patot ehormat, samastena Rama meyarsa.

​

​

• Buku paneka atorragi ka pottrana.

Oca’ atorragi sala. Dhari oreng towa ka ana’ banne atorragi, nangeng parengngagi

Talektegi okara e baba ka’dhinto, lerres ponapa sala

• Pasera se maos sorat kabar ka’dhissa?

Maos kalero, mastena maca. Sabab oca’ pasera, gi’ ta’ epanggi ja’ patot ehormat.

• Senjangnga Ebu bannya’ se leres. Ba’ saponapa argana senjang samangken?

Senjangnga Ebu lerres, Ebu patot ehormat. Argana senjang sala, se lerres argana samper, sabab tamaso’ gi’ umom.

Talektegi okara e baba ka’dhinto, lerres ponapa sala

• E compo’ ce’ bannya’na tekossa. Ta’ kengeng nyaba’ pa-ponapa maste eteddha. Dandanan eteddha jugan.

eteddha tekos lerres, sabab teddha basa tengnga’an. Oca’ teddha banne gadhuwan arte ngormat ka tekos, nangeng kaangguy ngormat ka oreng se ekasareng acaca.

​

• Guru abadhi jawabba settong petanya. Moret epakon abadhi okara petanya.

Guru abadhi lerres, sabab abadhi tamaso’ basa tengnga’an se tadha’ basa tenggina. Moret abadhi lerres sabab kaangguy oreng se patot ehormat akadi guru. Basa tengnga’an gapaneka epadaddi basa tenggi.

C. Ca’-oca’ se Badha Basana

soca (BT) bakta (BT)

mata giba

kalamon/mon/lamon

tengal (B) bakta (B)

saengga/manabi (B/BT)

Oca’ menangka, manabi, abakta basa tengnga’an se eangguy menangka basa tenggi.

Sadaja pangangguyya soko basaepon: teteyan, akadi: sapatu, sandhal, sellop, tarompa, pakca’/pacca’

Basa Tengnga’an

Basa Andhap

Basa Tenggi

gellung

jamo kalambi kalong kameja

kaca karabu katedhungan

kerres

gellung jamo kalambi kalong kameja kaca karabu

katedhungan kerres

okel lolo rasogan

sangsang rasogan kameja

pangoladan, pangelon sengkang

pasareyan, pasarenan abinan

Basa Tengnga’an

Basa Andhap

Basa Tenggi

kembang koburan kotang mayyit menangan odheng pajung paesan pereng

kembang koburan kotang mayyit menangan odheng pajung paesan pereng

sekkar pasareyan, asta rasogan kotang la’jun

aloran sengel songsong panyekkaran

lantaran (ambeng:Bkl, Pmk)

Basa Tengnga’an

Basa Andhap

Basa Tenggi

soroy sello’ tasmak tongket

soroy sello’ tasmak tongket

serrat sesser pangoladan

jungkat (tekken: Bkl, Pmk

Conto angguyannepon mabi basa EI, EE, sareng EB

Oca’ bengko

Basa andhap Basa tengnga’an Basa tenggi

: bengko

: compo’

: dalem

Basa Enja’-iya (EI):

1. E dhimma bengkona ba’na?
2. Bila ba’na entara ka tang bengko?
3. Jareya bengkona tang kanca, dalemma Agung se mor-temor.

Conto angguyannepon mabi basa EI, EE, sareng EB

Basa Enggi-enten (EE):

1. Bengkona dika sanonto ce’ bagussa.
2. Bengko bula semma’ bi’ masegit.
3. Arowa bengkona sera?

​

Basa Enggi-bunten (EB):

1. Compo’ kaula dhep-adhebban sareng compo’na ale’.
2. Dalemmepon panjennengngan samangken e ka’dhimma?
3. Samangken e ka’dhiya bannya’ compo’ anyar.
4. E antarana compo’ se bannya’ ka’ dhissa, se ra’-bara’ kadibi’ dalemma Pa’ Bupati.
5. Ale’ kaula penter abadhi ko-bengkowan.

D. Ca’-oca’ bagiyannepon badan se badha basana

Conto angguyannepon mabi basa EI, EE, sareng EB

Oca’ mata

Basa andhap Basa tengnga’an Basa tenggi

: mata

: tengal

: soca

1. Tang mata jareppen, jajal serrobbagi. (EI)
2. Anape matana dika ma’ mera? (EE)
3. Tengal kaula jareppen, ta’ langkong serrobbagi. (EB)
4. Aponapa socaepon panjennengngan ma’ mera? (EB)

