1.

Badia, badia ! Tuhan si erkuasa

Dem me doni enda salu kemulianNa

Badia, badia ! Tuhan bala surga

Kam me kap Bapa si ermulia

​

2.

Badia, badia ! Bapa si perkuah

Reh kerina kami alokenNdu gelah

Badia, badia ! Tuhan maba tuah

Reh kami enda baNdu ersembah

5.

Badia, badia ! Tetap perkelengNa

Nehken pendiloNa man jelma perdosa

Badia, badia ! Tuhan penebusta

Sembahlah Ia, Yesus Tuhanta

Lit.

Adi ninta maka la lit dosanta, sitipu kap dirinta, janah Kata si tuhu-tuhu i bas Dibata nari la lit i bas kita. Tapi adi siakuken dosanta man Dibata, isehkenNa me PadanNa, ilakokenNa kai si bujur, ialemiNa dosa-dosanta, janah ibersihkenNa kita i bas kerina perbahanenta si payo. Adi ninta maka la kita erdosa, si bahan Dibata jadi perguak, janah KataNa la lit i bas kita.

Perp.

…

Lit.

…

Perp.

Tuhan, reh kami ku adepenNdu alu meteruk ukur, guna ngakuken kekurangen ras kelepaken kami. Iakui kami dosa ras kesalahen kami, jenari ipindo kami pengalemi I bas Kam nari. O Tuhan, alemi kami tupung ndauh i bas Kam nari, ...

Lit.

…

Perp.

…i bas kata-kata si meser dingen dem kinirawan ras nembeh ate. Iarapken kami pengalemi ras keleng ateNdu lit i bas kami tep-tep wari, tupung kami erdalan i bas terang-Ndu ras tetap ngikutken Kam. I bas gelar Jesus kami ertoto. Amin!

1.

Kuakuken kerina salahku,

Iadepen Dibatangku.

Tuhu ku gejap mbue dosangku.

Meluat nari kal pergeluhku

​

Reff. Mekuah min ateNdu aku,

sasapkenlah dosangku.

O Tuhan tegulah min aku,

‘lah tetap jingkangku.

2.

Lalap ku inget salah dosangku,

Ku gejap salah lepakku.

Dosa nge lalap perbahanenku,

Kulakoken si la ngena ‘teNdu.

​

Reff. Mekuah min ateNdu aku,

sasapkenlah dosangku.

O Tuhan tegulah min aku,

‘lah tetap jingkangku.

3.

Dosa enggo dem ibas pusuhku,

Si ‘rbanca ndele ateku.

Nggo bene pengarapen geluhku,

Ceda tuhu pusuh ras ukurku.

​

Reff. Mekuah min ateNdu aku,

sasapkenlah dosangku.

O Tuhan tegulah min aku,

‘lah tetap jingkangku.

Lit.

:

Marilah sibegiken Kata Dibata kerna pengalemi dosanta:

“Kataken man bana maka asa tuhu Aku nggeluh, Aku TUHAN si Erdolat, la ukurKu meriah ngidah sekalak perdosa mate. Riahen ukurKu ngidahsa ia ngadi erbahan dosa gelah ia nggeluh. Terpujilah Dibata i bas ingan si meganjangna!” (Esekiel 33:11).

Perp.

:

Amin

1.

Tuhan, Kam me si Permakan

Kami biri-biriNdu

Kami tetap kap nggejapken

b’linna keleng ateNdu

Tuhan Jesus Juru S’lamat

Kami si k’rajangenNdu

Tuhan Jesus Juru S’lamat

Kami si k’rajangenNdu

3.

PadanNdu ngaloken kami

Gia m’luat erdosa

Perdosa iurasiNdu

Dingen ipulahiNdu

Tuhan Jesus Juru S’lamat

Kam me Raja Penampat

Tuhan Jesus Juru S’lamat

Kam me Raja Penampat

34.

Nebukadnesar muji Dibata

Nina Raja Nebukadnesar, "Kenca lepas si pitu tahun ndai, kutare ku langit emaka nggo jore ukurku mulihi. Kupuji Dibata si Meganjangna, janah kupehaga dingen kupemuliaken Ia si nggeluh rasa lalap. Rasa lalap Ia erkuasa, KinirajanNa tahan asa si ndekah-ndekahna.

35.

