1.

Pulung m’riah kal kami kerina

Jumpa ibas rumah si Badia

Reh min Kam, o Bapa si Mulia

G’lah kerina Badia jadina.

Reff: Salsali pusuh kami

Layasi ukur kami

Pengarapen reh teguhna

Kiniteken reh paguhna

2.

Wari ras berngi nggo ibentasi

Keleng ateNdu tetap nemani

I bas mberat Kam lalap nampati

I bas susah Kam si ngelayasi.

Reff: Salsali pusuh kami

Layasi ukur kami

Pengarapen reh teguhna

Kiniteken reh paguhna

1.

Pujilah tendingku, puji Tuhan

Segedang-gedang geluhku

Ateku ersembah rasa lalap

Ban keleng ateNdu tetap

IjujuriNdu geluhku

Dage kupuji Kam Tuhan

Haleluya ! Haleluya !

2.

Ola ernalem ku doni enda

Sia-sia me jadina

Di dolat doni kentisik ngenca

Masap nge pagi krinana

Kula manusia masap

Dibata saja si tetap

Haleluya ! Haleluya !

Lit.

:

Pujin man Tuhan i bas kerina perbahanen ras kelenG atena si tetap

Perp.

:

Kam simperdiateken geluh kami, si mereken kai si iperluken kami i bas paksana.

Lit.

:

Kam me ulu pengarapen kami O Tuhan

Perp.

:

....

Perp.

:

Si mulahi kami i bas perbeben geluh kami ras si naluken imbang-imbang si ilat perukurenna.

Perp.+Lit.

:

Terpujilah Kam O Tuhan si tetap setia erdahin njagai dingen ngkawali kegeluhen kami.

1.

Lias ate ni Tuhanta, e lalap man pujin

Ras pe kebenarenNa, pebelinlah madin

Ku eteh peratenNa, ras dosa labo singgur

‘Nggo tetap jujurenNa,

si labo banci luntur

E desken batu mamak,

enteguh labo mugur

Bagem’ kepeken Kam,

‘nggo tetap ibas bujur

3.

Kam kap penundalenku,

Kam pematangku kin

‘Ban b’linna kuasaNdu,

meparas man pujin

Tambah kekelengenNdu,

si seh man kami enda

Em jadi tahan turu, aminna ukur nera

Kelewet gia imbangku,

Dibata kap njagasa

Kailah kebiarenku, ‘di aku sampatiNa

Lit.

:

Turang ras senina, kita nggeluh i tengah-tengah doni si dem alu perbeben. Eme si jadi rudang i tengah kegeluhenta. Lit si ngasup ertahan ibas perbeben si reh nderpa ia, tapi mbue ka si guling janah lanai ngasup keke perbahan beratna perbeben e. Lit ka deba bene pengarapen geluhna sabab lanai ngasup ngidah si mehuli i bas doni enda. Manusia ndarami ingan cicio arah perbebenna, ndarami dalan pulah ras terkelin.

Lit.

:

Turang ras senina, i bas paksa enda Dibata lit i tengah-tengahta guna megiken isi pusuhta, emaka marilah si turiken man Dibata kai si jadi perbeben geluhta

Perp.

:

O Tuhan, kelengilah aku, pulahilah aku i bas kesusahen ras perbeben geluhku.

Lit.

:

Turikenlah man Dibata kai si jadi kebiarenndu.

Perp.

:

O Tuhan, berelah gegehNdu man bangku, sampati min aku gelah pulah i bas si jahat nari si atena ngerimrim aku

Lit.

:

Turikenlah man Dibata kai si jadi kebiarenndu.

Perp.

:

O Tuhan, megati aku lalar erkiteken buena perbeben geluhku, ku darami penampat si deban si la i bas Kam nari. Ndabuh aku ku bas dosa erkiteken la aku setia man banNdu. O Tuhan, alemi min aku. Pulahi min aku i bas kuasa dosa nari.

Lit.

Nina Tuhan, man banta kerina kita si enggo nuriken perbebenta man baNa :

“Enggo Kubegi kerina isi pusuhndu. Aku me Tuhan Dibata si erkeleng ate man bandu, Kupulahi kam i bas kesusahenndu janah Kualemi salah ras dosandu. Marilah kam si latih dingen beraten, maka kubereken pengadi-ngadinndu.”

1.

Kam nebusi aku Tuhan

Kam si mpeteneng tendingku

Tendi si ndube tertaban

TeguNdu ku adepen Ndu

Reff: Malem kel ateku Bapa,

Ban keleng ate Ndu

Ku puji gelarNdu Bapa,

Mulia gelarNdu

TeguNdu lah aku Tuhan,

Ibas pusuhku Kam ringan

PetetapNdu aku Tuhan

Gelah dosa talu me kuban

2.

Kam ngalemi aku Tuhan

Kam si mpepalem pusuhku

Pusuh si megati nogan,

Mbaru perbahan kelengNdu

Reff: Malem kel ateku Bapa,

Ban keleng ate Ndu

Ku puji gelarNdu Bapa,

Mulia gelarNdu

TeguNdu lah aku Tuhan,

Ibas pusuhku Kam ringan

PetetapNdu aku Tuhan

Gelah dosa talu me kuban

3.

