Solennità
tal-Ġisem u d-Demm
Imqaddes ta’ Kristu
Sena Ċ
Kulħadd kiel u xaba’.
Glorja `l Alla fil-għoli
tas-smewwiet, u paċi fl-art
lill-bnedmin ta’ rieda tajba.
Infaħħruk, inberkuk, nadurawk, nagħtuk ġieh. Inroddulek ħajr għall-glorja kbira tiegħek.
Mulej Alla,
Sultan tas-sema,
Alla Missier li tista’ kollox. Mulej Iben waħdieni,
Ġesù Kristu,
Mulej Alla, Ħaruf ta’ Alla,
Bin il-Missier.
Int li tneħħi d-dnubiet
tad-dinja, ħenn għalina.
Int li tneħħi d-dnubiet
tad-dinja, ilqa’ t-talb tagħna. Int li qiegħed fuq il-lemin
tal-Missier, ħenn għalina. Għaliex Int waħdek Qaddis,
Int waħdek Mulej,
Int waħdek il-għoli,
Ġesù Kristu,
ma’ l-Ispirtu s-Santu:
fil-glorja tal-Missier Alla. Ammen.
Solennità
tal-Ġisem u d-Demm
Imqaddes ta’ Kristu
Sena Ċ
Kulħadd kiel u xaba’.
Qari I
Ħareġ bil-ħobż u l-inbid.
Qari mill-Ktieb
tal-Ġenesi Ġen 14:18-20
F’dak iż-żmien,
Melkisedek, sultan ta’ Salem,
li kien qassis ta’ El-għeljon,
Alla l-għoli, ħareġ bil-ħobż
u l-inbid.
U bierek lil Abram u qallu:
“Imbierek Abram minn
Alla l-għoli,
li għamel is-sema u l-art.
U mbierek Alla l-għoli
li reħa f’idejk l-għedewwa tiegħek”.
U Abram tah l-għexur
minn kollox.
Il-Kelma tal-Mulej.
℟. Irroddu ħajr lil Alla.
Salm Responsorjali
Salm 109(110):1,2,3,4
℟. Inti qassis għal dejjem
bħal Melkisedek.
Il-kelma tal-Mulej lil Sidi:
“Oqgħod fuq leminti,
sa ma nqiegħed
l-għedewwa tiegħek
mirfes taħt riġlejk”.
℟. Inti qassis għal dejjem
bħal Melkisedek.
Ix-xettru tal-qawwa tiegħek
jibgħat il-Mulej minn Sijon:
aħkem f’nofs l-għedewwa tiegħek!
℟. Inti qassis għal dejjem
bħal Melkisedek.
Tiegħek is-setgħa
sa minn twelidek
fuq l-għoljiet imqaddsa,
sa minn qabel is-sebħ
bħan-nida jien nissiltek.
℟. Inti qassis għal dejjem
bħal Melkisedek.
Ħalef il-Mulej,
u ma jisgħobbx bih:
“Inti qassis għal dejjem
bħal Melkisedek!”.
℟. Inti qassis għal dejjem
bħal Melkisedek.
Qari II �Kull meta tieklu u tixorbu, ixxandru l-mewt tal-Mulej.
Qari mill-Ewwel Ittra
ta’ San Pawl Appostlu
lill-Korintin 1 Kor 11:23-26
Ħuti, jien irċevejt mingħand
il-Mulej it-tagħlim li għaddejt lilkom,
jiġifieri, li l-Mulej Ġesù,
fil-lejl li fih kien ittradut,
ħa l-ħobż u wara li radd il-ħajr qasmu u qal:
“Dan hu ġismi li
jingħata għalikom;
agħmlu dan b’tifkira tiegħi”.
Hekk ukoll għamel bil-kalċi wara li kiel u qal:
“Dan il-kalċi hu l-patt il-ġdid b’demmi; agħmlu dan kull meta tixorbu, b’tifkira tiegħi”.
Mela kull meta tieklu dan
il-ħobż u tixorbu dan il-kalċi, intom ixxandru l-mewt
tal-Mulej sa ma jiġi.
