Ikusmena

Begia ikusmenaren organoa da

Begia

Ikusmenari esker, inguruko gauzen formak, koloreak eta tamainak hauteman ditzakegu.

Begiari begi-globoa ere baderitzo, biribila delako.

Irisak disko itxura du. Irisaren erdian zulo bat dago: begi-ninia.

Aulki bat ikusten dugunean, esaterako, honako hau gertatzen da:

1. Argia begi-ninitik sartzen da.
2. Irisak begi-ninitik sartzen den argia erregulatzen du: argi handia dagoenean, itxi egiten da; argi eskasa dagoenean, berriz, ireki egiten da.
3. Kristalinoak irudia fokatzen du, eta erretinan proiektatzen da. Horrelaxe ikus dezakegu aulkia.
4. Ikusmen-nerbioaren bidez, informazioa garunera iristen da eta honek interpretatu ondoren, ikusi egiten dugu.

Begiak nola funtzionatzen duen:

Begiak, oso organo delikatuak direnez, babestu egin behar dira.

Betazalek begiak babesten dituzte airean dagoen hautsetik.

Betileek ere ez diete uzten gauza txikiei begira sartzen.

Bekainek bekokiko izerdia desbideratzen dute.