Manusia i bas doni la kai pe AkapNa; malekat i Surga ras manusia i doni Ia ngatursa. La ise pe ngasup ngelawan PeratenNa la ise pe banci nungkun, ‘Kai si IbahanNdu e?’

36.

Kenca jore ukurku mulihi, dolatku, kehaganku, ras kemulianku IberekenNa man bangku mulihi. Pegawai-pegawaiku ras kalak mbelin ngalo-ngalo aku, janah kuasa kerajanku ibereken mulihi man bangku, janah lebihen pe asa dolatku si nggo-nggona.

37.

Emaka genduari, aku, Nebukadnesar, kupuji, kupehaga, ras kupermuliaken Raja Surga. Kai si IbahanNa benar ras bujur kap, janah ngasup Ia mpeteruk ise si erbahan alu ukur meganjang."

Lit.

​

:

Ketuahen kalak si megiken Kata Dibata, dingen simakekenca ibas geluhna si tep-tep wari, Haleluya.

Perp.

:

(iendeken)

Ha le lu ya, Ha le lu ya, Ha le lu … ya.

44.

Jenari nina Tuhan man kalak ndai, "Kai si nggo jadi enda nggo Kukataken nai man bandu asum Aku ras kam denga e me: Kerina si isuratken kerna Aku i bas Undang-undang Musa ras surat nabi-nabi bage pe i bas Masmur nggo jadi kap."

45.

Kenca bage ibuka Tuhan perukuren kalak e gelah iangkana si tersurat i bas Pustaka Si Badia.

46.

Nina man kalak ndai, "Lit kap tersurat maka Raja Penampat si ipadanken Dibata e arus ngenanami kiniseran, janah i bas wari si peteluken arus keke i bas si mate nari.

47.

Bage pe i bas GelarNa berita kerna jera ras pengalemi dosa arus ipeseh man kerina bangsa, ibenaken i Jerusalem nari.

48.

Kam me jadi saksi si enda kerina.

49.

Janah Aku jine nuruhsa man bandu kai si nggo ipadanken BapangKu. Tapi arus itimaindu i bas kuta enda seh nusur kuasa i datas nari man bandu."

Lit.

:

“O senina-seninangku, nginget perkuah ate Dibata si mbelin si isehkenNa man banta,

kupindo man bandu: Endeskenlah kulandu man Dibata saja selaku persembahen si

nggeluh rikutken si ngena ateNa. Sabap bage me arusna kam ersembah man Dibata

sue ras biakndu selaku mahluk si rukur”

(Roma 12 : 1)

1.

Nginget perkuah Dibata si mbelin

Si isehkenNa man banta k’rina kin

Ibas kerina dampar kegeluhen

I doni si dem alu keguluten

Reff. Endeskenlah kulanta man Dibata

Kerinana si lit ibas geluhta

Selaku persembahenta si nggeluh

Em persembahen si ngena ateNa

2.

Sabab bage me arusna kita kin

Ersembah man Dibatanta si mejin

Si nggo m’reken man banta manusia

Keg’luhen si mehuli ras badia

Reff. Endeskenlah kulanta man Dibata

Kerinana si lit ibas geluhta

Selaku persembahenta si nggeluh

Em persembahen si ngena ateNa

3.

Marilah k’rina sipuji Dibata

Janah sipeteruk ka pe ukurta

Alu bage si dat sura-suraNa

Kai si mehuli ras ngena ateNa

Reff. Endeskenlah kulanta man Dibata

Kerinana si lit ibas geluhta

Selaku persembahenta si nggeluh

Em persembahen si ngena ateNa

Lit.

Tuhan si perkuah si enggo ndilo kami jadi anak-anakNdu lako ersada ras Kam i bas Kristus.

Perp.

Dengkehken toto kami, dingen ajari kami mbangun kiniersadan ras meneken kerina

ambatenna.

Lit.

Ertoto kami kerna kerina pemimpin gerejaNdu ijapape, segelah kerinana ia ngasup ndahiken dahin pelayanen alu semangat mpeturah pengangkan ras kerja sama nandangi kerina kalak si erkiniteken i bas erbage latar belakang.

Perp.

Dengkehken toto kami dingen bereken man bana kepentaren ras kinipangen guna

mabai simehuli.

Lit.

Ertoto kami kerna kerina kalak Kristen i belang-belang doni, segelah kerina kami ngasup ngaloken kinerbagen selaku pemereNdu jenari radu ras kami mperjuangken

perdamen ras kiniulin.

