1.

Tuhan Kam kupuji

‘Rpagi-pagi e

Medak aku nduari

Daging bugis pe

Sanga tunduh aku

Ikawali Kam

Aku ras temanku

senang iban Kam

3.

Pegegeh min aku

Wari sendah pe

Pedauh Kam min dosa

Ras percuban pe

Gelah kuikutken

Min KataNdu e

Kam me kupujiken

Ibas doni e

1.

Kataken bujur ban Tuhan Mehuli

Tetap rasa lalap Keleng ateNa

Malem kal ateta rembak ras IA

Kataken bujur baNa

​

3.

Kataken bujur penegu-neguNa

Tetap rasa lalap keleng ateNa

Malem kal ateta nggeluh ras IA

Kataken bujur baNa

Lit.

:

Dibata mereken wari-wari guna...

..., emaka marilah radu ras kita ngataken bujur man Tuhan

Perp.

:

Bujur Tuhan, iatankenNdu kami ngaloken tahun si mbaru enda. Meriah dingen malem ate kami, sabab lit denga kesempaten kami ngidah kiniulinNdu i bas kegeluhen enda.

Lit.

:

Tahun si mbaru eme kesempaten ...

... Tetap ibereNa kesempaten man manusia guna makeken wari-wari si labo manusia nepasa.

Perp.

:

Bujur Tuhan, iatankenNdu denga kami makeken wari-wari si labo kami nepasa. IatankenNdu denga kami ngaloken keleng ateNdu, gia la metunggung kami ngalokensa

1.

Nggo mentas tahun male e

Kam me ku puji Tuhan e

Jaga kawali Kam tetap

Tendingku ras dagingku kap

​

2.

O, Jesus Kam Penebusku

Keleng ateNdu man bangku

Tahun si mbaru enda pe

Taruhken perpulungen e

3.

Ras kami min kataNdu e

Man tendang ukur kami e

Pedauh min k’rina dosa e

Ras percuban si jahat e

​

Lit.

:

Tuhan, adi nulih kami ku paksa-paksa kegeluhen si iberekenNdu, megati kal kami nundalken Kam. Kurang tutus ersada i bas perpulungen, kurang tutus i bas naksiken keleng ateNdu dingen kurang tutus erdiakonia. Tuhan alemilah kami.

Song L.

:

....(Ngendeken bagin KEE No 292:1)

​

​

​

Song L.

:

Manusia nggo erdosa

Meluat mekelesa

Nggeluh labo lit damena

‘di sirang ras Dibata.

(Ngendeken bagin KEE No 292:1)

Saitun

:

...

Saitun

:

Tuhan, kami selaku Saitun, megati kami la jadi penggurun nandangi anak ras kempu kami. Kurang kami muat bagin Ertoto kerna gereja, masyarakat ras anak jabu kami. O Tuhan, alemilah kami.

Perp.

:

.... (Ngendeken bagin KEE No 292:1)

Perp.

:

Manusia nggo erdosa

Meluat mekelesa

Nggeluh labo lit damena

‘di sirang ras Dibata.

(Ngendeken bagin KEE No 292:1)

Mamre

:

...

Mamre

:

Tuhan, kami selaku Mamre, megati kurang mediate ras kurang erpemere itengah jabu, gereja ras masyarakat. Kurang nehken tanggung jabab kami selaku imam i tengah-tengah jabu. O Tuhan, alemilah kami.

Perp.

:

.... (Ngendeken bagin KEE No 292:1)

Perp.

:

Manusia nggo erdosa

Meluat mekelesa

Nggeluh labo lit damena

‘di sirang ras Dibata.

(Ngendeken bagin KEE No 292:1)

Moria

:

...

Moria

:

Tuhan, kami selaku Moria, megati la jadi teman arih i tengah jabu, gereja ras masyarakat. Lanai banci jadi ingan tertande dikune lit perbeben ibas jabu. Tuhan, alemilah kami.

Perp.

:

.... (Ngendeken bagin KEE No 292:1)

Perp.

