1 ta’ Mejju
Tifkira ta’
San Ġużepp Ħaddiem
Glorja `l Alla fil-għoli
tas-smewwiet, u paċi fl-art lill-bnedmin ta’ rieda tajba.
Infaħħruk,
inberkuk,
nadurawk,
nagħtuk ġieh.
Inroddulek ħajr
għall-glorja kbira tiegħek. Mulej Alla, Sultan
tas-sema,
Alla Missier li tista’ kollox.
Mulej Iben waħdieni, Ġesù Kristu,
Mulej Alla, Ħaruf ta’ Alla, Bin il-Missier.
Int li tneħħi d-dnubiet
tad-dinja, ħenn għalina.
Int li tneħħi d-dnubiet
tad-dinja, ilqa’ t-talb tagħna.
Int li qiegħed fuq il-lemin tal-Missier, ħenn għalina. Għaliex Int waħdek Qaddis, Int waħdek Mulej,
Int waħdek il-għoli,
Ġesu’ Kristu, ma’ l-Ispirtu
s-Santu:
fil-glorja tal-Missier Alla.
Ammen.
1 ta’ Mejju
Tifkira ta’
San Ġużepp Ħaddiem
Qari mill-Ktieb
tal-Ġenesi
Ġen 1, 26 – 2,3
Alla qal:
“Nagħmlu l-bniedem skont ix-xbieha tagħna, bħalna, biex jaħkem fuq il-ħut
tal-baħar, fuq it-tajr tal-ajru,
fuq il-bhejjem tad-dar, fuq
l-annimali selvaġġi, u fuq
il-ħlejjaq li jitkaxkru
mal-art.”
U Alla ħalaq il-bniedem skont ix-xbieha tiegħu; iva, skont ix-xbieha ta’ Alla ħalaqhom, u għamilhom raġel u mara.
U berikhom Alla u qalilhom:
“Nisslu u kattru u imlew
l-art, u aħkmu fuqha, u saltnu fuq il-ħut tal-baħar, fuq it-tajr tal-ajru,
u fuq il-ħlejjaq kollha li jitkaxkru ma’ l-art.”
U Alla qal:
“ Ara, tajtkom il-ħaxix kollu li jagħmel iż-żerriegħa fuq
l-art kollha, u s-siġar kollha li jagħmlu l-frott
biż-żerriegħa;
dan kollu tajtulkom biex tieklu minnu.
U lill-bhejjem kollha selvaġġi u t-tajr kollu
tal-ajru, u ’l-ħlejjaq kollha li jitkaxkru mal-art li fihom nifs il-ħajja,
lilhom tajthom il-ħaxix aħdar kollu biex jieklu minnu.”
U hekk sar. U Alla ħares lejn kull ma għamel, u ra li kollox kien sew ħafna. U dalam u sebaħ, is-sitt jum.
U tlestew is-sema u l-art
bit-tiżjin tagħhom. U
fis-seba’ jum Alla temm
il-biċċa xogħol li għamel, u waqaf mill-ħidma tiegħu.
U Alla bierek is-seba’ jum
u qaddsu, għax fih waqaf
mix-xogħol kollu li kien għamel meta ħalaq kollox.
Il-Kelma tal-Mulej
R:/ Irroddu ħajr lil Alla
R:/ Wettaq xogħol idejna, Mulej
Salm Responsorjali
Qabel ma twieldu
l-muntanji, qabel ma tnisslu l-art u d-dinja,
minn dejjem int, o Alla!
R:/ Wettaq xogħol idejna, Mulej
Int treġġa’ l-bniedem lejn
it-trab,
u tgħid: “Erġgħu lura, ulied il-bniedem!”
Elf sena huma f’għajnejk bħall-jum
tal-bieraħ li għadda, jew bħal sahra ta’ lejl.
R:/ Wettaq xogħol idejna, Mulej
Għallimna ngħoddu jiem ħajjitna,
biex hekk nimxu b’moħħ għaqli.
dur lejna, Mulej! Kemm se ddum?
Ħenn għall-qaddejja
tiegħek.
R:/ Wettaq xogħol idejna, Mulej
Imliena malajr bit-tjieba tiegħek,
biex nifirħu u nithennew tul jiemna kollha.
ħa jidher egħmilek quddiem il-qaddejja tiegħek,
u l-kobor tiegħek quddiem uliedhom.
R:/ Wettaq xogħol idejna, Mulej
Qari mill-Ittra ta’
San Pawl Appostlu
lill-Kolossin
Kol 3, 14-15. 17. 23-24
Ħuti: Fuq kollox ilbsu
l-imħabba, li hi l-qofol
tal-perfezzjoni.
Ħalli s-sliem ta’ Kristu jsaltan fi qlubkom, dak
is-sliem li għalih kontu msejħa biex issiru ġisem wieħed.
U ta’ dan roddu ħajr lil Alla. Kull ma tagħmlu jew tgħidu, agħmlu kollox f’isem
il-Mulej Ġesù, u roddu ħajr lil Alla l-Missier permezz tiegħu.
Kull ma tagħmlu, agħmluh minn qalbkom bħallikieku lill-Mulej u mhux
lill-bnedmin,
għax tafu li għad tieħdu
l-ħlas li ħejja għalikom
il-Mulej bħala wirt. Aqdu lil Kristu Sidna.
Il-Kelma tal-Mulej
R:/ Irroddu ħajr lil Alla
Hallelujah, Hallelujah
Imbierek il-Mulej minn jum għal jum, jieħu ħsiebna Alla tal-ħelsien tagħna.
Hallelujah, Hallelujah
Qari mill-Evanġelju skont
San Mattew
Mt 13, 54-56
R:/ Glorja lilek Mulej
F’dak iż-żmien: Ġesù ġie f’pajjiżu, u daħal jgħallem
in-nies fis-sinagoga tagħhom; tant għaġġibhom li bdew jgħidu:
“Mnejn kisbu dan il-għerf u dawn l-egħġubijiet? Dan mhuwiex bin
il-mastrudaxxa? Ommu mhijiex dik li jisimha Marija,
u ħutu Ġakbu u Ġużeppi u Xmun u Ġuda? U ħutu
l-bniet mhux kollha fostna qegħdin? Mela mnejn kisbu dan kollu?”
U tfixklu minħabba fih.
Imma Ġesù qalilhhom:
“M’hemmx profeta li mhuwiex imweġġah, jekk mhux f’pajjiżu u f’daru stess.”
U ma għamilx ħafna mirakli hemmhekk minħabba
fin-nuqqas ta’ fidi tagħhom.
Il-Kelma tal-Mulej
R:/ Tifħir lilek Kristu
1 ta’ Mejju
Tifkira ta’
San Ġużepp Ħaddiem