Perp.

Dengkehken toto kami, dingen persadakenlah kami i bas keleng ateNdu.

Lit.

Ertoto kami kerna persadan-persadan si sirang erkiteken konflik ras la siangkan, reh Kam ku tengah-tengahNa O Tuhan.

Perp.

Dengkehken toto kami, berekenNdu gelah man bana kemalemen ate ras perdamen.

Lit.

Ertoto kami kerna kalak si ndatken kiniseran erkiteken kinitekenna man baNdu. Berekenlah man bana gegeh si mbaru, dingen tuduhken man bana dukungen arah teman-temanna si sada kiniteken i bas Kristus.

Perp.

Dengkehken toto kami dingen bereken man bana pengarapen ras kiningasupen.

Lit.

Ertoto kami guna diri kami jine, segelah ngasup kami jadi alat perdamen dingen agen persadan i bas keluarga, gereja, ras persadan-persadan kami.

Perp.

Dengkehken toto kami, dingen sampati kami ndalanken keleng ateNdu Tuhan.

Lit.

Tuhan, Ertoto pe kami kerna kesenjangen ekonomi i Sri Lanka. KepentarenNdu min si ngajari kerina pemimpin gelah ndalanken kebijaken si mereken kesetaran ras kesejahteran man kerina warga negara. Ngasup kerina pemimpin mereken peluang

man pertumbuhen ras pembangunen berkelanjuten, khususna man kalak si

terpinggirken erkiteken kemusilen. ...

Lit.

... Keadilan ras keleng ateNdu mereken

kemenangen lako ngobah kecibal ekonomi bangsa Sri Lanka enda.

Perp.

Dengkehken toto kami, dingen kepentaren ras keleng ate mpeturah perubahen positif kempak kerina kalak si terkena dampak kesenjangen ekonomi i Sri Lanka.

Lit.

Bapa kami si ni Surga, ertoto pe kami guna kiniulin doni enda, rikut pe perdamen, persadan si lit i bas perpecahen. Pepalerlah semangat keleng ate ras kepentarenNdu man kerina jelma, segelah kami banci ngelumbaken persadan ras perdamen, labo perpecahen ras konflik. Bereken man kami gegeh ras kepentaren guna mpersada perbedaan, erdahin siencidahken sihamaten ras njaga...

Lit.

... perdamen. Pengarapen kami,

gegeh keleng ateNdu mpekena hubungen si ceda ras maba semangat purpursage i tengah-tengah doni enda.

Perp.

Dengkehken toto kami, sampati kami guna ngkelengi, ngangkai dingen ngaloken kerina jelma.

Lit.

Tuhan, itotoken kami man baNdu kerna kiniersadan UEM. Pengarapen kami gelah kepentarenNdu tetap ngarak-ngarak kiniersadan enda tupung kami berusaha bertumbuh i bas kiniteken ras persadan. Kam si masu-masu kami alu semangat persadan, saling mendukung, ras pengangkan si lebih mbages kerna kataNdu. Bereken man kami kesempatan guna ngelai dingen erbagi kerna keleng ateNdu ...

Lit.

... ras kalak sideban. Pegegehi iketen persadan kami dingen pengasup pe kami jadi terang i sekelewet kami. Erpengarapen kami segelah persadan enda maba pujin, kemulian man gelarNdu, rulihken si mehuli i bas kinirajan-Ndu.

Perp.

Dengkehken toto kami, dingen sampati kami guna ersada ras kerina jelma i bas keleng ate Kristus.

Lit.

Tuhan, reh kami ku adepenNdu alu pusuh si kelsehen. Itotoken kami kerna konflik ras perpecahen i Papua, Kongo ras negara-negara perang sidebanna. Ipindoken kami kuasaNdu ras perdamenNdu erdahin i bas kerina wilayah enda. Pepalem luka kinilaadilen ras kekerasen, jenari bahanlah purpursage dingen siangkan i bas kerina jelma. Pepalerlah kepentarenNdu man kerina ...

Lit.

... pemimpin ras persadan si lit. Tegu-

tegu ia guna ndatken solusi ras persadan si tetap. Pengarapen kami, keleng ateNdu ndungi kerina nembeh ate, la siangkan rikut perpecahen, maba arapen ras pepalem kerina si ikenai masalah e. Tek kami nandangi kuasaNdu lako mpeturah perubahen

ras perdamen.

