1.

O Kesah Si Badia,

pegara min apiNdu,

Bas pusuh kami k’rina,

si ‘nggo dat pendiloNdu.

2.

Talangi pinggel kami,

terangi pusuh kami,

Petetap ukur kami,

ngaloken pendiloNdu

3.

SuruhNdu kami k’rina,

peseh ku tampuk doni,

KataNdu si meherga,

gelah Kam ermulia

1.

Nusur min o Kesah Tuhan

Bengket ku pusuh e

Maka Kata si ni suan

Turah ras erbuah pe

Kam ibas Dibata nari

Kepkeplah ukur ku min

Pasu-pasu pendahin

Maka aku genduari

Ndaram tuah si tetap

Alu ate si telap

2.

Kam benana kegeluhen

Si mahanca ukur t’rang

Kam si jadi persuruhen

‘Lah K’rajanNdu ‘nggo menang

Maka perpulungen kari

Tutus ngikut Yesus kap

Janah Ia ’mpeserap

Ibas dosa doni nari

Jadi dungna me bage

Bagi Kam badia pe

3.

T’rang Badia ras Penuduh

Dalin kegeluhen e

Ajar kami maka mubuh

Kami arah Kam kepe

‘Lah ersada ras Dibata

Maka aku tutus e

Rembak min ras Kristus pe

Seh me dungna lanai lata

Haleluya ‘lah pujin

Asa lalap baNdu min

Lit.

Dibata Bapanta si Mulia, enggo reh i bas Kesah Si Badia guna nampati manusia.

Perp.

Ngaku aku Tuhan, megati lenga kusikapken pusuh ukurku, jadi ingan KesahNdu Si Badia ngkuasai kegeluhenku.

Lit.

Kesah Si Badia, eme penampat si mereken gegeh ras kepentaren si ipadanken Dibata man banta

Perp.

Ngaku aku Tuhan, megati aku lupa, maka enggo ibereNdu Kesah Si Badia jadi Penampat man bangku. Seh maka megati bene ukurku i bas ngalaken perbeben, lepak aku i bas encibalken diri nandangi temanku manusia.

Lit.

“bage me pe Kesah Dibata reh nampati kita, kita si kote enda. Sabab la si eteh kuga arusna kita ertoto; Kesah e me ertoto kerna kita man Dibata alu kelsehen si la terbelasken. Dibata si ngidah pusuh peraten manusia, meteh kai sura-sura Kesah; sabab Kesah e mindo man Dibata guna anak-anak Dibata, janah sue ras peraten Dibata.”

Dil.

¹⁴Daud i bas istana Saul

Saul nggo itadingken Kesah TUHAN, janah isuruh TUHAN kesah si jahat nakiti ia.

Dib.

¹⁵Nina suruh-suruhenna man bana, "Ieteh kami maka kesah si jahat si isuruh Dibata sangana nakiti kam.

Dil.

¹⁶Emaka o Raja, perentahkenndulah man kami suruh-suruhenndu enda, gelah idarami kami kalak sibeluh ngkuit kulcapi. Adi reh kenca kesah si jahat e banci ikuitna minter kulcapina, maka malem ka akapndu mulihken."

Dib.

¹⁷...

Dil.

¹⁶....

Dib.

¹⁷Iperentahken Saul man bana kerina, "Darami man bangku kalak si beluh ngkuit kulcapi jenari baba ngadap aku."

Dil.

¹⁸Sekalak i bas suruh-suruhenna nari ngerana nina, "Isai i Betlehem nari, lit sekalak anakna si beluh kal ngkuit kulcapi. Ia pe sekalak si mbisa janah mejile rupana, ngasup erperang, janah seh kal beluhna ngerana, TUHAN ras ia.”

Dib.

¹⁹...

Dil.

¹⁸...

Dib.

¹⁹Emaka isuruh Saul piga-piga kalak persuruhen ndahi Isai guna nehken katana nina, "Suruhlah Daud anakndu si ermakan biri-biri ndahi aku."

Dil.

²⁰Isuruh Isai minter Daud ndahi Saul; isuruhna pe Daud maba sada kambing nguda, sada kalde guna maba roti, ras sada guci si ibahan i bas kuling-kuling nari, dem isin lau anggur.

Dib.

²¹...

Dil.

²⁰...

Dib.

²¹Reh Daud ndahi Saul janah jadi me ia sekalak suruh-suruhenna. Seh kal ate Saul ngenana man bana, emaka ipilihna Daud jadi si nganting senjatana.

Dil.

²²Kenca bage itenahken Saul berita man Isai nina, "Ngena ateku Daud, emaka pelepas ia tading i jenda jadi suruh-suruhenku."

Dib.

