1.

Pesikaplah ukurta

Adi ndahi Dibata

Ukur si serbut, Si lit bas ‘bas kita

Endeskenlah man baNa

​

Reff. Ban Ia si mereken pengadin

Makana kita dorek min terkelin

‘Di Yesuslah si bahan Temanta

E tentu malem kel ateta

2.

Pesalanglah pusuhta

Adi nembah man baNa

Pusuh si gulut, si ndongkelisa

Totokenlah ku Ia

​

Reff. Ban Ia si mereken pengadin

Makana kita dorek min terkelin

‘Di Yesuslah si bahan Temanta

E tentu malem kel ateta

1.

O, Tuhan Yesus

Si nggemgemi k’rina

Kam bas Bapa nari e

Kam kukelengi

Kam me kupuji

Kam me o, Yesus Tuhan e

2.

K’rangen mehuli

Juma pe mehuli

Si meratah-ratah e

Ulin me Yesus

Mulian pe Yesus

Siperiah ukurta e

5.

Yesus Tuhanku

Demi min ukurku

Kam me penundalennku

Sanga ‘ku nggeluh

‘Ntah aku mate

Kam empuna tendingku e

Lit.

:

Tuhan Dibata kap si mada kegeluhen subuk i doni bage pe i surga

Perp.

:

Terpujilah Kam Tuhan. Kam kap si mada kegeluhen.

Lit.

:

Dibata kap pengarapen, si jadi jaminen keselamaten man kerina manusia.

Perp.

:

Ipuji kami Kam Tuhan, erkiteken Kam enggo mereken keselamaten man kami.

Lit.

:

Padan Dibata tetap kap tahan seh rasa lalap.

Perp.

:

Ipuji kami Kam Tuhan, padanNdu maba ketenengen ku bas pusuh ras ukur kami.

1.

Kerina anak Tuhan pujilah IA

Kerina anak Tuhan pujilah gelarNa

Kerina bangsa-bangsa,

Pujilah Tuhan

Kerina bangsa-bangsa,

Pujilah gelarNa.

Lit.

:

Mari dage bengket kita ku bas paksa teneng ngakuken man Tuhan kerna pengarapenta si megati kote nandangi kejuah-juahen dingen keselamaten si enggo isikapken Dibata.

Lit.

:

Dibata enggo erpadan reh ku doni enda guna ncidahken kemulianNa man kita manusia. kerehenNa e maba dame ras keselamaten man manusia. Kai ndia sibahan tanda ketutusen ateta i bas nimai kerehen Jesus peduakaliken?

Perp.

​

…

Perp.

:

O Tuhan, ngaku kami, megati denga kote kiniteken ras pengarapen kami. Buen denga kebiaren doni ngaturken perukuren kami, asangken padanNdu si jadi pengarapen kami. O Tuhan, pegegehilah kami.

1.

Kam Yesus Tuhanku palas kegeluhenku

Reh aku ngadap man baNdu

Tegulah min aku ibas ndalani geluhku

‘Lah ula celus nahengku

Reff. Dengkehken sorangku erlebuh o Tuhan

Ngendesken pingko-pingkoku

Alemi min salah dosangku o Tuhan

‘Lah atan bas kiniulin

2.

Kam Yesus Tuhanku, sampati min geluhku

Alemi Tuhan dosangku

La kap lit terligen ibas adep-adepenNdu

Kerina salah lepakku

Reff. Dengkehken sorangku erlebuh o Tuhan

Ngendesken pingko-pingkoku

Alemi min salah dosangku o Tuhan

‘Lah atan bas kiniulin

Lit.

“Dage, tutus dingen saberlah kam nimai kerehen Tuhan. Nehenlah sekalak perjuma kuga ia tutus dingen saber nimai seh jumana mereken ulih si erguna. Saber ia nimai udan si reh nandangi merdang ras udan si reh kenca rumpah page. Tetap min kam erpengarapen, sabab wari kerehen Tuhan seh me.”

Dil.

:

¹⁰Itenahken TUHAN ka sada nari berita man Ahas nina,

Dib.

​

:

¹¹"Pindolah tanda man TUHAN, Dibatandu, tanda e banci i bas ingan si mbages nari eme kematen, tah pe i bas ingan si meganjang i Surga nari."

Dil.

:

¹²Ngaloi Ahas nina, "La aku nggit mindo tanda. La ateku ncubai TUHAN."

Dib.

​

:

¹³Megi si e nina Jesaya njabapsa, "Genduari begikenlah o kesusuren Raja Daud. Kesabaren manusia nggo keri ibahanndu; la kin akapndu bias e, maka kesabaren Dibata pe ikerikenndu ka atendu?

Dil.

:

¹⁴Dage TUHAN genduari mereken tanda man bandu eme: Mehuli me pagi kula sekalak singuda-nguda jenari ipupusna me sekalak anak dilaki janah ibahanna gelarna ‘Imanuel’.