E. Basaepon Ca’-oca’ Panggabayan

1. Se badha Basa Tengnga’anna sareng Basa Tenggina

Basa Andhap

Basa Tengnga’an

Basa Tenggi

atae

sake’ mate

tao endha’, soka’ ngandhung kalengnger

melle

acemmer, akopadhang, akaberradan anglo, nganglo adinggal dunnya oneng

poron baberra’ ta’ emot ngobange

atenja

songkan seda ngagali kasokan bubut kasembet mondhut

2. Se Tadha’ Basa Tengnga’anna

Basa Andhap/Basa Tengnga’an Basa Tenggi

ajalan alomampa ngenep kelem

entar meyos, alonggu toju’ alonggu

ngennengnge, ngenggune ngalongguwi gigir, seddi, anapso, ngombang duka, bendhu

ngala’ mondhut akacamata, atasmak apangoladan

kalowar mejil maso’ malebbet rembi’ babar

Basa Andhap/Basa Tengnga’an

Basa Tenggi

mangkat meyos amempe asopenna

aoseng, amero’ asesse

mandhi aseram apapar agukser apowasa aseyam

mekker, mekkere anggali, ngagali

amena mocang

araop adhamo, atekkas asompa asopata

nyoro makon, ngonkon, akonkonan

Basa Andhap/Basa Tengnga’an

Basa Tenggi

asambajang asalat

nampane, narema amondi (nampane dhari

oreng se atenggiyan) atolo akaramas

nompa’ nete’e, netene neggu’ ngastane nyeyom ngambung acokor aparas

acopa aedu nanges molar

apello akarenget

Conto angguyannepon

Oca’: ajalan, alomampa

• Kaula manabi ka kantor ajalan bisaos.
• Kaula nengale ale’ ajalan e trotoar.
• Ngereng alomampa bisaos, sakejja’ ampon tanduk.
• Ale’ nengale bapa’ Bupati alomampa e lon-alon.
• Pasera se ajalan e lorong ka’dhissa?

3. Se Tadha’ Basa Tenggina

Conto angguyannepon

Oca’: agiba, abakta

• Maddha bula se agiba’a ettas neko.
• Neko bai mon egiba’a dika.
• Diggal Bu, badan kaula se abakta’a.
• Panjennengngan ta’ mabi abakta dibi’.
• Ale’ gella’ ta’ abakta buku ka sakola’an.
• Serrena ojana, bannya’ oreng abakta pajung.
• Rama abakta songong jugan
• Pasera se abakta sapedhana ale’, Nom?

4. Se Gadhuwan Basa Tenggi Dhumacem

Conto angguyannepon

Oca’: mator, adhabu

Nojju dha’ se attasan: mator

• Badan kaula ampon mator dha’ rama.
• Ponapa se ekasokane panjennengngan, sae dhabuwagi bisaos.
• Dhari parkara argaepon, abdina ta’ oneng se matora, nyara kadiponapa dhabuwepon agung bisaos.

Conto angguyannepon

Oca’: acabis, alonggu

Nojju dha’ se attasan: acabis

• Badan kaula acabis ka agung parlo abakte.
• Rama sareng ebu ecabisi kan-ponakanna.

​

Nojju dha’ se baba’an: alonggu

• Emba gella’ alonggu dha’ compo’epon ale’.
• Ba’ari’ panjennengngan ca’epon alonggu ka compo’.

Conto angguyannepon

Oca’: ngatore, apareng

Nojju dha’ se attasan: ngatore

• Kaka’ ba’ari’ ngatore rasogan dha’ emba.
• Anom enggal ngatore serrat dha’ rama.

​

Nojju dha’ se baba’an: apareng

• Pa’ Camat apareng petodu dha’ ponggabana.
• Bilaepon panjennengngan se apareng oneng dha’ badan kaula?

5. Basaepon Oca’ Tamba’an

Basa Tenggi

Basa Andhap Basa Tengnga’an

dallu, dillu dhimen, dhingen gallu, gillu dhimen, dhingen kene’ dallu kene’ dhimen

adalluwi adhimene

dina diggal, dinggal, mendel nan-dinan dadinggalan

kabbi sadaja kangse, kongse, sampe’ kantos

kare kadinggalan

kare sapolo kadinggalan sapolo kantha kadi

Basa Tenggi

Basa Andhap Basa Tengnga’an

akantha akadi

keya juga, jugan koddi’, cacak mangken

kebbat, duli enggal kenneng kengeng

ta’ kenneng enja’ ta’ kengeng bunten ngennenge ngengenge

laggi’, gi’ salaggi’

gi’ agabay salaggi’ abadhi lakar mela

lamba’ dhimen, dhingen

Basa Tenggi

Basa Andhap Basa Tengnga’an

lamon, kalamon, mon saengga, sanengga, manabi

lebbi langkong lekkas enggal

mara, maju nyara, tore, dabek mara, kantha kadi, akadi

mare lastare, salesse molae ngabidi

neng, coma namong onggu, ongguwan esto

saongguna saestona ongguwagi ngestowagi

Basa Tenggi

Basa Andhap Basa Tengnga’an

padha same; cara basoke, daddi ta’ parlo eangguy

pantes, patot sae pola, ame’ manabi

seggut, gasek serreng

sanajjan sanare, sanaos, someleya tape nangeng

ngangguy mabi

ta’ ngangguy, ta’ osa, ta’ mabi

ta’ kadik

Conto angguyannepon

Oca’: kengeng

• Kaula ta’ kengeng neddha juko’ tase’.
• Rama ta’ kengeng adha’ar dhes-peddhes.

​

Oca’: nyara, tore

• Nyara mondhut dha’ar.
• Tore manabi meyosa.

​

Oca’: mabi

• Mabi basa tenggi.
• Ta’ mabi nyare.