“БІР ҚАДАМ БІРГЕ”

​

Мектебімізде ерекше білім беруді қажет ететін оқушылар жалпы білім беру үдерісіне енгізіліп, олар сыныпта да, инклюзияны қолдау кабинетінде де жүйелі қолдау алады. Әлеуметтендіру жұмыстары жүргізілгенімен, оқушылар арасындағы өзара әрекет пен шынайы қарым-қатынас деңгейі әлі де жеткіліксіз болып отыр.

Осыған байланысты мектеп инклюзивті білім берудің келесі даму кезеңіне өтуді көздейді, оның мазмұны білім алушылардың бірлескен оқуымен шектелмей, қабылдау, өзара қолдау және әлеуметтік бірлікке, серіктестікке негізделген инклюзивті тәрбиелік ортаны қалыптастыруға бағытталады.

​

КІРІСПЕ

Мектепте ЕББҚ бар балалар мен олардың құрдастары арасында қабылдау, құрмет және өзара көмектесу мәдениетін қалыптастыру, сенімді қарым-қатынас орнату және серіктестікті нығайту.

Міндеттер:

​

• ЕББҚ бар және нормотипті оқушылар арасындағы әлеуметтік өзара қарым-қатынас деңгейін диагностикалау.
• Инклюзивті сыныпта қабылдау мен серіктестікке негізделген «Бір қадам бірге», “Бірге оқимыз - бірге өсеміз” моделдерін енгізу және апробациялау.
• Жүргізілген жұмыстың нәтижелілігін қайта диагностика, талдау және салыстырмалы бағалау арқылы анықтау.

​

МАҚСАТЫ:

ЖҰМЫС БАҒЫТЫ:

I кезең 1 апта

• ЕББҚ бар оқушылардың қарым-қатынас дағдыларын қалыптастыру мақсатында жүргізілетін бастапқы диагностика

І кезеңде бастапқы диагностика инклюзияны қолдау кабинетінің психологтері мен педагог-ассистенттері тарапынан анкеталау және бақылау әдістері арқылы жүргізіледі. Алынған нәтижелер негізінде алғашқы апталарда ЕББҚ бар оқушыларға әлеуметтік тұрғыдан бейім, қарым-қатынасқа ашық және жанашыр сыныптастарынан жұптар іріктеледі. Кейін сынып жетекшісімен бірлесіп, жұптар апробация кезеңінің соңына дейін бекітіледі. Жұптық жұмысқа сыныптағы әрбір оқушының қатысуы қамтамасыз етіледі.

​

II кезең 2-15 апта

1. Тәжірибие алмасу

Педагог-ассистенттер арасында мастер-класс,арт - терапия өткізу

2. “Ешкім шет қалмасын”

Инклюзия туралы сынып сағаты сынып жетекшілер мен пед-ассистенттер бірлесіп өткізеді

3. Жеке жоспар бойынша жұмыс

“Бір қадам бірге”, “Бірге оқимыз - бірге өсеміз “ аясында оқушылар тұрақты жұптарда жұмыс істеп, апта сайын жұптары ауыстырылып, тапсырмаларды бірге орындайды.

4. Топтық жұмыс

(көңілді үзілістер, шығармашылық топтық жұмыстар, спорттық эстафеталар, сыныптан тыс іс-шаралар, т.б.)

III кезең 16 апта

• Қайта диагностика
• Талдау
• Сараптама жасау

​

4 ЖӘНЕ 7-СЫНЫПТАРДЫҢ БАСТАПҚЫ ДИАГНОСТИКАЛАУ НӘТИЖЕЛЕРІ

​

“ЕШКІМ ШЕТ ҚАЛМАСЫН” - ИНКЛЮЗИЯ ТУРАЛЫ ТӘРБИЕ САҒАТЫ, АРТ-ТЕРАПИЯ

​

• ЕББҚ бар оқушылармен жұптасуға дайын балалар саны артады.
• Сыныпта «бөлек» пен «біз» арасындағы шекара әлсірейді.
• ЕББҚ бар оқушылардың сенімділігі артады.
• Қарапайым академиялық дағдылар қалыптасады.
• Инклюзияға қолайлы әлеуметтік ортаны нығайту.

​

КҮТІЛЕТІН НӘТИЖЕЛЕР

​