:

Manusia nggo erdosa

Meluat mekelesa

Nggeluh labo lit damena

‘di sirang ras Dibata.

(Ngendeken bagin KEE No 292:1)

Permata

:

...

Permata

:

Tuhan, kami selaku Permata, anak singuda i tengah jabu ras gereja, menam-menam lanai ieteh kami uga oratna ngergai diri kami erkiteken ngikutken sura-sura doni enda. Kurang mehamat nandangi orangtua, kurang metami i bas erturang-ersenina, kurang tutus ate kami i bas persekolahen. O Tuhan, alemi min kami

Perp.

:

.... (Ngendeken KEE No 292:2)

2.

Megati meganjang ukur

Nogan nimbak kataNa

Piah dungna latih rukur

Di sirang ras Dibata

Begikenlah pendiloNa

Malang erlajar baNa

Di mberat pe bas geluhta

Menahang di ras IA

Lit.

“Tole nina TUHAN, “Marilah maka sidungi cakapta enda. Kam enggo erkubang-kubang ibahan dosa, tapi kuperidi kam maka bersih bagi salju. Aminna gia erkiteken dosandu kam enggo mbiring bagi tengguang, mulihi kam jadi mbentar bagi kapas.”

1.

Anem dosangku mekelat megara

IsalihkenNdu me jadi mbentar

Kam kap erbanca geluh meherga

Kugejap tuhu kelengNdu simpar

Reff. Tendingku ersurak janah nembah

Kupakeken me pedah

Kam kap Dibata Bapa Si Perkuah

Bas kep-kepenNdu min aku gelah

2.

Ukur pinter ras bujur nge pindoNdu

Pusuh si getem ngena ateNdu

Demi pusuhku salu liasNdu

Gelah ku pembarken min kataNdu

Reff. Tendingku ersurak janah nembah

Kupakeken me pedah

Kam kap Dibata Bapa Si Perkuah

Bas kep-kepenNdu min aku gelah

Dil

¹Sia-sia nggeluh enda

Enda me kata Pengerana anak Daud raja Jerusalem.

Dib.

²Nina, "Oh kerina sia-sia, kai pe sia-sia! Enggeluh pe sia-sia, kerina sia-sia.

Dil.

³Gedang-gedang geluhta kita erdahin, curcur panasta. Tapi kai kin gunana man banta si e kerina?

Dib.

⁴Lesap sada kesusuren reh ka kesusuren si deban, tapi doni enda bage nge lalap.

Dil.

⁵Pultak kang matawari, jenari sundut ka. Latih iakapna mulihken ku bas inganna ndube, jenari pultak ka ia.

Dib.

⁶Angin rembus ku Selatan, jenari rembus ka ku Utara, erpusing-pusing dungna mulihken ka.

Dil.

⁷Kerina lau mbelin ku lawit perlawesna, tapi lalap nge lawit labo dem. Dungna mulihken ka ku bas uluna, jenari maler ka.

Dib.

⁸Kai pe la mereken kepuasen, kerina erbahan leja. Mata la puas ngenen, pinggel la puas megi-megi.

Dil.

⁹Kai si nggo pernah jadi, denggo jadi ka. Kai si nggo pernah ilakoken, denggo iulihi ka. Kai pe labo lit mbaru i bas doni enda.

Dib.

¹⁰Lit kalak ngatakenca nina, ‘Nehenlah, enda mbaru!’ Tapi nggo me lit ope denga ia tubuh pe.

Dil.

¹¹Kai si nggo lepas, lanai iinget kalak. Bage pe kai si jadi genduari ras pagi, lanai bo iinget kalak i bas paksa si reh."

Lit.

​

:

Ketuahen kalak si megiken Kata Dibata, dingen simakekenca ibas geluhna si teptep wari, Haleluya.

Perp.

:

(iendeken)

Ha le lu ya, Ha le lu ya, Ha le lu… ya.

13.