Il-Kelma tal-Mulej.
℟. Irroddu ħajr lil Alla.
SEKWENZA
Faħħar, Sijon, lill-Feddej,
ir-ragħaj tiegħek u l-mexxej,
bl-innijiet u bl-għana.
Ibqa’ faħħru daqskemm tista’,
għax hu ’l fuq minn kull tifħir,
qatt ma tfaħħru kemm jistħoqqlu.
Għat-tifħir ħaġa tal-għaġeb,
il-ħobż ħaj li jagħti l-ħajja,
hawn quddiemna f’dan il-jum.
Dak il-ħobż li fuq il-mejda
lill-appostli fl-ikla mqaddsa
kien ingħata biex jikluh.
Ikun sħiħ it-tifħir tiegħek,
b’qalb ferrieħa, b’leħen għoli,
ikun jixraq ferħ ir-ruħ.
Għax dal-jum ta’ festa kbira,
ta’ dik l-ikla hu t-tifkira,
meta saret l-ewwel darba.
F’dina l-ikla s-Sultan tagħna,
l-Għid il-ġdid tal-liġi l-ġdida,
temm għalkollox l-Għid qadim.
Il-qadim twarrab mill-ġdid,
dak li hu ġie flok ix-xbieha,
id-dawl biegħed dlam il-lejl.
Dak li twettaq fl-Aħħar Ċena,
Kristu ried jibqa’ jiġġedded,
biex ikun tifkira tiegħu.
Imgħallmin b’tagħlim imqaddes,
nibdlu l-ħobż u l-inbid tagħna
b’sagrifiċċju għas-saħħa tagħna.
Twemmin ġdid lilna l-Insara,
li dal-ħobż jinbidel f’Ġisem,
u l-inbid jinbidel f’Demm.
Dak li ma tarax jew tifhem,
it-twemmin isaħħu u jwettqu
fuq kull ordni tan-natura.
Taħt xbihat fejn aħna nilmħu
mhux il-ħajja, imma sinjali,
jinħbew ħwejjeġ hekk għeżież.
Ikel Ġismu, xorb hu Demmu;
iżda Kristu sħiħ hemm moħbi
taħt kull waħda mix-xbihat.
Sħiħ jittiekel Kristu kollu,
bla jitkisser, bla jitfarrak,
bla jinqasam minn min jieħdu.
Jieklu elf u jiekol wieħed,
kemm ħa dan,
hekk jieħdu huma,
bla jintemm meta jittiekel.
Jieklu t-tajba, jieklu l-ħżiena;
imma ’l dawk iġib il-ħajja,
lil dawn jixħet fit-telfien.
Mewt għall-ħżiena,
ħajja għat-tajba,
ara kif jinbidel fihom,
għalkemm jieħdu l-istess ikel.
Meta l-Ostja tkun maqsuma,
la tibżax, imm’inti ftakar,
taħt ix-xbieha ta’ kull farka
hemm jinsab daqs
fl-Ostja sħiħa.
Ebda ksur ma jsir fi Kristu;
biss ix-xbieha tkun miksura:
u b’dal-ksur xejn ma jitnaqqas
f’Dak li hu taħt din ix-xbieha.
Dan ħobż l-anġli,
magħmul ikel
għall-bnedmin
fit-triq tal-ħajja,
ikel bnin għall-ulied kollha,
li m’għandux fix-xejn jintrema.
Bi xbihat kien ilu mħabbar,
f’dik l-offerta ta’ Iżakk,
fil-ħaruf li nqatel fl-Għid,
u fil-manna tad-deżert.
Int ragħaj tajjeb, ħobż tassew,
Ġesù tagħna, ħenn għalina;
int itmagħna u ħarisna:
inti lilna l-ġid urina
fl-art imbierka tal-ħajjin.
Int li taf u tista’ kollox,
li titmagħna hawn f’dil-ħajja,
hemm agħmilna lkoll imsieħba,
f’għaqda waħda lkoll werrieta
mal-qtajjiet tal-qaddisin.