Dib.

​

:

¹⁵Kenca nggo pagi dem belinna, dingen ngasup ia erbahan keputusen jine, i je me pagi bangsa enda minem susu ras man tengguli.

Lit.

​

:

Ketuahen kalak si megiken Kata Dibata, dingen simakekenca ibas geluhna si teptep wari, Maranatha.

Perp.

:

(iendeken)

Ma ra na tha, Ma ra na tha, Ma ra na … tha.

1.

Surat enda rehna i bas aku nari, Paulus. Aku me suruh-suruhen Kristus Jesus, rasul si nggo ipilih dingen iserapken Dibata guna meritaken Berita Si Mehuli si reh i bas Dibata nari.

2.

Berita Si Mehuli e ipadanken Dibata nai-nai arah nabi-NabiNa janah nggo isuratken i bas Pustaka Si Badia.

3.

Berita e kerna AnakNa, Tuhanta Jesus Kristus: Ia manusia, Ia tubuh arah kesusuren Daud.

4.

Janah erdandanken Kesah Si Badia tangkas maka Ia Anak Dibata si erkuasa. Enda teridah arah KekekenNa i bas si mate nari.

5.

Arah Ia, dingen i bas GelarNa me Dibata mereken hak istimewa man kami, gelah ibabai kami kerina bangsa maka tek dingen patuh man Kristus.

6.

Ikut pe kam kerina si ringan i Roma, si nggo ipilih Dibata jadi sikerajangen Jesus Kristus.

7.

Emaka o kam kerina si ringan i Roma si ikelengi Dibata dingen si nggo IpilihNa jadi anak-AnakNa: Dibata Bapanta ras Tuhan Jesus Kristuslah mereken lias AteNa man bandu janah malem atendu IbahanNa.

Lit.

:

“O senina-seninangku, nginget perkuah ate Dibata si mbelin si isehkenNa man banta, kupindo man bandu: endeskenlah kulandu man Dibata saja selaku persembahen si nggeluh rikutken si ngena ateNa. Sabab bage arusna kam ersembah man Dibata sue ras biakndu selaku mahluk si rukur.” (Roma 12 : 1)

1.

Asa gegeh ras kengasupen,

Kami nehken persembahen.

Endesken kami baNdu Tuhan,

Alu dem keriahen.

Reff: Ajari kami ngergaken,

talenta ras kiniliten.

Arah ukur ras perbahanen,

Tuhan ipermuliaken

2.

Mbue tuhu kami aloken,

Pasu-pasuNdu O Tuhan.

kelengNdu i gejapken kami,

Kam kap si negu kami.

Reff: Ajari kami ngergaken,

talenta ras kiniliten.

Arah ukur ras perbahanen,

Tuhan ipermuliaken

3.

Arak-arak tetap o Tuhan,

Kegeluhen anakNdu e.

Gelah ngasup tetap Tuhan,

Makeken si tading e.

Reff: Ajari kami ngergaken,

talenta ras kiniliten.

Arah ukur ras perbahanen,

Tuhan ipermuliaken

Lit.

Dibata kap pengarapen si enteguh. IA enggo erpadan njagai dingen mabai kita ku bas kegeluhen si tuhu-tuhu. Reh me IA pagin, maba kemalemen ate, rikutken padan si enggo ibelaskenNa.

Perp.

Erpadan aku Tuhan, kujaga me kinitekenku i bas erpengarapen man baNdu

Lit.

Reh me Dibata peduakaliken, maba kegeluhenta kubas kedamen si rasa lalap.

Perp.

Erpadan aku Tuhan, tetap njaga diringku i bas kedamen si ijujurkenNdu, kumuliaken me Kam, nimai Kam reh engkelini kerina tinepaNdu.

1.

Malem kal ateku tuhu-tuhu,

Jumpa ras Tuhanku.

Nggo p’limbaruiNa pusuhku,

Lanai aku labuh.

Ku kataken bujur baNdu,

Si’ngk’lini geluhku.

Terpuji kam bas geluhku,

Nginget perkuahNdu.

2.

Kubegi kataNdu Tuhan,

Nerangi perdalan.

KesahNdu e simpepanken,

Bas pusuhku ringan.

Ateku min kupakeken,

Ibas kegeluhen.

Je aku dat keriahen,

Ndauh kebiaren.

3.

Kutadingken me rumahNdu,

Mulih ku geluhku.

Dat aku gegeh si mbaru,

Ban lias ateNdu.

Useken pasu-pasuNdu,

Enda pemindonku.

Kupuji Kam bas geluhku,

Ermulia gelarNdu.

Ipasu-pasu janah ikawali Dibata kam; siang ayo Dibata ersinalsal ibabondu janah melias ateNa ngenehen kam. Itatap Dibata ku kam, janah malem atendu ibahanNa. Amin.

​

Perp. : A....min, A.......min, A......min