Qari mill-Ittra ta’
San Pawl Appostlu
lill-Galatin
Gal 5, 18-25
Ħuti, jekk lilkom imexxikom l-Ispirtu, m'intomx taħt il-Liġi.
L-għemejjel tal-ġisem huma magħrufa: żína, faħx,nuqqas ta' rażan, idolatrija, seħer, mibegħda, ġlied,
għejra, korla, ambizzjoni,
firda, partiti, invidja, sokor, tbahrid, u ħwejjeġ bħal dawn.
Inwissikom, bħalma wissejtkom qabel, min jagħmel dawn il-ħwejjeġ ma jiritx is-saltna ta' Alla.
Il-frott tal-Ispirtu huma:
l-imħabba, l-hena, is-sliem, is-sabar, il-ħniena, it-tjieba, il-fidi, il-ħlewwa, ir-rażan.
Kontra dawn ma hemmx Liġi. Dawk li huma ta' Kristu Ġesù sallbu l-ġisem bil-ġibdiet u l-passjonijiet tiegħu.
Jekk ngħixu bl-Ispirtu, ħalli nimxu bl-Ispirtu.
Il-Kelma tal-Mulej
R:/ Irroddu ħajr lil Alla
R:/ Min jiġi warajk, Mulej, ikollu d-dawl
tal-ħajja
Salm Responsorjali
Hieni l-bniedem li
ma jimxix fuq il-pariri
tal-ħżiena,
li ma jiqafx fi triq
il-ħatjin,
li ma joqgħodx fil-laqgħat
taż-żeblieħa; imma fil-liġi tal-Mulej hi l-għaxqa tiegħu, lejl u nhar jaħseb
fil-liġi tiegħu
R:/ Min jiġi warajk, Mulej, ikollu d-dawl
tal-ħajja
Hu bħal siġra mħawwla
ħdejn nixxigħat
ta' l-ilma
li tagħmel il-frott fi
żmienha,
u l-weraq tagħha ma
jidbielx;
hu jirnexxi f'kulma
jagħmel.
R:/ Min jiġi warajk, Mulej, ikollu d-dawl
tal-ħajja
Mhux hekk il-ħżiena,
mhux hekk;
iżda huma bħal tibna
li jtajjarha r-riħ.
Għax triq it-tajbin
il-Mulej jafha;
imma triq il-ħżiena
tintemm fix-xejn.
R:/ Min jiġi warajk, Mulej, ikollu d-dawl
tal-ħajja
Hallelujah, Hallelujah
In-nagħaġ tiegħi
jisimgħu leħni,� jgħid il-Mulej, �u jiena nagħrafhom, �u huma jimxu warajja
Hallelujah, Hallelujah
Qari mill-Evanġelju skont �San Luqa�Lq 11, 42-46
R:/ Glorja lilek Mulej
F’dak iż-żmien, il-Mulej qal:
“Ħażin għalikom intom
il-Fariżej! Intom tħallsu
d-dieċmi fuq
in-nagħniegħ u l-fejġel u fuq kull xorta ta' ħxejjex,
u mbagħad għal dik li hi ġustizzja u mħabba ta' Alla tħallu kollox għaddej.
Dawn kien imisskom
tħarsu, mingħajr ma tħallu
l-oħrajn barra.
Ħażin għalikom intom
il-Fariżej! Intom tħobbu
s-siġġijiet ta' quddiem
fis-sinagogi u min
isellmilkom fil-pjazez.
Ħażin għalikom!
Qiskom l-oqbra, li ma
tagħrafhomx, u n-nies tgħaddi minn fuqhom bla
ma tintebaħ bihom.”
Qabeż wieħed mill-għorrief tal-Liġi u qallu:
“Mgħallem, b'dan li qiegħed tgħid qiegħed tgħajjar lilna wkoll!”
Qallu Ġesù:
“Ħażin għalikom ukoll
intom l-għorrief tal-Liġi!
Intom tgħabbu n-nies
b'tagħbijiet li bilkemm
wieħed jiflaħhom u li
intom stess anqas b'saba' wieħed ma tmissuhom”
Il-Kelma tal-Mulej
R:/ Tifħir lilek Kristu