1.

Ipuji kami Kam Dibata si mbelin

Alu ende-enden si meriah

Suari ras berngi ‘ngkawali kami

emaka la celus bas percuban

​

Reff. Sangap kap kalak

si ‘rnalem baNdu e.

daten tuah ras kesenangen pe.

Sangap kap kalak

si ‘rnalem baNdu e.

daten tuah ras kesenangen pe.

2.

Kam Tuhan Dibata puji sembah kami

Keleng ateNdu la kap erkirin

Kam kam si njayam kegeluhen kami kin

kelengNdu man kami la erkerin

​

Reff. Sangap kap kalak

si ‘rnalem baNdu e.

daten tuah ras kesenangen pe.

Sangap kap kalak

si ‘rnalem baNdu e.

daten tuah ras kesenangen pe.

Lit.

Dibata enggo milih manusia nehken...

... Erkiteken si e sisehken puji-pujinta.

Perp.

Tendingku muji Kam Tuhan. Meriah ukurku perbahan Dibata penebusku.

Moria

Sabab enggo ingetNa aku kawanNa si meteruk! Genduari nari kerina kalak ngataken maka aku sangap.

Lit.

Sabab Dibata si Mada Kuasa encidahken perbahanenNa man bandu. Badia me gelarNa. Dibata mereken diberu jadi nande ku tengah-tengah jabu guna kiniulin jabu, perpulungen bagepe man masyarakat.

Moria

IcidahkenNa perkuah ateNa man bangku si erkemalangen man baNa.

Lit.

IcidahkenNa kuasaNa alu perbahanen tanNa, janah iambatiNa gelah ola seh sura-sura kalak si meganjang ukurna.

Perp.

IngetNa padan si enggo ibahanNa ras nini-niningku, janah reh ia nampati aku kawanNa.

1.

Tuhan e tuhu melias perkuah

Ia ‘rbanca kita mejuah-juah

Ia me si erbanca ukur m’riah

Yesus e sinjadiken kita ‘rbuah

​

7.

DameNa ijujurkenNa man banta

Malem kal ateta jine ibanNa

Simpar kal pasu-pasu b’reNa banta

Tuhan e ulu k’rina si erguna

Lit.

Turang ras senina, Dibatanta e bagi...

... Kuga nge siidah pengergan ras keleng ateta nandangi Dibata si reh bagi nande i bas geluhta?

​

​

Lit.

Kuga nge si idah pengergan ras keleng ateta nandangi nande si enggo ijujurken Dibata i bas geluhta?

Lit.

Mari siakuken dosa ras kelepakenta i lebe-lebe Dibata

Saitun,Mamre ras Permata

O Tuhan, megati kami ngukuri diri kami jine, lupa kami notoken ras ngergai nande i tengah-tengah jabu. O Tuhan alemi min kami.

Moria

.......

Moria

O Tuhan megati la kupakeken pendiloNdu selaku nande i bas geluhku, emaka mekuah min ateNdu kempak aku, sampati min aku.

1.

Kuakuken kerina salahku,

IadepenNdu Tuhanku.

Tuhu ku gejap mbue dosangku.

Meluat nari kal pergeluhku

​

Reff. Mekuah min ateNdu aku,

sasapkenlah dosangku.

O Tuhan tegulah min aku,

‘lah tetap jingkangku.

2.

Lalap ku inget salah dosangku,

Ku gejap salah lepakku.

Dosa nge lalap perbahanenku,

Kulakoken si la ngena ‘teNdu.

​

Reff. Mekuah min ateNdu aku,

sasapkenlah dosangku.

O Tuhan tegulah min aku,

‘lah tetap jingkangku.

Lit.

“Ergakenlah ulih bekas tan nande e, sabab ia diberu si patut ndatken kehamaten i japa pe!”

8.

Ngenanami kiniseran erkiteken perbahanen si mehuli

Dage kedungenna ersada min ukurndu ras ersada min penggejapenndu. Sikeleng-kelengen min kam bagi ersenina, dingen mesayang janah meteruk min ukurndu sekalak nandangi si debanna.

9.

Ula balas perbahanen si jahat alu si jahat, ntah sumpah alu sumpah. Tapi balaslah alu pasu-pasu, sabap pasu-pasu me si ipadanken Dibata IberekenNa man bandu, asum kam IdiloNa.

10.

Bagi lit tersurat i bas Pustaka Si Badia, "Kalak si mesikel nggeluh cawir metua dingen senang, la banci melasken si jahat, bage pe la banci erbual.

11.

Arus jera ia i bas perbahanen-perbahanen si jahat nari, jenari ibahannalah si mehuli; arus idaramina tuhu-tuhu perdamen alu bulat ukur.

12.

Sabap Tuhan tetap natap kempak kalak bujur, janah tetap IbegikenNa pertotonna; tapi IlawanNa kalak si ndalanken perbahanen si jahat."

13.

Ise kin nuhsahi kam adi ergiah-giah ukurndu ndalanken si mehuli?

14.

Tapi aminna pe arus kam ngenanami kiniseran erkiteken kam ndalanken si mehuli, malem me atendu! Ula kam mbiar nandangi ancamen kalak janah ula aru atendu.

15.

Tapi mehamatlah kam man Kristus i bas pusuhndu, janah pehagalah Ia selaku Tuhan. Ersikaplah katawari pe guna njabap kalak si mindo gelah iterangkenndu pengarapen si lit i bas kam.

16.