Ammen.
Hallelujah.
Hallelujah,
Hallelujah
Ġw 6:51
Jiena hu l-ħobż il-ħaj,
li niżel mis-sema,
jgħid il-Mulej;
jekk xi ħadd jiekol minn dan
il-ħobż jgħix għal dejjem.
Hallelujah,
Hallelujah
Evanġelju
Kulħadd kiel u xaba’.
F’dak iż-żmien, Ġesù qagħad ikellem il-folol fuq
is-Saltna ta’ Alla,
u fejjaq lil dawk li kienu jeħtieġu l-fejqan.
Il-jum kien wasal biex jintemm.
Resqu lejh it-Tnax u qalulu: “Ibgħathom in-nies ħa jmorru fl-irħula u r-rziezet tal-qrib
biex isibu fejn jistrieħu
u jieklu xi ħaġa,
għax hawnhekk qegħdin
f’post imwarrab”.
Iżda hu qalilhom:
“Agħtuhom intom x’jieklu”.
Qalulu:
“Ma għandniex aktar minn ħames ħobżiet u żewġ ħutiet,
jekk għall-inqas ma mmorrux aħna stess nixtru l-ikel għal dawn in-nies kollha!”.
Għax kien hemm madwar
il-ħamest elef raġel.
U qal lid-dixxipli tiegħu: “Qegħduhom bilqiegħda ħamsin ħamsin”.
Hekk għamlu, u qiegħdu lil kulħadd bilqiegħda.
Imbagħad ħa l-ħames ħobżiet u ż-żewġ ħutiet, rafa’ għajnejh lejn is-sema,
berikhom u qasamhom,
u tahom lid-dixxipli biex inewluhom lin-nies.
U kulħadd kiel u xaba’ u
l-bċejjeċ tal-ħobż li kien fadal ġabruhom fi tnax-il qoffa.
Il-Kelma tal-Mulej.
℟. It-tifħir lilek Kristu.
Solennità
tal-Ġisem u d-Demm
Imqaddes ta’ Kristu
Sena Ċ
Kulħadd kiel u xaba’.
Jiena nemmen f’Alla wieħed,
il-Missier li jista’ kollox,
li ħalaq is-sema u
l-art, dak kollu li jidher
u dak li ma jidhirx.
U f’Mulej wieħed Ġesù Kristu, Iben waħdieni ta’ Alla,
imnissel mill-Missier
qabel kull żmien.
Alla minn Alla, dawl minn dawl, Alla veru minn Alla veru, imnissel mhux magħmul, natura waħda mal-Missier
u bih sar kollox.
Niżel mis-smewwiet għalina
l-bnedmin u għall-fidwa
tagħna. U ħa l-ġisem
bis-setgħa tal-Ispirtu
s-Santu minn Marija Verġni
u sar bniedem. Sallbuh għalina, bata taħt Ponzju Pilatu, miet u difnuh,
u fit-tielet jum qam
minn bejn l-imwiet, skont
il-Kotba mqaddsa,
u tela’ s-sema, u qieghed fuq
il-lemin tal-Missier.
U għandu jerġa jiġi
bil-glorja biex jagħmel ħaqq
mill-ħajjin u mill-mejtin, u
s-saltna tiegħu ma jkollhiex tmiem. U fl-Ispirtu s-Santu, Mulej li jagħti l-ħajja li ġej mill-Missier u mill-Iben:
li Hu meqjum u mweġġah flimkien mal-Missier u
mal-Iben. Hu li tkellem b’fomm il-profeti.
U fi Knisja waħda,
qaddisa, kattolika,appostolika.
Nistqarr magħmudija waħda
għall-maħfra tad-dnubiet.
U nistenna l-qawma
mill-imwiet, u l-ħajja
taż-żmien li ġej.
Ammen.
Solennità
tal-Ġisem u d-Demm
Imqaddes ta’ Kristu
Sena Ċ
Kulħadd kiel u xaba’.