Lit.+Perp.

…

Lit.+Perp.

Rehlah min kinirajanNdu, sehlah min peratenNdu tupung kami erjuang guna kiniersadan i bas Kristus, mbangun jembaten ras meneken ambaten guna kemulian gelarNdu. KesahNdu si Badia tetap si ngajari.

1.

Malerlah pasu-pasuNdu

Bagi ni padankenNdu

Gegeh ras ukur si paguh

Tetap iberekenNdu

Reff: Pasu-pasuNdu

Em ulu gegeh kami

Enggo kap maler me tuhu

Si ‘ndemi geluh kami

2.

Malerlah pasu-pasu Ndu

G’luh kami jadi mbaru

Sorana bagi lau maler

Mpeteneng ukur kami

Reff: Pasu-pasuNdu

Em ulu gegeh kami

Enggo kap maler me tuhu

Si ‘ndemi geluh kami

3.

Malerlah pasu-pasu Ndu

Mpetetap ukur kami

Rende janah muji g’larndu

Segedang-gedang geluh

Reff: Pasu-pasuNdu

Em ulu gegeh kami

Enggo kap maler me tuhu

Si ‘ndemi geluh kami

4.

Malerlah pasu-pasuNdu

Bagi ni padankenNdu

Pusuh kami pe nggo sikap

Demi salu liasNdu

Reff: Pasu-pasuNdu

Em ulu gegeh kami

Enggo kap maler me tuhu

Si ‘ndemi geluh kami

Lit.

:

“Selaku ringring ni Kristus arah persadanta i bas UEM (United Evanglism Mission) ras ndukung kerina program pelayanen UEM, e maka mari si buat baginta alu nehken persembahen khusus enda.”

1.

Sura-sura Yesus bangku

Ersinalsal tetap

Nggeluh bujur ras mehuli

Si ngena atena.

Reff. Ersinalsal terang

Em sinisuraken Yesus

Ersinalsal terang

Ku tetap ersinalsal

2.

Sura-sura Yesus Kristus

Nandangi geluhku

Mpehaga turang senina

Sisampat-sampaten.

Reff. Ersinalsal terang

Em sinisuraken Yesus

Ersinalsal terang

Ku tetap ersinalsal

3.

Kupindo Yesus nampati

Njaga pusuhku e

Gelah ngasup ersinalsal

Ngikutken Tuhan e.

Reff. Ersinalsal terang

Em sinisuraken Yesus

Ersinalsal terang

Ku tetap ersinalsal

4.

Eme kesikel tedehku

Ngelai Tuhan ku

Seh ‘ku irumah Bapangku

Senang geluhku je.

Reff. Ersinalsal terang

Em sinisuraken Yesus

Ersinalsal terang

Ku tetap ersinalsal

1.

Si b’ritaken b’rita si meriah

Ulanai pedekah-dekah

Ku sebelang-belang doni enda

Seh ku kerina bangsa-bangsa

Yesus kap simada persuruhen

Mari dage siberitaken

Reff. Siberitakenlah kata ni Dibata

Kesah si Badia kap si peturahsa

Cidahken arah kata ras perbahanen

Jadi kesaksin man jelma si enterem

2.

Si pembarken b’rita keriahen

Ibas geluh ni perpulungen

Ersada ibas sada rarasen

Kerina sikeleng-kelengen

Bas si mehuli la si toganen

Radu ras sisampat-sampaten

Reff. Siberitakenlah kata ni Dibata

Kesah si Badia kap si peturahsa

Cidahken arah kata ras perbahanen

Jadi kesaksin man jelma si enterem

Gegeh ras kepentaren Dibata tetap nemani kita (kam), i bas kita (kam) mbangun jembaten ras meneken ambaten i bas gelarNa dingen jadi saksi Berita si Meriah. Keleng ateNa ngajari kita (kam) ras dameNa ndemi pusuhta (ndu), tupung kita (kam) mpersadaken kerina jelma i bas kiniulin ras pengertin. Alokenlah pasu-pasu idur Dibata nari:

​

“Ipasu-pasu janah ikawali Dibata kita (kam), siang ayo Dibata ersinalsal ibabonta (ndu), janah melias ateNa ngenehen kita (kam), itatap Dibata ku kita (kam), janah malem ateta (ndu) ibahanNa”. Amin.

​

Perp. : A....min, A.......min, A......min