Maria Ruby De Vera Cas
Pasong Buaya II E/S
Imus City, Cavite
Aralin 14
PANGKALIGTASAN AT PANGKALUSUGANG PANUNTUNAN SA PAGGAWA
Industrial Arts
Layunin
2. Nakasusunod sa mga panuntunang pangkaligtasan at pangkalusugan habang gumagawa
3. Naisaalang-alang ang mga panuntunang pangkaligtasan at pangkalusugan sa paggawa
Ano-ano ang mga panuntunang pangkaligtasan at pangkalusugan na dapat sundin sa paggawa?
Bakit kailangang maging maingat sa paggawa?
Bakit mahalagang sundin ang mga panuntunang ito habang gumagawa?
Panimulang Pagtatasa
Alamin
Natin
Ano-anong kagamitan at kasangkapan ang nagamit mo na sa paggawa ng iyong proyekto?
Paano mo ginamit ang mga ito?
Nagawa mo ba nang maayos ang iyong proyekto?
Alamin
Natin
“
“Panuntunan ay sundin, kaligtasan ay kamtin”
-Mae Roson
Alamin
Natin
Linangin
Natin
Ang pagsasagawa ng iba’t ibang proyekto ay isang gawaing kawili-wili, nakalilibang, at higit sa lahat ay kapaki-pakinabang na gawain lalo na kung isasaalang-alang ang pagsunod sa mga tuntuning pangkaligtasan at pangkalusugan habang gumagawa.
Ang mga sumusunod ay ilang tuntunin at paunawa na dapat mong sundin upang maiwasan ang anumang kapahamakan at hindi magandang insidente habang gumagawa. Gawin mong gabay ang mga ito sa lahat ng pagkakataon.
Linangin
Natin
1. Maglaan ng lugar, kahon o kabinet para sa mga kasangkapan at kagamitan sa paggawa. Iayos ang mga ito sa uri at gamit upang mapadali ang pagkuha at pagbabalik sa mga ito.
2. Gamitin nang buong ingat ang mga de-koryenteng kasangkapan at kagamitang matalim at matatalas.
Linangin
Natin
3. Siguraduhing nasa maayos na kondisyon ang mga kasangkapang gagamitin. Iwasan ang paggamit ng mga kagamitang kinakalawang, mapurol, maluwag ang turnilyo o kaya’y may sirang bahagi.
4. Ibigay ang buong atensiyon sa ginagawa. Huwag makipaglaro o makipag-usap habang humahawak ng mga kagamitan at kasangkapan.
Linangin
Natin
5. Basahin ang mga tagubilin sa paggamit ng mga kasangkapang de-koryente bago gamitin ang mga ito. Makabubuting gamitin ang mga kasangkapang ito sa patnubay ng guro o ng mga nakatatanda.
6. Maglagay ng panakip sa mata, ilong o bibig kung gagamit ng mga kasangkapan tulad ng welding machine, lathe machine, mga kemikal, at ibang makapipinsala sa katawan.
Linangin
Natin
7. Gumamit ng damit pantrabaho tulad ng apron at hairnet, at magpalit kaagad ng kasuotan matapos gumawa..
8. Maghugas na mabuti ng kamay bago at pagkatapos gumawa..
B. Basahin at isagawa.
Bumuo ng mga pangkaligtasan at pangkalusugang panuntunan sa paggawa na dapat sundin. Ayusin ang mga kasangkapan sa sining pang-industriya ayon sa panuntunang iyong nabuo.
Tandaan
Natin
Ang mga panuntunang pangkaligtasan at pangkalusugan ay dapat sundin habang gumagawa upang maiwasan ang anumang kapahamakan o disgrasya.
Gawin
Natin
Lagyan ng tsek ang patlang kung dapat gawin at ekis kung hindi dapat.
_____1. Gumamit ng kasangkapang angkop sa bawat gawain.
_____2. Ilagay sa bulsa ang mga kagamitan at kasangkapang matutulis.
_____3. Ingatan ang paggamit ng matalas na kagamitan at kasangkapan.
_____4. Makipaglaro habang gumagawa.
_____5. Maghintay ng pagkakataon sa paggamit ng kasangkapan kapag ito’y kulang.
Pagyamanin
Natin
Gumawa ng islogan tungkol sa mga dapat tandaan upang maging ligtas sa anumang gawaing isinasakatuparan. Isulat ito sa ibaba.