1 of 9

3.2 O CONFLITO ISRAEL-PALESTINA

Ata o ano 1945, toda a zona de Palestina e Oriente Medio era unha zona de mandato da Sociedade de Nacións, administrada por Gran Bretaña e Francia.
Depois de 1945, a consecuencia do Holocausto, hai un gran movemento de poboación xudea cara Palestina, xa que, segundo o Antigo Testamento, esta sería a súa “Terra Prometida”.
En 1947, a ONU empeza a estudar o caso e, neste mesmo ano, acórdase a partición definitiva de Palestina (Plan Peel), cuxa solución pasaba pola constitución de dous estados: un estado xudeu e un estado palestino, cunha cidade internacional: Xerusalén. Ámbolos dous estados, segundo o Plan Peel, deberían ser o máis homoxéneos posibles dende o punto de vista étnico e de tamaño semellante.

2 of 9

3.2 O CONFLITO ISRAEL-PALESTINA

En 1948, os sionistas (xudeus radicais), van declarar a independencia do estado xudeu. Tomamos este ano como o ano de fundación do ESTADO DE ISRAEL. O líder desta proclamación foi un home chamado Ben Gurion e significou o inicio dun conflito entre este nacente estado xudeu e os estados árabes que limitaban con el.

3.2 O CONFLITO ISRAEL-PALESTINA

Inícianse unha serie de hostilidades que rematarán uns meses despois co triunfo do exército xudeu. A partir deste momento, Israel comeza unha política de desprazamento forzoso de poboación palestina dos territorios que vai ocupando, xunto con grandes matanzas civís. O estado de Isral amplía así as súas fronteiras, contradicindo o Plan Peel.

3.2 O CONFLITO ISRAEL-PALESTINA

Dende entón e en anos sucesivos, asistimos a distintas guerras nas que Israel ocupa, pola forza, cada vez máis territorio. Algunhas das máis importantes foron:

Guerra dos Seis Días, 1967: conflito armado entre Israel, por unha banda, e Exipto e Siria, pola outra. A vitoria de Israel provoca que este estado amplíe de novo as súas fronteiras: ocupa Gaza e Cisxordania e incluso unha zona de Siria. Esta ocupación de Cisxordania vai provocar un éxodo masivo de palestinos cara Xordania, ata o punto de converterse na maioría da poboación desta zona.

3.2 o conflito israel-palestina

Guerra do Yom Kipur, 1973: de novo entre o estado de Israel e os estados árabes limítrofes (Siria e Exipto). De novo, tamén, vitoria de Israel. Toda a península do Sinaí queda en mans do estado israelí. A pesares das obxecións da ONU, Israel negouse a devolver Gaza e Cisxordania e aínda hoxe en día o conflito por Gaza segue aberto e deixando miles de mortos cada ano.

3.2 o conflito israel-palestina

Na actualidade, os palestinos non teñen aínda o prometido “Estado de Palestina”. Non poden ter, por tanto, nacionalidade palestina. Para presionar a consecución do seu estado e enfrontarse ás agresións de Israel, en 1964 fundouse a OLP: Organización para a Liberación de Palestina, aínda activa hoxe en día.
Son constantemente expulsados dos territorios que ocupan e ocupaban antes da chegada dos xudeus e, dentro do estado de Israel, viven nun réxime de apartheid: un sistema de opresión e control da poboación palestina.
Israel continúa bombardeando hoxe en día a franxa de Gaza, co obxectivo de eliminar por completo á poboación palestina que alí resiste. Dende 2007, a franxa sufre un bloqueo por parte de Israel, de maneira que nin persoas nin suministros poidan entrar nin saír da zona.