Padan Dibata tetap

Asum Dibata erpadan man Abraham, ersumpah Ia maka kai si nggo IpadankenkenNa e IsehkenNa me. Erdandanken labo lit ise pe belinen asangken Ia, emaka GelarNa nge IpakeNa asum Ia ersumpah.

14.

Nina, "Erpadan Aku maka Kupasu-pasu kam dingen nterem Kubahan kesusurenndu."

15.

Erdandanken saber Abraham nimai padan e, emaka ialokenna kai si ipadanken Dibata e.

16.

Adi manusia ersumpah, ipakena gelar kalak si belinen asangken ia. Sumpah e ndungi perubaten-perubaten si lit i tengah-tengah manusia.

17.

Dibata ersura-sura kal petangkassa man kalak si patut ngaloken PadaanNa, maka PadanNa e tetap nge. Erdandanken si emaka ersumpah Ia kerna PadanNa e.

18.

Dage lit dua erbage si la banci mobah, e me padan ras SumpahNa, janah kerna si dua e tentu Dibata labo erbual. Erkiteken si e kita si nggo ndat perlindungen i bas Dibata, iajuk kal gelah tetap ncikep pengarapen si lit i lebe-lebenta.

19.

Pengarapen enda bali ras jangkar i bas geluhta. Pengarapen e aman dingen tetap, janah nggo mentasi kire-kire rumah Dibata si i Surga, janah sangkut nteguh i bas ingan ersembah si arah bas.

20.

Jesus nggo leben asaken kita bengket ku je man gunanta. Ia nggo jadi Imam si Mbelin seh rasa lalap rikutken golongen Imam Malkisedek.

Lit.

:

“Ietehndu uga liasna Tuhanta Jesus Kristus; maka aminna bayak gia IA, tapi guna kiniulinndu, ipemusilNa baNa, gelah arah kemusilenNa e jadi bayak kam.” (2 Korinti 8:9)

1.

Seh kal simparna

pemereNdu o, Tuhan.

Mejuah-juah kerina

ibas jabu.

La lit si magin,

pinakit la ertahan.

Ngataken bujur

pusuh kami man baNdu.

2.

Nggo kap mbuah bage

page si nisuan

Janah pe merih

bage manuk ni asuh

Ajari kami

ersembah baNdu, Tuhan

Lah malem ate

ras dame i bas pusuh

3.

Di kiniteken

erbuah bas perlagu

Bas engkelengi

min ola kita medu

Bas si mehuli

lalap min kita mbaru

Tuhan Dibata

tetap si masu-masu

Lit.

Ngidah uga belinna lias ate Dibata,...

... sedekah enda, i bas tahun si mbaru enda, nggit nge kam alu tutus erpenalem man Dibata?

Perp.

Erpadan aku Tuhan, nggit aku tetap ernalem man baNdu. Enda me jadi kesaksinku nandangi keluarga, bage pe nandangi sekelewetku.

Lit.

Dibata ngatanken kam ngaloken tahun si mbaru enda, dingen ndilo kam gelah maba kiniulin ku sekelewetndu.

Perp.

Erpadan aku Tuhan, kudalani me tahun si mbaru enda, maba kiniulin ku sekelewetku.

1.

O, Tuhanku sampat aku

Ibas tahun enda pe

Pebaruilah gegehku

Ngikut Kam seh dungna pe

Pasu-pasu gelah min

Kami si tek baNdu kin

2.

Perukurku ras dahinku

Pasu-pasu Kamlah min

Amin paksa susah aku

Ndeher aku ras Kam min

Lawes, mulih aku e

Kam ras aku lalap e

5.

Petetaplah min ukurku

Ngimbangi si iblis e

B’re min gegeh rusur bangku

Ngikutken pedahNdu e

Gelah ola leket min

‘Kurku ibas doni e

Dibata, si mada perkuah ate, si enggo nenahken kam ku kemulianNa si rasa lalap i bas Kristus, njadiken kam serta, tetap, megegeh dingen paguh. IA nge si mada kuasa seh rasa lalap. Amin.

​

Perp. : A....min, A.......min, A......min