²³Mulai jenari, adi reh kenca kesah si jahat si isuruh Dibata ndahi Saul, minter ibuat Daud kulcapi jenari ikuitna. E maka lawes kesah si jahat e ernahangna akapna, janah malem ia mulihken.

Lit.

​

:

Ketuahen kalak si megiken Kata Dibata, dingen simakekenca ibas geluhna si tep-tep wari, Haleluya.

Perp.

:

(iendeken)

Ha le lu ya, Ha le lu ya, Ha le lu … ya.

1.

Pemere Kesah Si Badia

O, senina-senina, la ateku la ietehndu kerna pemere-pemere si rehna i bas Kesah Si Badia nari.

2.

Ietehndu maka asum kam perbegu denga, tah kuga gia deba carana, tapi si e kerina mabai kam gelah papak maka nembah man berhala-berhala si pekak.

3.

Arus ietehndu maka labo lit ise pe si ngataken, "Kena sumpahlah Jesus," adi alu penjemba Kesah Dibata. Bage pe labo lit kalak si ngasup ngakuken, "Jesus Tuhan kap," adi la alu penjemba Kesah Si Badia.

4.

Erbage-bage pemere Kesah, tapi sada nge Kesah si merekenca e.

5.

Erbage-bage dahin guna mereken penampat, tapi sada nge Tuhan si mada dahin e.

6.

Erbage-bage dahin si man dahin, tapi sada nge Dibata si mada dahin e, eme si mereken kengasupen man kerina kalak guna ndahiken dahinna si khusus.

7.

Guna kerinana nge maka man banta sekalak-sekalak ibereken pemere si ncidahken maka Kesah erdahin kap.

8.

Kesah e mereken man sekalak jelma sada berita si mbages pengertinna, sedangken man kalak si deban Kesah si sada e ka mereken berita si dem alu pemeteh.

9.

Kesah e ka nge si mereken kiniteken man kalak si deban, janah man kalak si deban ka pemere si khusus guna pepalem kalak si penakiten.

10.

Man kalak si deban ibereken Kesah e kengasupen guna ngelakoken perbahanen si ngelebihi kuasa manusia; man si debanna ernubuat; janah man si debanna IberekenNa kengasupen guna meteh ntah kin sada-sada pemere i bas Kesah Si Badia nari ntah lang. ...

10.

.... Man kalak si deban IberekenNa kengasupen ngerana i bas erbage-bage cakap, janah man si debanna ka IberekenNa kengasupen guna nuriken antusen cakap Kesah e.

11.

Tapi kerina si enda, Kesah si sada e nge ndahikenca kerinana. Man sekalak-sekalak IberekenNa pemere si pelain-lain rikutken sura-sura Kesah e.

Lit.

:

“Ngataken bujur e me persembahen si mpehagaken Aku janah si patuh ngikutken Aku tentu Kukelini”

(Masmur 50:23)

1.

Ermengkah ukurku, ras ngataken bujur Tuhan

Kelengi min aku, Kam empu geluhku

Enda ngenca Tuhan persembahenku

Kerina geluhku kesah ras tendingku

La kap lit bas aku erta kebayaken

Si cukup meherga ‘lah ku persembahken

Sada ngenca Tuhan lit pemindonku

Aloken min Tuhan persembahenku

Pakeken geluhku jadi perkakasNdu

Segedang geluhku

Lit.

Enggo isehken Tuhan padanNa mereken Kesah Si Badia guna nampati ras ngajari anak-anakNa

Perp.

Erpadan aku O Tuhan, mereken pusuh ukurku jadi ingan Kesah Si Badia ngajari ras nampati aku.

Lit.

Kesah Si Badia eme Dibata si reh ringan i bas kegeluhenndu

Perp.

Erpadan aku Tuhan, tetap nginget Kam si ngiani diringku arah KesahNdu Si Badia. Kam me penampatku si mpengasup aku ngalaken kerina perbeben geluhku.

1.

Perpulungen ersadalah,

Ngikutken PedahNa.

Bas kiniteken tetaplah,

Man Tuhan Dibata.

Bas si mehuli ayaklah,

Sisampat-sampaten.

Bage kap pedah Dibata,

Sikeleng-kelengen.

5.

Kerina daten pemere,

Dat pasu-pasu pe.

Mejingkat k’rina min dage,

Ndahiken dahin e.

Meteruk ukur k’rinalah,

Em pedah Tuhan e.

Em jadi man ikutenlah,

Ibas kelengNa e.

​

“Dibata, Si Mada Perkuah Ate, si enggo nenahken kam ku kemulianNa si rasa lalap i bas Kristus, njadiken kam serta, tetap, megegeh dingen paguh. IA nge si mada kuasa seh rasa lalap”. Amin

​

Perp. : A....min, A.......min, A......min

​