2 of 15

Эдждатларымыздан къалгъан мираскъа дегерлик дейлер. Аиле дегерлиги бизге къорантамызнынъ тарихыны ачыкълай. Эр бир къорантанынъ озь аиле дегерликлери бар. Бу мектюплер, фотосуретлер, чешит шейлердир.

3 of 15

Пек гузель адет - аиле дегерликлерини сакъламакътыр. Ойле адет бизим къорантамызда да бар. Бу эски, чокъ вакъиалардан кечкен, сараргъан фотосуретлердир.

Фотосуретлер – бу хатырадыр. Олар бизге эдждатларымызнынъ яшайышыны, тарихыны косьтерелер.

4 of 15

Мына биринджи фотосурет.

Бу битамнынъ бабасыдыр. Онынъ ады Абдулкъаир эди. О, 1927 сенеси Багъчасарай районынынъ Гулюмбей коюнде догъды.

Абдулкъаир къартбаба Экинджи Джиан дженкте иштирак этти.

1950 сенеси

5 of 15

Сюргюнлик вакътында о, бойле адисеге огърады.

Поезд токътады. Эр кеснен Абдулкъаир къартбаба да сув алмагъа чапты. Амма поезд станциядан кеткенде, о, вагонда ёкъ эди, етиштирмеди. Абулкъаир, чельден бурып, къопкъадаки сувны тёкмейип, невбеттеки станциягъа чапып кельди.

6 of 15

Абдулкъаир къартбаба пек мераметли, ярдымгъа азыр, ишкир инсан эди. О, Ватанына асрет чеке эди, Къырымны корьмеге истей эди. Амма озь ниетине етмеди, 2008 сенеси Озьбекистанда вефат этти.

7 of 15

Абдулкъаир къартбабанынъ къадыны Зылха 1930 сенеси Багъчасарай районынынъ Тав-Бадракъ коюнде догъды. Зылха битанынъ къорантасында секиз бала бар эди. Олар сюргюнликнинъ агъыр куньлерини корьдилер, Озьбекистаннынъ Касансай шеэрине кельдилер. Бир вакъыттан сонъ бабасы кечинди. Зылха битанынъ анасы секиз баланы озю осьтюрди.

1956 сенеси

8 of 15

1952 сенеси Зылха бита ве Абдулкъаир къартбаба эвлендилер. Оларнынъ дерт баласы олды. Зылха бита кятип олып чалышты.

Къырымгъа Зылха бита къорантасынен 2009 сенеси къайтты.

Зылха битанынъ къолунда Шемснур къызы отура (1954с.)

9 of 15

Бу ресимлерде Зылха бита (сол тарафтан) яшлыгъында суретке алынды.

1950 сенеси 1965 сенеси

10 of 15

Эписинден бу фотосуретлер меракълы ве муимдир.

Бу Абдулкъаир къартбабанынъ бабасы Абляким ве анасы Решиде къызларынен. Олар 1890-ынджы сенелери догъдылар.

Бу фотосурет 1959 сенеси чыкъарылды.

11 of 15

Бу Зылха битамнынъ анасы огъуллары ве торуны иле. Онынъ ады Эмине эди.

О, 1895 сенеси Багъчасарай районынынъ Гулюмбей коюнде догъды.

Мында Эмине бита 66 яшында (1961с.)

12 of 15

Бу фотосурет бир йыл эвель чыкъарылды.

Сагъ тарафтан Шемснур битам, ортада онынъ анасы Зылха отуралар.

Шимди Зылха битам 83 яшындадыр, бизлернен Калинино коюнде яшай.

13 of 15

Меним къарт битам олгъанына мен пек гъурурланам. Оны эр кес урьмет эте. Биз чокъусы вакъытны берабер кечиремиз. Мен къорантамызнынъ тарихынен меракъланам, чокъ шейлерни сорайым. Даа Зылха битам манъа къырымтатарларнынъ урф-адетлери акъкъында икяе эте.

14 of 15

Фотосуретлерни яхшы сакъламакъ ве несильден несильге бермек керек. Тек бу дегерликлер юрегимизде олгъан хатыраны тутмагъа ярдым этелер. Бизим къоранта ичюн бу фотосуретлер пек къыйметлидир. Менимдже, эр адам озь тарихыны бильмек керек.� � Урьметли ватандашлар! Аиле дегерликлерини сакъланъыз! Бу бизим хазинемиз ве тарихымыздыр!

15 of 15

Ишни беджерген:

Къурман районынынъ

Калинино кою умумтасиль мектебининъ

7-А сыныф талебеси

Бекиров Мурат Казимович (15.07.2000)

(тел. 098 309 80 11)

Оджа:

Исмаилова Ленара Усмоновна

(тел. 066 420 67 77)