Tapi bahanlah e alu lemah lembut dingen mehamat. Jagalah maka pusuh peratenndu tetap bersih. Alu bage adi ihina kalak kam, kalak si ncekuraki lagu langkahndu si mehuli selaku kam pengikut Kristus, jadi mela iakapna erkiteken kai si ikatakenna.

Lit.

​

:

Ketuahen kalak si megiken Kata Dibata, dingen simakekenca ibas geluhna si tep-tep wari, Haleluya.

Perp.

:

(iendeken)

Ha le lu ya, Ha le lu ya, Ha le lu … ya.

Dib.

⁸Cirem dingen sianglah ayondu katawari pe.

Dil.

⁹Pesenanglah dirindu ras ndehara kekelengenndu, kidekah kegeluhen si sia-sia i doni enda si ibereken Dibata man bandu. Pesenanglah dirindu tep-tep wari aminna pe la lit gunana, sabap e kap ngenca upahndu latih.

Dib.

¹⁰Dahikenlah dahinndu asa gegehndu. Sabap denggo lanai bo lit dahin, ntah pe perukuren. I bas doni kematen lanai bo lit pemeteh ntah pe kepentaren, janah ku jah me perlawesndu.

Dil.

¹¹...

Dib.

¹⁰...

Dil.

¹¹Lit denga si kuidah i bas doni enda eme: i bas perlumban labo lalap si meter kiam si menang, i bas pertempuren labo lalap kalak si megegeh si menang. ...

Dib.

¹⁰...

Dil.

¹¹...Labo kalak pentar lalap si jumpa pencarin, janah labo kalak cerdik rusur ndatken kebayaken. Bage pe labo kalak si mbages pemetehna si terberita. Tapi kerina nge kalak banci kena sial.

Dib.

¹²Labo ieteh manusia ndigan seh sipatna, bali ras binurung kena jala ntah perik kena ragum bage me manusia kena cilaka i bas paksa si labo ieteh ndigan.

Lit.

:

Ingetlah maka kalak si sitik ngerdangken benih, sitik ka iperanina; kalak si melala ngerdangken benih, melala ka iperanina. Sekalak-sekalak iberekennalah sue ras si enggo itetapkenna i bas ukurna; ola alu pusuh si jungut-jungut tah pe bagi si terpaksa, sabab Dibata engkelengi kalak si mere alu si meriah.

(2 Kor. 9 : 6-7)

1.

Kukataken bujur baNdu

O Kam Tuhan Penebus

Aku enggo s’lamatkenNdu

Arah lias ateNdu

Reff.

Keleng kal ateNdu aku

Simpar kap ngaruhNdu bangku

Lias ateNdu la nai terpilasi

Ku puji Kam tep-tep wari

2.

Tergejap pasu-pasuNdu

I bas kegeluhenku

Rejeki arah dalinku

Icur-curkenNdu bangku

Reff.

Keleng kal ateNdu aku

Simpar kap ngaruhNdu bangku

Lias ateNdu la nai terpilasi

Ku puji Kam tep-tep wari

3.

Arah perkuah ateNdu

Mejuah-juah aku

Senang me kapen geluhku

Kupujilah gelarNdu

Reff.

Keleng kal ateNdu aku

Simpar kap ngaruhNdu bangku

Lias ateNdu la nai terpilasi

Ku puji Kam tep-tep wari

Lit.

Dibata ndilo Moria jadi nande si pentar, dingen ingan tertande man anak jabu.

Moria

Tetap ukurku o Tuhan, makeken kepentaren si enggo iberekenNdu man bangku, gelah idah anak jabungku keleng ateNdu i bas diringku.

Lit.

Ergaken dingen totokenlah nande i tengah-tengah jabundu maka ngasup ia jadi nande ingan tertande

Saitun,Mamre ras Permata

Erpadan kami Tuhan ngergaken nande i tengah jabu, sabab Kam kap si reh ngkelengi kami i bas dirina.

Lit.

Sitatang-tatangenlah kam i bas jabu, maka dame geluhndu, erguna me geluhndu i bas gereja ras masyarakat

Perp.

Erpadan kami Tuhan, nggeluh sitatang-tatangen i bas jabu, gelah idah doni enda, maka Kam me pematang jabu kami. Amin

3.

Ndehara si pantas lit ukurna saber

Lit gia perbeben la ukurna monce

Perkeleng atena terus kapen maler

Ras perbulangenna nggeluh ibas dame.

Reff.

Si ajar-ajaren, Radu ras sikeleng-kelengen

Sisampat-sampaten,

Sada ukur maba kegeluhen

Tengah-tengah jabu,

Tuhan Yesus jadi persukuten

Gelah min pe pagi,

Perjabunndu banci man usihen

4.

Adina Dibata enggo masu-masu

Si engkawalisa ibas perjabun

Perdalinen nggeluh malem kel atendu

Rembak ras Dibata la kam kemalun.

Reff.

Si ajar-ajaren, Radu ras sikeleng-kelengen

Sisampat-sampaten,

Sada ukur maba kegeluhen

Tengah-tengah jabu,

Tuhan Yesus jadi persukuten

Gelah min pe pagi,

Perjabunndu banci man usihen

“Dibata, sumbul kemalemen ate e gelah si ncukupi keperlunndu guna ndalanken si sentudu ras peratenNa. Janah Dibatalah erdahin i bas kam arah Jesus Kristus gelah kam ngelakoken si ngena ateNa. Man Kristuslah kemulian seh rasa lalap.” Amin.

​

Perp. : A....min, A.......min, A......min