Il-Ħamis
tat-Tieni Ġimgħa
tal-Avvent
Qari mill-Ktieb tal-
Profeta Iżaija
Iż 41, 13-20
Jiena l-Mulej, Alla tiegħek, inwieżnek minn idek
il-leminija, u ngħidlek:
‘Tibżax, jiena l-għajnuna tiegħek.’
Tibżax, Ġakobb, daqsxejn
ta’ dudu fl-art, intom,
bnedmin ta’ Iżrael!
Jiena l-għajnuna tiegħek
oraklu tal-Mulej -,
il-feddej tiegħek, il-Qaddis ta’ Iżrael! Arani! Jien nagħmel minnek romblu tad-dris ġdid, jaqta’ u kollu snien.
Int tidres il-muntanji u tfarrakhom, u l-għoljiet tagħmilhom tlief; int idderihom u r-riħ iġorrhom, u r-riefnu jxerridhom.
Imbagħad int tifraħ
fil-Mulej, u tiftaħar
bil-Qaddis ta’ Iżrael.
Il-foqra u l-imsejknin ifittxu l-ilma u ma jsibux! Ilsiehom niexef bil-għatx.
Jiena, il-Mulej, nismagħhom, Jiena, Alla ta’ Iżrael, ma ninsihomx.
Xmajjar ta’ ilma nfawwar fuq l-għoljiet għerja,
u għejun f’nofs il-widien. Nibdel id-deżert f’għadira
ilma, u l-art niexfa f’għejun ta’ ilma.
Inxettel iċ-ċedri fid-deżert, il-gazzi, u r-riħan, u s-siġar taż-żebbuġ; intella’ ċ-ċipress
fix-xagħri, u magħhom
id-dolf u l-bux;
biex hekk jaraw u jagħrfu jaħsbu u jifhmu wkoll, li id
il-Mulej għamlet dan, u
l-Qaddis ta’ Iżrael ħalqu.
Il-Kelma tal-Mulej
R:/ Irroddu ħajr lil Alla
R:/ Il-Mulej
twajjeb u ħanin
Salm Responorjali
Ħa nkabbrek, �Alla tiegħi, sultan, �u nbierek ismek �għal dejjem ta’ dejjem.
Twajjeb ma’ kulħadd �il-Mulej, �tjubitu fuq kulma �għamel.
R:/ Il-Mulej
twajjeb u ħanin
Kulma għamilt �iroddlok ħajr, Mulej; �iberkuk il-ħbieb tiegħek kollha.�
Is-sebħ tas-saltna �tiegħek ixandru, �fuq is-setgħa tiegħek jitkellmu.
R:/ Il-Mulej
twajjeb u ħanin
Biex jgħarrfu lill-bniedem �il-qawwa tiegħek, �u s-sebħ u l-ġmiel �tas-saltna tiegħek.
Saltnatek hi saltna �għaż-żminijiet kollha, �minn nisel għal nisel �il-ħakma tiegħek.
R:/ Il-Mulej
twajjeb u ħanin
Hallelujah, Hallelujah
Qattru, smewwiet,
mill-għoli, u jraxxax
is-sħab il-ġustizzja;
tinfetaħ l-art u tinbet
is-salvazzjoni.
Hallelujah, Hallelujah
Qari mill-Evanġelju skont
San Mattew
Mt 11, 11-15
R:/ Glorja lilek Mulej
F’dak iż-żmien, Ġesù
qal lill-folla:
“Tassew, ngħidilkom,
li fost ulied in-nisa ħadd
ma qam akbar minn Ġwanni l-Battista.
U b’danakollu l-iżgħar wieħed fis-Saltna
tas-Smewwiet hu akbar minnu.
Minn żmien Ġwanni
l-Battista sal-lum
is-Saltna tas-Smewwiet
il-bniedem qegħdin
jitħabtu bis-sħiħ għaliha,
u dawk li jitħabtu bis-sħiħ jaħtfuha. Għax il-Profeti kollha, u wkoll il-Liġi, ħabbru sa żmien Ġwanni, u, jekk tridu temmnuni,
dan hu Elija li għandu jiġi.
Min għandu widnejn
ħa jisma’!”
Il-Kelma tal-Mulej
R:/ Tifħir lilek Kristu
Il-Ħamis
tat-Tieni Ġimgħa
tal-Avvent