Kam ngaloken aku Tuhan

Kam simpekena ukurku,

Ukur si nimbak Kam Tuhan,

alokenNdu ibas tanNdu.

Reff: Malem kel ateku Bapa,

Ban keleng ate Ndu

Ku puji gelarNdu Bapa,

Mulia gelarNdu

TeguNdu lah aku Tuhan,

Ibas pusuhku Kam ringan

PetetapNdu aku Tuhan

Gelah dosa talu me kuban

Dil.

³⁹Kenca bage itadingken Jesus kuta e. Bagi biasana lawes Ia ku Uruk Seton ras ajar-AjarNa.

Dib.

⁴⁰Kenca seh i bas ingan e nina man ajar-AjarNa, "Ertotolah gelah ola kam kena percuban."

Dil.

⁴¹Jenari iserapken Jesus BaNa i bas ajar-ajar e nari, dauhna asa gegeh mbenterken batu. I je erjimpuh Ia dingen ertoto,

Dib.

⁴²nina, "O Bapa, adi banci pedauh min calung kiniseran enda i bas Aku nari. Tapi labo peratenKu, PeratenNdulah jadi."

Dil.

⁴³(Teridah me man BaNa sekalak malekat i Surga nari si pegegehi Ia.

Dib.

⁴⁴Perbahan bage getemna PusuhNa, emaka reh gegehna Ia erbebe i bas PertotonNa seh maka PanasNa naktaken ku taneh bagi taktak dareh.)

Dil.

⁴⁵Kenca dung Ia ertoto mulihken Ia ndahi ajar-AjarNa. IdapetiNa ajar-ajar e tunduh perbahan cedasa atena.

Dib.

⁴⁶Jenari nina Jesus man kalak e, "Ngkai maka kam tunduh? Kekeken janah ertotolah gelah ola kam kena percuban."

Lit.

​

:

Ketuahen kalak si megiken Kata Dibata, dingen simakekenca ibas geluhna si tep-tep wari, Haleluya.

Perp.

:

(iendeken)

Ha le lu ya, Ha le lu ya, Ha le lu … ya.

15.

Aku tetap nare ku TUHAN nimai PenampatNa, IpulahiNa aku i bas cilaka nari.

16.

O TUHAN, nehen min aku, mekuah min AteNdu kempak aku sabap kalak si la megegeh dingen kelungunen me aku.

17.

Penahangi ukurku i bas kendelenku nari, pulahi min aku i bas kesusahenku.

18.

Perdiateken min kendelenku ras kiniseranku, dingen alemi min kerina dosangku.

19.

Nehenlah uga lalana musuhku, dingen uga nembehna atena kempak aku.

20.

Jagai min aku kelinilah aku maka ula aku italuken, man BaNdu aku reh mindo gelah aku ikawali.

21.

Kiniulin dingen kebujurenlah si ngkawali aku, sabap aku ernalem man BaNdu.

22.

O Dibata pulahi min Israel BangsaNdu, i bas kiniseranna nari.

Lit.

:

Tuhan kap permakanku, emaka la kekurangen aku. Ibas mbal-mbal si meratah ipesenang-senangNa aku. Kempak lau si teneng permalerna, itegu-teguNa aku. ibabaiNa aku arah dalan si pinter erkiteken gelarNa (Mazmur 23 : 1- 3)

Lit.

Dibata erpadan man banta guna ngkawali ras mpengasup kita i bas kerina dampar kegeluhenta, uga dage ninta?

Perp.

Kami erpadan tetap ernalem man Tuhan i bas kerina dampar geluh kami.

Lit.

Kai dage tandana kam ernalem man Dibata?

Perp.

Ateku makeken geluhku guna ersaksi i tengah-tengah doni enda, kudalanken kai si ngena ate Tuhan.

Lit.

Mari dage sipegegehi perpadanenta man Tuhan alu rende kita : ......

1.

Kuikutken Kam o, Tuhan,

Kam kap si perkeleng e,

Sabab Kam si mere dalan,

Dalan terkelin kepe.

​

Reff. Ia kapen Jurus’lamat,

Ia kapen penampat,

KataNa me kapen tambar,

KuasaNa la ‘rsibar.

2.

Tuhan kapen kuarapken,

Jadi temanku nggeluh.

Tetap Ia penalemen,

Kinitekenku nteguh.

​

Reff. Ia kapen Jurus’lamat,

Ia kapen penampat,

KataNa me kapen tambar,

KuasaNa la ‘rsibar.

3.

Aku jadi si permenang,

Yesus kap menangkenca.

Pusuhku dame ras senang,

Tuhan kap si m’rekenca.

​

Reff. Ia kapen Jurus’lamat,

Ia kapen penampat,

KataNa me kapen tambar,

KuasaNa la ‘rsibar.

Laweslah, cidahkenlah kinitekenndu, dalankenlah kebujuren Dibata, ola kam mbiar, Dibata si nemani ras si nikapken kerina keperlunndu, alokenlah pasu-pasu idur Dibata nari :

​

“i pasu-pasu janah i kawali Dibata kam, siang ayo Dibata ersinalsal i babondu janah melias ateNa ngenehen kam, i tatap Dibata ku kam janah malem atendu ibahanNa”. Amin

​

Perp. : A....min, A.......min, A......min

​